ইকোনোমিক গ্রোথ অমদি সস্তেনেবল দিবেলপমেন্তগী ওইনদি পি.এম. গতিশক্তি অসি ত্রান্সফোর্মেতিব ওইবা খোংথাং অমনি৷ খোংথাং অসি ইঞ্জিন তরেৎ মমিং ওইনা হায়রবদা লম্বীশিং, রেলৱেজশিং, এয়রপোর্তশিং, হিথাংফমশিং, মাস ত্রান্সপোর্ত, ইশিংগী লম্বীশিং অমদি লোজিস্তিক্স ইনফ্রাস্ত্রকচরনা পুদুনা চৎলি৷ ঙসি পার্লিয়ামেন্তদা য়ুনিয়ন বদজেৎ ২০২২-২৩ পুথোক্লদুনা ফাইনান্স অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিথারমননা ইঞ্জিন তরেৎ পুম্নমক অসিনা অমুক্তদা শেল-থুমগী ফিভম অসি হেন্না ফবা মওংদা পুরক্কনি হায়না ফোংদোকখি৷ হায়রিবা ইঞ্জিনশিং অসি ইনর্জী ত্রান্সমিসন, আই.তি. কম্ম্যুনিকেসন, বল্ক ৱাতর অমদি সিৱরেজ, অমদি সোসিএল ইনফ্রাস্ত্রকচরগী কমপ্লিমেন্তরী রোলশিংনা সপোর্ত তৌরি৷ অরোইবদা খোংথাং অসি ক্লিন ইনর্জী অমদি সবকা প্রয়াসনা শক্তি পীরি– কেন্দ্র সরকার, রাজ্য সরকার অমদি প্রাইভেৎ সেক্তরনা পুনশিন্নদুনা হোৎনরি – ময়াম পুম্নমক্কী ওইনা মরু ওইনা নহা পুম্নমক্কীদমক চাওনা থবক্কী অমদি ওল্তরপ্রিন্যুরিএলগী খুদোংচাবশিং ফংহল্লি হায়না মহাক্না ফোংদোকখি৷

পি.এম. গতিশক্তি নেস্নেল মাস্তর প্লান:

শেল-থুমগী অওনবা পুরক্নবা, মল্তিমোদেল কন্নেক্তিবিতী নিংথিনা লৈহন্নবা অমদি লোজিস্তিক ইপিসিয়েন্সীগীদমক পি.এম. গতিশক্তি নেস্নেল মাস্তর প্লানগী স্কোপ অসিদা ইঞ্জিন তরেৎ হাপ্লগনি হায়না শেল-থুম মন্ত্রীনা ফোংদোকখি৷ পি.এম. গতিশক্তি মাস্তর প্লানগী মতুং ইন্না রাজ্য সরকারশিংনা শেমগৎখিবা ইনফ্রাস্ত্রকচর অদুসু মসিদা য়াওরগনি৷ প্লানিং, ইন্নোবেতিব ওইবা লম্বীশিং শিজিন্নবা য়াওনা শেল থাদবা, তেক্নোলোজী শিজিন্নবা অমদি খোংলৈ থুনা চৎনহনবদা মীৎয়েং থম্লগনি৷

নেস্নেল ইনফ্রাস্ত্রকচর পাইপলাইনগা ইঞ্জিন তরেৎ অসিগা মরী লৈনরিবা প্রোজেক্তশিং অসি পি.এম. গতিশক্তি ফ্রেমৱার্ক্কা পুন্না চৎমিন্নরগনি হায়না শ্রীমতি সিথারমননা ফোংদোকখি৷ চৎথোক-চশিন তৌবগী তোঙান তোঙানবা মোদশিংগী মরক্তা মতমগা চুনরবা ৱার্ল্দ ক্লাস ইনফ্রাস্ত্রকচর অমদি লোজিস্তিক সীনর্জী লৈহনবা হায়বা অসিনা মাস্তর প্লানগী তচস্তোন ওইরগনি৷ মসিনা প্রদক্তিবিতী হেনগৎহনবা অমদি ইকোনোমিক গ্রোথ অমসুং দিবেলপমেন্ত হেন্না লৈহনবদা মতেং পাংলগনি হায়না মহাক্না ফোংদোকখি৷

রোদ ত্রান্সপোর্ত:

মীয়াম অমদি পোৎ-চৈশিং হেন্না য়াংনা পুথোক-পুশিন তৌবদা লাইহন্নবা এক্সপ্রেসৱেজকী পি.এম. গতিশক্তি মাস্তর প্লান ২০২২-২৩দা চৎনরগনি হায়না শেল-থুম মন্ত্রীনা ফোংদোকখি৷ ২০২২-২৩দা নেস্নেল হাইৱেজ নেতৱার্ক অসি কি.মি. ২৫,০০০ শাংদোক্লগনি৷ পব্লিক রিসোর্সশিং অসি মপুং ফাহন্নবা ফাইনান্সিংগী ইন্নোবেতিব ৱেজশিংগী খুৎথাংদা লুপা কোতি ২০,০০০ শেম-শাদুনা থম্লগনি হায়না মহাক্না ফোংদোকখি৷

পোৎ-চৈশিং অমদি মীয়ামগী মল্তিমোদেল মুবমেন্ত নিংথিনা থম্বা:

ওপরেতর মোদ পুম্নমক্কী মনুংদা দাতা এক্সচেঞ্জ তৌনরিবা অসি এপ্লিকেসন প্রোগ্রামিং ইন্তরফেজ(এ.পি.আই.)গীদমক শেমখিবা য়ুনিপাইদ লোজিস্তিক্স ইন্তরফেজ প্লেতফোর্ম(য়ু.এল.আই.পি.)দা পুরক্লগনি হায়না শ্রীমতি সিথারমননা ফোংদোকখি৷ মসিনা তেদিয়র্স দোকুমেন্তেসন লৌথোকপদা, মতম চানা ইনবেন্তরী মেনেজমেন্ত তৌবদা মতেং পাংদুনা, লোজিস্তিক কোস্ত অমসুং তাইম হন্থহন্দুনা তোঙান তোঙানবা মোদশিংগী খুৎথাংদা পোৎ-চৈশিং নিংথিনা পুথোক-পুশিন তৌবা য়াহল্লগনি৷ খ্বাইদগী মরু ওইবা ওইনা, মসিনা স্তেকহোল্দর পুম্নমক্ত রিএল তাইম ইনফোর্মেসন ফংহল্লগনি অমদি ইন্তরনেস্নেল কম্পিতিতিব ওইবা হেনগৎহল্লগনি৷ পেসেঞ্জরশিং য়াম্না লাইনা চৎথোক-চশিন তৌবা য়াহন্নবগী ওপন-সোর্স মোবিলিতী স্তেকসু লাইথোকহল্লগনি হায়না মহাক্না ফোংদোকখি৷

মল্তিমোদেল লোজিস্তিক্স পার্কশিং:

পি.পি.পি. মোদকী খুৎথাংদা মফম মরিদা মল্তিমোদেল লোজিস্তিক্স পার্কশিং ইমপ্লিমেন্ত তৌবগী কন্ত্রেক্তশিং ২০২২-২৩দা খুৎশিন্নরগনি৷

রেলৱেজ:

পার্সেলশিং পুথোক-পুশিন তৌবগী সোলুসনশিং নিংথিনা ফংহন্নবা পোস্তেল অমদি রেলৱেজ নেতৱার্কশিং পুনশিনবদা লমজিংলিবা অসিগী মথক্তা অপিকপা লোমীশিং অমদি অপিকপা অমদি ময়াই ওইরপ তৌবা এন্তরপ্রাইজেসশিংগীদমক অনৌবা প্রদক্তশিং অমদি ইফিসিয়েন্ত ওইবা লোজিস্তিক সর্ভিসশিং রেলৱেজনা শেমগৎলগনি হায়না শেল-থুম মন্ত্রতীনা ফোংদোকখি৷

লোকেল বিজিনেস অমদি সপ্লাই চেনশিং অসিদা মতেং পাংননবা ‘স্তেসন অমা-প্রদক্ত অমা’ কন্সেপ্ত অসি মমিং চৎহল্লগনি হায়না মহাক্না ফোংদোকখি৷

অত্মনির্ভর ভারতকী শরুক অমা ওইনা, ২০২২-২৩দা সেফতী অমদি কেপাসিতী ওগমেন্তেসনগী ইন্দিজিনিয়র্স ৱার্ল্দ-ক্লাস তেক্নোলোজী, কবচকী মখাদা কি.মি. ২,০০০গী নেতৱার্ক লৈহল্লগনি৷ লাক্কদৌরিবা চহি অহুমগী মতম অসিদা ইনর্জী ইফিসিয়েন্সী অমদি পেসেঞ্জর রাইদিং এক্সপরিয়েন্স হেন্না লৈবা অনৌবা জেনেরেসনগী বন্দে ভারত ত্রেন চামরি শেমগৎলগনি অমদি পুথোক্লগনি হায়না শ্রীমতি সিথারমননা ফোংদোকখি৷

লাক্কদৌরিবা চহি অহুম অসিদা মল্তিমোদেল লোজিস্তিক্স ফেসিলিতীশিংগীদমক পি.এম. গতিশক্তি কার্গো তর্মিনেল চাম্মা শেমগৎলগনি হায়না মহাক্না ফোংদোকখি৷

রেলৱেজশিং শম্নহনবা য়াওনা অচৌবা আর্বান ত্রান্সপোর্ত:

চুনবা মখলগী মেত্রো সিস্তেমশিং অসি পাক-শন্না শেমগৎনবগীদমক শেল থাদবা অমদি থুনা চৎনহন্নবগী ইনোবেতিব ৱেজশিং অসিদা হেন্না পুক্নিং থৌগৎলগনি হায়না শেল-থুম মন্ত্রীনা ফোংদোকখি৷ সিবিল স্ত্রকচরশিং য়াওনা মেত্রো সিস্তেমশিংগী দিজাইন হোংখ্রে অমদি ভারতকী ফিভমশিং অমদি তঙাই ফদবশিং অসিগীদমক স্তেন্দর হেন্না লৈহনখ্রে হায়না মহাক্না ফোংদোকখি৷

পর্বতমলা: নেস্নেল রোপৱেজ দিবেলপমেন্ত প্রোগ্রাম:

ফিবম লুনা লৈরিবা চিংগী মফমশিংদা লৈরিবা কনবেন্সনেল রোদশিংদা চুনবা ইকোলোজিকেল্লী সস্তেনেবল অল্তরনেতিব অমা ওইনা, নেস্নেল রোপৱেজ দিবেলপমেন্ত প্রোগ্রাম পি.পি.পি. মোদতা পাইখৎলগনি হায়না শ্রীমতি সিথারমননা ফোংদোকখি৷ তুরিজম চাওখৎহনবগী মথক্তা কম্ম্যুতরশিংবু হেন্না খুদোং চাহনবা অমদি লম্বী-থোংগী ফিভম হেন্না ফগৎহন্নবা মীৎয়েং থম্লি হায়না মহাক্না ফোংদোকখি৷ কনবেস্নেল মাস ত্রান্সিৎ সিস্তেম থম্বা য়াদবা মী কুংনা তারিবা শহরগী মফমশিংসু মসিদা মনুং চল্লবা য়াই৷ কি.মি. ৬০ শাংবা রোপৱে প্রোজেক্ত ৮গী কন্ত্রেক্তশিং ২০২২-২৩দা খুৎশিন্নরগনি হায়না মহাক্না ফোংদোকখি৷

ইফ্রাস্ত্রকচর প্রোজেক্তশিংগী কেপাসিতী শেমগৎপা:

কেপাসিতী বিল্দিং কম্মিসনদগী তেক্নিকেলগী ওইবা মতেং লৌদুনা, কেন্দ্র মন্ত্রালয়শিং, রাজ্য সরকারশিং অমদি মখোয়গী ইনফ্রা-এজেন্সীশিংনা মখোয়গী স্কিলশিং অসি অপগ্রেদ তৌরগনি হায়না শেল-থুম মন্ত্রীনা ফোংদোকখি৷ মসিনা প্লানিং, দিজাইন, ফাইনান্সিং(ইন্নোবেতিব ৱেজশিং য়াওনা), অমদি পি.এম. গতিশক্তি ইনফ্রাস্ত্রকচর প্রোজেক্তশিং পাইখৎপা হৌবগী কেপাসিতী অদু হেনগৎহনগনি৷

২০২২-২৩গী ওইনা, ইকোনোমীদা লৈরিবা ইনবেস্তমেন্ত পুম্নমক কেতলাইজিং তৌদুনা রাজ্যশিংবু মতেং পাংনবা লুপা কোতি লাখ ১ কাইথনবা শেল-থুম মন্ত্রীনা পুথোরকখি৷ রাজ্যশিংদা ফংখিবা চহি য়াংখৈগী ইন্তরেস্ত ফ্রী ওইবা লোনশিং অসি নোর্মেল বোরোইংশিং অদুগী মথক্তনি৷

মসিগী কাইথিবা শেনফম অসি পি.এম. গতিশক্তিগা মরী লৈনবা অমদি রাজ্যশিংগী অতোপ্পা প্রদক্তিব কেপিতেল ইনবেস্তমেন্তদা শিজিন্নরগনি৷ মসিদা য়াওগদৌরিবা মচাকশিং অদুদি:

• রাজ্যশিংগী সেয়রদা সপোর্ত তৌবা য়াওনা পি.এম. গ্রাম সদক য়োজনাগী প্রাইয়োরিতী সেগমেন্তশিংগীদমক সপ্লিমেন্তরী ফন্দিং তৌবা,
• দিজিতেল পেমেন্তশিং অমদি ও.এফ.সি. নেতৱার্ক মপুং ফাহনবা য়াওনা ইকোনোমী দিজিতাইজেসন তৌবা, অমসুং
• বাইলোশিং শেমগৎপা, তাউন প্লানিং স্কিমশিং, ত্রান্সিৎ-ওরিয়েন্তেদ দিবেলপমেন্ত, অমদি ত্রান্সফরেবল দিবেলপমেন্ত রাইতশিংগা মরী লৈনবা রিফোর্মশিং৷

*******