কেন্দ্রগী গৃহ মন্ত্রী অমসুং কোওপরেসনগী মন্ত্রী, শ্রী অমিত শাহনা ঙসিদগী লৈবাক শিনবা থুংবদা চৎনবা হৌখ্রিবা অনৌবা ক্রিমিনেল লো অহুম অসি চৈরাক পীবগী মহুৎ জস্তিস-ওরিয়েন্তেদ অমসুং ভিক্তিম-সেন্ত্রিক ওই হায়খ্রে। মহাক্না হায়খি মদুদি অনৌবা লোশিং অসিনা চৈরাক পীবগী মহুৎ ৱায়েল পীবা, থিন্থবগী মহুৎ খোঙজেল য়াংনা ত্রাইএল অমসুং খোঙজেল য়াংনা ৱায়েল ফংহনবা অমসুং ভিক্তিমশিংগী হকশিং ঙাকশেনবা অসিদা মরু ওইবা মীৎয়েং চংখি। নই দিল্লীদা পাঙথোকপা প্রেস কনফরেন্স অমদা শ্রী অমিত শাহনা হায় অনৌবা ক্রিমিনেল লোশিং অসিগী মতাংদা অরানবা কয়া শন্দোক্লি, মসিনা লোশিং অসিগী মতাংদা মীয়ামগী ৱাখল্দা চমম্নবা থোকহন্নবা পান্দম থম্মি। মহাক্না হায়, অনৌবা লোশিং অসিগী হীরম পুম্নমক অসি চহি মরি চুপ্না স্তেকহোল্দর কয়াগা লোয়ননা কুপ্না খন্নখি, নীংতম্বা ফংলবা ভারত্তা লো অমত্তা অসুম্না শাংনা খন্নখিদ্রি।

নীংতম্বা ফংলবা চহি 77গী মতুংদা, ভারতকী ক্রিমিনেল জস্তিস সিস্তেম অসি মপুং ফানা লমদমসিগী ওইরক্লি হায়না গৃহ মন্ত্রীনা হায়খি অমসুং ঙসিদগী লৈবাক অসিগী পুলিস স্তেসন খুদিংমক্তা অনৌবা লো অহুম অসি চৎনবা হৌখ্রে। শ্রী অমিৎ শাহনা হায়খি মদুদি লোশিং অসিনা চৈরাক পীবগী মহুৎতা অচুম্বা ৱায়েল, অথুবা মতমদা ৱায়েল পীবা অমসুং অথুবা মতমদা অচুম্বা ৱায়েল পীবনা থিন্থহনবগী মহুৎ শিনখ্রে। মসিগা লোয়ননা, মমাংগী লোশিংনা পুলিসকী হকশিং খক্তমক ঙাক্লি অদুবু অনৌবা লোশিং অসিদা ভিক্তিম অমসুং কমপ্লেন্ত তৌরিবশিংগী হকশিং ঙাক্নবা প্রোভিজনশিংসু য়াওরি।

শ্রী অমিত শাহনা হায়খি মদুদি অনৌবা লো অহুম অসিনা ঐখোয়গী লৈবাক অসিগী ক্রিমিনেল জস্তিস সিস্তেম পুম্বদা ভারতকী স্পিরিত অদু উৎলি। লৈবাক অসিগী মীয়ামগী কান্নবা ওইগদবা প্রোভিজন কয়া অমা লোশিং অসিদা য়াওরি হায়না মহাক্না হায়খি। মহাক্না হায়খি মদুদি হায়রিবা লোশিং অসিদা, ব্রিতিশকী মতমদগী লৈরক্লবা অমসুং মীয়ামদা খুদোংচাদবা থোকহল্লিবা, ৱাথোক থোকহল্লিবা প্রোবিজন কয়া লৌথোকখ্রে অমসুং মতম অসিগা চুনবা অনৌবা সেক্সনশিং হাপচিনখ্রে।

