প্রধানমন্ত্রীগী লোইশঙ
প্রধান মন্ত্রীনা এন.ই.পি. চৎনহনবগা মরী লৈননা পাংথোকপা অখিল ভারতিয় শিক্ষা সামাগম হৌদোকখ্রে
“নেস্নেল এজুকেসন পোলিসীগী মরু ওইবা পান্দমদি এজুকেসনবু অখুবা ৱাখল্লোন্দগী পুথোক্লক্তুনা 21শুবা চহি-চাগী মতমগা চুনবা ৱাখল্লোনগা অমত্তা ওইহনবনি”
“ব্রিতিশশিংনা শেম্লম্বা এজুকেসন সীস্তেম অসি ভারতকী ইথোসকী শরুক কৈদৌনুংদা ওইরমদে”
“ঐখোয়গী নহারোলশিংনা স্কিল লৈবা, প্রেক্তিকেল অমসুং কালক্যুলেতিব ওইনবা, এজুকেসন পোলিসীনা মসিগীদমক্তা ফম্বাক শেম্লি”
“নুপীশিংগীদমক্তা থোং থিংলম্বা সেক্তর খুদিংমক্না ঙসিদি মখোয়গী তেলেন্তশিংগী খুদম মীয়ামদা পীরি”
“নেস্নেল এজুকেসন পোলিসীনা ওইথোকপা য়াবা মশিং থীঙমদ্রবা কয়া ফংনবা ঐখোয়দা খুৎলায় পীবিরে”
Posted On:
07 JUL 2022 4:11PM by PIB Imphal
প্রধান মন্ত্রী, শ্রী নরেন্দ্র মোদীনা নেস্নেল এজুকেসন পোলিসী চৎনহনবগা মরী লৈননা পাংথোকপা অখিল ভারতিয় শিক্ষা সামাগম ভরানসিদা ঙসি হৌদোকখ্রে। উত্তর প্রদেশকী রাজ্যপাল, শ্রীমতি অনন্দিবেন পতেল, উত্তর প্রদেশকী মুখ্য মন্ত্রী য়োগী অদিত্যনাথ, কেন্দ্র মন্ত্রী শ্রী ধর্মেন্দ্র প্রধান, শ্রীমতি অন্নপুর্না দেবী, দাঃ সুভাস সরকার, দাঃ রাজকুমার রঞ্জন সিংহ, রাজ্যগী মন্ত্রী, এজুকেস্নেলিস্ত অমসুং অতোপ্পা স্তেকহোলদরশিংনা থৌরমসিদা শরুক য়াখি।
প্রধান মন্ত্রীনা তিল্লিবা মীয়ামদা ৱা ঙাঙবদা ‘ঐখোয়গী এজুকেসন সীস্তেম অমসুং নহা ওইরিবা চারোন-শুরোনশিংনা ‘অমৃত কাল’গী ৱাশক ফংহন্নবা অচৌবা থৌদাং শাগোন্নরি’ হায়না ফোংদোকখি। মহাক্না মহামানা মদম মোহন মালবিয়াগী মফমদা কোক নোল্লদুনা সামাগমগীদমক্তা য়াইফ পাউজেল পীখি। ঙসিগী নুমিৎকী অঙনবদা, প্রধান মন্ত্রীনা এল.তি. কোলেজতা অকশয় পাত্রা মিদ-দে মীল কিৎচন শঙ্গাখি। মহাক্না ঙসি ৱারী শাখিবা মহৈরোইশিংগী মফমদা উবা ফংখিবা তেলেন্তশিংগী অৱাংবা থাকশিংনা হায়রিবা তেলেন্তশিংগী কান্নবা লৌনবা হোৎনবগী তঙাই ফদবা লৈরে হায়বা তাকখি হায়না মহাক্না হায়খি।
প্রধান মন্ত্রীনা “নেস্নেল এজুকেসন পোলিসীগী মরু ওইবা পান্দমদি এজুকেসনবু অখুবা ৱাখল্লোন্দগী পুথোক্লক্তুনা 21শুবা চহি-চাগী মতমগা চুনবা ৱাখল্লোনগা অমত্তা ওইহনবনি” হায়না ফোংদোকখি। লৈবাক অসিদা হী-শিংবগী অৱাৎপা অমত্তা লৈরমদে অদুবু ব্রিতিশশিংনা শেম্লম্বা এজুকেসন সীস্তেম অসি ভারতকী ইথোসকী শরুক কৈদৌনুংদা ওইরমদে হায়না প্রধান মন্ত্রীনা হায়খি। মহাক্না ভারতকী এজুকেসন সীস্তেমগী তোঙানবা মতিক-মগুন চেনবগী ৱাফমদা মীয়ামগী পুক্নিং চিংশিনখি অমসুং হায়রিবা মগুনশিংনা ভারতকী এজুকেসন সীস্তেম্বু শক্তাকসি হায়বা ৱাহৌদোক থমখি। প্রধান মন্ত্রীনা “ঐখোয়না দিগ্রী পায়বা নহাখক শেমগদবা নত্তে, লৈবাকপু মাংজিল থানা পুনবগীদমক্তা তঙাই ফদবা হ্যুমেন রিসোর্স খুদিং পীবা ঙমগদবা এজুকেসন সীস্তেম অমা লৈবাক্কী মফমদা পীগদবনি। ৱারেপ অসিবু ঐখোয়গী ওজা অমসুং এজুকেসনগী ইন্সতিত্যুসনশিংনা লমজিংগদবনি” হায়বা ৱাফমদা অহেনবা মিৎয়েং চঙখি। অনৌবা ভারত অমা শেম্নবগীদমক্তা অনৌবা অমসুং মতমগা চুনবা পথাপ অমগী য়াম্না মরু ওইনা মথৌ তাই হায়না মহাক্না ফোংদোকখি। মমাংদা খল্লমদবা কয়ানা ঙসিগী অশেংবা ওইরে হায়না মহাক্না মখা তাখি। প্রধান মন্ত্রীনা মখা তারকপা ওইনা “কোরোনাগুম্বা চাউরবা লাইচত্তগী ঐখোয়না খোঙজেল য়াঙনা থোক্লকপদা নত্তনা ঙসিদি ভারতনা মালেমগী খ্বাইদগী য়াঙনা শাহৌ লৌরিবা শেন্মিৎলোনগী মনুংসু চল্লে। ঙসিদি ঐখোয়না মালেমগী খ্বাইদগী অহুমশুবা চাউবা স্তার্ত-অপ ইকোসীস্তেম ওইরে” হায়বা ৱাফম ফোংদোকখি।
প্রধান মন্ত্রীনা সরকার খক্তনা থবক পুম্নমক পাংথোক্লম্বা স্পেস তেক্নোলোজীগুম্বা সেক্তরশিংদা হৌজিক্তি প্রাইভেত প্লেয়রশিংগী খুত্থাংদা নহারোলশিংগী অনৌবা মালেম অমা শেম্লে হায়খি। লৈবাক্কী ইচানুপী অমসুং নুপীশিংগীদমক্তা থোং থিংলম্বা সেক্তর খুদিংমক্না ঙসিদি ঐখোয়গী নুপীমচাশিংগী তেলেন্তশিংগী খুদম মীয়ামদা পীরি।
অঙাংশিংগী তেলেন্ত শকঙদুনা মখোয়গী অপাম্বগী মখা পোন্না স্কিল লৈবা ওইহনবনা অনৌবা পোলিসী অসিগী মপুং ওইবা মিৎয়েংনি হায়না প্রধান মন্ত্রীনা ফোংদোকখি। “ঐখোয়গী নহারোলশিংনা স্কিল লৈবা, প্রেক্তিকেল অমসুং কালক্যুলেতিব ওইনবা, এজুকেসন পোলিসীনা মসিগীদমক্তা ফম্বাক শেম্লি”, হায়না মহাক্না ফোংদোকখি। ৱাখল খনবগী অনৌবা থৌওং অমগা লোয়ননা ঐখোয়না তুংগী মতমগীদমক্তা থবক পায়খৎপগী তঙাই ফদবা লৈ হায়না প্রধান মন্ত্রীনা হায়খি। ঙসিগী অঙাংশিংনা থাক ৱাংবা তেলেন্ত লৈবগী মতৌ উৎলি অমসুং মখোয়বু তেংবাংদুনা মখোয়গী তেলেন্তকী কান্নবা লৌবা ঙম্নবগীদমক্তা ঐখোয়না নীংথিনা শেম-শাদুনা লৈবগী মথৌ তারে হায়না মহাক্না হায়খি।
এন.ই.পি. শেম্নবা হোৎনবদা চঙখিবা থবক-থৌরম অমসুং হোৎনজমন কয়াবু প্রধান মন্ত্রীনা থাগৎখি, অদুগা পোলিসী শেম্লবা মতুংদা মসিগী খোঙজেলনা তপথবা নাইদনা অদুমক চৎলি হায়নসু মহাক্না ফোংদোকখি। পোলিসী অসিবু চৎনহনবগা মরী লৈনবা খন্ন-নৈনবা অমসুং থবক কয়া লেপ্তনা পায়খৎলি। প্রধান মন্ত্রী মশামক্না সেমিনার অমসুং থৌরম কয়াদা শরুক য়াখ্রে অমসুং পোলিসী অসিবু চৎনহনবগী মতাংদা মশাগী ৱাফম কয়া ফোংদোকখ্রে। পুম্নমক অসিনা মরম ওইরগা, লৈবাক্কী নহারোলশিংনা লৈবাক চাউখৎহনবগী থৌওংদা খোঙলোই ওইরকপগী ফিভম অমা লৈহল্লে।
লৈবাক অসিগী এজুকেসন ইনফ্রাস্ত্রকচরবু চাউনা শেমগৎপগী মতাংদা প্রধান মন্ত্রীনা ৱাফম থমখি। লৈবাক অসিদা অনৌবা কোলেজ, আই.আই.তি., আই.আই.এম. কয়া হাংলক্লে। ইং ২০১৪দগী হৌদুনা মেদিকেল কোলেজকী মশিংদা চাউরাকপা ৫৫%গী চাংদা হেনগৎলে হায়না মহাক্না পাউদমখি। য়ুনিভর্সিতীশিংগী কম্মন এন্ত্রান্স তেস্তনা য়ুনিভর্সিতীদা মিং চনবদা লাইহনবগা লোয়ননা মান্নবা খুদোংচাবা পীরগনি। “নেস্নেল এজুকেসন পোলিসীনা ইমালোলদা মহৈ তম্বগী লম্বী হাংদোক্লে। থৌওং অসিগী মনুং চনবা ওইনা, সংস্কৃতকুম্বা অরিবা লোলবু চাউখৎহন্নবা থবক পায়খৎলি”, হায়না মহাক্না হায়খি।
ভারতনা এজুকেসনগী চাউরবা ময়োল অমা ওইরকপা ঙমগনি থাজবা লৈ হায়না প্রধান মন্ত্রীনা ফোংদোকখি। ভারতকী এজুকেসন সীস্তেম্বু মালেমগী থাক্তা পুখৎনবা শেম-শানবগীদমক্তা কাঙলোন কয়া শেমখ্রে হায়না মহাক্না হায়খি। ইন্সতিত্যুসনশিংগী মালেমগী ওইবা হীরমগীদমক্তা য়ুনিভর্সিতী ১৮০দা অখন্নবা ওফিস হংখ্রে। মহাক্না অখঙ-অহৈশিংনা ফিল্দদা চৎনরিবা মালেমগী থৌওংশিংগী মতাংদা খঙনবা হায়খ্রে।
প্রধান মন্ত্রীনা প্রেক্তিকেল এক্সপেরিএন্স অমসুং ফিল্দ ৱর্ক্কী মরু ওইবদা মিৎয়েং চঙখি অসুং ‘লেব তু লেন্দ’গী ৱাখল্লোন লৈনবা হায়খি। মহাক্না একাদমিক্সশিংনা খঙদোক্লবা চাংয়েংগা লোয়ননা মখোয়গী এক্সপেরিএন্সশিংগী অচুম অরান নীংথিনা খঙদোক্নবা হায়খি। মহাক্না খুদমদা য়ুম্ফম ওইবা রিসর্চ পাংথোক্নবা হায়খি। মহাক্না ভারতকী দেমোগ্রাফিক দিভিদেন্দতা রিসর্চ তৌনবা অমসুং মসিগী কান্নবা লৌনবা পাম্বৈ থিদোক্তুনা মালেমগী লিশল্লক্লিবা খুন্নাইগী ৱারোইশিন পুথোক্নবসু হায়খি। মান্নবা থৌওং ওইনা, রেজিলিএন্ত ইনফ্রাস্ত্রকচর হায়বসি রিসর্চকী অনৌবা হীরম অমা ওইহন্নবা হায়খি। নেস্নেল এজুকেসন পোলিসীনা ওইথোকপা য়াবা মশিং থীঙমদ্রবা কয়া ফংনবা ঐখোয়দা খুৎলায় পীবিরে। ঐখোয়না মসিবু নীংথিনা শিজিন্নগদবনি হায়দুনা মহাক্কী ৱারোল লোইশিনখি।
অখিল ভারতিয় শিক্ষা সামাগম
এজুকেসন মন্ত্রালয়না জুলাই ৭তগী ৯ ফাওবদা শিক্ষা সামাগম শীন-লাঙলি। মসিনা শক্নাইরবা একাদমিসিয়ন, পোলিসী শেম্বা মীওই অমসুং মহৈ-মশিংগী লমদা লুচিংবশিংনা মখোয়গী লৌশিংগী মতাংদা খন্ন-নৈনদুনা মখোয়গী এক্সপেরিএন্সপু অমগা অমগা লান্নদুনা নেস্নেল এজুকেসন পোলিসী ২০২০বু নীংথিনা চৎনহন্নবা অফবা পাম্বৈ য়াৎপগী প্লেতফোর্ম অমা পীগনি। থৌরম অসি লৈবাক শিনবা থুংবগী য়ুনিভর্সিতী (সেন্ত্রেল, স্তেত, দীম অমসুং প্রাইভেত), লৈবাক্কীদমক্তা মরু ওইবা ইন্সতিত্যুসন (আই.আই.তি., আই.আই.এম., এন.আই.তি., আই.আই.এস.ই.আর.) কয়াগী একাদমিক, এদমিনিস্ত্রেতিব অমসুং ইন্সতিত্যুসনগী মকোক থোংবা মীওই ৩০০ হেনবগী কেপাসিতী বিলদিং তৌবগী শরুক অমা ওইনা পাংথোকপনি। তোঙানবা স্তেকহোলদরশিংনা মখোয়-মখোয়গী ইন্সতিত্যুসনশিংদা এন.ই.পি. চৎনহনবগা মরী লৈনা হৌজিক ফাওবগী মায় পাকপশিং তমগনি অমসুং চৎনহনবগী মশক থোকপা থৌরাং, খ্বাইদগী ফবা থৌওং অমসুং মায় পাকপগী ৱারী কয়া শেয়র তৌনগনি।
নুমিৎ হুম্নি চত্থগদবা সামাগমগী মনুংদা এন.ই.পি. ২০২০গী মখাদা হাইয়র এজুকেসনগী শকখঙলবা হীরম ৯গী মতাংদা পেনেল দিস্কসন পাংথোক্কনি। হায়রিবা হীরমশিং অসিদি দিসিপ্লিন য়াম্বা অমসুং হীরম পুম্নমক মনুং চনবা এজুকেসন; স্কিল লৈহনবা অমসুং মসিনা থবক পীবা ঙম্বগী মতিক; রিসর্চ, ইন্নোভেসন অমসুং ওন্তোপ্রিনরশিপ; মগুন লৈবা এজুকেসন পীনবগীদমক্তা ওজাশিংগী কেপাসিতী বিলদিং তৌবা; ক্বালিতী, রেঙ্কিং অমসুং এক্রেদিতেসন; দিজিতেল ইম্পাৱর্মেন্ত অমসুং ওনলাইন এজুকেসন; ইক্বিতেবল অমসুং ইনক্লুসিব এজুকেসন; ভারতকী লৌশিংগী পথাপ; অমসুং হাইয়র এজুকেসনবু মালেমগী থাক্তা পুখৎপা হায়বসিনি।
***
(Release ID: 1839897)
Visitor Counter : 159
Read this release in:
Bengali
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam