সংসদনা ভারতীয় নাগরিক সুরক্ষা সনহিতা, ২০২৩, ভারতীয় ন্যায় সনহিতা, ২০২৩ অমসুং ভারতীয় সক্ষ্যা অধিনিয়ম, ২০২৩ পাস তৌখিবদা প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে অমসুং মসি পুৱারিগী মরুওইবা তাঙ্কক অমনি হায়না ফোঙদোকখ্রে। মহাক্না হায়খি হায়রিবা বীলশিং অসিনা লায়রব, তোল্লবা অমসুং খুন্নাইগী খুদোংথিনিঙাই ওইবা কাংলুপ ঙাক-শেনবা হেনগৎহনগনি অমসুং ওর্গনাইজ ক্রাইম, তেরোরিজম অমসুং অসিগুম্বা অরানবশিং হন্থহনবা ঙমগনি। হায়রিবা আইনগী অওনবশিং অসিনা ভারতকী আইনগী ঙাক্লৌ অসি হেন্না চুনগনি অমসুং অমৃত কালগী মতমদা মীয়ামগী য়াইফনবা থবক তৌগনি। রাজ্য সভাদা হায়রিবা বীল অসি য়ুনিয়ন হোম মিনিস্তর শ্রী অমিত সাহনা খন্নবগী ভিদিও অমা মহাক্না সিয়ার তৌখি।

এক্স পোস্ত অমদা, প্রধান মন্ত্রীনা হায়খি;

“সংসদনাভারতীয় নাগরিক সুরক্ষা সনহিতা, ২০২৩, ভারতীয় ন্যায় সনহিতা, ২০২৩ অমসুং ভারতীয় সক্ষ্যা অধিনিয়ম, ২০২৩ পাস তৌখিবা অসি ঐখোয়গী পুৱারিগী মরুওইবা তাঙ্কক অমনি। হায়রিবা বীলশিং অসিনা লোয়লম লৈঙাক্কী মতমগী আইনশিং মুৎথৎলগনি। মীয়ামগী থবকশিং অমসুং য়াইফ-থৌরাংদা য়ুম্ফম ওইবা আইনশিংগা লোয়ননা অনৌবা যুগ হৌরে।

হায়রিবা অওনবা পুরকপা বীলশিং অসি অওনবা পুরক্নবা ভারতনা থাজবা পীখিবগী খুদম অমনি। তেক্নোলোজি অমসুং ফোরেন্সিক সাইন্সতা মীৎয়েং থমদুনা মখোয়না ঐখোয়গী আইনগী থবক, পুলিসকী থবক অমসুং থিজিনবগী থবক অনৌবা যুগ অমদা পুরগনি। হায়রিবা বীলশিং অসিনা লায়রব, তোল্লবা অমসুং খুন্নাইগী খুদোংথিনিঙাই ওইবা কাংলুপ ঙাক-শেনবা হেনগৎহনগনি।

মসিগা লোয়ননা, ওর্গনাইজ ক্রাইম, তেরোরিজম অমসুং অসিগুম্বা অরানবশিং হন্থহনবগা লোয়ননা চাউখৎনবা ঐখোয়গী শান্তিগী খোঙচৎদা মতেং পাংগনি। মখোয়গী খুৎথাংদা, ঐখৌয়না সেদিসনগী চৎনদ্রবা সেক্সনশিং বীদাই পীখ্রে

আইনগী অওনবশিং অসিনা ভারতকী আইনগী ঙাক্লৌ অসি হেন্না চুনগনি অমসুং অমৃত কালগী মতমদা মীয়ামগী য়াইফনবা থবক তৌগনি। হায়রিবা বীলশিং অসিগী মরুওইবা শক্তমশিং হোম মিনিস্তর শ্রী অমিত সাহ জিনা মখা তানা শন্দোক্না তাকখি।

The passage of Bharatiya Nagarik Suraksha Sanhita, 2023, Bharatiya Nyaya Sanhita, 2023 and Bharatiya Sakshya Adhiniyam, 2023 is a watershed moment in our history. These Bills mark the end of colonial-era laws. A new era begins with laws centered on public service and welfare.

— Narendra Modi (@narendramodi) December 21, 2023

***