ইলেক্সন কমিসন
ECIনা MCCগী অহানবা থা মনুংদা লৈরিবা এনফোর্সমেন্তগী লৈরিবা ফীভম থমখ্রে
দল/মীরেপ পুম্নমক চপ মান্নবা মীৎয়েংনা য়েংলি; লেবেল প্লেয়িং ফিল্দ অমা লৈহনবা খক্তনা লমজিংবা ঙমগনি
কম্মিসন্না আইন – জুদিসিএলগী থবক-থৌওং অমুক্তা নত্ত্রগা শাংথনা তৌরোই
অরানবা তৌবশিংগী মায়োক্ত চেকশিল-থৌরাং কনশিনগনি অমসুং থবক লৌখৎকনি
ফিল্দ ওফিসরশিংনা MCC ঙাক্না চৎপা অমসুং কেম্পেন তৌবগী মনীংতম্বা অনিমক য়েংশিনগনি
Posted On:
16 APR 2024 2:25PM by PIB Imphal
কম্মিসননা ইহান হানবা ওইনা পাংথোকপা থবক অসিদা কম্মিসনগী তৌফম থোকপা নত্ত্রবসু মানা থাজবা পীখিবা ত্রান্সপরেন্সীগীদমক্তা, ECIনা থবক পায়খৎপা হৌখিবা অহানবা থাগী মনুংদা মোদেল কোদ ওফ কন্দক্ত (MCC) চৎনখিবা অদুদা লৌখৎখিবা এক্সনগী অকুপ্পা মরোলশিংগা লোয়ননা মীয়ামদা খঙহন্নবা ৱারেপ লৌখ্রে, মসিনা ক্বাতর খরদগী লাকপা অরানবা অমসুং ইকাইবা পীবা অসি পীক্লসু চাউরসু কোকহনবা আমসুং থিংবা ঙমগনি।
মখাদা পীরিবা ফীভম অসি কোদকী লেমহৌরি/বা মতমদসু অদুমক চৎনগনি।
- মোদেল কোদ ওফ কন্দক্ত (MCC) চৎনবা হৌরকপদগী থা অমা মপুং ফারকপগা লোয়ননা, ইলেক্সন কম্মিসন ওফ ইন্দিয়ানা পোলিতিকেল পার্তীশিংনা কোদ অসি ঙাক্না চৎপদা অমসুং তোঙান তোঙানবা পার্তীশিং অমসুং মীরেপশিংনা কেম্পেন চাউনা অফবা মওংদা পাঙথোকখিবা অসিদা নুংঙাইবা ফোংদোকখ্রে।
- মতম অমত্তদা, কম্মিসন্না অপনবা পীরকপা ত্রেন্দ খরবু কুপ্না য়েংশিনবা অমসুং অরানবা তৌবা মীরেপশিং, লুচিংবশিং অমসুং থবক থৌরম খরবু হান্নদগী হেন্না কুপ্না য়েংশিনবা ৱারেপ লৌখ্রে।
- নুপীশিংগী ইকাই খুম্নবগী মতাংদা কম্মিসন্না অখন্ননা অকনবা ফিরেপ লৌদুনা নুপীশিংগী মায়োক্তা অশোই-অঙাম থোকপা অমসুং ফজদবা ৱাহৈশিং শিজিন্নবা পার্তীশিংগী লুচিংবশিংদা নোতিসশিং পীখি। কম্মিসন্না মখোয়গী পার্তীগী লুচিংবশিং অমসুং কেম্পেন তৌরিবশিংনা অসিগুম্বা ইকায়খুম্নদবা অমসুং হন্থনা য়েংবগী ৱাফমশিং অসি তৌদনবা পাউতাক পীনবগীদমক পার্তীগী চীফশিং/প্রসিদেন্তশিংদা পাউতাক পীনবগী মতাংদা খোংজেল য়াংনা চংশিনখি। MCC না মমাংদা CEC শ্রী রাজীব কুমারনা থাজবা পীখিবগী মতুং ইন্না রেস্পোন্সিবনেস, ত্রান্সপরেন্সী অমসুং ফর্মনেসকী পরিং মখাদা থবক পায়খৎলি।
- কম্মিসন অসিনা এক্তিব কন্সিদরেসনগী মখাদা অমসুং ক্রিমিনেল ইনভেস্তিগেসনশিংদা য়ুম্দম ওইবা কোর্তশিংগী ৱায়েলশিংগা চেনবা রাজনিতীগী মীওইশিংগী লাইব সিচুএসন পীবা মতমদা কন্সতিত্যুস্নেল ৱিদর্সনা লমজিংখি। পোলিতিকেল পার্তীশিং অমসুং মীরেপশিংগী লেবেল প্লেয়িং ফিল্দ ঙাক্নবা অমসুং কেম্পেন তৌবগী হক ঙাক্নবা কম্মিসন্না লেপ্পা লৈতনা হোৎনরবসু, মসিনা লিগেল জুদিসিএল প্রোসেসকা মতম অমত্তদা নত্ত্রগা মতম শাংদোক্নবা চত্থবগী থৌওং অসি লাল্লি হায়না খনখিদে।
- মোদেল কোদ অসি চৎনহন্নবা হোৎনবদা মরী লৈনবা মীওইশিংগী স্তেতস অমসুং ইনফ্লুয়েন্স অমসুং রাজনিতীগী ওইবা এফিলিয়েসনগী মরী লৈনদনা কম্মিসন অসিনা মাগী মেন্দেৎ রেস্পোন্সিবিলিতি, লিগেল প্রিমিসেস, ইন্সতিত্যুস্নেল ৱিদজ, ইক্বেলিতী, অমসুং ত্রান্সপরেন্সীদা লমজিংদুনা লাক্লি।
- মোদেল কোদ অসি 2024গী মার্চ 16তগী লোক সভাগী জেনরেল ইলেক্সন পাংথোক্কনি হায়না লাউথোকপগা লোয়ননা চৎনবা হৌখি। মতম অদুদগী ইলেক্সন কম্মিসন্না চপ চাবা অমসুং কান্নবা থবকশিং লৌখৎতুনা লেবেল প্লেয়িং ফিল্দ অসিদা অকাইবা পীদনবা অমসুং কেম্পেনশিংগী দিস্কোর্সতা অয়াবা পীদবা থাক্তা চৎহন্দনবা হোৎনরি।
- থা অমগী মনুংদা, পোলিতিকেল পার্তী 7দগী লাকপা দেলিগেসন 16না মোদেল কোদ অমসুং মরী লৈনবা হিরমশিং থুগাইবগী মতাংদা কম্মিসনদা মখোয়গী ৱাকৎশিং পীশিনখি। রাজ্যশিংদা চীফ ইলেক্তোরেল ওফিসরগী থাক্তা মীহুৎ কাঙলুপ কয়ানা উনখ্রে।
- পোলিতিকেল পার্তী পুম্নমকপু চপ মান্ননা য়েংখি, অতেনবা মতমগী ওইবা নোতিসতা ওইরবসু মখোয় পুম্নমক্তা মতম পীখি অমসুং মখোয়গী ৱাকৎশিংবু নীংথিনা খন্নখি।
- CEC শ্রী রাজীব কুমারনা লুচিংবা কম্মিসন অসিনা ECশিং শ্রী জ্ঞানেশ কুমার অমসুং শ্রী সুখবীর সিংহ সান্ধুগা লোয়ননা লৈবাক শীনবা থুংনা MCCগী থুগাইবগী কেসশিং নুমিৎ খুদিংগী নুমিৎ য়ুংবা পুং 12দা য়েংশিল্লি।
পোলশিং লাউথোক্ত্রিঙৈগী মমাংদা, DMশিং/কলক্তরশিং/DEOশিং অমসুং SPশিং পুম্নমকপু কম্মিসন্না মোদেল কোদ অসিবু করিগুম্বা অপনবা অমত্তা য়াওদনা চৎনহন্নবা অখন্ননা অমসুং হকথেংননা খঙহনখি। CEC শ্রী রাজীব কুমারনা ECI ত্রেনিং ইন্সতিত্যুৎ, IIIDEM দিল্লীদা বেচ 10দা DM/DEO 800 হেনবদা মশানা ত্রেনিং পীখি। ফিল্দদা লৈরিবা ওফিসরশিংনা মসিগী থবক অসিদা য়াম্না ফজনা পাংথোক্লি।
মোদেল কোদকী হৌখিবা থা অমা অসিগী মনুংদা লেবেল প্লেয়িং ফিল্দ অমা লৈহন্নবা ECIগী ৱারেপ খরা মখাদা পীরি:
- তোঙান তোঙানবা পোলিতিকেল পার্তীশিং অমসুং মীরেপশিংনা ECI গী থাক্তা অমসুং রাজ্যশিংগী থাক্তা চাউরাক্না ৱাকৎ 200 পীশিনখ্রে। মসিগী মনুংদা, কেস 169দা থবক পায়খৎখ্রে।
- ৱাকৎশিং অদুগী মওংদি: BJPদগী ফংবা অপুনবা ৱাকৎ 51নি, মসিগী মনুংদা কেস 38দা এক্সন লৌখৎখ্রে; INCদগী ফংবা ৱাকৎ 59নি, মসিগী মনুংদা কেস 51দা এক্সন লৌখৎখ্রে; অতোপ্পা পার্তীশিংদগী ফংবা ৱাকৎ 90নি, মসিগী মনুংদা কেস 80দা এক্সন লৌখৎখ্রে।
- রাজ্য তরুক হায়বদি গুজরাত, উত্তর প্রদেশ, বিহার, ঝারখন্দ, হিমাচল প্রদেশ অমসুং উত্তরাখন্দদা মুখ্য মন্ত্রীশিংগী প্রিন্সিপাল সেক্রেতরী ওইনা দবল চার্জ পায়রিবা ওফিসরশিংবু হোম/জেনরেল এদমিনিস্ত্রেসন দিপার্তমেন্তকী চার্জসু লৌরিবা মখোয়বু সু মোতু লৌথোকপা। মসিনা মীখলগা মরী লৈনবা মকোক থোংবা ওফিসরশিং, DMশিং/DEOশিং/ROশিং অমসুং SPশিংবু মুখ্য মন্ত্রীগী ওফিসশিংদগী লাপথোকহন্নবনি।
- মমাংগী মীখলশিংদা মহাকপু মীখলগী দ্যুতীদগী অথিংবা থমখিবদগী ৱেস্ত বেঙ্গলগী DGP বুসু সু মোতু লৌথোকখ্রে।
- রাজ্য মরি হায়বদি গুজরাত, পঞ্জাব, ওদিশা অমসুং ৱেস্ত বেঙ্গলদা দিস্ত্রিক্ত মেজিস্ত্রেৎ (DM) অমসুং পুলিস সুপরিন্তেন্দেন্ত (SP) গী লুচিংবা পোজিসনশিংদা পোস্ত তৌখিবা নন-কেদর ওফিসরশিংগী সু মোতু ত্রান্সফর তৌবা।
- পঞ্জাব, হরিয়ানা অমসুং অসামদা লৈবা ওফিসরশিংবু মখোয়গী মরী নৎত্রগা ইমুং মনুংগী ওইবা মরীনা মরম ওইদুনা মিরেপ ওইরবা মীহুৎশিংগা পুন্না থবক তৌমিন্নবনা সু মোতু ত্রান্সফর তৌবা।
- INC অমসুং AAP গী ৱাকৎকী মতুং ইন্না, ইলেক্সন লাউথোক্লবা মতুংদা ভারত সরকারগী ভিকসিৎ ভারত মেসেজ অসি ৱাতসএপ্তা ত্রান্সমিসন তৌবা থিংনবা MeitY দা খঙহনখ্রে।
- INC অমসুং AAP গী ৱাকৎকী মতুং ইন্না, রাজ্য/UT পুম্নমক্তা ECI গী পাউতাকশিং ঙাক্না চৎনবা অমসুং অথুবা মতমদা সরকার/পব্লিক প্রিমিসশিংদগী দিফেক্সমেন্ত লৌথোক্নবা দিরেক্তিব পীখ্রে।
- DMK গী ৱাকৎ অমগী মতুং ইন্না, BJP গী মন্ত্রী সোভা করন্দলাজেগী মায়োক্তা FIR অমা রামেশ্বর ব্লাস্ত কেফেগী মতাংদা মহাক্কী ভেরিফাই ওইরদ্রিবা মরালশিংগীদমক রেজিস্তর তৌখি।
- INCগী ৱাকৎ অমগী মতুং ইন্না, DMRC গী ত্রেন অমসুং পেত্রোল পম্প, হায়ৱে, অসিনচিংবদগী হোর্দিং, ফোতো অমসুং মেসেজশিং য়াওনা সরকার/ পব্লিক্কী মফমশিংদগী দিফেক্সন লৌথোকপগী ECIগী ইন্সত্রক্সনশিং ঙাক্না চৎনবা কেবিনেৎ সেক্রেতরীদা খঙহনগনি।
- INCগী ৱাকৎকী মতুং ইন্না, কেন্দ্রগী মন্ত্রী শ্রী চন্দ্রশেখরন্না মহাক্কী এফিদেবিৎতা এসেৎ দিক্লারেসনদা খেন্নবা লৈরব্রা হায়বদু য়েংশিন্নবা CBDTদা খঙহনখি।
- AITMCগী ৱাকৎকী মতুং ইন্না মমতা বেনর্জীগী মায়োক্তা তৌখিবা অশোইবা অমসুং ইকায়খুম্নবা লৈতবা ৱাফমশিংগীদমক BJP শ্রীমতি দিলিপ গোশদা নোতিস থাখি।
- BJPগী ৱাকৎকী মতুং ইন্না, INCদগী শ্রীমতী সুপ্রিয়া শ্রিনেত অমসুং শ্রী সুর্জেৱালাদা কুমারী কঙ্গানা রানোৎ অমসুং শ্রীমতি হেমা মালিনিগী মতাংদা ফজদবা ৱাফম থমখিবগীদমক নোতিস থাখ্রে।
- DMK গী লুচিংবা শ্রী অনিতা আর রাধাকৃষ্ণননা শ্রী নরেন্দ্র মোদীগী মায়োক্তা ফোংদোকখিবা ৱাফমশিংগী মায়োক্তা FIR লৌখৎখ্রে।
- দিল্লী ম্যুনিসিপাল কম্মিসন এরিয়াদা হোর্দিংশিং অমসুং বিলবোর্দশিংগী পব্লিশরশিংগী মমিং পনদবা AAP গী কমপ্লেন্তকী মতুং ইন্না চৎন-কাংলোনশিং অসি থোকখ্রে। হোর্দিংশিং য়াওহন্দুনা হৌজিক লৈরিবা আইনদা 'পেমফ্লেৎ অমসুং পোস্তর'গী ৱাহন্থোক পাকথোক চাউথোকহন্দুনা, রাজ্য অমসুং UTশিংগী চীফ সেক্রেতরী পুম্নমক্তা গাইদলাইনশিং ইসু তৌখ্রে। মসিদা হোর্দিংশিং য়াওনা মীখলগা মরী লৈনবা প্রিন্ত তৌরবা পোৎলমশিংদা প্রিন্তর অমসুং পব্লিশরগী ময়েক শেংনা মশক খঙদোকপা, কেম্পেন কম্ম্যুনিকেসনশিংদা পাউখুম পীবা অমসুং ত্রান্সপরেন্সী লৈহন্নবা হায়রি।
- INCগী ৱাকৎকী মতুং ইন্না দিল্লীগী ম্যুনিসিপাল ওথোরিতীশিংদা তোঙান তোঙানবা কোলেজশিংদগী স্তার কেম্পেনরশিংগী কৎ আউৎশিং লৌথোক্নবা খঙহনখ্রে।
- কম্মিসনগী সিতিজেনশিংগীদমক ভাইওলেসনগী পোর্তেল, সিভিজিলদা অপুনবা ওইনা ৱাকৎ 2,68,080 ফাইল তৌখ্রে। মসিগী মনুংদা, কেস 2,67,762দা থবক লৌখৎখ্রে অমসুং 92%দি চাংচত্তা মিনিত 100গী মনুংদা লোইশিনখি। সিভিজিলগী ইফেক্তিবিতীনা মরম ওইদুনা, ইলিগেল হোর্দিংশিং, পোৎলমশিং মাংহনবা, অয়াবা পীরবা মতমদগী হেন্দুনা কেম্পেন তৌবা, অয়াবা পীবদগী হেন্দুনা ভেহিকলশিং শীজিন্নবা অসি য়াম্না হন্থরে।
বাকগ্রাউন্দ:
মোদেল কোদ ওফ কন্দক্ত অসি লিগেল বেকিং অমত্তা য়াওদ্রবসু রেগ্যুলেতরী ফ্রেমৱার্ক অমনি, মসি চপ চাবা ৱাহন্থোক্তা চপ মান্নবা লমদম অমা লৈহন্নবা অমসুং ইথিকেল কেম্পেনগী প্রিন্সিপলশিং ঙাক্নবা শেম্মী। কম্মিসন্না লেবেল প্লেয়িং ফিল্দ লৈহন্নবা অমসুং মীখলগী কেম্পেন তৌবগী নীংতম্বাগী মরক্তা কমপ্লেক্স দাইনামিক্সকী খুত্থাংদা নেবিগেৎ তৌখি। ইলেক্সন কম্মিসন ওফ ইন্দিয়ানা অথুবা মতমদা অমসুং হৈশিংনা থবক লৌখৎতুনা, ত্রান্সপরেন্সী, ফেয়রনেস, একাউন্তেবিলিতী অমসুং লেবেল প্লেয়িং ফিল্দগী দিমোক্রেসিগী ৱাখল্লোনশিংবু মপাঙ্গল কনখৎহল্লি। ইলেক্তোরেল প্রোসেসকী সেঙ্কতিতী ঙাক্তুনা থম্বা অসি খ্বাইদগী মরু ওইরি।
******
(Release ID: 2018184)
Visitor Counter : 45
Read this release in:
English
,
Urdu
,
Hindi
,
Hindi_MP
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam