প্রধান মন্ত্রী, শ্রী নরেন্দ্র মোদীনা 77শুবা নিংতম নুমিত্তা লাল কিলাগী ফম্বাক্তগী ঙসি থমখিবা ৱারোলদা অসুম্না হায়খি, “করিগুম্বা ঐখোয়না মঙলান খুদিং মঙফাওনহনগে হায়রবা, ৱারেপ খুদিংমক পাংথোক্কে হায়রবদি, শেঞ্জা থুমজা, নক্নবা অমসুং মরী মতাদা খুদোংচাবা পীবা অমসুং মীওই খরগী অপাম্বা তৌবীবগী ফত্তবা থৌওং অহুমগী মাইয়োক্তা ঐখোয়না ইশাগী পাঙ্গল পুম্নমক পুথোক্তুনা লান্থেংনবা হায়বসি হৌজিক মতমগী খ্বাইদগী তঙাই ফদবনি”।

প্রধান মন্ত্রীনা হায়বদা, অহানবা ফত্তবা অসিনা শেঞ্জা থুমজানি, মসিনা ঐখোয়গী লৈবাক্কী শিংনবা খুদিংগী হৌরকফম্নি হায়খি। “শেঞ্জা থুমজাদগী নিংতম্বা, শেঞ্জা থুমজাগী মাইয়োক্তা মফম অমসুং সেক্তর খুদিংদা লান্থেংনবা হায়বসিনা হৌজিক মতমগী খ্বাইদগী তঙাই ফদবনি। অদুগা ঐহাক্কী লৈবাক মীয়াম, ইমুং মনুংগী নুংশিরবা মীওইশিং, মসিদি মোদীগী ৱাশক্নি – ঐহাক্না শেঞ্জা থুমজাগী মাইয়োক্তা লেপ্পা লৈতনা লান্থেংনগনি হায়বসি ঐহাক্কী অচেৎপা খোঙফম্নি”, প্রধান মন্ত্রীনা হায়খি।

অনিশুবদা। শাগৈ নাতৈগী রাজনীতিনা ঐখোয়গী লৈবাক অসিবু মাঙহল্লে, প্রধান মন্ত্রীনা হায়খি। “মসিগুম্বা শাগৈ নাতৈগী চৎনবী অসিনা লৈবাকপু খুদুম চনশিনখ্রে অমসুং লৈবাক মীয়ামগী হক খুদিংমক মৎপীরে”, মহাক্না মখা তাখি।

অহুমশুবা ফত্তবা অসিনা মীওই খরগী পেন্নবা মখোয়গী অপাম্বা পাংথোকপনি হায়না প্রধান মন্ত্রীনা মিৎয়েং চঙখি। “মসিগুম্বা থৌওং অসিনা লৈবাক মীয়ামগী ৱাখল খনবগী মতৌদা অয়েৎপা পীরে, ঐখোয়গী লৈবাক্কী নুংশি চানবগী মতৌবু মিংচৎ থীহল্লে। মরম অদুনা, ঐখোয়না ফত্তবা অহুম অসিগী মাইয়োক্তা ইশাগী পাঙ্গল পুম্নমক পুথোক্তুনা লান্থেংনগদবনি। শেঞ্জা থুমজা, নক্নবা অমসুং মরী মতাদা খুদোংচাবা পীবা অমসুং মীওই খরগী অপাম্বা তৌবীবগী ফত্তবা থৌওং; মসিগুম্বা শিংনবা অসি য়াম্না মরাং কায়্রে অমসুং মসিনা লৈবাক মীয়ামগী অপাম্ববু নম্থদুনা থম্লে”।

