প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা হিন্দুস্তান উর্বরক এন্দ রসায়ন লিমিতেদ (ঐচ.য়ু.আর.এল.) হায়বদি গোরাখপুর, সিন্দ্রি অমসুং বারোনিদা ফর্তিলাইজর্স বিভাগকী ন্যু ইনভেস্তমেন্ত পোলিসী (এন.আই.পি.)-২০১২গী এপ্লিকেবিলিতী অসি শাংদোক্নবগী প্রপোজেল অয়াবা পীখ্রে।

ঐচ.য়ু.আর.এল. অসি জুন ১৫, ২০১৬তা ইনকোর্পোরেৎ তৌখিবা কোল ইন্দিয়া লিমিতেদ (সি.আই.এল.), এন.তি.পি.সি. লিমিতেদ (এন.তি.পি.সি.) অমসুং ইন্দিয়ন ওইল কোর্পোরেসন (আই.ও.সি.এল.)গী জোইন্ত ভেঞ্চর কম্পনী অমনি। ঐচ.য়ু.আর.এল. অসিনা এফ.সি.আই.এল.গী হান্নগী গোরাখপুর অমসুং সিন্দ্রি অমসুং জি.এফ.সি.এল.গী বারোনি য়ুনিৎ অসি ইন্সতোল কেপাসিতী ১২.৭ লাখ মেত্রিক তন পর এনম (আই.এল.এম.তি.পি.এ.)গা লোয়ননা অনৌবা গ্যাস বেজ য়ুরিয়া প্লান্তশিং লিংখৎতুনা হিংগৎহনখি। ঐচ.য়ু.আর.এল. য়ুরিয়া প্রোজেক্ত অহুম অসিগী অচংমল লুপা করোর ২৫.১২০ ওইরি। জি.এ.আই.এল.না ঐচ.য়ু.আর.এল.গী য়ুনিৎ অহুম অসিদা নেচরেল গ্যাস সপ্লাই তৌরি।

স্তেৎ-ওফ-দি-আর্ত্তা য়ুম্ফম ওইবা ঐচ.য়ু.আর.এল. প্লান্তশিং অসি য়ুরিয়াগী সেক্তরদা আত্মনির্ভর ওইনবা সরকারনা লোনশিনখ্রবা এস.সি.আই.এল/ঐচ.এফ.সি.এল.গী য়ুরিয়া য়ুনিৎশিং হিংগৎহন্নবা পাইখৎপা থৌরাংগী শরুক অমনি। য়ুনিৎ অহুম অসি কম্মিসন তৌবদা লৈবাক অসিনা পুথোকপা ইন্দিজিনস য়ুরিয়া এল.এম.তি.পি.এ. ৩৮.১ হাপচিল্লগনি অমসুং য়ুরিয়া পুথোকপদা ভারতপু ‘আত্মনির্ভর’ ওইহন্নবা ইকাই খুম্নরবা প্রধান মন্ত্রীগী মঙলান অসি মঙফাওনহনবদা মতেং ওইরগনি। প্রোজেক্ত অসিনা লৈবাক অসিদা ফুদ সেক্যুরিতী ফংহনবগী মথক্তা লৌমীশিংদা হক ফংবা হেনগৎহনবা খক্তা নত্তনা লম্বী-থোং, রেলৱেজ, এন্সিলরী ইন্দস্ত্রী অসিনচিংবা ইনফ্রাস্ত্রকচর চাউখৎহনবা য়াওনা লমদম অদুগী শেন্মীৎলোন্দা শাহৌসু পীগনি।

ঐচ.য়ু.আর.এল. য়ুনিৎ অহুমমক অসিদা দি.সি.এস. (দিস্ত্রিব্যুতেদ কন্ত্রোল সিস্তেম), ই.এস.দি.(ইমর্জেন্সী শতদাউন সিস্তেম) অমসুং এনভাইরমেন্ত মোনিতরিং সিস্তেমশিং য়াওবা স্তেৎ ওফ দি আর্ত ব্লাস্ত প্রুফ কন্ত্রোল রুম অসিগুম্বা তোঙান-তোঙানবা অখন্নবা ফীচরশিং য়াওরি। প্লান্তশিং অসিদা ওফসাইৎ ৱেস্ত ৱাতর দিস্পোসেল লৈতে। সিস্তেমশিং অসি নীংথিনা মোতিবেৎ তৌরবা, থৱায় য়াওবা, নীংথিনা ত্রেন তৌরবা ওপরেতরশিংনা চল্লাইখি। ঐচ.য়ু.আর.এল.-গোরাখপুর য়ুনিৎতা  মীতর ৬৫ শাংবা অমসুং মীতর ২ ৱাংবা ভারতকী অহানবা এয়র ওপরেতেদ বুলেদ প্রুফ রব্বর দাম লৈরি।

ফেসিলিতী অহুম অসিদা মালেমগী খ্বাইদগী ফবা তেক্নোলোজীশিং পুনশিন্দুনা ভারতকী রাজ্য তরেৎ মমিং ওইনা পল্লবদা উত্তর প্রদেশ, বিহার, ঝার্খন্দ, ছত্তিসগর, মধ্য প্রদেশ, ৱেস্ত বেঙ্গল অমসুং ওরিশাদা য়ুরিয়াগী দিমান্দ থুংহন্নবা পান্দম থম্লি।

********