প্রধানমন্ত্রীগী লোইশঙ
পি.এম.না সেপ্তেম্বর ১২দা ইন্তরনেস্নেল দেরী ফেদরেসন ৱর্ল্দ দেরী সম্মিৎ ২০২২ হৌদোক্কদৌরি
Posted On:
10 SEP 2022 9:41PM by PIB Imphal
প্রধান মন্ত্রীনা শ্রী নরেন্দ্র মোদীনা সেপ্তেম্বর ১২, ২০২২গী অয়ুক পুং ১০:৩০ তাবা মতমদা গ্রেতর নোইদাগী ইন্দিয়া এক্পো সেন্তর এন্দ মার্ততা ইন্তরনেস্নেল দেরী ফেদরেসন ৱর্ল্দ দেরী সম্মিৎ (আই.দি.এফ. দব্লিউ.দি.এস.) ২০২২ হৌদোক্কদৌরি।
সেপ্তেম্বর ১২দগী ১৫ ফাওবা নুমিৎ মরিনি চুপ্না চত্থগদবা আই.দি.এফ. দব্লিউ দি.এস. ২০২২ অসি ‘দেরী ফোর ন্যুত্রিসন এন্দ লাইবলিহুদ’ হায়রিবা থীম অসিদা থবক পায়খৎলিবা ইন্দস্ত্রী লুচিংবশিং, এক্সপর্তশিং, লৌমীশিং অমসুং খুজিল থৌরাং য়াৎলিবশিং য়াওনা মালেমগী অমদি ভারতকী দেরীগী স্তেকহোল্দরশিংগী অপুনবা থৌরম অমনি। লৈবাক ৫০দগী মীওই চাওরাক্না ১৫০০রোম আই.দি.এফ. দব্লিউ.দি.এস. ২০২২দা শরুক য়ারগনি হায়না পানরি। মমাঙগী ইকোন কোনবা সম্মিৎ ভারত্তা চহিচা তঙ্খায় অমমুক্কী মমাঙদা ১৯৭৪দা পাঙথোকখিবনি।
ভারতকী দেরী ইন্দস্ত্রী অসি অপীকপা অমদি মার্জিনেল দেরীগী লৌমীশিং, মরুওইনা নুপীশিংবু মপাঙ্গল কনহল্লিবা কোওপরেতিব মোদেলদা য়ুম্ফম ওইবা মরম্না ৱাখল্লোন অমদা তোপ তোপ্পা ওইরি। প্রধান মন্ত্রীগী মঙলান মতুং ইন্না, লৈঙাক অসিনা দেরী সেক্তর ফগৎহন্নবগীদমক খোঙথাঙ কয়া লৌখত্তুনা হৌখিবা চহি নিপানসিদা শঙ্গোম পুথোকপগী চাং ৪৪% হেনগৎলে। মালেমগী শঙ্গোমগী ২৩% পুথোক্লিবা, চহিদা মিলিয়ন তন ২১০রোম পুথোক্তুনা দেরী লৌমী করোর ৮ হেনববু মপাঙ্গল কনখৎহল্লিবা ভারতকী দেরী ইন্দস্ত্রীগী মায় পাকপগী ৱারী আই.দি.এফ. দব্লিউ.দি.এস. ২০২২দা উৎকদৌরি। সম্মিৎ অসিনা মালেমগী খ্বাইদগী ফবা থৌওংশিং ভারতকী দেরী লৌমীশিংদা উবা ফংহনবদসু মতেং ওইরগনি।
***
(Release ID: 1858443)
Visitor Counter : 144
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam