গৃহ মন্ত্রালয় (এম.ঐচ.এ.)না হন্দক হোস্পিতালশিং অমসুং নর্সিং হোমশিংদা শোর্ত-সর্কিৎনা মরম ওইরগা মৈহৌ-লাংপোক্কী থৌদোকশিং থোকখিবা অসিগী মতাংদা রাজ্য অমসুং য়ুনিয়ন তেরিতোরী সরকারশিংগী পুক্নিং চিংশিনখ্রে।

ঙসি রাজ্যশিংগী চীফ সেক্রেতরীশিং অমসুং য়ুনিয়ন তেরিতোরীশিংগী এদমিনিস্ত্রেতরশিংগা পাউ ফাওনবদা কেন্দ্রগী হোম সেক্রেতরীনা হন্দক থোকখিবা মৈহৌ-লাংপোক্কী থৌদোকশিং অসিগী হীরমদা অমদি মরু ওইনা লাক্কদৌরিবা কালেন থা অসিগী য়েংলগা তেম্পরেচর ৱাংখৎলকপা, ফেসিলিতীশিংগী মনুংদা লৈরিবা ইন্তর্নেল ৱায়রিংদা মেন্তেনেন্স ৱাৎপা নত্ত্রগা লোদ ৱাংবা অসিনা মরম ওইরগা শোর্ত সর্কিৎ থোক্তুনা মৈহৌ-লাংপোক্কী থৌদোকশিং থোকহল্লি অমসুং মীওইবগী পুন্সি মাংবা অমদি তঙাই ফদবা ইনফ্রাস্ত্রকচরদা অমাংবা থোকহল্লিবা অসিদা মীৎয়েং চংবা মথৌ তাই হায়না ফোঙদোকখ্রে।

পাউ ফাওনবা অদুনা প্লান ওফ এক্সন অমা থমদুনা সরকার অমসুং প্রাইবেৎ সেক্তর অনিমক্তা লৈরিবা হেল্থ ফেসিলিতী অমা হেক্তদা (মরু ওইনা কোবিদ-১৯ দেদিকেতেদ ফেসিলিতীশিং) মৈহৌ-লাংপোক্কী থৌদোক অমত্তা থোকহনদনবা হোৎনবা তাই হায়না মখা তানা ফোঙদোকখ্রে।

রাজ্যশিং অমসুং য়ু.তি.শিংদা হেল্থ, পাৱর অমসুং ফায়র দিপার্তমেন্তশিংগী ওফিসিএলশিংগা লোইননা কুপ্না য়েংশিন্নবা অমসুং হোস্পিতালশিং অমসুং হেল্থ ফেসিলিতীশিংদা মৈহৌ-লাংপোক থোকপদগী ঙাকথোক্নবা খোঙথাংশিং লৌখৎনবা প্লান ওফ এক্সন অমা শেম্নবা খঙহনখ্রে।

রাজ্যশিং অমসুং য়ু.তি.শিংদা তোঙান তোঙানবা থাকশিংদা লৈরিবা মরী লৈনবা ওফিসিএলশিংদা য়াথং পীদুনা হেল্থ ফেসিলিতীশিংদা চৎতুনা ফেসিলিতীশিং অসিগী মনুংদা মৈহৌ-লাংপোক্তগী ঙাকথোক্নবা কাংলোনশিংগী মতুং ইন্না ইন্তর্নেল ৱায়রিংশিং অমসুং ফঙ্কস্নেল সেফতী ইক্বিপমেন্ত লৈবরা য়েংশিন্নবা অমসুং অৱাৎপশিং লৈরম্বা তারবদি খুদক্তা মথৌ তাবা তঙাই ফদবা থবক পাইৎনবসু খঙহনখ্রে।

গৃহ মন্ত্রালয়না হন্দক্তা দিরেক্তর জেনরেল (ফায়র সর্ভিসেস, সিভিল দিফেন্স অমসুং হোম গর্দস), এম,ঐচ.এ.না হোস্পিতালশিং অমসুং নর্সিং হোমশিংদা মৈহৌ-লাংপোক ঙাকথোক্নবগী চেকশিল-থৌরাংগী মতাংদা এদভাইজরী থোকখিবা অদুগী মতাংদসু পুক্নিং চিংশিনখ্রে।

লৈবাক শিনবা থুংবদা লৈরিবা কোবিদ-দেদিকেতেদ হেল্থ ফেসিলিতীশিংদা মশিং য়াম্লবা কোবিদ-১৯ কেসশিং লায়েং চত্থদুনা লৈরি হায়নসু পাউ ফাওনবা অদুদা থমখ্রে। অয়াম্বা কেসশিংদা ওক্সিজেন য়াওবা বেদশিং, আই.সি.য়ু. বেদশিং অমসুং ভেন্তিলেতরশিং অসি য়াম্না মরু ওই মরম অসিনা হোস্পিতাল অমসুং মেদিকেল ফেসিলিতী পুম্নমক্তা চাং নাইনা পুং ২৪ পাৱর সপ্লাই লেপ্তনা ফংহনবা মরু ওই।

পুন্সি খুদিংমক কনবা মরু ওইনা লৌবা অমসুং অনাবা মীওইশিংদা অফবা হেল্থ কিয়র দেলিভরী তৌবদা অপনবা থোকপা য়াবা থৌদোক মখল অমত্তা থোকহন্দনবা মথৌ তাবা খোঙথাংশিং মাংজৌননা লৌখৎতুনা কোবিদ-১৯ মেনেজ তৌরিবা হেল্থ ফেসিলিতী পুম্নমক্তা মথৌ তাবা তেংবাং পীবা য়াম্নমক মরু ওই হায়না পাউ ফাওনখিবা অদুদা অকনবা ৱাফম ফোঙদোকখ্রে।

*****