মরু ওইবশিং:

• অজাদি কা অমিৃত মাহোতসবকী শরুক অমা ওইনা ফিৎ ইন্দিয়া ফ্রীদম রন পাংথোক্লি
• অনৌবা ভারত অসি ফিৎ ওইবা ভারত অমা ওইহন্নবগী ফিৎনেস প্লেজ অদু শ্রী অনুরগ থাকুরনা লৌখি
• ‘ফিৎ ওইবা ভারত’না  ‘হিত ওইবা ভারত’ অমা শেমগনি: শ্রী অনুরগ থাকুর
• য়ুথ এফিয়র্স অমসুং স্পোর্তসকী রাজ্য মন্ত্রী(এম.ও.এস.) শ্রী নিসিথ পার্মনিকসু পার্তিসিপেন্তশিং অদুগা আইকোনিক লোকেসনশিংদা ৱারি-ৱতায় শানখি

লৈবাক অসিনা মনিং-মখা তম্লকপা চহি ৭৫ মপুং ফারকপা অসিগা মরী লৈননা পাংথোক্কদৌরিবা অজাদি কা অমিৃ মহোতসবকী শরুক অমা ওইনা য়ুথ এফিয়র্স অমসুং স্পোর্তসকী কেন্দ্র মন্ত্রী শ্রী অনুরগ থাকুর অমসুং য়ুথ এফিয়র্স অমসুং স্পোর্তসকী রাজ্য মন্ত্রী(এম.ও.এস.) শ্রী নিসিথ পার্মনিকনা ওগস্তকী তাং ১৩দা ফিৎ ইন্দিয়া ফ্রীদম রন ২.০গী নেসনৱাইদ প্রোগ্রাম অদু লোঞ্চ তৌখি৷ স্পোর্তস দিপার্তমেন্তগী সেক্রেতরী, শ্রী রবি মিত্তল, য়ুথ এফিয়র্স দিপার্তমেন্তগী সেক্রেতরী শ্রীমতি উশা শর্ম থৌরম অসিদা শরুক য়াখিবা মীওইশিংগী মনুংদা পনবা য়াবা খরনি৷

কেন্দ্রগী মন্ত্রী অদুনা ফ্রীদম রন অদু দিল্লীগী মেজর দ্যান চান্দ নেস্নেল স্তেদিয়মদগী লমথাখি অমসুং স্তেদিয়ম অদুদা পাংথোকখিবা ফ্রীদম রন অদুদা শরুক য়াখি, ইভেন্ত অদু আইকোনিক ওইবা মফমশিং খুদম ওইনা পোর্ত ব্লেয়রগী সেল্লুলর জেল; লাহোল স্পিতিদা লৈরিবা কাজা পোস্ত; মু্ম্বাইগী গেতৱে ওফ ইন্দিয়া অমসুং পঞ্জাবকী অতারি ঙমখৈ য়াওনা লৈবাক অসিগী অতোপ্পা মফম ৭৫দসু পাংথোকখি৷

শ্রী অনুরগ সিংহ থাকুরনা ফিৎ ইন্দিয়া ফ্রীদম রন অদুদা শরুক য়াশিন্দুনা অনৌবা ভারত অসি ফিৎ ওইবা ভারত অমা ওইহন্নবগী ফিৎনেস প্লেজ অদু লৌখি৷ অজাদি কা অমিৃত মহোতসবকী শরুক অমা ওইনা ফিৎ ইন্দিয়া ফ্রীদম রন ২.০ লোঞ্চ তৌখিবা অসিদা স্পোর্তস মন্ত্রীনা শরুক য়ারিবা মীওইশিং অদুগা লোইননা রাস্ত্রগন শকখি৷

ঐখোয়গী নিংতম লান্মীশিং অদুদা ইকাই খুম্নবা উৎপা ওইনা মার্শেল দান্স পর্ফোমেন্ত অমা উৎতুনা থৌরম অদু কল্চর মন্ত্রালয়না হৌদোকখি অমসুং মতুং তারকপদা মন্ত্রীশিং অসিনা ভর্চুএল্লী ওইনা লৈবাক অসিদা লৈরিবা নেহরু য়ুভ কেন্দ্র সঙ্গথান(এন.ৱাই.কে.এস.) ভোলুন্তিয়রশিং, আর্ম অমসুং পেরামিলিতরী ফোর্সশিংগী মেম্বরশিংগা ৱারি-ৱতায় শানখি অমসুং মখোয়না লৈবাক অসি ঙাক-শেনবতা নত্তনা লৈবাক অসিদা লৈরিবা নহাশিংনা মখোয়গী পুন্সিগী শরুক অমা ওইনা মখোয়গী হকচাং অদু ফনা থম্নবা নহাশিং অসিবু হেন্না পুক্নিং থৌগৎনবসু মন্ত্রী অসিনা হায়খি৷

