U Dr P. K. Mishra, Principal Secretary sha u Myntri Rangbah Duh u la pyniaid ia ka jingialang mynta ka sngi ban peit ia jingiaid shaphrang ha ka jingpyntreikam ia ka G20 New Delhi Leader’s Declaration. Ha kane ka jingialang la wan iashim bynta da u Vice-Chairman, Niti Aayog, G20 Sherpa, G20 Chief Coordinator bad ki ophisar na ka tnat External Affairs (MEA), ka tnat Economic Affairs (DEA) bad Niti Aayog.

Kum shi bynta jong ki sienjam, la ai jingmut ban pynlong hynniew tylli ki webinar ha kaba yn ialam lynti da ki tnat Sorkar bad ha kaba yn don bynta ki tnat ba don kti ha kine ki kam. La ai jingmut ban pynlong ia ki seminar hapoh ki phang (i) Strong, sustainable, balanced and inclusive growth, (ii) Accelerating progress on Sustainable Development Goals (SDGs) (iii) Green development pact for a sustainable future, (iv) Multilateral institutions for the 21^st century, (v) Technological transformation and Digital Public Infrastructure, (vi) Women-led Development, bad (vii) Countering terrorism and money laundering.

Shuh shuh, la pynkhreh ban pynlong ia ka Seminar ha kaba yn iadon bynta ki kynhun jong ki riewshemphang na kylleng ka ri ban ioh jingmut na kine ki riewshemphang halor ka jingpyntreikam ia ka New Delhi Leader’s Declaration.

U Principal Secretary u la ong ba yn sdang ia ka rukom peit bniah ia ki kam ban peit ia ka jingpyntreikam ia ka Declaration.

U Principal Secretary u la iakren ruh shaphang ka G20 Virtual Summit ka ban long, kaba dei ruh ka sienjam ba la ai jingmut da u Myntri Rangbah Duh ha ka jingai jingkren jong u ha ka New Delhi Summit. Namar kane ka dei ka sien kaba nyngkong ba kano kano ka ri kan pynlong kum kane ka virtual Summit hadien ka Summit ba la dep, u Principal Secretary u la ban jur halor ka jingdonkam ban ai mardor ia ki jingtip sha baroh ki ri ba long dkhot bad ki ri ba shah khot sngewbha.

Ha kane ka jingialang, u Foreign Secretary, Vinay Kwatra u la iathuh ia u Principal Secretary shaphang ki jingpynkhreh na ka bynta ka Voice of Global South Summit kaba ar ka ban long ha u Naiwieng 2023.

Kane ka jingialang ka la ban jur ruh halor ka jingkut jingmut jong ka Sorkar ban pynthikna ia ka jingseisoh jong ka jingpyntreikam ia ka Leader’s Declaration bad ka jingieng skhem jong ka na ka bynta ka jingiatreilang hapdeng ki ri na ka bynta ka roi ka par bad ka bha ka miat.

***