ಪ್ರಧಾನ ಮಂತ್ರಿಯವರ ಕಛೇರಿ

2021ರ ಮಾರ್ಚ್ 11ರಂದು ಸ್ವಾಮಿ ಚಿದ್ಭಾವನಾನಂದಜೀ ಅವರ ಭಗವದ್ಗೀತೆಯ ಎಲೆಕ್ಟ್ರಾನಿಕ್ ಆವೃತ್ತಿಯನ್ನು  ಬಿಡುಗಡೆ ಮಾಡಲಿರುವ ಪ್ರಧಾನಮಂತ್ರಿ

Posted On: 10 MAR 2021 4:56PM by PIB Bengaluru

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು 2021ರ ಮಾರ್ಚ್ 11ರಂದು (ಗುರುವಾರ) ಬೆಳಗ್ಗೆ 10.25ಕ್ಕೆ ವರ್ಚುವಲ್ ಮಾಧ್ಯಮದ ಮೂಲಕ ಸ್ವಾಮಿ ಚಿದ್ಭಾವನಾನಂದಜೀ ಅವರ ಭಗವದ್ಗೀತೆಯ ಎಲೆಕ್ಟ್ರಾನಿಕ್ ಆವೃತ್ತಿಯನ್ನು  ಬಿಡುಗಡೆ ಮಾಡಲಿದ್ದು, ಈ ಸಂದರ್ಭದಲ್ಲಿ ಭಾಷಣ ಮಾಡಲಿದ್ದಾರೆ. ಸ್ವಾಮಿ ಚಿದ್ಭಾವನಾನಂದ ಸ್ವಾಮೀಜಿ ಅವರ ಭಗವದ್ಗೀತೆಯ 5 ಲಕ್ಷ ಪ್ರತಿಗಳು ಮಾರಾಟವಾದ ಅಂಗವಾಗಿ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಸ್ವಾಮಿ ಚಿದ್ಭಾವನಾನಂದಜೀ ಅವರು ತಮಿಳುನಾಡಿನ, ತಿರುಚಿರಾಪಳ್ಳಿಯ, ತಿರುಪ್ಪಾರೈತುರೈನ ಶ್ರೀ ರಾಮಕೃಷ್ಣ ತಪೋವನ ಆಶ್ರಮದ ಸಂಸ್ಥಾಪಕರಾಗಿದ್ದಾರೆ. ಸ್ವಾಮೀಜಿ ಅವರು ಸಾಹಿತ್ಯದ ಎಲ್ಲ ಪ್ರಕಾರಗಳಲ್ಲಿ 186 ಪುಸ್ತಕಗಳನ್ನು ಬರೆದಿದ್ದಾರೆ. ಗೀತೆಯ ಕುರಿತಾದ ಅವರ ಪಾಂಡಿತ್ಯಪೂರ್ಣ ಕೃತಿಯು ಈ ವಿಷಯದ ಬಗ್ಗೆ ಹೆಚ್ಚು ವಿಸ್ತಾರವಾದ ಪುಸ್ತಕಗಳಲ್ಲಿ ಒಂದಾಗಿದೆ. ಗೀತೆಯ ತಮಿಳು ಆವೃತ್ತಿಯನ್ನು ಅವರ ವ್ಯಾಖ್ಯಾನಗಳೊಂದಿಗೆ 1951ರಲ್ಲಿ ಪ್ರಕಟಿಸಲಾಯಿತು, ನಂತರ 1965ರಲ್ಲಿ ಇಂಗ್ಲಿಷ್ ಆವೃತ್ತಿ ಪ್ರಕಟಿಸಲಾಯಿತು. ತೆಲುಗು, ಒರಿಯಾ, ಜರ್ಮನ್ ಮತ್ತು ಜಪಾನೀ ಭಾಷೆಗಳಿಗೆ ಇದರ ಅನುವಾದಗಳನ್ನು ಭಕ್ತರು ಮಾಡಿಸಿದ್ದಾರೆ.

***


(Release ID: 1704027) Visitor Counter : 178


Read this release in: Odia , Assamese , English , Urdu , Hindi , Marathi , Bengali , Manipuri , Punjabi , Gujarati , Tamil , Telugu , Malayalam