ফত্তবশিং অসিনা ঐখোয়গী লৈবাক মীয়ামগী মতিক মগুনবু মাঙহল্লে হায়না মহাক্না হায়খি। “মসিগুম্বা থৌওং অসিনা ঐখোয়গী মীয়ামগী থাজবা অমসুং অপাম্বশিংদা চমম্নবা পোকহল্লে। লাইরবা, দলিত, নত্ত্রগা শোত্থরবা মীওই কাঙলুপ, পসমন্দা খুন্নাই, ত্রাইবেল ইচিল ইনাও, ইমা নত্ত্রগা ইচেল-ইচলশিং ওইরো, মখোয়গী হক্কীদমক্তা ঐখোয়না ফত্তবশিং অসি তান্থোকপগী মথৌ তারে”, মহাক্না হায়খি।

শেঞ্জা থুমজাগী চৎনবী অসিগী মাইয়োক্তা ঙাঙলদুনা প্রধান মন্ত্রীনা হায়খি, “শেঞ্জা থুমজাদগী লাপথোক্নিংবা ফাওবা অকোয়বগী ফিভম অমা ঐখোয়না শেম্বা তাই। মসিগুম্বা ফত্তবা অসিদগী হেন্না চাউবা অমত্তা মীয়ামগী পুন্সিদা লৈতে”। শেঞ্জা থুমজাগী মাইয়োক্তা লান্থেংনবদা তেক্নোলোজী শিজিন্নবগী মতাংদা প্রধান মন্ত্রীনা ৱাফম খরা থমখি। তোঙান-তোঙানবা স্কিমশিংদগী অরানবা বেনেফিশরী করোর 10 লৌথোকখিবগী মতাং অমসুং শেল-থুম হুরাল্লগা চেনখিবশিংগী মরলগী শরুক 20 হেনবা পোৎ-লমশিং লৌশিনবগী থৌওং কয়াগী মতাংদা মহাক্না মখা তানা পাউদমখি।

শাগৈ নাতৈ অমসুং অনকপা মীওইশিংদা খুদোংচাবা পীবা অমসুং শাগৈ নাতৈগী চৎনবীগী মতাংদা থমখিবা ৱারোলদা, প্রধান মন্ত্রীনা শাগৈ-নাতৈগী রাজনীতি অসিনা ওফ দি ফেমিলী, বাই দি ফেমিলী অমসুং ফোর দি ফেমিলী ওইবসিদা নুংঙাইতবা ফোংদোকখি অমসুং মসিনা অতোপ্পগী তেলেন্ত মাঙহল্লে হায়খি। “মসিগুম্বা ফত্তবদগী গনতন্ত্রনা মনিং তম্বা হায়বসি য়াম্না তঙাই ফদবনি”, মহাক্না হায়খি।

মান্নবা থৌওং অমা ওইনা, কনাগুম্বা খরবু পেলহন্নবা মখোয়গী অপাম্বা তৌবগী মতৌনা খুন্নাইবু পনখৈ য়ৌনা মাঙহল্লে। “মসিগী ৱাখল্লোন, কনাগুম্বা খরবু পেলহন্নবা মখোয়গী অপাম্বা তৌবগী রাজনীতি, মসিগীদমক্তা সরকারগী স্কিম শেম্বা অসিনা সোসিএল জস্তিসপু লৈখা তাহল্লে। করিগুম্বা লৈবাক্না চাউখৎপা পাম্লবদি, ইং 2047 ফাওবদা চাউখৎপা লৈবাক ওইবগী মঙলান মঙফাওনহনবা পাম্লবদি, ঐখোয়না ফিভম অমত্তদা শেঞ্জা থুমজা তৌদবা হায়বসি য়াম্না মথৌ তাই, মসিগুম্বা ৱাখল্লোনগা লোয়ননা তুংলমচৎকী মাইকৈদা চঙশিনগদবনি”, শ্রী মোদীনা হায়খি।

भ्रष्टाचार, परिवारवाद और तुष्टिकरण, हमें इन तीन बुराइयों के खिलाफ पूरे सामर्थ्य के साथ लड़ना होगा। pic.twitter.com/4It6AuWvlC

— Narendra Modi (@narendramodi) August 15, 2023

*****