প্রধানমন্ত্রীগী লোইশঙ

প্রধান মন্ত্রীনা ফার্মা ইন্দস্ত্রীগী লুচিংবশিংগা ৱারী শাখ্রে

Posted On: 19 APR 2021 8:08PM by PIB Imphal

প্রধান মন্ত্রী নরেন্দ্র মোদীনা ভিদিও কনফরেন্সিংগী থোংদা ফার্মাকোতিকেল ইন্দস্ত্রীগী লুচিংবশিংগা ৱারী শাখ্রে। প্রধান মন্ত্রীনা লাইচৎ অসিগী মায়োক্তা লান্থেংনবদা ফার্মা সেক্তরদা লৌরিবা মরু ওইবা থৌদাং অসিগীদমক থাগৎপা ফোঙদোকখ্রে।

পি.এম. মোদীনা অসিগুম্বা অৱাবা ফীভম অসিদসু ফার্মা ইন্দস্ত্রীনা মথৌ তৌরিবা মওং অসিবু থাগৎপা ফোঙদোকখ্রে।

পি.এম. মোদীনা ঙসি ভারতপু ‘মালেমগী ফার্মাসী’ হায়না শকখঙনরিবা অসি ফার্মা ইন্দস্ত্রীনা হোৎনখিবননি হায়না ফোঙদোকখ্রে। লাইচৎ মনুংদা মালেমদা লৈরিবা লৈবাক ১৫০ হেনবদা তঙাই ফদবা হীদাক-লাংথকশিং ফংহনখি হায়না মহাক্না ফোঙদোকখ্রে। শীংনবশিং লৈরবসু ভারতকী ফার্মা ইন্দস্ত্রীনা হৌখিবা চহিগী এক্সপোর্ত্তা চাদা ১৮গী গ্রোথ লৈখি, মসিনা ভারতনা তৌবা ঙম্বা অদু উৎখি হায়নসু রেজিস্তর তৌখি হায়না প্রধান মন্ত্রীনা থমখ্রে।

ভাইরস অসিগী অনিশুবা ৱেভ অমসুং কেসশিংগী মশিং ৱাংখৎলক্লিবা অসি য়েংলগা ফার্মা ইন্দস্ত্রীনা তোঙান তোঙানবা তঙাই ফদবা হীদাক-লাংথকশিং পুথোকপা হেনগৎরিবশিং অসিবু পি.এম. মোদীনা শীংথাখ্রে। রেমদেসিভিরগুম্বা ইঞ্জেক্সনশিংগী মমল হন্থহল্লিবা অসিগীদমক মখোয়বু থাগৎপা ফোঙদোকখ্রে। পি.এম. মোদীনা ফার্মা ইন্দস্ত্রীদা অপনবা লৈতবা সপ্লাই চেনশিং লৈহন্নবা অপাম্বা ফোঙদোকখ্রে। পি.এম. মোদীনা লোজিস্তিক্স অমসুং ত্রান্সপোর্তেসন অসিগুম্বা ফেসিলিতীশিংগীদমক সরকারগী তেংবাংসু পীখ্রে।

মহাক্না ইন্দস্ত্রীদা ইন্দস্ত্রীদা কোবিদকা লোইননা তুংলমচৎতা থোরকপা য়াবা অকিবশিংদা রিসর্চশিং তৌবা হেন্না হেনগৎনবা হায়খ্রে। মসিনা ঐখোয়না ভাইরস অসি লাকশিনবদা মাংজিল থাবদা মতেং ওইগনি হায়না মহাক্না ফোঙদোকখ্রে।

ফার্মা ইন্দস্ত্রীদগী মতেং নীরদুনা পি.এম. মোদীনা সরকার অসিনা অনৌবা দ্রগশিং অমসুং রিগুলেতরী প্রোসেসশিংগীদমক রিফোর্মশিং পাইখৎলি হায়না থাজবা পীখ্রে।

সরকার অসিদগী ফংলিবা প্রোএক্তিব ওইবা মতেং অমসুং তেংবাং অসিগীদমক ফার্মা ইন্দস্ত্রীগী লুচিংবশিংনা থাগৎপা ফোঙদোরকখ্রে। মখোয়না হৌখিবা চহি অমা অসিদা হীদাক-লাংথকশিং ফংহন্নবা মেন্যুফেকচরিং অমসুং লোজিস্তিক্স মথৌ তৌদুনা লৈহন্নবা হোৎনখিবশিং অদু পাউদমখি। মেন্যুফেকচরিং,  ত্রান্সপোর্তেসন, লোজিস্তিক্স অমসুং এন্সিল্লরী সর্ভিসেসকীদমক ফার্মা হবশিংদা ওপরেসনশিং অৱাংবা থাক্তা মেন্তেন তৌদুনা থম্লি। কোবিদ লায়েংবগী প্রোতোকলকী হীদাল-লাংথক খরগী দিমান্দ অমুক্তা ওইখিদ্রিবা মওংদা হেনগৎলবসু লৈবাক অসিদা অপুনবগী ওইনা লাক্লিবা হীদাক-লাংথক্কী দিমান্দ অসি থুংহন্নবা লৌখৎলিবা খোঙথাংশিংগী ইনপুৎশিংসু  শরুক য়ারিবশিং শিয়র তৌখি।

মীফম অসিদা কেন্দ্রগী হকশেল মন্ত্রী শ্রী হর্শ বর্ধন, এম.ও.এস. (হেল্থ) শ্রী অশ্বিনি কুমার চৌবে, কেন্দ্রগী কেমিকেল অমসুং ফর্তিলাইজর মন্ত্রী শ্রী দি.ভি. সদানন্দা গৌরা, এম.ও.এস. (সি এন্দ এফ) মনসুখ মন্দবিয়া, প্রিন্সিপল সেক্রেতরী তু পি.এম. দা. ভি.কে. পোল অমসুং কেন্দ্র সরকারগী মন্ত্রালয়শিং/বিভাগশিংগী অতোপ্পা ওফিসরশিংগী মরক্তা মেম্বর (ঐচ) নিতি আয়োগ, কেবিনেৎ সেক্রেতরী, কেন্দ্রগী হেল্থ সেক্রেতরী, য়ুনিয়ন ফার্মাকোতিকেল সেক্রেতরী, দা. বালরাম ভারাগবা, দি.জি. আই.সি.এম.আর. হায়বরিবশিং অসিনা শরুক য়াখি।

******



(Release ID: 1712802) Visitor Counter : 41