কেন্দ্রগী গৃহ মন্ত্রীনা হায়খি মদুদি হায়রিবা লোশিং অসিদা সেক্সনশিং অমসুং চেপ্তরশিংগী প্রাইওরিতী অসি ভারতকী সম্বিধানগী স্পিরিৎকী মতুং ইন্না ফিক্স তৌখ্রে। মহাক্না হায়খি মদুদি নুপী অমসুং অঙাংশিংগী মায়োক্তা চত্থরিবা ক্রাইমশিংদা অহানবা প্রাইওরিতী পীরি। মহাক্না হায়খি মদুদি সেক্সন 35 অমসুং প্রোভিজন 13 লৈবা নুপী অমসুং অঙাংশিংগী মায়োক্তা চত্থবা ক্রাইমশিংগী মতাংদা অনৌবা চেপ্তর অমা হাপচিন্দুনা অনৌবা লোলশিং অসি হেন্না সেন্সিতিব ওইহল্লে। মহাক্না হায়খি মদুদি মমাংঙৈগী লোশিংদসু মোব লিনচিংগী ক্রাইমগীদমক প্রোভিজন অমত্তা লৈরমদে অদুবু অনৌবা লোশিং অসিদা অহানবা ওইনা মোব লিনচিংগী ৱাহন্থোক পীখ্রে অমসুং মসিগীদমক শাথীবা চৈরাক পীখ্রে। শ্রী শাহনা হায়খি মদুদি অনৌবা আইনশিং অসিদা, ব্রিতিশনা শেমখিবা লৈবাক লো ওফ সেদিসন অসি লৌথোক্লে। মহাক্না হায়খি মদুদি অনৌবা লো অসিদা লৈবাক অসিগী য়ুনিতী অমসুং ইন্তিগ্রিতী শোকহল্লিবা মীওইশিংদা শাথীবা চৈরাক পীনবা অনৌবা সেক্সন অমা লৈবাক অসিগী মায়োক্তা চত্থবা থবক থৌরমশিংগীদমক্তা হাপচিনখ্রে।

শ্রী অমিৎ শাহনা হায়খি মদুদি অনৌবা লো অহুম অসিনা মপুং ফানা চৎনরবা মতুংদা খ্বাইদগী মোদর্ন জুদিসিএল সিস্তেম অমা শেম্লগনি। মহাক্না হায়খি অনৌবা লো অহুম অসিদা তেক্নোলোজী শীজিন্নবা নত্তে, লাক্কদৌরিবা চহি 50দা থোরক্কদৌরিবা তেক্নোলোজী পুম্নমক মসিদা য়াওহন্নবা প্রোভিজনসু শেমখ্রে। মহাক্না হায়খি মদুদি লৈবাক শিনবা থুংনা পুলিস স্তেসন 99.9গী কম্প্যুতরাইজ তৌখ্রে অমসুং ই-রেকোর্দ পুথোকপগী থৌওং অসি 2019দা হান্ননা হৌখ্রে। মহাক্না হায়খি মদুদি জিরো- FIR, e-FIR অমসুং চার্জশিৎ পুম্নমক অসি অনৌবা লোশিংদা দিজিতেল ওইগনি। শ্রী শাহনা হায়খি মদুদি অনৌবা লোশিং অসিনা প্রোসিজর পুম্নমক মপুং ফাহনবগী মতমসু লেপ্লে। লোশিং অসি মপুং ফানা ইমপ্লিমেন্ত তৌবনা অচুম্বা ৱায়েল ফংনবগীদমক লেপ্তনা ঙাইদুনা লৈবগী মতম লোইরগনি। মহাক্না হায়খি মদুদি FIR ফাইল তৌরকপদগী চহি 3গী মনুংদা সুপ্রিম কোর্ত ফাওবা য়ৌদুনা ৱায়েল ফংহনবা ঙম্মি।

কেন্দ্রগী গৃহ মন্ত্রীনা হায়খি মদুদি অনৌবা লোশিং অসিনা চহি 7 নৎত্রগা মসিদগী হেনবগী চৈরাক পীবা য়াবা ওফেন্সশিংদা ফোরেন্সিক ইন্সর্ভেন্সন তৌবগী মথৌ তাহল্লি। মসিনা অচুম্বা ৱায়েল ফংহনবদা মতেং পাংগনি অমসুং কনভিক্সন রেৎ অসি চাদা 90 ফাওবা হেনগৎহনগনি। শ্রী শাহনা হায়খি মদুদি অনৌবা লোশিংদা ফোরেন্সিক ভিজিৎ তৌবগী তঙাইফদবা লৈহন্নবগীদমক্তা, সরকারনা মাংজৌননা থবক তৌখি অমসুং 2020দা নেস্নেল ফোরেন্সিক সাইন্স লেবোরেতরী শেমখি। মহাক্না হায়খি মদুদি মসিগীদমক ত্রেন তৌরবা মেনপাৱর মথৌ তাই অমসুং লৈবাক অসিদা চহি অহুমগী মতুংদা ত্রেন তৌরবা মেনপাৱর 40,000 হেন্না লৈরগনি। মহাক্না হায়খি মদুদি কেন্দ্রগী মন্ত্রীমন্দলনা ফোরেন্সিক সাইন্স য়ুনিভর্সিতীগী কেম্পসশিং লিংখৎনবা অমসুং অতোপ্পা রাজ্য 9দা সেন্ত্রেল ফোরেন্সিক লেবোরেতরী 6 লিংখৎনবা হন্দক্তা ৱারেপ লৌখ্রে।

শ্রী অমিৎ শাহনা হায়খি মদুদি ভারতী সক্ষ্যা আধিনিয়ম 2023না ইভিদেন্সকী লমদা তেক্নোলোজীসু শীজিন্নরি। মহাক্না হায়খি ইলেক্ত্রোনিক ইভিদেন্সকী ক্রিদিবিলিতী হেনগৎহন্নবা প্রোভিজন কয়া শেমখ্রে। হৌজিক্তি সর্ভরগী লোগশিং, লোকেসন ইভিদেন্সশিং অমসুং ভোইস মেসেজশিং অসি ইভিদেন্স ওইনা লৌনরে। শ্রী শাহনা হায়খি মদুদি হায়রিবা লো অহুম অসি সম্বিধানগী নিপানশুবা সেদ্যুলদা পল্লিবা লোল পুম্নমক্তা ফংহনগনি অমসুং কোর্তকী থৌওংশিংসু লোলশিং অসিদা পাঙথোক্কনি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি হোম এফিয়র্স মন্ত্রালয়, রাজ্য খুদিংমক্কী হোম দিপার্তমেন্ত অমসুং জস্তিস মন্ত্রালয়না লোশিং অসি চৎনহন্নবা হোৎনরি। মহাক্না হায়খি মদুদি অনৌবা লোশিং অসিদা, সেক্সনশিং অসি মখোয়না হৌজিক্কী মতমগা চান্ননা হাপচিল্লে অমসুং ৱাথোক লৈরম্বা সেক্সন কয়া অমা লৌথোক্লে, মরমদি মখোয়না মীয়ামদা খুদোংচাদবা কয়া অমা থোকহল্লি। শ্রী শাহনা হায়খি মদুদি অনৌবা লোশিংদা পুলিস লাখ 22.5 রোমপু ত্রেনিং পীনবা মাস্তর ত্রেনির 12000গী পান্দম থমখিবগা লোয়ননা, ওথোরাইজ তৌরবা ইন্সতিত্যুসনশিংগী মতেংদগী মাস্তর ত্রেনির লিশিং 23 হেন্না ত্রেনিং পীনখ্রে। মহাক্না হায়খি মদুদি জুদিসিয়রীগী সবওর্দিনেৎ জুদিসিয়রী ওফিসিএল 21,000 অমসুং পব্লিক প্রোজিক্যুতর 20,000 ত্রেন তৌখ্রে। শ্রী শাহনা মখা তাখি মদুদি লোক সভাদা হায়রিবা লোশিং অসি পুন্না পুং 9 অমসুং মিনিত 29 খন্নখি অমসুং মসিগী মনুংদা মেম্বর 34না শরুক য়াখি অমসুং মখোয়গী ৱাখল্লোনশিং ফোঙদোকখি। রাজ্য সভাদা মসি পুং 6 অমসুং মিনিত 17 খন্নখি অমসুং মসিগী মনুংদা মেম্বর 40না শরুক য়াখি। মহাক্না হায়খি মদুদি পার্লিয়ামেন্তকী মেম্বরশিংবু থাদোকখ্রবা মতুংদা লোশিং অসি পাস তৌখি হায়না অরানবা ৱাফম অমা শন্দোক্লি। মহাক্না হায়খি মদুদি থাদোকখ্রবা মেম্বরশিংনা হাউস অসিদা লাকপা অমসুং মখোয়গী ৱাখল্লোনশিং ফোঙদোক্নবগীদমক্তা খন্ন-নৈনবদা শরুক য়াবগী ওপ্সন লৈখি, অদুবু মেম্বর অমত্তনা মসি তৌখিদে।

****