হর ঘর, নল সে জল স্কীমগী মখাদা ২০২২-২৩দা ইমুং করোর ৩.৮ য়ৌশিন্নবা লুপা করোর ৬০,০০০ পীথখ্রে। য়ুনিয়ন বজেদ ২০২২-২৩ পুথোকক্তুনা ফাইনান্স অমসুং কোর্পোরেত এফিয়র্সকী মন্ত্রী শ্রীমতি নির্মলা সিতারমন্না হায়খি মদুদি ২০১৪দগী হৌদুনা সরকার অসিনা নাগরীকশিং মরুওইনা লৈত-লায়রশিংগী মপাঙ্গল কনখৎনবা মিৎয়েং চংদুনা লাক্লি। খোঙথাংশিং অসিদা প্রোগ্রামশিং হায়বদি হাওসিং, ইলেক্ত্রিসিতী, কুকিং গ্যাস অমসুং ঈশিং ফংহনবা য়াওরি। হেন্না মরীক চুম্না পীরদুনা ফাইনান্স মন্ত্রীনা হায়খি মদুদি হর ঘর, নল সে জলগী হৌজিক লৈরিবা কবরেজ অসি লুপা করোর ৮.৭নি, হায়রিবা অসিগী মনুংদা হৌখিবা চহি ২গী মনুংদা ইমুং করোর ৫.৫দা তোতি ঈশিং ফংহনখ্রে।   

প্রধান মন্ত্রী অৱাজ য়োজনা

২০২২-২৩দা খুঙ্গং অমসুং সহর অনিমক্কী পি.এম. অৱাজ য়োজনাগী মশক খঙদোক্লবা ইলিজিবল ওইরবা বেনিফিসরীশিংগীদমক য়ুম লাখ ৮০ শাবা লোইশিন্নবা লুপা করোর ৪৮,০০০ অমসু পীথখ্রে। সহরগী মফমশিংদা মিদ্দল ক্লাস অমসুং ইকোনোমেকেলী ৱীকর সেক্সন্দা চুনবা য়ুমশিং পীনবগীদমক, লম অমসুং য়ুম-শাবগী মরী লৈনবা এপ্রুবেলশিং পীবদা চংবা মতম হন্থনবা কেন্দ্র সরকারনা রাজ্য সরকারশিংগা লোয়ননা থবক তৌগনি। কেপিতেল হেন্না পীনবা লোয়ন-লোয়ননা ইন্তর্মেদিয়েসনগী কোস্ত হন্থনবা সরকারনা ফাইনান্সিএল সেক্তর রেগুলেতরশিংগা লোয়ননা থবক তৌগনি।

বাইব্রেন্ত ভিলেজেস প্রোগ্রাম

ফাইনান্স মন্ত্রীনা অনৌবা বাইব্রেন্ত ভিলেজেস প্রোগ্রামগী মখাদা অৱাং থংবা ঙমখৈদা লৈবা খুঙ্গংশিং য়ৌশিন্নবা ৱাফম থম্লক্লি। “চাইথোক্তুনা লৈবা মীশিংগা লোয়ননা ঙমখৈদা লৈরিবা, অকক্নবা কনেক্তিবিতী অমসুং ইনফ্রাস্ত্রকচরনা চাউখৎ থৌরাংদা থিন্থহল্লি। অসিগুম্বা অৱাং থংবা ঙমখৈদা লৈবা খুঙ্গংশিং অসি অনৌবা বাইব্রেন্ত ভিলেজেস প্রোগ্রামগী মখাদা কোনশিনগনি। থবকশিং অসিদা খুঙ্গংগী ইনফ্রাস্ত্রকচর শেমগৎপা, হাউসিং, তুরিস্ত সেন্তরশিং, লম্বী ফাওনবা, রিনেৱেবল ইনর্জী দিসেন্ত্রালাইজগী প্রোবিজন তৌবা, দুর্দশন অমসুং এজুকেসনেল চেনেলগী দাইরেক্ত তু হোম ফংহনবা অমসুং লাইবলিহুদ জেনেরেসনগী মতেং তৌবা য়াওগনি। থবকশিং অসিগী অহেনবা ফন্দশিংসু পীগনি। হান্ননা লৈরিবা স্কীমশিংসু পুন্না তৌরগনি। ঐখোয়না মখোয়গী তৌরকপা থবকশিং লেপ্পা লৈতনা য়েংশিনগনি” হায়না শ্রীমতি নির্মলা সিতারমন্না হায়খি।    

এস্পিরেসনেল ব্লোক্স প্রোগ্রাম

ফাইনানন্স মন্ত্রীনা মহাক্কী বজেদকী ৱা ঙাংবদা হায়খি মদুদি ২০২২-২৩দা এস্পিরেসনেল ব্লোক্স প্রোগ্রাম পান্দম অসি মরুওইবা সেক্তরশিংদা মতিক চানা থবকশিং চংশিন্দ্রবা ব্লোকশিংদা পীরগনি। “এস্পিরেসনেল ব্লোক্স প্রোগ্রামগী খুত্থাংদা লৈবাক অসিদা লৈরিবা য়াম্না শোৎথরবা অফবা পুন্সি মহিং অমা লৈবা হেনগৎহন্নবগী পান্দম অসি য়াম্না তেনবা মতম অমদা অশেংবা ওইনা ওন্থোরক্লি। অসিগুম্বা দিস্ত্রীক্ত ১১২গী মনুংদা চাদা ৯৫ অমদি মরুওইবা সেক্তরশিং হায়বদি হেলথ, ন্যুত্রিসন, ফাইনান্সিএল ইনক্লুজন অমসুং বেসিক ইনফ্রাস্ত্রকচরদা মশক থোক্না খুমাং চাউশিল্লি। মখোয় অসিনা রাজ্যগী এবরেজ ভেল্যুদগী হেন্দুনা চৎলি। অদুম ওইনমক, দিস্ত্রীক্ত খরদি শোৎথদুনা লৈরি। ২০২২-২৩দা, প্রোগ্রাম অসিনা দিস্ত্রীক্তশিং অসিগী অসিগুম্লবা ব্লোকশিংদা মিৎয়েং চংলগনি” হায়না শ্রীমতি নির্মলা সিতারমন্না হায়খি।   

*****