PIB Headquarters

কোবিদ-১৯গী মতাংদা পি.আই.বি.গী বুলেতিন

Posted On: 13 JAN 2021 5:30PM by PIB Imphal

   Coat of arms of India PNG images free download

  • ঙসি ভারতকী এক্তিব কেসলোদ ২,১৪,৫০৭দা তাথরকখি
  • হৌখিবা পুং ২৪দা নেস্নেল তেল্লীজা কেস ১৫,৯৬৮ হাপচিল্লকখি অমদি মতম অসিদা নাবা ফগৎলকখিবা ১৭,৮১৭ রেজিস্তার তৌরকখি
  • কোবিদ-১৯ ভেক্সিন হৌদোকপা, ইন্দিয়ানা কোবিদ-১৯গী ভেক্সিন পুথোক্নবা শেম-শাখ্রে, সেন্তরনা স্তেতশিং/য়ু.তি.শিংদা কো-ৱিন মেনেজমেন্তকীদমক লমজিংখ্রে
  • প্রধান মন্ত্রীনা লুচিংদুনা কোবিদ-১৯ ভেক্সিনেসনগী মতাংদা মুখ্য মন্ত্রীশিংগা লোয়ননা মীফম ফমখ্রে
  • কোবিদ-১৯ তিকা থাবগী খোঙজং অসি ২০২১গী জনুৱারী ১৬তগী হৌনবা মতম লেপলে

#Unite2FightCorona

#IndiaFightsCorona

Image

ভারতনা এক্তিব কেসলোদতা হন্থরকপগী মাইকৈদা লেপ্তনা চংশিল্লি; নুমিৎ ১৯৭নিগী মতুংদা লাখ ২.১৪ লৈখ্রে, হৌখিবা পুং ২৪দা নুংতিগী থেংনবা অনৌবা কেস ১৫,৯৬৮ রেজিস্তর তৌখ্রে

ভারতকী এক্তিব কেসলোদ অসি ঙসি লাখ ২.১৪ (২,১৪,৫০৭)দা হায়থখ্রে। অপুনবা পোজিতিব কেসশিংদা এক্তিব কেসশিংগী লৈরিবা শরুক অসি মখা তানা ২.০৪%দা হন্থখ্রে। মসি নুমিৎ ১৯৭নিগী মতুংদা খ্বাইদগী নেম্বনি। জুন ৩০, ২০২০দা অপুনবা এক্তিব কেস ২,১৫,১২৫ ওইখি। হৌখিবা পুং ২৪দা অপুনবা এক্তিব কেসশিংদা কেস ২০৫১ পুন্না হন্থখিবগী রেকোর্দ তৌখি। ভারত্তা নুংতিগী থেংনবা কেসশিং অসি নুমিৎ খুদিংগী লেপ্পা লৈতনা হন্থরকপী রেজিস্তর তৌরি। হৌখিবা পুং ২৪দা লৈবাক অসিগী মশিংদা নুংতিগী থেংনবা অনৌবা কেস ১৬,০০০দগী (১৫,৯৬৮) তানা হাপচিনখ্রে। অমরোমদা হৌখিবা পুং ২৪দা ১৭,৮১৭ নাবা ফগৎখ্রে। অনৌবা কেসশিংদগী ফগৎখিবশিংনা মশিং হেল্লকপা অসিনা এক্তিব কেসশিংদা লেপ্তনা হন্থহনখ্রে। পুন্না ফগৎখিবা কেস ১০,১২৯,১১১ শুখ্রে মসিনা নাবা ফগৎপগী চাং ৯৫.৫১% ওইহনখ্রে। নাবা ফগৎখিবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি অমসুং হৌজিক্কী ওইনা ৯৯,১৪,৬০৪ য়ৌখ্রে। নৌনা ফগৎখিবা কেসশিংগী ৮১.৮৩%দি রাজ্য/য়ু.তি. ১০দগী ওইবা উবা ফংখ্রে। কেরেলানা ফগৎখিবা ৪,২৭০গা লোইননা নোংমা খক্তদা মশিং খ্বাইদগী য়াম্না ফগৎপগী রিপোর্ত তৌরকখ্রে। নৌনা ফগৎখিবা ৩,২৮২গা লোইননা মহারাস্ত্রনা মতুং ইন্নখ্রে। ছত্তিসগরনা নুংতিগী ফগৎপা ১,২০৭ অমগা রেকোর্দ তৌখ্রে। অনৌবা কেসশিংগী ৭৪.৮২%দি রাজ্য অমসুং য়ু.তি. ৭তগী ওইখ্রে। হৌখিবা পুং ২৪দা কেরেলানা নুংতিগী থেংনবা অনৌবা কেস ৫,৫০৭ থেংনদুনা মশিং খ্বাইদগী য়াম্বা রিপোর্ত তৌখ্রে। মহারাস্ত্রনা অনৌবা কেস ২,৯৩৬ রেকোর্দ তৌখ্রে অরোমদা কর্নাতকানা ঙরাং অনৌবা কেস ৭৫১ রিপোর্ত তৌখ্রে। হৌখিবা পুং ২৪দা শীখিবগী রিপোর্ত তৌখিবা কেস ২০২গী মনুংদা ৭০.৩০% রাজ্য/য়ু.তি. তরেৎতগী ওইখ্রে। মহারাস্ত্রনা শীখিবা ৫০ রিপোর্ত তৌখ্রে। কেরেলা অমসুং ৱেস্ত বেঙ্গদা মথং শীৎনা নৌনা শীখিবা ২৫ অমসুং ১৮ থেংনদুনা মতুং ইন্নখ্রে। কোবিদ-১৯ বেক্সিনেসন দ্রাইব জনুৱারী ১৬, ২০২১দগী হৌনবা শেম শাখ্রে। লৈবাক শিনবা থুংনা পাঙথোক্কদবা এক্সর্সাইস অসি মীয়াম্না শরুক য়াবা (জন ভাগিদরী)গী প্রিন্সিপল; মীখলগী এক্সপরিয়েন্স শীজিন্নবা (বুথকী লালোং) অমসুং য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.); হৌজিক লৈরিবা হেল্থকিয়র সর্ভিসেস, মরু ওইনা নেস্নেল প্রোগ্রামশিং অমসুং প্রাইমরী হেল্থ কিয়রদা কমপ্রোমাইস তৌদনা; সাইন্তিফিক অমসুং রিগুলেতরী নোর্মশিং, অতোপ্পা এস.ও.পি.শিং কমপ্রোমাইস তৌদনা; অমসুং তেক্নোলোজীনা দ্রিবন তৌবা পথাপ নাইনা অমসুং লাইনা ইমপ্লিমেন্ত তৌবগী থৌওংশিং অসিগা লোইননা পাঙথোক্কনি। কোবিদ-১৯ বেক্সিন রোল-আউৎ অসিনা হেল্থকিয়র ৱার্করশিং অমসুং ফ্রন্তলাইন ৱার্করশিংদা অহানবা খুদোংচাবা পীগনি অমসুং হায়রিবা অসি করোর ৩ ওইরগনি, মসিগী মতুংদা চহি ৫০গী মথক্ত আ অমদি কো-মোর্বিদিতীসগা লোইননা চহি ৫০গী মখা লৈবা মীওই করোর ২৭রোমদা ফংহনগনি।

অকুপ্পা ৱারোলগীদমক :

কোবিদ-১৯ ভেক্সিন হৌদোকপা, ইন্দিয়ানা কোবিদ-১৯গী ভেক্সিন পুথোক্নবা শেম-শাখ্রে, সেন্তরনা স্তেতশিং/য়ু.তি.শিংদা কো-ৱিন মেনেজমেন্তকীদমক লমজিংখ্রে

সেন্তর অসিনা মাংজৌননা কোবিদ-১৯গী ভেক্সিন অসি পুথোক্নবা স্তেতশিং/য়ু.তি.শিংগী থৌবুশিংগা খুৎশম্নদুনা থৌরম অসি পাংথোক্নবা শেম-শাদুনা লৈরে। হেলথ অমসুং ফেমিলি ৱেলফিয়রগী য়ুনিয়ন মিনিস্তর (এম.ও.ঐচ.এফ.দবল্যু)না ঙসি স্তেত অমসুং য়ু.তি.শিংগী এদমিনিস্ত্রেসনশিংগা লোয়ননা ভেক্সিন এদমিনিস্ত্রেসন অসিগী খ্বায়দগী অরোইবা ওইরিবা কোৱিন সোফতৱায়রগা ভিদিও কনফরেন্স অমা পাংথোকখ্রে। মিতিং অসি কোবিদ-১৯ কোন্বেৎকী এম্পাৱর গ্রুপ ওন তেক্নোলোজিকেল অমসুং দেতা মেনেজমেন্তগী চেয়রমেন অমসুং কোবিদ-১৯গী নেস্নেল এক্সপার্ত গ্রুপ ওন ভেক্সিন এদমিনিস্ত্রেসনগী মেম্বর শ্রী রাম সেৱাক শর্ম্মানা চেয়র লৌখি। মিতিং অসি স্তেত প্রিন্সিপাল সেক্ত্রেতরী, এন.ঐচ.এম. মিসন দাইরেক্তরস অমসুং স্তেত ইম্ম্যুনাইজেসন ওফিসর অমসুং হেলথ মিনিস্ত্রীগী মকোক থোংবা ওফিসরশিং য়াওরি। মিতিং অসিগী মনুংদা স্তেতশিং/য়ু.তি.শিনা কো-ৱিন সোফতৱায়রদা পীরকপা ফীদবেক অমসুং মসিগী শিজিন্নগদবা, দ্রাই রনস্তগী থেংনবা অৱাবশিং অসি মমুৎ তানা খন্নখি। শ্রী আর. এস. শর্ম্মানা কো-ৱিন সোফতৱায়গী মতাংদা মপুং ফাবা মিংয়েং অমা পীখি অমসুং মসিগী প্রিন্সিপল অসিনা ভেক্সিন্নেসন শিজিন্নবাদা তেক্নোলোজিগী মতেং পীগনি। মহাক্না হায় মদুদি, য়াম্না চেৎপা, থাজবা য়াবা অমসুং য়াম্না য়াংবা তোক্নোলোজি অসিনা লৈবাক অসিগী কোবিদ-১৯ ভেক্সিনেসন্দা মতেং পীগনি মসিনা মালেমগী ওইনা খ্বায়দগী চাওবা ইম্ম্যুনাইজেসনগী থবক ওইগনি। মসি মমাংদা অমুক্তা তৌখিদ্রিবা ইম্ম্যুনাইজেসন অমনি হায়না মহাকনা উৎখি। শরুক য়ারিবশিং অসিদা ৱা ঙাংলদুনা মহাক্না হায় মদুদি, থৌওং অসি মীয়ামগী ওইবনি, ভেক্সিন অসি মতমখুদিংদা অমসুং মফম খুদিংদা ফংহন্নবা হোৎনবনি।

অকুপ্পা ৱারোলগীদমক :

কোবিদ-১৯ বেক্সিন রোল আউৎ, দা. হর্শ বর্ধন্না জনুৱারী ৮দা অশোই-অঙাম য়াওদবা দ্রাই রন পাঙথোক্নবা শেম-শারিবা অসি য়েংশিন্নবা অমসুং মখোয়না হকথেংননা লুচিংনবা রাজ্যশিং/য়ু.তি.শিংগী হলশেল মন্ত্রীশিংগা লোইনননা ৱারী শাখ্রে

কেন্দ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধন্না ঙসি ভিদিও কনফরেন্সকী খুত্থাংদা হয়েং জনুৱারী ৮দা লৈবাক শিনবা থুংনা কোবিদ বেক্সিনেসনগী মোক দ্রিল পাঙথোক্নবা শেম শারিবা অসি য়েংশিন্নবা রাজ্যশিং/য়ু.তি.শিংগী হকশেল মন্ত্রীশিং অমসুং প্রিন্সিপল সেক্রেতরীশিং/এদিস্নেল চীফ সেক্রেতরীশিংগা লোইননা ৱারী শাখ্রে। মহাক্না মখোয়না কুপ্না য়েংশিন্নবা অমদি এক্সর্সাইস অসি মখোয় য়াওশিনদুনা লমজিংনবসু খঙহনখ্রে। অনিশুবা ওইনা লৈবাক শিনবা থুংনা পাঙথোক্কদবা মোক দ্রিল অসি রাজ্য/য়ু.তি. ৩৩গী জিলা ৭৩৬দা সেসন সাইৎ অহুমদা পাঙথোক্কনি। কোবিদ১৯ বেক্সিনেসনগী মোক দ্রিলগী পন্দম অসি তশেংবা বেক্সিন এদমিনিস্ত্রেসনগী থৌরম অদুগা চপ মান্ননা পাঙথোকপনি। দিস্ত্রিক্ত কল্লেক্তর/দিস্ত্রিক মেজিসত্রেদকী লুদিং মখাদা বেনিফিসরী রেজিস্ত্রেসন, মাইক্রো প্লানিং অমসুং থৌরাং তৌবা সেসন সাইৎতা বেক্সিনেসন তৌবা য়াওনা বেক্সিনেসন দ্রাইবকী থৌরাং পুম্নমক চায়েং তৌগনি। দ্রাই রন অসিনা কোবিদ-১৯ রোল আউৎকী হিরম পুম্নমক্কী মতাংদা রাজ্য, জিলা, ব্লোক অমসুং হোস্পিতালগী থাক্তা লৈরিবা ওফিসরশিংদা হেন্না খঙহনগনি। থবক-থৌরমশিং অসিনা এদমিনিস্ত্রেতরশিংনা প্লানিং, ইমপ্লিমেন্তেসন অমসুং মেকানিজমশিং রিপোর্ত তৌবা অসিগী মরক্তা লৈরিবা মরীশিং মপাঙ্গল কনখৎহনবদা, তশেংনা ইমপ্লিমেন্ত তৌদ্রিঙৈ মাংঙোইননা লৈরিবা শিংনবশিং খঙদোকপদা অমসুং বেক্সিনেসন দ্রাইব মপুং ফানা ইমপ্লিমেন্ত তৌনবা থাক পুম্নমক্তা প্রোগ্রাম মেনেজরশিংগী থৌনা হাপ্পদা মতেং ওইগনি।

অকুপ্পা ৱারোলগীদমক :

লৈবাক শিনবা থুংনা পাঙথোকপা অচৌবা এক্সর্সাইস অমদা কোবিদ ১৯ বেক্সিন থাবগী অতোপ্পা মোক দ্রিল অমা রাজ্য অমসুং য়ু.তি. পুম্নমক্তা জনুৱারী ৮, ২০২১দা পাঙথোক্কনি

কেন্দ্র সরকারনা লৈবাক শিনবা থুংনা কোবিদ-১৯গী বেক্সিন পুথোক্নবা শেম-শারিবা অসিদা কেন্দ্রগী হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দবল্যু.)না কোবিদ-১৯ বেক্সিন পুথোক্নবা শেম-শারিবা অসি য়েংশিন্নবা রাজ্যশিং/য়ু.তি.শিং অমসুং অতোপ্পা স্তেকহোল্দরগা লোইননা চুংশিন্নদুনা হোৎনবা ঙমহন্নবা হৌখিবা থা খরা অসিদা মসি পুথোক্নবা প্রো-এক্তিব ওইনা য়াওশিনখি। হন্দক্তা কোবিদ বেক্সিন অনি দ্রগস কন্ত্রোলর জেনরেল ওফ ইন্দিয়া (দি.সি.জি.আই.)না ইমর্জেন্সীদা শীজিন্ননবা ওথোরাইজেসন পীখ্রে। কোবিদ-১৯ বেক্সিন রোল আউৎ অথুবদা তৌনবা তৌরি। মাই পাকপগী পন্দুপ য়ৌবা অসিদা লৈবাক অসিদা বেক্সিনেসন দ্রাইব পাঙথোক্নবা থৌরাং তৌখিবা মেকানিজম পুম্নমক তেস্ত তৌবা মথৌ তাই। তশেংনা পাঙথোকপা অসিগী চাংয়েং ওইনা রাজ্য/য়ু.তি. পুম্নমক্কী জিলা পুম্নমক্তা বেক্সিন দেলিবরীগী মপুং ফানা প্লানিং তৌনবা অমসুং মেনেজমেন্ত তৌনবা রাজ্য/য়ু.তি. পুম্নমক্কী (জনুৱারী ৫ অমসুং জনুৱারী ৭তা মথং শিৎনা জিলা পুম্নমক্তা দ্রাই রন পাঙথোকখ্রবা/পাঙথোক্কদবা য়ু.পি. অমসুং হরিয়ানা য়াওদনা) জিলা ৭০০+দা অতোপ্পা দ্রাই রন/মোক দ্রিল অমা জনুৱারী ৮, ২০২১দা পাঙথোক্নবা থৌরাং তৌখি। জিলা অমমমনা পব্লিক হেল্থ ফেসিলিতী (দিস্ত্রিক্ত হোস্পিতাল/মেদিকেল কোলেজ), প্রাইবেৎ হেল্থ ফেসিলিতী, অমসুং রুরেল নত্ত্রগা অর্বান আউৎরীচ সাইৎশিং য়াওনা মখল অহুমগী সেসন খঙদোক্কনি।

অকুপ্পা ৱারোলগীদমক :

প্রধান মন্ত্রীনা লুচিংদুনা কোবিদ-১৯ ভেক্সিনেসনগী মতাংদা মুখ্য মন্ত্রীশিংগা লোয়ননা মীফম ফমখ্রে

প্রধান মন্ত্রী, শ্রী নরেন্দ্র মোদীনা রাজ্য অমসুং য়ুনিয়ন তেরিতরীশিংগী মুখ্য মন্ত্রীশিং অমসুং লৈঙাক্লোইশিংগা লোয়ননা কোবিদ-১৯গী ভেক্সিন কাপ্পগী শেম-শাবা অমসুং হৌজিক্কী ওইরিবা ফিভম য়েংশিন্নবা অৱাংবা থাক্কী মীফম অমা জনুৱারি ১১, ২০২১দা ভিদিও কনফরেন্সিংগী খুত্থাংদা ফমখ্রে। প্রধান মন্ত্রীনা হান্নগী প্রধান মন্ত্রী ওইরম্বা শ্রী লাল বহাদুর শাস্ত্রীনা লৈখিদবগী কুমওন লাকপদা মহাক্কী মফমদা ইকায় খুম্নবা উৎখ্রে। মহাক্না কেন্দ্র অমসুং রাজ্যগী মরক্তা লেপ্পা লৈতনা পাউ ফাওনদুনা ভাইরস অসিগা লান্থেংনবদা মরু ওইবা থৌদাং লৌখিবা মতম চানা ৱারেপ লৌখিবগী থৌওংশিংগীদমক্তা থাগৎপা ফোংদোকখি। মসিগী থৌওং অসিনা মরম ওইদুনা ভাইরস অসিনা শন্দোকপা অসি অতোপ্পা লৈবাকশিংগা চাংদম্নবদা ঐখোয়না হেন্না নীংথিজনা থিংবা ঙমখ্রিবনি। লাইচৎ অসিনা হৌরকপদা মীয়াম্না অকি-তুজুংবা পোক্নরম্বা অদু হৌজিক্তি য়াম্না হন্থরে অমসুং মশাদা থাজবা হেনগৎলকপা অসিনা শেন্মিৎলোনগী থবকশিংদসু য়াম্না ফবা মমি অমা তারে হায়না প্রধান মন্ত্রীনা ফোংদোকখি। মহাক্না রাজ্য সরকারশিংবুসু মসিগী লানফম অসিদা থৌনা ফনা লান্থেংনখিবগীদমক্তা থাগৎপা ফোংদোকখি। প্রধান মন্ত্রীনা লৈবাক অসিনা মালেমগী খ্বাইদগী চাউবা ভেক্সিন কাপ্পগী কেম্পেন অমা জনুৱারি ১৬তগী হৌগদৌরিবা অসিদগী লানফম অসিগী ৱারোইশিন পুরকপা য়াবা তাঙ্কক্তা লৈরে হায়না ফোংদোকখি। অথু-অনাগী ওইনা শিজিন্নবা য়ারে হায়বগী অয়াবা পীখ্রবা ভেক্সিন অনিমক অসি ভারত্তা শাবা ঙাক্তা ওইবা অসিদা ঐখোয়না চাউথোকচবা ফাওই হায়দুনা প্রধান মন্ত্রীনা হায়খি। ভেক্সিন অনিমক অসি মালেমগী অতোপ্পা ভেক্সিনশিংগা চাংদম্নবদা মমল য়াম্না তাঙদে হায়না হায়রদুনা করিগুম্বা ভারতনা ভেক্সিনগী মতাংদা মীরমগী মপান তাংলম্বা তারগদি য়াম্না অৱাবা অমা ওইরনগনি হায়বা ৱাফমসু থমখি। মুখ্য মন্ত্রীশিংনা ভেক্সিন থাদোকপা হৌরকপা অসিদা নুংঙাইবা ফাওনখি। মখোয়না ভেক্সিনগা মরী লৈনবা হীরম কয়া অমগী মতাংদা ৱাফম কয়া অমা পুথোরকখিবশিং অদু মীফম অসিদা খন্ন-নৈনদুনা য়াশিন্নবা পুরকখি।

অকুপ্পা ৱারোলগীদমক :

কোবিদ-১৯গী ফিভম অমসুং তিকা থাবা হৌবগী মতাংদা সি.এম.শিংগা পাঙথোকপা মীফম লোইশিল্লকপদা পীখিবা পি.এম.গী ৱারোল

অকুপ্পা ৱারোলগীদমক :

প্রধান মন্ত্রীনা কোবিদ-১৯গী ফিবম অমসুং কোবিদ-১৯ তিকা থানবগী থৌরাং তৌরিবশিং হন্না য়েংশিনখ্রে

ঙসি প্রধান মন্ত্রীনা লুচিংদুনা পাংথোকখিবা অৱাংবা থাক্কী মীফম অমদা লৈবাক অসিদা হৌজিক ওইরিবা কোবিদ-১৯গী ফিবম অমসুং কোবিদ তিকা থানবা রাজ্যশিং/য়ু.তিশিংদা থৌরাং তৌরিবশিং হন্না য়েংশিনখ্রে। মীফম অদুদা কেবিনেত সেক্রেতরি, প্রধান মন্ত্রীগী প্রিন্সিপাল সেক্রেতরি, হেল্থ সেক্রেতরি অমসুং মরী লৈনবা অতোপ্পা সেনিয়র ওফিসিএলশিং শরুক য়াখি। কোবিদ লাকশিন্নবা পায়খৎলিবা থবকশিংগী অকুপ্পা অমসুং পুনশিনবা অমা প্রধান মন্ত্রীনা হন্না য়েংশিনখি। তিকা অনি(কোবিসিল্ড অমসুং কোবাজিন) অসি অশোই-অঙাম লৈত্রে অমসুং ইম্মুনোজেনিসিতি ওইরে হায়না নেসনেল রিগুলেতরনা অথু-অকায়গী ওইনা শীজিন্নবগী অয়াবা পীখ্রে। নুমিৎগী খরগী মতুংদা তিকা থাবা হৌনবা রাজ্যশিং অমসুং য়ু.তিশিংগা কেন্দ্র সরকারনা পুন্না চৎমিন্নদুনা থৌরাং তৌরিবা অসিগী মতাংদা প্রধান মন্ত্রীদা পাউদমখি। তিকা থাবগী থবক অসি মীয়াম শরুক য়াবা(জন ভাগিদারি);মীখল পাংথোকপগী লৌশিং শীজিন্নবা(বুথ স্ত্রাতেজি) অমসুং য়ুনিভর্সেল ইম্মুনাইজেসন প্রোগ্রাম(য়ু আই পি); হৌজিক লৈরিবা হকশেলগী থবকশিংদা অৱাৎপা লৈহন্দবা; নেসনেল প্রোগ্রামশিং অমসুং প্রাইমারি হেল্থ কিয়ার; সাইন্তিফিক অমসুং রিগুলেতোরিগী নিয়মশিংদা অশোইবা লৈহন্দবা, অতোপ্পা এস.ও.পিশিং অমসুং তেক্নোলোজি শীজিন্নবনা মপুংফানা শৌগৎলি। কোবিদ-১৯ তিকা অসি অহানবা ওইনা অনা-লায়য়েংগী লমদা থবক তৌরিবা মীওইশিং অমসুং মমাঙ থানা থবক তৌরিবা চাউরাক্না মীওই করোর ৩ রোমদা হান্না খুদোংচাবা পীগনি অমসুং মতুং তারকপদা চহি ৫০গী মথক্তা লৈবা মীওইশিং অমসুং চহি ৫০গী মখাদা লৈবা লায়নাশিং লৈবা চাউরাক্না মীওই করোর ২৭দা খুদোংচাবা পীগনি।

অকুপ্পা ৱারোলগীদমক :

ভারত-জর্মনি লুচিংবশিংগী ভিদিও-তেলিকনফরেন্স

ঙসি প্রধান মন্ত্রী শ্রী নরেন্দ্র মোদীনা য়ুমশকৈশা নুমিৎতা মহাক্কা ফম মান্নবা জর্মনিগী ফেদেরেল চান্সেল্লর দোক্তর এঞ্জেলা মার্কেলগা লোয়ন্না ভিদিও-তেলিকনফরেন্স অমা পাংথোকখ্রে। য়ুরোপ অমসুং মালেমগী থাক্তা তুংকোইবা অমসুং অকনবা লুচিংবা অমা ওইনা চান্সেল্লর মার্কেলনা মতম শাংনা লৌরক্লিবা থৌদাং প্রধান মন্ত্রীনা থাগৎখি অমসুং ভারত-জর্মিনগী অচেৎপা মরুপ-মপাং ওইবা মরী চাউখৎনবা লমজিংবগীদমক মহাক থাগৎখি। লৈবাক অনিমক্না মরুওই হায়না লৌনবা মরুওইবা ৱাফমশিং হায়বদি কোবিদ-১৯ লাইচৎ, নাকল অনিগী মরীশিং, লৈবাক অনিগী অমসুং মালেমগী ৱাফমশিং, ভারত-ই.য়ু মরীশিংগী মতাংদা লুচিংবা অনিনা খন্নখি। ভারতনা তিকা পুথোকপগী মতাংদা প্রধান মন্ত্রীনা এঞ্জেলা মার্কেলদা পাউদমখি অমসুং মালেমগী লৈবাকশিংদা কান্নবা পীনবা লৈবাক অসিনা পাংবা য়াবা মতেং পাংগনি হায়না ভারতকী থাজবা এঞ্জেলা মার্কেলদা পীখি। জর্মনি অমসুং অতোপ্পা য়ুরোপকী লৈবাকশিংদা নৌনা লাইচৎ শন্দোরক্লিবা অসি অথুবদা লাকশিন্নবা মহাক্না মহাক্কী পাউজেলশিং পীখি। ইন্তরনেসনেল সোলার এল্লাইন্স(আই.এস.এ) শরুক য়ানবা জর্মনিগী ৱারেপ অদু প্রধান মন্ত্রীনা তরাম্না ওকখি অমসুং কোলিএসন ফোর দিজাস্তর রিসিলিয়েন্ত ইনফ্রাস্ত্রকচর(সি দি আর আই)গী মখাদা জর্মনিগী মতেং পাংনবা মখা তানা কনখৎহন্নবা মহাক্কী অপাম্বা ফোঙদোকখি।

অকুপ্পা ৱারোলগীদমক :

এজুকেসন মন্ত্রালয়না মাইগ্রেন্ত অঙাংশিং মশক খঙদোক্নবা, মিং চলহন্নবা অমসুং লেপ্তনা মহৈ তমহন্নবা কাঙলোন ফোঙখ্রে

কোবিদ-১৯না স্কুল কাবা ফংদ্রবা অঙাংশিংদা পীরিবা পামদবা চৈথেংশিং অসিবু হন্থহন্নবা খন্নবদা, রাজ্য/য়ু.তি. খুদিংমক্না দ্রোপ আউৎ মশিং হেনগৎলক্লিবা, মিং চনবগী চাং নেম্লিবা, মহৈ তম্বগী চাং হন্থরিবা অমসুং হৌখিবা চহি খরা অসিদা য়ুনিভর্সেল এক্সেস, ক্বালিতী অমসুং ইক্বিতীগী মতাংদা কান্নখিবশিংদা মাংশিল্লক্লিবা অসিবু থিংনবা হায়দুনা মতিক চাবা থৌরাং অমা য়াৎপগী তঙাই ফদবা লৈরে হায়বা খঙখি। মসিনা মরম ওইদুনা এজুকেসন মন্ত্রালয়না মাইগ্রেন্ত অঙাংশিং মশক খঙদোক্নবা, মিং চলহন্নবা অমসুং লেপ্তনা মহৈ তমহন্নবা কাঙলোন অমা ফোঙখ্রে। স্কুল চৎলিবা অঙাংশিংনা মগুন লৈবা অমসুং মান্নবা মিৎয়েং য়েংবা মহৈ-মশিং তম্বগী খুদোংচাবা ফংহন্নবা অমসুং লৈবাক শিনবা থুংবগী স্কুলগী এজুকেসন্দা লাইচৎ অসিনা পামদবা চৈথেং পীরিবা অসিবু হন্থহন্নবা হায়দুনা এজুকেসন মন্ত্রালয়না রাজ্য অমসুং য়ু.তি.শিংনা স্কুলশিং থিংলিঙৈ অমসুং হাংদোক্লকপা মতমদা থাক নাইনা পায়খৎকদবা অকুপ্পা কাঙলোন অমা শেমখ্রে। কাঙলোনশিং অসিগী মশক থোকপা হীরমশিংদিঃ আউৎ ওফ স্কুল চিলদ্রেন (ও.ও.এস.সি.) অমসুং চিলদ্রেন ৱিথ স্পিসিএল নীদ (সি.দবল্যু.এস.এন.)শিংগী লেপ্তনা মহৈ তমহনবা, আউৎ ওফ স্কুল চিলদ্রেন মশক খঙদোকপা , মিং চলহন্নবা থবক চত্থবা অমসুং মসিগী মতাংদা ই-পাউ খঙহনবা, স্কুল থিংলিঙৈ মনুংদা মহৈরোইশিংদা তেংবাংবা, স্কুল হাংলবা তুংদা মহৈরোইশিংদা তেংবাংবা, ওজাশিংগী কেপাসিতী বিলদিং তৌবনি।

অকুপ্পা ৱারোলগীদমক :

য়ুনিয়ন মিনিস্তর দাঃ জিতেন্দ্র সিংহনা হায় মদুদি কোরোনানা ইন্দিয়া অসি মশাগী হৌরকফমদা অমুক হল্লক্লে

দিবলপমেন্ত ওফ নোর্থ ইস্ত রিজন (দি.ও.এন.ই.আর.) এম.ও.এস. পি.এম.ও., পর্সোন্নেল, পব্লিক গ্রীভেন্স, পেন্সনস, এতোমিক ইনর্জি অমসুং স্পেসকী য়ুনিয়ন মিনিস্তর ওফ স্তেত (ইন্দিপেন্দেন্ত চার্জ) দাঃ জিতেন্দ্র সিংহনা ঙসি হায়খ্রে মদুদি কোরোনা অসিনা ঐখোয়বু ইন্দিয়গী থায়নগী হৌরকফমদা হলকপা ঙমখ্রে অমসুং চৎনরম্বা মওং হায়বদি খুৎ্ হাম্বা অমসুং নামস্তে অসি হকচাং ফনবগী ওইনা চৎনবি ওইরক্লি। মহাক্না হায় মদুদি কোবিদ অসিনা লৈবাক অসিগী ওইনা হকচাং ফনা থম্বা অসি মরু ওইনা লৌনরক্লে মালেম অসিদা মীয়াম পুনবদা থাপ্না লৈনবা, লু-নানবা, য়োগা, আয়ুরভেদা অমসুং মহৌশাগী ওইবা হিদাকশিং অসিনচিংবা অসি মীয়াম্না খঙনরক্লে। হৌজিক্তি মখোয়না মমাংঙৈদা খল্লম্বা অদুদগী হেন্না হৌজিক্না হেন্না থাজনরে অমসুং য়োগা, আয়ুরভেদা অসি নৌনা পাম্নরক্লি। মহাক্না সেসম অমদা সাধগুরুগী মতাংদা ৱা ঙাংখি মদুদি , “ইন্নর ইঞ্জিনিয়রিং-তেক্নোলোজি ফোর ৱেল বিয়িং” অসি ইন্দিয়ন ইন্সতিত্যুৎ ওফ পব্লিক এদমিনিস্ত্রেসন (আই.আই.পি.এ.)।

অকুপ্পা ৱারোলগীদমক :

হকশেল মন্ত্রীনা এভিয়ান ইনফ্লুএঞ্জানা শোকহল্লবা কেরলা অমসুং হরিয়ানাগী জিলাশিংদা মলতি-দিসিপ্লিনরী তীম থাদোকখ্রে

হকশেল অমসুং য়াইফ-য়ুম্বাল মন্ত্রালয়না এভিয়ান ইনফ্লুএঞ্জানা শোকহল্লবা কেরলাগী অলাপুঝা অমসুং কোত্তায়ম জিলা অমসুং হরিয়ানাগী পঞ্চকুলা জিলাদা মলতি-দিসিপ্লিনরী তীম থাদোকখ্রে। এনিমেল হসবেন্দরী বিভাগনা জনুৱারি ৪,২০২১দা এভিয়ান ইনফ্লুএঞ্জা (ঐচ.৫.এন.৮.)গী সেম্পল অসি কেরলাগী অলাপুঝা অমসুং কোত্তায়মগী অশিবা ঙানুশিংদগী ফংলে হায়না ফোংদোকখিবনি। মসিগা মান্নবা পাউদম অমসু হরিয়ানাগী পঞ্চকুলা জিলাগী পোলত্রী সেম্পলশিংদগী ফংলে হায়না লাকখিবনি। নেস্নেল সেন্তর ফোর দিজিজ কন্ত্রোল, নেস্নেল ইন্সতিত্যুৎ ওফ ভাইরোলোজী, পি.জি.আই.এম.ই.আর., চান্দিগরগী অখঙ-অহৈশিং, নই-দিল্লীগী আর.এম.এল. হোস্পিতাল অমসুং লেদী হার্দিঞ্জ মেদিকেল কোলেজকী দাক্তরশিং য়াওবা মলতি দিসিপ্লিনরী তীম অনি অসি লায়না অসিনা শোকহল্লবা জিলাশিং অসিদা হকশেল অমসুং য়াইফ-য়ুম্বাল মন্ত্রালয়না জনুৱারি ৪, ২০২১দা মন্ত্রালয় অসিগী এভিয়ান ইনফ্লুএঞ্জা লাকশিন্নবা থৌরাং অসি থবক ওইনা পাংথোকপদা রাজ্যগী হকশেলগী বিভাগশিংদা তেংবাংনবা হায়দুনা থাদোকখিবনি। মসিগী অহেনবা ওইনা এন.সি.দি.সি.গী দাইরেক্তর অমসুং ফুদ প্রোসেসিং ইন্দস্ত্রীজ মন্ত্রালয়গী জোইন্ত সেক্রেতরী অমসুং কোবিদ-১৯ নোদেল ওফিসর য়াওবা অৱাংবা থাক্কী তীম অমসু মথক্তা পনখ্রিবা থৌওং অসিগা মরী লৈননা জনুৱারি ৬, ২০২১দা কেরলাদা থাখি। থবকশিং অসিগী অহেনবা ওইনা অৱাংবা থাক্কী তীম অসিনা রাজ্য অসিদা ওইরিবা কোবিদ-১৯গী ফিভমশিংসু য়েংশিনগনি।

অকুপ্পা ৱারোলগীদমক :

 

পি.আই.বি. ফিল্দ ওফিসশিংদগী ফংবা পাউ

•           অরুনাচল প্রদেশ: অরুনাচল প্রদেশতা লৈবাকপোকপা নুমিত্তা কোবিদ-১৯গী অনৌবা কেস ৫ থেংনখি। রাজ্য অসিদা এক্তিব কেস ৬১ লৈরি।

          অসাম: অসামদা অণোবা কেস ৫৫ থেংনখিবগা লোইননা কোবিদ-১৯গী অপুনবা কেসশিংগী মশিং অদু ২,১৬,৬৯০দা হেনগৎলকখ্রে, দিসচার্জ তৌখিবা পেসেন্তশিংগী অপুনবা মশিং ২,১২,৬৩২ অমসুং শিখিবশিংগী অপুনবা মশিং ১,০৬৪ ওইখি।

          নাগালেন্দ: নাগালেন্দদা লৈবাকপোকপা নুমিত্তা ওবিদ-১৯গী অনৌবা কেস ১০ থেংনখি। অপুনবা কেসশিংগী মশিং অদু ১১,৯৯৭দা হেনগৎখি।

          সিক্কিম: সিক্কিমদা লৈবাকপোকপা নুমিত্তা অনৌবা কেস ৭ থেংনখিবগা লোইননা কোবিদ-১৯ কেসশিংগী অপুনবা মশিং অদু ৫,৯৯৬তা হেনগৎলকখ্রে, দিসচার্জ তৌখিবা পেসেন্তশিংগী অপুনবা মশিং ৫,৪৫৯, এক্তিব কেস ৩১৩ অমসুং শিখিবশিংগী অপুনবা মশিং ১২৯ ওইখি।

          কেরলা: লৈবাক অসিদা খ্বাইদগী ইহান-হান্না নোভেল কোরোনাভাইরসনা থোকহনবা লাইনা অসিবু থেংনখিবা রাজ্য, কেরলাদা অহানবা তাঙ্কক্কী ভেক্সিনেসনগীদমক্তা কোবিদ ভেক্সিনশিংপুদুনা লাকপা অহানবা ফ্লাইত অদু ঙসি অয়ুক কোচিন এয়রপোর্ততা থুংলরে। কেরলানা পুনেদা লৈবা সেরম ইন্সতিত্যুত ওফ ইন্দিয়ানা শেম্বা কোবিশীল্দ ভেক্সিনগী দোজ ৪,৩৩,৫০০ ফংলগনি।

          তামিল নাদু: হৌজিক ফাওবদা, তামিল নাদুদা অপুনবা কেস ৮,২৭,৬১৪ থেংনখি, ১২,২৩৬ শিখি, এক্তিব কেস ৬,৮০৭ লৈরি অমসুং ৮,০৮,৫৭১ দিসচার্জ তৌখি।

          কর্নাতকা: হৌজিক ফাওবদা, কর্নাতকাদা অপুনবা কেস ৯,২৮,৮০৬ লৈখি, ১২,১৪৯ শিখি, এক্তিব কেস ৮,৯০৯ লৈরি অমসুং ৯,০৭,৭২৯ দিসচার্জ তৌখ্রে।

          অন্ধ্র প্রদেশ: অন্ধ্র প্রদেশনা লৈবাকপোকপা নুমিত্তা কোরোনাভাইরস ভেক্সিনগী অহানবা কন্সাইনমেন্ত ফংখ্রে, হায়রিবা অসি পুনেদা লৈবা সেরম ইন্সতিত্যুত ওফ ইন্দিয়ানা কোবিশিল্দগী অহানবা বেচ থাদোকখিবা নুমিৎনি – মসি ভারত্তা ইমর্জেন্সীগী ওইনা শিজিন্নবগীদমক্তা অয়াবা পীখ্রবা ভেক্সিন অনিগী মরক্তা অমনি। হন্দক্কী থাংজা নুমিৎ অসিদা ‘খ্বাইদগী চাউবা ভেক্সিনেশন দ্রাইব হৌনবগীদমক্তা লৈবাক অসিনা শেম-শাদুনা লৈরবদা চাউরাক্না দোজ লাখ ৪.৭৭ ফংখি। মরক অসিদা অন্ধ্র প্রদেশতা কোবিদ-১৯গী কেসশিংগী মশিং অদু লৈবাকপোকপা নুমিত্তা ৮,৮৫,২৩৪দা হেনগৎলকখ্রে। ফখিবশিংগী অপুনবা মশিং অদু ৮,৭৫,৬৯০ য়ৌখ্রে অমসুং শিখিবশিংগী মশিংনা ৭,১৩৩ শুখ্রে, এক্তিব কেসশিংগী মশিংনা ২,৪১১দা লৈরি। রাজ্য অসিগী অপুনবা ওইনা পোজিতিব ওইবগী  চাং অসি পুন্না সেমপল করোর ১.২৩ তেস্ত তৌরবা মতুংদা চাদা ৭.১৪দা হন্থখ্রে।

          তেলঙ্গনা: হন্দক্কী থা অসিগী ১৬তা হৌগদবা কোবিদ ভেক্সিনেশন প্রোগ্রাম মতিক চানা পাংথোকপা ঙম্নবগীদমক্তা তেলঙ্গনাদা থৌশিল-থৌরাং পুম্বা লৌখ্রে। লৈবাকপোকপা নুমীত্তা কোবিশীল্দ ভেক্সিনগী দোজ পুন্না লাখ ৩.৬৪ সেরম ইন্সতিত্যুত ওফ ইন্দিয়া, পুনেদগী হাইদ্রবাদতা য়ৌখ্রে অমসুং শগোলশেল নুমিৎকী নুমিদাং ফাওবদা রাজ্য অসিগী কোল্দ চেন য়ুনিত ৮৬৬দা থারগনি। রাজ্য অসিদা লৈরিবা কোবিদ কেসশিংগী অপুনবা মশিং অদু ২,৯০,৬৪০দা লৈরি অমসুং শিখিবশিংগী অপুনবা মশিংনা ১,৫৭১দা লৈরি। ফগৎখিবশিংগী মশিং অদু ২,৮৪,৬১১ য়ৌখ্রে। অদুগা রাজ্য অসিদা লৈরিবা এক্তিব কেসশিংগী মশিং অসি ৪,৪৫৮নি, মসিগী মনুংদা ২,৪৬১দি হোম আইসোলেসনদা লৈরি।

          মহারাস্ত্র: রাজ্য অসিদা কোবিশীল্দ ভেক্সিনগী দোজ লাখ ৯.৬৩ ফংখ্রে। কোবিশীল্দ ভেক্সিনগী অহানবা কন্সাইনমেন্ত অদু ঙসি মু্ম্বাইদা থুংলরে। পুন্না ভেক্সিনগী দোজ ১,৩৯,৫০০ ফংখ্রে। রাজ্য অসিদা লৈরিবা এক্তিব কেসশিংগী অপুনবা মশিং অদু ৫১,৮৯২দা লৈরি। মহারাস্ত্রগী ফগৎলকপগী চাং অসি চাদা ৯৪.৭৭ ওইখি অদুগা কেস ফেতেলিতী রেতনা চাদা ২.৫৪দা লৈ। মহারাস্ত্রনা হৌজিক ফাওবদা তেস্ত করোর ১.৩৫ পাংথোকখ্রে অমসুং পোজিতিব ওইবগী চাং অসি ১৪.৬৩দা লৈরি। অনৌবা কেস ৪৭৩ থেংনখিবগা লোইননা মুম্বাইগী কেসলোদ অসি ২,৯৯,৭৯৯দা হেনগৎলকখ্রে। নুমিৎ অসিমক্তদা সিতী অসিদা ৪৪১ ফগৎখ্রে অমসুং তরেত শিখ্রে।

          গুজরাত: গুজরাত্তা লৈবাকপোকপা নুমিৎকী অয়ুক্তা দোজ লাখ অনিগা লিশিং ৭৬কী ভেক্সিনগী অহানবা বেচ ওইনা পুনেদগী এহমদাবাদ এয়রপর্ততা থুংলরে। রাজ্যগী উপ মুখ্য মন্ত্রী, নিতিন পতেলগা লোইননা হেল্থ দিপার্তমেন্তকী সেনিয়র ওফিসিয়েলশিংনা ভেক্সিনগী অহানবা বেচ অদু ফংখ্রে। হৌজিক ফাওবদা গুজরাত্তা থেংনখিবা কোবিদ-১৯ কেসশিংগী অপুনবা মশিং অদু লাখ ২, লিশিং ৫৩গা , ১৬১ য়ৌখ্রে। মসিগী মনুংদা পেসেন্ত লাখ ২, লিশিং ৪১গা ৩৭২  ফগৎখ্রে। হৌখিবা পুং ২৪গী মনুংদা পেসেন্ত ৮৫৫ ফগৎখ্রে। এহমাদাবাদতগী খ্বাইদগী য়াম্না অনৌবা কেস ১৩৩থেংনখি, অদুগা সুরতনা অনৌবা কেস ১২১ থেংনখি। হৌজিক-হৌজিক রাজ্য অসিদা লৈরিবা এক্তিব কেসশিংগী মশিং অসি ৭৪৩৯নি।

          মধ্য প্রদেশ: মধ্য প্রদেশনা লৈবাক অসিগী অতোপ্পা মফমশিংগা লোইননা জনুৱারী ১৬তগী কোবিদ ভেক্সিনেশন হৌদোক্নবা শেম-শাদুনা লৈরে। রাজ্য অসিদা ঙসি ভেক্সিনগী দোজ লাখ ৫.০৬ ফংখি, মসি রাজ্যগী থাক্তা লৈবা স্তোরেজ সীস্তেম ১,২০০দা থম্লগনি। কোবিদ পোজিতিব ওইইবগী চাং অসি চাদা ১.৯ ওইখি। রাজ্য অসিদা কোরোনা পোজিতিব ওইবগী কেসশিংগী মশিং অসি লেপ্তনা হন্থরক্লি।

          ছত্তিসগর: ছত্তিসগরদা লৈবাকপোপা নুমিত্তা পোজিতিব কেস ৭২৯ থেংনখি, মসিনা পোজিতিব কেসশিংগী অপুনবা মশিং অদু ২,৯০,৮১৩ য়ৌহনখ্রে। নুমিৎ অসিমক্তদা ইনফেক্সন অসিদগী পেসেন্ত ১০৩৯ ফগৎখ্রে, মসিনা ফগৎখিবশিংগী অপুনবা মশিং অদু ২,৭৯,২৩৬ য়ৌহনখ্রে। অদুগা লৈবাকপোকপা নুমিত্তা ১০ অমসু শিখিবা লৈখি, হোজিক লৈরিবা এক্তিব কেসশিংগী অপুনবা মশিং অসি ৮০৬০নি। রায়পুরনা কেস ১২১ থেংনদুনা মশিং খ্বাইদগী য়ামখি, মথংদা দুর্গনা কেস ১০২ থেংনখি।

          রাজস্থান: রাজস্থান্না ঙসিগী নুংথিলদা কোবিদ-১৯গী দোজ ২০,০০০গী অহানবা কন্সাইনমেন্ত ফংখি। ভেক্সিন অদু বোক্স অহুমদা পেক তৌখি, হায়রিবা অসি জয়পুরদা লৈবা রাজ্যগী থাক্তা লৈবা স্তোরেজ সেন্তরদা পুখি। রাজস্থানদা লৈবাকপোকপা নুমিত্তা কোবিদ-১৯গী অনৌবা কেস ৪২৯ থেংনখি, ৫৬৮ ফগৎখি অমসুং ২ শিখি। হৌজিক এক্তিব কেস ৬৫৮৫ লৈরি। অপুনবা কেসশিংগী মশিং অদু ৩,১৩,৪২৫ য়ৌখ্রে, অদুগা ফগৎখিবশিংগী অপুনবা মশিং অদু হৌজিক ৩,০৪,১০৪ য়ৌখ্রে। অদুগা পুন্না মীওই ২৭৩৬ কোবিদ-১৯না মরম ওইরগা লৈখিদ্রে।

          গোৱা: গোৱাগীদমক্তা কোবিদ-১৯ ভেক্সিনগ অহানবা শরুক অদু ঙসি অয়ুক অঙনবদা থুংখ্রে। অমমম্না দোজ ১০ ওইবা ভাইল ২৩৫০ য়াওবা বোক্স অনি, ভেক্সিনগী শোত পুন্না ২৩,৫০০ ওইবা অসি হেল্থ দিপার্তমেন্ত ওফিসিয়েলশিংদা খুৎশিন্নখ্রে। লৈবাকপোকপা নুমিত্তা গোৱদা অনৌবা কেস ৯২ থেংনখিবগা লোইননা কেসশিংগী অপুনবা মশিং অদু ৫১,৯৮৩দা হেনগৎখ্রে। মসি তোকখ্রগা নুমিৎ অসিমক্তদা ৯৪ ফগৎখ্রে অমসুং শিখিবা অমত্তা লৈখিদে। মসিগা লোইননা ফগৎখিবশিংগী মশিং অদু ৫০,৪৩৭ য়ৌখ্রে, অদুগা রাজ্য অসিদা ফগৎলকপগী চাং অসি ৯৭.০৩% ওইখি। হৌজিক এক্তিব কেস ৭৯৭ লৈরি।

ফেক্ত চেক

Image

Image

 

*****

 



(Release ID: 1688439) Visitor Counter : 193