বিশ্ব মহামাৰীটোৰ বিৰুদ্ধে যুঁজখনত ভাৰতে আন এক মাইলৰ খুঁটি অতিক্ৰম কৰিছে। মুঠ পৰীক্ষণ ১৫ কোটি অতিক্ৰম কৰিছে।

বিগত ২৪ ঘন্টাত ৯,২২,৯৫৯ টা নমুনা টেষ্ট কৰাত ভাৰতৰ মুঠ টেষ্ট ১৫,০৭,৫৯,৭২৬ লৈ বৃদ্ধি পায়।

অন্তিম এক কোটি মাত্ৰ ১০ দিনত সম্পন্ন কৰা হয়।

ক্ৰমাগতভাৱে বিস্তৃত আৰু প্ৰসাৰিত পৰীক্ষা ব্যৱস্থাই পজিটিভিটি হাৰ নিম্ন কৰাত অৰিহণা যোগায়।

আন এটা লক্ষ্যণীয় সফলতা হিচাপে বিবেচিত হৈছে বিগত এঘাৰ দিন ধৰি একেৰাহে নতুন দৈনিক ঘটনাৰ সংখ্যা ৪০,০০০ ৰ নিম্ন হৈ ৰৈছে। বিগত ২৪ ঘন্টাত, দেশখনৰ ৩১,৫২১ জন লোকৰ দেহত ক’ভিড পজিটিভ ধৰা পৰিছে।

একে সময়তে ভাৰতত নতুন আৰোগ্য লাভৰ ঘটনাৰ সংখ্যা হৈছে ৩৭,৭২৫ টা। যাৰ জৰিয়তে চিকিৎসাধীন ৰোগীক্ৰমান্বয়ে হ্ৰাস পাই আছে। ভাৰতৰ বৰ্তমান চিকিৎসাধীন ৰোগী হৈছে ৩,৭২,২৯৩ টা।

যাৰ হাৰ হৈছে ভাৰতৰ মুঠ পজিটিভ ঘটনাৰ মাত্ৰ ৩.৮১%। আজি মুঠ আৰোগ্য লাভৰ ঘটনাই ৯২.৫ লাখ (৯২,৫৩,৩০৬) অতিক্ৰম কৰে। আৰোগ্য লাভৰ হাৰ ৯৪.৭৪% লৈ বৃদ্ধি পাইছে। আৰোগ্য লাভৰ ঘটনা আৰু সক্ৰিয় ঘটনাৰ মাজৰ ব্যৱধান ক্ৰমান্বয়ে বৃদ্ধি পাই গৈ আছে আৰু বৰ্তমান ইয়াৰ পৰিমাণ হৈছে ৮,৮৮১,০১৩ টা।

নতুন আৰোগ্য লাভৰ ঘটনাৰ ৭৭.৩০% হৈছে দহ ৰাজ্য/কেন্দ্ৰীয় শাসিত অঞ্চলৰ।

মহাৰাষ্ট্ৰত সৰ্বাধিক ৫,০৫১ জন লোকে আৰোগ্য লাভ কৰিছে। ইয়াৰ পাছতেই থকা কেৰালা আৰু দিল্লীত আৰোগ্য লাভৰ ঘটনাৰ সংখ্যা হৈছে ক্ৰমে ৪,৬৪৭ আৰু ৪,১৭৭ টা।

নতুন ঘটনাৰ ৭৪.৬৫% হৈছে দহ ৰাজ্য/কেন্দ্ৰীয় শাসিত অঞ্চলৰ। বিগত ২৪ ঘন্টাত মহাৰাষ্ট্ৰত সৰ্বাধিক ৪,৯৮১ টা নতুন ঘটনা চিনাক্ত কৰা হৈছে। কালি কেৰালাত নতুন ঘটনাৰ সংখ্যা ৪,৮৭৫ টা। পশ্চিম বংগত ইয়াৰ পৰিমাণ হৈছে ২,৯৫৬ টা।

বিগত ২৪ ঘন্টাত সংঘটিত হোৱা ৪১২ টা মৃত্যুৰ ঘটনাৰ ৭৭.৬৭% হৈছে দহ ৰাজ্য/কেন্দ্ৰীয় শাসিত অঞ্চলৰ।

নতুন মৃত্যুৰ ঘটনাৰ ১৮.২০% মহাৰাষ্ট্ৰত সংঘটিত হৈছে। ইয়াত উক্ত সময়ছোৱাত ৭৫ জন লোকৰ মৃত্যু ঘটে। দিল্লীত মৃত্যুৰ ঘটনাৰ হাৰ হৈছে ১২.১৩%।

ইয়াত ৫০ জন লোকৰ মৃত্যু হৈছে। বিগত ৫ দিন ধৰি দৈনিক নতুন মৃত্যুৰ ঘটনা ৫০০ ৰ নিম্ন হৈ আছে।

****

MV/SJ/DB