লৈবাক অসিগী তোঙান তোঙানবা আইকোনিক লোকেসনশিংদা পার্তিসিপেন্তশিং অসিগা উন্নখিবদা, স্পোর্তস মন্ত্রীনা অসুম্না ফোংদোকখি মদুদি ভারতনা মনিং-মখা তম্বা চহি ৭৫ মপুং ফারকপা অসিদা, ফিৎ ইন্দিয়া ফ্রীদম রন ২.০ কেম্পেন্দ অসি অজাদি কা অমিৃত মহোতসবকী শরুক অমা ওইনা পাংথোক্লিবনি৷ ফ্রীদম রন ইভেন্ত অসিনা ভারতপু মনিং-মখা তমহনখিবা নেস্নেল হিরোশিং অসিগা লৈবাক অসিগসু কন্নেক্ত তৌরগনি হায়না মহাক্না মখাতানা ফোংদোকখি৷ লাক্কদৌরিবা চহি ২৫ অসিদা ঐখোয়গী লৈবাকনা করম্বা শেপ অমসুং দিরেক্সন লৌরক্কদগে হায়বসি ঐখোয় ইশা ফিৎ ওইবগী মখা পোল্লি হায়না মন্ত্রী অসিনা পনখি৷ “নহা ওইবগী ৱাখল্লোন, হকচাং অমসুং থৱাই অসি অফবা অমসুং ফিৎ ওইবা ভারত অমা শেম্নবগী মরু ওইবা মচাক্নি ’ হায়না মন্ত্রী অসিনা হঞ্জিন-হঞ্জিন পনখি৷ ‘ফিৎ ওইবা ভারত’ খক্তনা  ‘হিত ওইবা ভারত’ অমা শেমগনি হায়না মন্ত্রী অসিনা মখা তাখি৷ মীয়াম পুম্নমক ইহৌ অসিদা শরুক য়ানবা শ্রী অনুরগ থাকুরনা তকশিনখি, “ফিৎ ইন্দিয়া জন অন্দোলন অসি মীয়াম শরুক য়ারবা মতম খক্তদা ওইথোক্কনি হায়না প্রধান মন্ত্রীদা ময়ামদা ফোংদোকখ্রে৷ মীয়াম্না মখোয় মখোয়গী অপাম্বা লম্বী অমসুং মফম অমা খন্দুনা মসিগী ইতিহাসিক ওইরবা ইহৌ অসিগী শরুক অমা ওইনবা ঐনা মীয়ামদা তকশিল্লি৷”

অসামগী এস.এস.বি. পর্সোনেলগা ৱারি-ৱতায় শানখিবদা, ভারতনা মনিং-মখা তম্লকপা চহি ৭৫ মপুং ফারকপগী থৌরম পাংথোক্লগনি হায়না মন্ত্রী শ্রী অনুরগ থাকুরনা ফোংদোকখি, মফম ৭৫গী মীয়াম্না ইহৌ অসিদা শরুক য়ারগনি অমসুং মসি মীপুং খুদিংমক্তা য়ৌরগনি৷ অতারি ঙমখৈগী বি.এস.এফ. পর্সোনেলসু থৌরম অদুদা শরুক য়াখি অমসুং ভারতনা মহাক্কী অজাদি কা অমিৃত মহোতসব পাংথোক্কদৌরিবা অসিদা ফিৎ ইন্দিয়া অসি খুঙ্গং খুদিংদা য়ৌহন্নবা বি.এস.এফ. পর্সোনেলগা উন্নখিবগী থৌরম অদুদা মন্ত্রী অদুনা ফোংদোকখি৷ সি.আর.পি.এফ. পর্সোনেলনা অলাহবাদতা লৈরিবা অজাদ পার্কতগী জোইন তৌরকখি৷ ফিৎ ইন্দিয়া মুবমেন্ত অসিদা শরুক য়াখিবা অসিগীদমক পর্সোনেলশিংবু য়ুথ অমসুং স্পোর্তস এফিয়র্সকী রাজ্যগী মন্ত্রী শ্রী নিসিথ প্রামনিকনা মহাক্কা উন্নবদা থাগৎখি অমসুং অনৌবা ভারত, ফিৎ ওইবা ভারত অমা ওইহনবা হায়বা প্রধান মন্ত্রীগী মংলান অদু মংফাওনহন্নবা হায়খি৷

মতুং তারকপা মেদিয়াগা উন্নখিবদা শ্রী অনুরগ থাকুরনা অসুম্না ফোংদোকখি “অজাদি কা অমিৃত মহোতসব পাংথোক্নবা অমসুং লৈবাক অসিদা লৈরিবা নহাশিংনা ফিৎনেস পাংথোকপদা হেন্না পুক্নিং হাপনবা ঙসি ঐখোয়না ফিৎ ইন্দিয়া ফ্রীদম রন ২.০ লো়ঞ্চ তৌখিবনি৷ লমজেল অসি লৈবাক অসিগী আইকোনিক লোকেসন ৭৫দা পাংথোক্লি,  লমজেল অসি মখাতানা লৈবাক অসিগী জিলা ৭৫০রোমগী চাংদা জিলা অমমমগী খুঙ্গং ৭৫দা য়ৌহল্লগনি অমসুং ফিতনেস কি দোজ, আধা ঘুন্তা রোজ কেম্পেন্দ অদু য়োকখৎলগনি৷ মসিগা লোইননা, প্রধান মন্ত্রীগী ফিৎনেস ইহৌ অসি লৈবাক শিনবা থুংনা য়ৌহন্নবা অমসুং ইহৌ অসিবু অচৌবা ফিৎনেস ইহৌ অমা ওইহন্নবা ঐখোয়না পান্দম থম্লি৷ ফ্রীদম রন অসি ওগস্ত ১৫দা হৌরগনি অমসুং ২০২১গী ওক্তোবর ২ ফাওবা চত্থরগনি৷ মসিগা লোইননা, লৈবাক অসিদা লৈরিবা নহা অমসুং প্রজা কোতি ৭.৫০ হেনবদা য়ৌহন্নবা ঐখোয়না পান্দম থম্লি৷”

থৌরম অসিদা ৱা ঙাংলদুনা শ্রী নিসিথ প্রামনিকনা শরুক য়ারিবা মীওই পুম্নকপু থাগৎখি অদুগা অনৌবা ভারতপু ফিৎ ওইবা ভারত অমদা ওন্থোকপা অসিনা প্রধান মন্ত্রী শ্রী নরেন্দ্র মোদীগী মংলান ওইরি অমসুং মসিগী ফিৎ ইন্দিয়া ফ্রীদম রন ২.০ অসিনা মংলান অসি মংফাওনহনবদা য়াম্না মরু ওইবা থৌদাং অমা লৌরগনি হায়না ফোংদোকখি৷

চয়োল খুদিংগী ওইনা ফিৎ ইন্দিয়া ফ্রীদম রন অসি জিলা ৭৫দা পাংথোক্লগনি অমসুং ২০২১গী ওক্তোবর থা ফাওবদা জিলা অমমগী খুঙ্গং ৭৫দা পাংথোক্লগনি হায়না স্পোর্তসকী সেক্রেতরী শ্রী নবি মিত্তলনা ফোংদোকখি৷ মীয়াম্না মখোয় মখোয়গী পুন্সি মরেলদা চেনবা-চোংবা অমসুং শান্নবগুম্বা ফিৎনেস এক্তিবিতীশিং অসি হেন্না পাংথোক্নবা পুক্নিং থৌগৎপা অসিনা কেম্পেন্দ অসিগী পান্দম ওইরি৷

ফিৎ ইন্দিয়া ফ্রীদম রন ২.০গী মনুং চনখিবা মরু ওইবা এক্তিবিতীশিং অদুদি ৱাশক লৌবা, নেস্নেল এন্থেম শকখিবা, তোঙান তোঙানবা মফমশিংদা কল্চরেল ফঙ্কসনশিং শিনখিবা, নহা ভোলুন্তিয়রশিংনা শরুক য়াহন্নবা অমসুং মখোয় মখোয়গী খুঙ্গংশিংদা অসিগুম্বা প্রীদম রনশিং অসি শিল্লুনবা এৱার্নেস পীখিবা অদুনি৷ মীয়াম্না মখোয় মখোয়না চেনখিবা অদু ফিৎ ইন্দিয়া পোর্তেল https://fitindia.gov.inদা রেজিস্তর তৌবা য়াগনি অমসুং অপলোদ তৌবা য়াগনি অমসুং মীয়ামশিংনা মখোয় মখোয়গী সোসিএল মেদিয়া চেনেলশিংদা # রন৪ইন্দিয়া অমসুং #অজাদি কা অমিৃত মহোতসব থাদুনা ফ্রীদম রন অসি প্রমোত তৌবা য়াগনি৷

তোঙান তোঙানবা লেবেলশিংদা পাংথোক্লিবা ইভেন্তশিং অসিগী মশক থোকহন্দুনা মীয়ামশিং হেন্না শরুক য়াহন্নবা, পুক্নিং থৌগৎনবা অমসুং মোতিবেত তৌনবা মশক নাইরবা মীওইশিং, পব্লিক রিপ্রজেন্তেতিবশিং, পি.আর.আই. লিদরশিং, সোসিএল ৱার্করশিং, স্পোর্তস শান্নরোইশিং, মেদিয়াগী মীওইশিং, দোক্তরশিং, লৌমীশিং অমসুং আর্মী পর্সোনেলদা হায়জরি৷ কোবিদ-১৯ প্রোতোকোলশিং নিংথিনা ইন্দুনা ইভেন্তশিং অসি লৈবাক শিনবা থুংনা ফিজিকেল্লী অমসুং ভর্চুএল্লী ওইনা পাংথোক্লি৷

*****