பிரதமர் அலுவலகம்
வர்த்தக ரீதியிலான முதல் பிரத்யேக பிஎஸ்எல்வி-சி51/அமேசானியா-1 திட்டம் வெற்றியடைந்ததற்கு என்எஸ்ஐஎல் மற்றும் இஸ்ரோவுக்கு பிரதமர் வாழ்த்து
Posted On:
28 FEB 2021 1:24PM by PIB Chennai
வர்த்தக ரீதியிலான முதல் பிரத்யேக பிஎஸ்எல்வி-சி51/அமேசானியா-1 திட்டம் வெற்றியடைந்ததற்கு நியூ ஸ்பேஸ் இந்தியா லிமிடெட் (என்எஸ்ஐஎல்) மற்றும் இஸ்ரோவுக்கு பிரதமர் வாழ்த்து தெரிவித்துள்ளார்.
சுட்டுரையில் பிரதமர் விடுத்துள்ள செய்தியில், ‘‘ வர்த்தக ரீதியிலான முதல் பிரத்யேக பிஎஸ்எல்வி-சி51/அமேசானியா-1 திட்டம் வெற்றியடைந்ததற்கு என்எஸ்ஐஎல் மற்றும் இஸ்ரோவுக்கு வாழ்த்துக்கள். நாட்டின் விண்வெளி சீர்திருத்தங்களில், இது புது சகாப்தத்தை ஏற்படுத்துகிறது. 4 சிறிய செயற்கை கோள்கள் உட்பட, 18 துணை செயற்கை கோள்கள் அனுப்பப்பட்டுள்ளது, நமது இளைஞர்களின் ஆற்றல் மற்றும் புதுமையை வெளிகாட்டுகிறது’’ என குறிப்பிட்டுள்ளார்.
பிஎஸ்எல்வி-சி51 ராக்கெட் மூலம் அமேசானியா-1 செயற்கைகோள் வெற்றிகரமாக ஏவப்பட்டதற்காக பிரேசில் அதிபர் ஜெய்ர் போல்சனாரோவுக்கும் பிரதமர் வாழ்த்து தெரிவித்தார்.
இது தொடர்பாக பிரதமர் விடுத்துள்ள மற்றொரு சுட்டுரையில், ‘‘ பிரேசில் நாட்டின் அமேசானியா-1 செயற்கை கோள் பிஎஸ்எல்வி-சி51 மூலம் வெற்றிகரமாக ஏவப்பட்டதற்கு அதிபர் ஜெய்ர் போல்சனாரோவுக்கு வாழ்த்துக்கள். நமது விண்வெளி ஒத்துழைப்பில், இது வரலாற்று சிறப்புமிக்க தருணம். பிரேசில் விஞ்ஞானிகளுக்கு எனது பாராட்டுக்கள்’’ என குறிப்பிட்டுள்ளார்.
*****
(Release ID: 1701510)
Visitor Counter : 280
Read this release in:
English
,
Urdu
,
Hindi
,
Marathi
,
Manipuri
,
Assamese
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam