প্রধানমন্ত্রীগী লোইশঙ
পি.এম.না নই দিল্লীগী ভারত মন্দপমদা মহাভীর জয়েন্তিগী থৌরমদা 2550শুবা ভগৱান মহাভীর নির্বান মহোৎসবতা থমখিবা ৱারোল
Posted On:
21 APR 2024 12:52PM by PIB Imphal
জয় জিনেন্দ্র, জয় জিনেন্দ্র, জয় জিনেন্দ্র, রাস্ত্রসন্ত পরম্পরাচার্য় শ্রী প্রজ্ঞসাগরজী, অপাধ্যায় পুজ্য শ্রী রবিন্দ্রমুনিজী মহারাজ সাহিব, সাধ্বী শ্রী সুলক্ষনাশ্রী জী মহারাজ সাহিব, সাধ্বী শ্রী অনিমাশ্রী জী মহারাজ সাহিব, সরকারদা ঐগী মরুপ ওইরিবা অর্জুন রাম মেহৱালজী, শ্রীমতি মীনাক্ষী লেখীজী, অতৈ ইকাই খুম্নরবা পুজ্য সন্তশিং, ইচিল-ইনাওশিং!
ভারত মন্দপমগী চাউরবা বিলদিং অসিনা ঙসি ভগৱান মহাভীরগী 2550শুবা নির্বান মহোৎসবকী হৌদোকপা উবা ফংলি। হৌজিক ঐখোয়না মহাভীরগী পুন্সিগী মতাংদা মহৈরোই মরুপশিংনা শেম-শারিবা ইল্লুস্ত্রেসন অদু উবা ফংলে! নহা ওইরিবা মরুপশিংনা "বর্ধমান মে বর্ধমান" হায়বা কলচরেল প্রোগ্রাম অসিসু উৎখি। ভগৱান মহাভীরগী মমল য়াম্লবা পাউতাকশিংগী মাইকৈদা নহারোলনা কৎথোক্লিবা অমসুং লেপ্পীবা অসিনা লৈবাক্না অচুম্বা মাইকৈদা মাংদা চংশিল্লি হায়বগী খুদম অমা ওইরি। । ঐহাক্না মসিগী পুৱারী ওইরবা থৌরম অসিদা অখন্নবা কম্মেমোরেতিব স্তাম্পশিং অমসুং শেনয়েকশিং ফোঙবগী খুদোংচাবাসু ফংজরি। মসিগী থৌরম অসি মরুওইনা জেন ফুরুপপু ঋসিশিং অমসুং সন্তশিংগী লমজিং-লমতাক অমসুং য়াইফ-মঙ্গোল অসিনা ওইথোকহল্লি। অমসুং মরম অসিনা, ঐহাক্না পুম্নমক্কী মফমদা ইকায় খুম্নবা উৎচরি। মহাভীর জয়েন্তীগী থৌরম অসিদা লৈবাক মীয়াম পুম্নমকপু ঐনা য়াইফ-পাউজেল পীজরি। ইলেক্সনগী অচিনবা কয়াগী মরক্তা অসিগুম্বা অফবা প্রোগ্রাম অমদা লাকপা অসি ৱাখলদা য়াম্না নুংঙাইহল্লি হায়বসি অদোম্না খংই। ইকাই খুম্নরবা সন্তশিং, ঙসিগী থৌরম অসিদা ঐহাক্না সমাধিস্ত আচার্য় শ্রী 108 বিদ্যাসাগরজী মহারাজপু নীংশিংজরি। হৌখিবা চহি খক্তদা, ঐহাক্না ছত্তিসগরগী চন্দ্রগিরি লাইশঙদা মহাক্কা উনখি। মহাক্কী হকচাং অসি ঐখোয়গা লোয়ননা লৈত্রবসু, মহাক্কী থৌজালশিং ঐখোয়গা লোয়ননা লৈরি।
মরুপশিং,
ভগৱান মহাভীরগী 2550শুবা নির্বান মহোৎসব অসি চহি লিশিং কয়াগী মনুংদা য়াম্না তাঙবা থৌরম অমনি। অসিগুম্বা থৌরমশিংদা, মহৌশানা, অখন্নবা খুদোংচাবা কয়াসু য়াওরি। তানফম অসিদা ভারতনা অমৃতকালগী অহানবা তাঙ্কক অদুদা লৈরি। লৈবাক অসিনা নীংতম্বগী চহী 100শুবা কুমওন অসি সনাগী চহীচা অমা ওইহন্নবা হোৎনরি। চহি অসিদা ঐখোয়গী সংবিধান অসিসু চহি 75 মপুং ফারগনি। মসিগা লোয়ননা, লৈবাক অসিদা চাউরবা দেমোক্রে সি ফেস্তিবেল অমসু পাঙথোক্লি। লৈবাক অসিনা থাজৈ মদুদি তুংলমচৎকী অনৌবা খোঙচৎ অসি মফম অসিদগী হৌরগনি। খুদোংচাদবশিং অসিগী মরক্তা, ঐখোয়না ঙসি মফম অসিদা পুন্না লৈমিন্নরি। অমসুং ঐনা নখোয়গা লোয়ননা লৈমিন্নবা হায়বসিনা ঐনা করি খল্লি হায়বদু খঙলে হায়বা তাই। ময়ামগা লোয়ননা লৈরিবা ঐহাক্কী মরী অসি য়াম্না ঙল্লিঙৈদগী লৈরকপনি। ধর্ম খুদিংমক্কী মশাগী ওইবা মালেম অমা লৈ।
ইচিল-ইনাওশিং,
অমৃত কালগী ৱাখল্লোন অসি ৱারেপ অমা খক্তা নত্তে, অদুবু ঐখোয়বু অমৃত অমসুং লোইনাইদবগী খুত্থাংদা হিংবা ঙমহল্লিবা ঈশ্বরগী ওইবা ইথিল অমনি । চহি লিশিং অনী মখাইগী মতুংদা ফাওবা ঐখোয়না ভগৱান মহাভীরগী বির্বান নুমিৎ পালন তৌরি। চহি লিশিং কয়াগী মতুংদসু, লৈবাক অসিনা ভগৱান মহাভীরগা মরী লৈনবা অসিগুম্বা থৌরমশিং মখা চত্থখিগনি হায়বসি ঐখোয়না খঙই। ভারতনা চহি চা কয়া অমসুং চহি লিশিং কয়াগী মমাংদগী লৈরক্লবা মপাঙ্গল অমসুং মীৎয়েং শান্না উবা ঙম্বা অসিনা ভারত অসি মালেমদা খ্বাইদগী শাংনা হিংলিবা সভ্যাতা ওইহল্লি অমসুং ঙসিদি মীওইবা খুন্নাইগী অৱাংবা থাক্কী মফম অমা ওইহল্লি। ভারত অসি মশাগীদমক্তা খন্দনা মীপুম খুদিংমক্কীদমক খনবা অমসুং মীপুম খুদিংমক্তা থাজবা থম্লি। ভারতনা চৎনবীগী মতাংদা ঙাংবতা নত্তনা পোলিসীশিংগী মতাংদসু ঙাংই। হকচাংদা লৈরিবা য়ুনিভর্স, মালেমদা লৈরিবা ব্রহ্মা অমসুং থৱায় পানবা জিবশিংদা লৈরিবা শিবাগী মতাংদা ভারতনা ঙাংলি।
মরুপশিং,
মতম খুদিংদা অনৌবা ৱাখল্লোনশিং অসি তঙাই ফদবগী মতুং ইন্না লাকই। ময়েক শেংনা উবা ঙমদবনা মরম ওইদুনা খেন্নবা লৈরকপা য়াই, অদুম ওইনমক, খন্ন-নৈনবনা মওং মতৌগী মতুং ইন্না খন্ন-নৈনবনা অনৌবা মীৎয়েং অমা ওইরকপা লোয়ননা অমাং-অতা থোকহনবসু য়াই। অদুবু করিগুম্বা চয়েৎনবা অদুদগী হু থোক্লকপা মতমদা, ঐখোয়না মীকুপ খুদিংগী মাং-তাকহনবগী মরুশিং অদু হুল্লি। নীংতম্বা ফংলবা মতুং চহি 75 চুপ্না, ঐখোয়না খন্ন-নৈনখি, ৱারী শানখি অমসুং হায়রিবা খোংচৎ পুম্নমক্তগী পোত্থারকখিবা অদু, হৌজিক চহি ৭৫ মপুং ফারক্লে। হৌখিবা চহি 75গী খোঙচৎ অসিনা অমৃত কল অসিদা অমৃত পুথোক্কদবনি। মসি লৌবিয়ু অমসুং মসিগী অমৃতকাল অসি এক্সপরিয়েন্স তৌবীয়ু। মালেমগী ওইবা চয়েৎনবশিংগী মরক্তা, লৈবাকশিংনা লান চত্থরি। অসিগুম্বা ফিভম অসিদা, ঐখোয়গী তীর্থকরনশিংনা তাকপীরম্বশিংনা মালেমদা লান কয়াগী মতম অসিদা অনৌবা কান্নবা অমা ফংহনখি । অনেকান্তবাদা হায়বসিনা হীরম অমগী তোঙান তোঙানবা মশকশিং খঙবা হায়বনি। অতোপ্পগী মীৎয়েং উবা অমসুং লৌশিনবা ঙম্বগী মতিক লৈবা মীওই অমা। থাজবগী অসিগুম্বা নীংতম্না ৱাহন্থোক পীবা অসি ভারতকী অখন্নবা অমনি। অমসুং মসি মীওইবা খুন্নাইদা ভারতকী পাউজেলনি।
মরুপশিং,
ঙসি মালেম অসিনা ভারতনা শান্তি পুরক্কনি হায়বগী থাজবা থম্লি। অনৌবা ভারতকী থৌদাং অসিগী ক্রেদিৎ অসি ঐখোয়গী চাউখৎলক্লিবা শক্তি অমসুং ফোরেন পোলিসীদা পীরি। অদুবু ঐহাক্না অদোমদা হায়জনীংবদি, ঐখোয়গী কলচরেল ইমেজ অসিনা মসিদা অচৌবা থৌদাং অমা লৌরি। ঙসিদি ভারতনা মসিগী থৌদাং অসি লৌরিবগী মরমদি ঙসিদি ঙসি ঐখোয়না মালেমগী ফম্পাকশিংদা অচুম্বা অমসুং অহিমসা তৌদবা হায়বা প্রিন্সিপলশিং অসি মপুং ফানা থাজবা থম্বগা লোয়ননা মাংদা পুখৎলি। ঐখোয়না মালেমদা হায়রি মদুদি মালেমগী ওইবা সমস্যাগী সোলুসন অসি অরিবা ভারতকী চৎনবী অমসুং নাৎতা ফংলি। মসিনা মরম ওইদুনা ভারতনা খাইবুম-খাইবুম তারবা মালেম অসিদা মশাবু ‘বিশ্বা বন্ধু’ অমা ওইনা মফম কল্লি। ক্লাইমেৎ চেঞ্জকুম্বা অৱাবা অসি কোকহন্নবা ঙসি ভারতনা মিসন লাইফকুম্বা মালেমগী খোংজং অমগী য়ুম্ফম থোনখ্রে। ঙসি ভারতনা ৱান আর্থ ৱান ফেমিলী অমসুং ৱান ফ্যুচরগী মঙলান পীরে। ক্লিন ইনর্জী অমসুং সস্তেনেবল দিবেলপমেন্তকীদমক ঐখোয়না ৱান ৱর্ল্দ, ৱান সন, ৱান গ্রিদকী রোদমেপ অমা পীরি। ঙসিদি ঐখোয়না ইন্তরনেস্নেল সোলর এলাইন্সকুম্বা ফ্যুচরস্তিক গ্লোবেল ইনিসিএতিবশিং লুচিংলি। ঐখোয়গী হোৎনবশিংনা মালেমদা আশা পুরকপতা নত্তনা ভারতকী অরিবা চৎনবীগী মতাংদা মালেমগী মীৎয়েংসু হোংহনখ্রে।
মরুপশিং,
জেনিজমগী ৱাহন্থোক অসি জেনিজম অসি জেনগী লম্বী নৎত্রগা মায় পাকপগী লম্বীনি। ভারতনা অতোপ্পা লৈবাক অমবু মায়থিবা পীনবগীদমক্তা লান্দাখিদে অমসুং মদুগী মহুত্তা মশামকপু ফগৎহন্নবা হোৎনখি। ঐখোয়না ঐখোয় মশাবু ফগৎহন্দুনা ঐখোয়গী অশোয়বশিং অসি মায়োক্নখি। মসিনা মরম ওইদুনা অরুবা মতম লাকখি, অদুবু তাঙ্কক খুদিংমক্তা ঐখোয়বু লমজিংনবা অঙকপা মীওই অমা নৎত্রগা অঙকপা মীওই অমা থেংনখি। অচৌবা সিভিলাইজেসনশিং মাংখি, অদুবু ভারতনা মসিগী লম্বী অসি ফংখি।
ইচিল-ইনাওশিং,
চহি 10গী মমাংদা ঐখোয়গী লৈবাক অসিদা করম্বা ফীভম ওইরম্মি হায়বদু পুম্নমক্না নীংশিংগনি। মফম খুদিংদা অৱাবা অমসুং নীংবা কাইবা ঙাক্তা! লৈবাক অসিদা করিগুম্বা অমত্তা ওইররোই হায়না লৌনরম্মি! ভারত্তা ওইখিবা অসিগুম্লবা নুংঙাইতবা অসি ভারতকী চৎনবীদসু চপ মান্ননা অপনবা ওইখি। মসিনা মরম ওইদুনা, 2014গী মতুংদা, ফিজিকেল দিবেলপমেন্তকা লোয়ননা, ঐখোয়না ঐখোয়গী হেরিতেজ অসিদা চাউথোকচবা পোক্ননবা ৱারেপ লৌখি। ঙসি ঐখোয়না ভগৱান মহাভীরগী 2550শুবা নির্বান মহোৎসব পাঙথোক্লি। ঐখোয়না চহি 10 অসিদা অসিগুম্বা অচৌবা থৌরম কয়া পাঙথোকখ্রে। ঐখোয়গী জেন আচার্যশিংনা ঐহাকপু কৌরকপা মতমদা, ঐহাক্না থৌরমশিং অদুদা শরুক য়ানবা হোৎনখি। অনৌবা পার্লিয়ামেন্ত বিল্দিংদা চংদ্রিঙৈদা, ঐহাক্না হায়রিবা ভেল্যুশিং অসি 'মিচ্ছামী দুক্কাদম' থীখি। অদুগা চপ মান্ননা, ঐখোয়না ঐখোয়গী হেরিতেজপু ফজবা ওইহন্নবা হোৎনখি। ঐখোয়না য়োগ অমসুং আয়ুর্বেদকী মতাংদা ৱারী শানখি। ঙসি লৈবাক অসিগী অনৌবা মীরোল অসিনা ঐখোয়গী শক্তম অসি ঐখোয়গী ইকাই খুম্নবা অদুনি হায়না থাজবা থম্লি। ভারত অসি আত্মবিশ্বাস ফাওরবা মতমদা লৈবাক অমবু থিংদুনা থম্বা হায়বা অসি ওইথোক্তে হায়বগী খুদম অমা ওইরি।
মরুপশিং,
ভারতকী ওইনা, মোদর্নিতী অসি মাগী হকচাংনি, স্পিরিচুএলিতি অসি মাগী থৱায়নি। করিগুম্বা মোদর্নিতীদগী স্পিরিচুএলিতী লৌথোক্লবদি, এনার্কি পোকই অমসুং করিগুম্বা লমচৎ-শাজৎতা কৎথোকপা লৈত্রবদি, খ্বাইদগী চাউবা ৱাখল্লোন অসি ফাওবা এনোমেলী অমা ওইরকই। মসিদি চহি চা কয়াগী মমাংদা ভগবান মহাবীরনা ঐখোয়দা পীখিবা মীৎয়েং অদুনি। খুন্নাই অসিদা হায়রিবা মগুনশিং অসি অমুক হন্না হিংগৎহনবা তানফম অসিদা মথৌ তাই।
ইচিল-ইনাওশিং,
লৈবাক অসিসু চহী তরাগী খুজিং কয়াগী মমাংদগী শেঞ্জা-থুমজাগী চৈথেং মায়োক্নদুনা লাক্লি। ঐখোয়না লাইরবা ওইবগী অৱাবা অদু উবা ফংলে। ঙসিদি, লৈবাক অসিনা লৈবাক অসিগী মীওই করোর 25বু লায়রবা কোকহনবগী তাঙ্কক অদু য়ৌরকপা মতমদা, লাল কিল্লাদগী ঐনা হায়খিবা অদু অদোম্না নীংশিংগনি অমসুং হৌজিক্তি পুজ্যা মহারাজজীনা হায়খিবসু নীংশিংগনি, মসি মতমনি, মসি চপ চারবা মতমনি। মীপুম খুদিংমকপু 'অস্তেয় অমসুং অহিমসা'গী লম্বীদা চৎপগী মতমনি। লৈবাক অসিনা মসিগী মাইকৈ অসিদা হোৎনরিবা পুম্নমক মখা তানা পাঙথোক্কনি হায়না ঐনা পুম্নমক্কী মফমদা থাজবা পীজরি। ভারতকী তুংলমচৎ শাগৎপগী খোঙচৎ অসিদা পুম্নমক্না মতেং পাংমিন্নবনা লৈবাক অসিগী ৱারেপ মপাঙ্গল কনখৎহল্লগনি অমসুং ভারতপু চাউখৎহল্লগনি হায়নসু ঐহাক্না থাজবা থম্লি।
ভগৱান মহাভীরগী য়াইফ-পাউজেলনা লৈবাক অসিগী মীওই করোর 140 অমসুং মীওইবা খুন্নাইগী য়াইফ-পাউজেল পীরনি... অমসুং ঐহাক্না ইকাই খুম্নরবা সন্ত পুম্নমক্তা ইকাই খুম্নবা উৎচরি। মওং অমদা, মহাক্কী ৱারোলদা মনী-মুক্তাশিং উবা ফংখি। নুপীদা শক্তি লৈহনবা, চাউখৎপগী খোঙচৎ ওইগেরা, অচৌবা চৎনবী ওইগেরা, মপুং ওইবা ৱাখল্লোনশিং ঙাক্লদুনা, ইকাই খুম্নরবা সন্ত পুম্নমক্না, হৌজিক লৈরিবা সিস্তেম অসিদা করি থোক্লিবগে অমসুং করি থোক্কদগে হায়বগী মতাংদা অতেনবা মতমগী মনুংদা য়াম্না চাউরবা থবক অমা পাঙথোকখ্রে। অসিগুম্বা মওংদা প্রজেন্ত তৌবা অসিদা ঐহাক্না মহাক্কী মফমদা থাগৎপা ফোঙদোকচরি। অমসুং ঐহাক্না মহাক্কী ৱাহৈ খুদিংমকপু থৌজালনি হায়না লৌই। মহাক ঐগীসু অচৌবা এসেৎ অমনি অমসুং মহাক্কী ৱাহৈ খুদিংমক লৈবাক অসিগীদমক্তা ইথিল অমনি। মসি ঐহাক্কী থাজবনি। করিগুম্বা মীখলগী মতম অসি ওইরমদ্রবদি ঐহাকসু তোঙানবা ৱাখল্লোন অমদা লৈরম্বা য়াই। অদুবু ঐনা ঐগী তৌবা ঙম্বশিং অদু ঐগী মনাক্তা থম্নবা হোৎনখি। ঐনা পুরকপা নত্তে অদুবু অদোম্না পুরকপনি। অদুম ওইনমক, পুম্নমক্কী ওইনা নুংশা শারবসু, য়ুমদগী মপান থোকপগী মতম লাকপা মতমদা, নুংশা অদু হাইথরক্তুনা নুমিদাংৱাইরমদা চৎনবা ঙাইরোইদবনি। অয়ুক অঙনবদা চৎলু অমসুং কমলনা ঐখোয়গী সন্ত, মহন্ত অমসুং লাই পুম্নমক্কা হকথেংননা মরী লৈনগনি। ঐহাক্না পুম্নমক্কী মরক্তা লৈবদা য়াম্না নুংঙাইবা ফাওখি অমসুং মসিগী ৱাখল্লোন অসিগা লোয়ননা, ঐহাক্না অমুক্কা হন্না ভগৱান মহাভীরগী খোঙবুদা ইকায় খুম্নবা উৎচরি। ঐনা পুম্নমক্কী মফমদা ইকায় খুম্নবা উৎচরি। হন্না-হন্না থাগৎচরি!
***
(Release ID: 2018405)
Visitor Counter : 42
Read this release in:
Bengali
,
English
,
Urdu
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam