প্রধানমন্ত্রীগী লোইশঙ
য়ু.কে.গী ফোরেন, কম্মনৱেল্থ অমসুং দেভেলপমেন্ত এফ্যার্সকী সেক্রেতরী ওফ স্তেত রাইত ওনরেবল দোমিনিক রাবনা প্রধান মন্ত্রীগা উনখ্রে
Posted On:
16 DEC 2020 1:18PM by PIB Imphal
য়ু.কে.গী ফোরেন, কম্মনৱেল্থ অমসুং দেভেলপমেন্ত এফ্যার্সকী সেক্রেতরী ওফ স্তেত রাইত ওনরেবল দোমিনিক রাবনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রী বোরিস জোন্সনগা ইকুই কুদ্রিঙৈদা তেলিফোন্দা ৱারী শান্নখিবা অদু নীংশিংলদুনা প্রধান মন্ত্রীনা কোবিদ মতুংগী মালেমসিদা ভারত-য়ু.কে.গী খোঙবু ওইবগী মরুওইবা ৱাফমশিং ফোঙদোকখি। মহাক্না নাকল অনিগী ওইবা মরী অসিগী মপুং ফাবা মতিং ফংবা ঙম্নবা লল্লোন ইতিক অমসুং শেল থাদবা, দিফেন্স অমসুং সিক্যুরিতী, য়ুম হোংবা অমসুং চত্থোক চৎশিন, মহৈ মশিং, ইনর্জী, অইং অশাগী ফীভম হোংলকপা অমসুং হকশেল হায়রিবশিং অসি কোনশিল্লবা ৱাখল্লোন চাউবা অমদি ফংগদৌরিবা মহৈদা য়ুম্ফম ওইবা ৩৬০ দিগ্রীগী লম্বী পরিং অমা য়াৎনবা ৱাফম থমখি।
ফোরেন সেক্রেতরী রাবন প্রধান মন্ত্রীগী মফমদা প্রধান মন্ত্রী বোরিস জোন্সনগী য়াইফ পাউজেল তমখি অমদি য়ু.কে.না খোঙবু ওইদুনা হন্দক্তা পাঙথোকখিবা ক্লাইমেত এম্বিসন সম্মিত্তা শরুক য়াখিবগীদমক্তা প্রধান মন্ত্রীবু থাগৎপা ফোঙদোকখি। মহাক্নসু ভেল্যু অমসুং ইন্তরেস্ত মান্নবা অমদি মালেমগী শিংনবশিংগী ৱারোইশিন পুরক্নবগী মতিং শেমগৎপদা য়ুম্ফম ওইরগা ভারতকা লৈনরিবা মরী হেন্না ফগৎহন্নবা য়ু.কেো লৈঙাক্কী মীহুৎশিংনা অখন্ননা হোৎনরিবশিংগী মতাঙদা ৱাফম কয়া থমখি।
তাঞ্জা অদুগী খুদোংচাবা লৌরগা ফোরেন সেক্রেতরী রাবনা ২০২১দা য়ু.কে.না থৌবু ওইদুনা পাঙথোক্কদবা জি.৭ মীফমদা শরুকারনবা পাউকৎ য়াউবা প্রধান মন্ত্রী বোরিস জোন্সন্না পীরকপা চিথি অমা খুৎশিন্নখি। প্রধান মন্ত্রীনা মহাকপু থাগৎলদুনা পাউকৎ অদুবু তরাম্না লৌশিনখি।
প্রধান মন্ত্রীনা মথং থাদা ভারতকী ৭২শুবা গনতন্ত্র নুমিৎ পাঙথোকপগী থৌরমদ নই দিল্লীদা প্রধান মন্ত্রী বোরিস জোন্সনবু তরাম্না ওক্নিংবগী অপামবা ফোঙদোকখি।
**********
(Release ID: 1681166)
Visitor Counter : 112
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam