Ha ka sienjam kaba donkam, kum shi bynta ka rukom khyllie im, ka kynhun Myntri jong ka Sorkar Pdeng ba ialam da u Myntri Rangbah Duh, u Narendra Modi, mynta ka sngi ka la ai jingmynjur ia ka song khyllie im kaba lai na ka bynta ka BSNL ha kaba ka jingbuh kyrpang ka pisa ka long T. 89,047 klur. Kane ka kynthup ia ka jingai ia ka 4G/5G spectrum na ka bynta ka BSNL lyngba ka equity infusion.

Ka pisa pyntreikam ba la ai jingmynjur ia ka BSNL ka dei ka ban kyntiew na ka T. 1,50,000 klur sha ka T. 2,10,000 klur.

Lyngba kane ka song khyllie im, ka BSNL kan long ka nongai jingshakri telecom kaba iaid ryntih kaba peit bniah ia ka jingpynpoi jingshakri sha baroh ki bynta jong ka India.

Ki jingtip ba bniah shaphang ka spectrum ki long kumne harum:

Lyngba kane ka jingai ia ka spectrum, ka BSNL kan lah ban:

1. 1. Pynbiang ki jingshakri 4G bad 5G ha kylleng ka ri.
   2. Pynbiang jingshakri 4G ha ki jaka nongkyndong bad ki shnong bym ioh jingshakri hapoh ki projek pyniasoh bapher bapher.
   3. Pynbiang jingshakri Fixed Wireless Access (FWA) na ka bynta ka internet ba sted.
   4. Pynbiang jingshakri /spectrum na ka bynta ka Captive Non-Public Network (CNPN).

Ka jingkhyllie im ia ka BSNL/MTNL:

• Ka Sorkar ka la ai jingmynjur ia ka song khyllie im kaba nyngkong ia ka BSNL/MTNL ha u snem 2019. Kane ka la kot sha ka T. 69,000 klur bad ka la wanrah ia ka jingiaid ryntih ki kam ha ka BSNL/MTNL.
• Ha u snem 2022, ka Sorkar ka la ai jingmynjur ia ka song khyllie im kaba ar na ka bynta ka BSNL/MTNL kaba kot sha ka T. 1.64 lak klur. Ka la ai jingiarap pisa na ka bynta ka capex, ka viability gap funding na ka bynta ki landline ha ki jaka nongkyndong, ka jingkyrshan pisa na ka bynta ka jingpynjem ia ki balance sheet, bad ka jingsiew ia ki bai AGR, ka jingiasoh jong ka BBNL bad ka BSNL, bad kiwei kiwei.
• Namar kine ki ar tylli ki song, ka BSNL ka la sdang iohnong naduh u snem mang tyngka 2021-22. Ka ram baroh jong ka BSNL ka la hiar na ka T. 32,944 klur sha ka T. 22,289 klur.
• Ki kam pisa ba kongsan jong ka BSNL ki long kumne harum:

• Ka BSNL ka la ioh ia ka jingkiew kaba khlain ha ki kam home fiber. Ka ai palat 1 Lak tylli ki connection ba thymmai man u bnai. Baroh ki home fiber subscriber base jong ka BSNL ha u Jymmang 2023 ka long 30.88 Lak. Baroh ka jingkamai na ka home fiber ha une u snem ba la dep ka long T. 2,071 klur.

Ka teknoloji 4G/5G jong ka ri

• Ka teknoloji telecom ka dei ka teknoloji kaba don bynta ha ki kam jong ka ri ha kaba ki duna bha ki nongai jingshakri pura ha baroh kawei ka pyrthei.
• Hapoh ka jingthmu Atmanirbhar jong u Myntri Rangbah Duh, u Narendra Modi, u la wanrah ia ka 4G/5G technology stack jong ka India.
• La sdang ban pyniaid kam. Hadien katto katne bnai ka jingpyntreikam, yn pyllait ha baroh kawei ka ri ha ka rynsan BSNL.

*******