দা. পি. কে. মিশ্রা, প্রধান মন্ত্রীগী প্রিন্সিপাল সেক্তেতরিনা ময়াই তাঙবল লৌদুনা ঙসি মীফম অমা ফমদুনা জি ২০ ন্যু দিল্লীগী লিদর্স দিক্লেরেসনগী থবক কদাই ফাওবা খুমাং চাওশিনলবগে হায়বদু য়েংশিনখ্রে। হায়রিবা মীফম অদুদা ভাইস-চেয়রমেন, নিতি আয়োগ, জি ২০ শেরপা, জি ২০ চিফ কোওর্দিনেতর অমসুং মপাল থৌরম পুবা মন্ত্রালয় (এম.ই.এ.), শেল থুম দিপার্তমেন্ত (দি.ই.এ.), অমসুং নিতি আয়োগকী মথক থোংবা ওফিসরশিংনা শরুক য়াখি। চৎথরিবা থৌরাংশিংগী শরুক ওইনা, ৱেবিনার তরেৎকী সেরিজ অমা মখোয় মখোয়গী চান্নবা মন্ত্রালয়শিংনা লুচিংদুনা চান্নবা দিপার্তমেন্তশিং য়াওনা শিন লাংনবা খঙহনখ্রে। ৱেবিনারশিং অদু থিমশিং অসিদা ওইগদবনি ১) মপাঙ্গল কনবা, কুইনা চৎপা, চাং পুবা ঙম্বা অমসুং ইনক্লুসিপ গ্রোথ, ২) সস্তেনেবল দিবেলপমেন্ত গোলস (এস.দি.জি.এস)তা য়াংনা খুমাং চাউশিনবা ৩) সস্তেনেবল ওইবা তুংগী লম্বী অমগীদমক্তা গ্রীন দিবেলপমেন্ত পেক্ত ৪) ২১শুবা চহি চাগীদমক্তা মলতিলেতরেল ইন্সতিত্যুসনশিং, ৫) তেক্নোলোজিকেল ত্রান্সফোর্মেসন অমসুং দিজিতেল পব্লিক ইনফ্রাস্ত্রকচর, ৬) ৱুমেন-লেদ দিবেলপমেন্ত , অমসুং ৭) লালহৌবা অমসুং মনী লোন্দরিং থেংনবা।  

মসিগী মথক্তা, লৈবাক শিনবদগী থিঙ্ক-তেঙ্ক কয়ামরুম শিজিন্নদুনা ন্যু দিল্লী লিদর্স দিক্লেরেসনবু মপুং ফানা থবক্তা ওন্থোক্নবা এরিয়া এক্সপর্তশিংগী লৌশিং খোমজিন্নবগীদমক সেমিনার অমা প্লান তৌরে।

প্রিন্সিপাল সেক্রেতরীনা লাক্লিবা জি ২০ ভর্চুএল সম্মিৎ, প্রধান মন্ত্রীনা মহাক্কী ন্যু দিল্লী সম্মিৎতা হৌদোকখিবা ইনিসিএতিপ অদুগী মতাংদসু খন্নখি। মপুং ওইবা সম্মিৎকী মতুংদা লৈবাক অমা হেক্তনা অসিগুম্বা সম্মিৎ অমা হোস্ত তৌগদবা অসি অহানবা ওইবনা, প্রিন্সিপাল সেক্রেতরীনা মেম্বর স্তেত অমসুং গেস্ত লৈবাকশিং পুম্নমক্তা পাউ নিংথিজনা খঙহনবগী তঙাই ফদবা অদু ফোংদোকখি।

মীফম অদুদা, ফোরেন সেক্রেতরী শ্রী ভিনে ক্বাত্রনা প্রিন্সিপাল সেক্রেতরীদা নোভেম্বর ২০২৩দা পাংথোক্কদৌরিবা অনিশুবা ভোইস ওফ গ্লোবেল সাউথ সম্মিৎকী শিল লাংলিবশিং অদুগী মতাংদা খংহনখি।

মীফম অদুদা সরকারনা লিদর্স দিক্লেরেসনবু মায় পাক্না থবক্তা ওন্থোক্নবা হোৎনগনি অমসুং দিবেলপমেন্ত অমসুং ৱেলফেয়রদা মালেমগা মতেং য়াওহন্ননবগী অপাম্বা অদু উৎখি।

*****