মরুওইবা খোঙথাং অমদা, হিঙ্গৎহন্নবা লাল্লোংগী শরুক অমা ওইনা, ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্দলনা লুপা করোর ৮৯,০৪৭গী শেনফম অমগা লোয়ন্না বি.এস.এন.এলগী অহুমশুবা রিভাইবেল পেকেজ অয়াবা পীরে। মসিদা ইকুইতিগী খুৎথাংদা বি.এস.এন.এলদা 4G/5G স্পেকত্রম পীবা য়াওরি।

বি.এস.এন.এলগী ওথোরাইজ কেপিতেল লুপা করোর ১, ৫০,০০০ দগী লুপা করোর ২, ১০,০০০ দা হেনগৎলে।

মসিগী অমুক হিঙ্গৎহন্নবা পেকেজ অসিগা লোয়ন্না, ভারতকী মনুং হুঞ্জিনবা মফমশিংদা তেলিকোমগী খুদোংচাবশিং ফংহন্নবা মীৎয়েং থমদুনা বি.এস.এন.এল মতিক চাবা তেলিকোম সর্বিস প্রোভাইদর অমা ওইরগনি।

স্পেকত্রমগী অকুপ্পা মরোলশিং মখাদা পীরে:

মসিগী স্পেকত্রম অসি পীবদগী, বি.এস.এন.এলনা পাংথোকপা ঙম্লগনি:

1. 1. ভারত শীনবা থুংনা 4G অমসুং  5G ফংহনবা
   2. খুঙ্গং অমসুং নেতৱার্ক ফংদ্রিবা খুঙ্গংশিংদা 4G ফংহনবা
   3. অয়াংবা ইন্তনেতকীদমক ফিক্স ৱায়রলেস এসেস(এফ দব্লিউ এ) সর্বিস ফংহনবা
   4. কেপ্তিব নন-পব্লিক নেতৱার্ক(সি এন পি এন)গীদমক সর্বিস/স্পেকত্রম ফংহনবা

বি.এস.এন.এল/এম.তি.এন.এল হিঙ্গৎহনবা:

• সরকারনা ২০১৯দা বি.এস.এন.এল/এম.তি.এন.এলগী অহানবা রিভাইবেল পেকেজ অয়াবা পীখ্রে। মদুদা লুপা করোর ৬৯,০০০ থাদখি অমসুং বি.এস.এন.এল/এম.তি.এন.এলদা তুংদু লৈতাবা পুরকখি।
• ২০২২দা, লুপা করোর লাখ ১.৬৪ চঙনা সরকারনা বি.এস.এন.এল/এম.তি.এন.এলগী অনিশুবা রিভাইবেল পেকেজ অয়াবা পীখ্রে। মসিদা কপেক্স, খুঙ্গংদা লাইন তিংনবা শেন থাদবা, বেলেন্স সিত ফগৎনবা মতেং পাংবা, এ.জি.আর দিয়ুশিং পীথোকপা অমসুং বি.এস.এন.এলগা বি.বি.এন.এলগা পুনশিনবা য়াওখি।
• হায়রিবা পেকেজ অনি অদুগী ফল ওইনা, শেনবা চহি ২০২১-২২গী বি.এস.এন.এল শেন্দোং ফংবা হৌরকখি। বি.এস.এন.এলগী অপুনবা শেন্দোন লুপা করোর ৩২,৯৪৪দগী লুপা করোর ২২,২৮৯দা হন্থরকখি।
• বি.এস.এন.এলগী মরুওইবা শেন-থুমগী ফিবমশিং মখাদা পীরি:

• ফাইবর সেগমেন্তদা বি.এস.এন.এল য়াম্না ফগৎলে। মসিনা থা অমদা অনৌবা কন্নেক্সন লাখ ১ হেন্না পীরে। মে ২০২৩ ফাওবগী মনুংদা বি.এস.এন.এলগী অপুনবা হোম ফাইবর সবস্কাইভর লাখ ৩০.৮৮ য়ৌরে। হৌখিবা চহিদা হোম ফাইবরগী অপুনবা রেভিনিউ লুপা করোর ২,০৭১ নি।

লৈবাক অসিনা মশা শেমগৎচবা 4G/5G তেক্নোলোজি

• তেলিকোম তেক্নোলোজি অসি য়াম্না মরুওইবা তেক্নোলোজি অমনি, মসি মালেম অসিদা অকক্নবা তেক্নোলোজি প্রোভাইদর খর খক্তদা লৈবা অমনি।
• প্রধান মন্ত্রী নরেন্দ্র মোদীগী অত্মানির্ভর ভারতকী পান্দমগী মখাদা, ভারতনা মশাগী ওইবা 4G/5G তেক্নোলোজি পুথোক্লে।
• থবক তৌবা হৌরে। থা খরগী মতুংদা, বি.এস.এন.এল নেতৱার্কতা লৈবাক শীনবা থুংনা য়াংবা ফংহনবা হৌরগনি।

*****