ঐনা হৌরকপদা নহারোল পুম্নমক্তা খোল্লাও অমখক লাওনবা হায়জরি, অদোম ঐগা শোয়দনা লাওবীয়ু – ঐ স্বীমী বিবেকানন্দ হায়জরক্কে – অদোম্না খুম্বীয়ু, অমর ওইরসনু।

স্বামী বিবেকানন্দ - অমর ওইরসনু, অমর ওইরসনু। স্বামী বিবেকানন্দ - অমর ওইরসনু, অমর ওইরসনু।

লৈবাক অসিগী মহৈ-মশিংগী মন্ত্রী, দা. রমেশ পোখরিয়াল নিশঙ্কজী, জে.এন.য়ু.গী ভাইস চাঞ্চেলর প্রোফেসর জগদীশ কুমারজী, প্রো ভাইস চাঞ্ছেলর প্রোফেসর আর.পি. সিংহজী, ঙসিগী থৌরম অসিবু মায় পাকহনবীরিবা জে.এন.য়ু.গী হান্নগী মহৈরোই দা মনোজ কুমারজী, মীতম শাবা শ্রী নরেশ কুমাৱৎজী, তোঙান তোঙানবা মফমদগী লেংবীরকপা ফেকল্তী মেম্বরশিং অমসুং মশিং য়ামনা থৌরম অসিদা শরুক য়াবীরিবা ঐগী নহা ওইরিবা মরূপ পুম্নমক। ঐনা জে.এন.য়ু. এদমিনিস্ত্রেসন, ওজা অমসুং মহৈরোই পুম্নমক্কী মফমদা মসি মরুওইরবা থৌরম অসিদা নুংঙাইবা ফোংদোকচরি।

মরূপশা,

স্বামী বিবেকানন্দনা হায়বীরম্মি – ‘মীতমদা থাজবা থম্বগী অরোনবা অমদি মসিনি মদুদি মসিনা অমরোমদা ‘ভিজন ওফ দিভাইনিতী’ দিবেলপ তৌই।’ ঐনা নীংজরি মদুদি জে.এন.য়ু.দা খিল্লিবা স্বামীজিগী মীতম অসিনা পুম্নমক্তা ইথিন পীনবীরসনু, থৌনা হাপ্পীরসনু। মীতম অসিনা, স্বামীজীনা মীপুম খুদিংমক্তা উবা পামখিবা থৌনা অদু পীনবীবা ওইরসনু, পাঙ্গল হাপ্পীরসনু। মীতম অসিনা স্বাজীগী ৱাংঙুলোনগী মরুওইবা য়ুম্ফম ওইরিবা, মীনুংশিগী ৱাখল তম্বীবা ওইরসনু, কম্পেসন তম্বীবা ওইরসনু

মীতম অসিনা ঐখোয়দা লৈবাক অসিগীদমক্তা মপুং ফানা কৎথোকপা তম্বীবা, নুংশিবা তম্বীবা, স্বামীজীগী পুন্সিগী খ্বাইদগী অথোইবা পাউজেল ওইরিবা, ইন্তেন্স লব ফোর আৱর কন্ত্রী, তম্বীবা ওইরসনু। মীতম অসিনা লৈবাক অসিবু, স্বামীজীগী ৱাখল্লোনগী ইথিল পোক্নফম ওইরিবা ভিজন ওফ ৱান্নেসগীদমক্তা ইথিল পীনবীবা ওইরসনু। মীতম অসিনা স্বামীজীনা নীংজরম্বা লৈবাক অসিবু য়ুথ-লেদ দিবেলপমেন্তগী মিৎয়েংগা লোইননা মাংদা চখৎনবা ইথিল পীনবীবা ওইরসনু। মীতম অসিনা স্বামীজীগী অচেৎপা চাউখৎপা ভারতকী মঙলান অদু মঙফাওনহন্নবা ইথিল পীনবীবা ওইরসনু।

মসি শুপ্নগী মীতম অমখক্তা নত্তে মসি অদুগুম্বা ৱাখল্লোন অদুগী মতিক্নি মদুগী মতেংনা সন্যাসী অমনা মালেম অপুনবদা ভারতপু শক তাকখি। মহাক্কী মফমদা বেদন্তাতগী লোইনাইদ্রবা লৌশিং য়াওখি। মহাক্কী মফমদা ভিজন অমা লোইনখি। ভারতনা মালেমদা করি পীবা ঙমগনি হায়বসি মহাক্না খঙখি। ভারতকী নাৎকী লনবু, ৱাখল্লোনবু, চৎনবীশিংবু মহাক্না মালেমগী মাংদা পুথোকখি। চাউথোক্নবা মওংদা থমখি।

অদোম্না খনবীবা য়াই মদুদি মাইকৈ মরিদা নীংঙমদবনা লাঙ্গোই চল্লবা মতম, খোইরাংনরবা মতম, মীনাই নাইথাংগী পোৎলুম্না ঐখোয়গী ননখিবা মতম অদুদা স্বামীজীনা অমেরিকাগী মিশিগত য়ুনিভর্সিতীদা হায়খি মদুদি, অমসুং মসি হৌখিবা চহি চাগী হৌরকপদা হায়খিবনি। মহাকনা করি হায়খি? মিশিগত য়ুনিভর্সিতীদা ভারতকী সন্যাসী অমনা লাওসু লাওথোকখি, ৱাংঙুলোনসু উৎখি।

মহাক্না হায়খি – চহি চা অসি অদোমগীনি। হায়বদি হৌখিবা চহি চা হৌরকপদা মহাক্কী ৱাহৈ ওইখি – ‘চহি চা অসি অদোমগীনি, অদুবু ২১শুবা চহি চাদি শোইদনা ভারতকী ওইগনি।’ হৌখিবা চহি চাদা হায়খিবা মাগী ৱাহৈ অদু অচুম্বা ওইরে, চহি চা অসিদা মহাক্কী ৱাহৈ অদু চুমহনবগী থবক অসি পুম্নমক্কী থৌদাংনি।

মরূপশা,

ঙসি লৈবাক অসি আত্মনির্ভর ভারতকী পান্দম অমসুং ৱাশক্কা লোইননা মাংদা চখৎলি। ঙসি আত্মনির্ভর ভারতকী ৱাখল অসি 130দগী হেনবা ভারত মচাশিংগী কল্লেক্তিব কন্সিয়সনেসকী,  ঐখোয়গী এস্পিরেসন্সগী শরুক অমা ওইখ্রে। ঐখোয়না আত্মনির্ভর ভারতকী মতাংদা পল্লকপদা পান্দম অদু শুপ্নগী ফিজিক্স নত্ত্রগা মেতরিয়েল সেল্ফ রিলাইন্স খক্তদা লোইবা নত্তে। আত্মনির্ভরগী ৱাহন্থোকসু পাক চাউই, কোনশিল্লিবা অসু চাউই, মসিদা য়াম্নসু লুথরি, মসিগী অৱাংবসু লৈরি। আত্মনির্ভর লৈবাক অসি রিসোর্সশিংগা লোইননা ৱাখল্লোন অমসুং চৎনবীদসু আত্মনির্ভ ওইহনগদবনি।

মীরমদা কনানো অমনা অমুকখক স্বামীজীদা হংখি মদুদি, অদোম্না জেন্তলমেন ওইনসু উগদবা অদুগুম্বা ফিজেৎ করিগী শেৎত্রিবনো? মদুদা স্বীজীনা পীখিবা পাউখুম অদু, ভারতকী মশানা মশাবু থাজবা, ভারতকী মগুনগী অরুবা অদু উবা ফংখি। য়াম্না নোল্লুকপগা লোইননা মীশক অদুদা স্বামীজীনা পাউখুম পীখি মদুদি – অদোমগী কলচরদা ত্রেলন জেন্তলমেন অমা ওইহল্লি, অদুবু ঐখোয়গী কলচরদদি জেন্তলমেন অদু কেরেক্তরনা লেপ্পি। আত্মনির্ভর ৱাখল্লোন অমসুং লোনচৎশিং অদু কেম্পস অসিনা শেমগৎলি, অদোমগুম্বা নহাশিংনা শেমগৎলি।

মরূপশা,

মরূপশা,

লৈবাক অসিগী নহারোল মালেম অপুনবদা ব্রান্দ ইন্দিয়াগী ব্রান্দ এম্বেসেদর ওইরে। ঐখোয়গী নহারোল ভারতকী কলচর অমসুং ত্রেদিসন্সগী মীহুৎ ওইরি। অদোমদা থাজবা থম্লিবা অসি শুপ্নগী চহি লিশিং কয়াদগী চৎনদুনা লাক্লিবা ভারতকী শক্তাক্তা চাউথোকচবা পোকপা অদু খক্তা নত্তে, ২১শুবা চহি চাদা ভারতকী অনৌবা শক্তাক শেম্বদসুনি।

মরূপশা,

ঙসি সেক্তর খুদিংমক্তা পায়খৎলিবা অমুক্তা ওইখিদ্রিবা রিফোর্ম অসি আত্মনির্ভরতাগী ৱাখল্লোন্দা পায়খৎলিবনি। লৈবাক অসিগী মীয়াম্না ভোৎ পীদুনা রিফোর্মশিং অসিবু শৌগৎলি। অদোম পুম্নমক্তি জে.এন.য়ু.দা ভারতকী খুন্নাইগী অমসুং রাজনীতিগী থৌরাংশিং য়াম্না কুপনা নৈনরিবনি। অদোমদগী হেন্না মসি কনানা খঙবা ঙমগনি মদুদি ভারত্তা রিফোর্মশিংগী মতাংদা করি ৱারী শানবগে হায়বসে। ভারত্তা গুদ রিফোর্ম্স অসি বেদ পোলিতিক্স ওইনা লৌনরমদবরা? অদু ওইরবদি গুদ রিফোর্ম্স অসি গুদ পোলিতিক্স করম্না ওইখ্রিবনো?

মসিগী মতাংদা অদোম জে.এন.য়ু.গী মরূপশিংনা শোয়দনা রিসর্স তৌবীয়ু। অদুবু খঙলু-উরুবশিংগী মতুং ইন্না ঙসি অদোমগী মাংদা ৱাফম অমা ঐ থমজগে। ঙসি সিস্তেমদা তৌরিবা রিফোর্ম খুদিংমক, মদুগী মরুমদা ভারতপু মখল খুদিংমক্তা হেন্না ফবা ওইহন্নবা ৱাশক য়াওরি। ঙসি তৌরিবা রিফোর্মশিংগা লোইননা পান্দম অমসুং পুকচেল অদু তরু তরুবনি। ঙসি রিফোর্ম তৌরিবশিং অসি, মসিগী মমাংদা ঙাক-শেলগী চুঙ্গোয় অমা হান্ননা শেম্লি। চুঙ্গোয় অসিগী খ্বাইদগী চাউবা য়ুম্ফমদি – থাজবনি। হৌজিক প্রো-ফার্মর রিফোর্মগী মতাংদা ওইরো, লৌমীশিংনা চহি তরাগী খুজিং কয়াদগী শুপ্নগী রাজনীতিগী ওইবা ৱারী-ৱাতাইগী হিরমদা ওইদুনা লাক্লি, মসিগী কান্ননবগীদমক থবক্তি অমত্তা তৌবীরমদে।

হৌখিবা চহি ৫-৬ অসিদা ঐখোয়না লৌমীশিংগীদমক্তা ঙাক-শেলগী খুৎলাই অমা পুথোক্লে। ইথৈ-লৌখোংগী ইনফ্রাস্ত্রকচর নীংথিজনা লৈনবা, কৈথেলশিং নৌথোকহনবদা ইনভেস্ত তৌনবা, য়ুরিয়া ফংহন্নবা, সোইল হেল্থ কার্দশিং লৈনবা, হেন্না ফবা মরু লৈনবা, ফিসল বীমা লৈনবা, অচংবা মমলগী সরুক অম-মখাই এম.এস.পি. ওইনবা, ওনলাইন মার্কেৎকী থৌরাং ই-নাম লৈনবা, অমসুং পি.এম. সম্মান নিধিদগী হকথেংননবা মতেং ফংনবা। হৌখিবা চহিশিংদা এম.এস.পি.বু কয়ারক হন্না হনগৎহনখ্রে অমসুং লৌমীশিংদগী রিকোর্দ লৈনা লৈবগী থবকসু তৌখ্রে। লৌমীশিংগী অকোইবদা ঙাক-শেলগী চুঙ্গোই অসি লৈখিবগা, মখোয়দা থাদবা পোকখিবগা এগ্রো রিফোর্মশিংসু ঐখোয়না মাংদা পুখৎলি।

অহানবদা লৌমীশিংগী অনীংবা অপামবদা থবক তৌখি অমসুং হৌজিক লৌমীশিংগী অনীংবা অপামবা অদু থুংহন্নবা থবক তৌরি। হৌজিক লৌমীশিংনা থাইনগী পাম্বৈদগী হেন্না অপাম্বা কৈথেলদা ফংলি। অপাম্বা হেন্না ফংলগদি, লৈবা-য়োনবদা কম্পিতিসনসু হেনগৎলকই, মসিগী কান্নবা অসি লৌমীশিংনা হখথেংননা ফংগদৌরি।

মরূপশা,

ঐখোয়গী অসিদা মতম কুইনদগী লাইরবা অসি শুপ্নগী স্লোগান খক্তদা হাপ্পা ওইখিদে।  অদুবু লৈবাক অসিগী লাইরববু কৈদৌনুংদসু সিস্তেমগা পুনশিন্ননবা খক হোৎনখিদে। খ্বাইদগী য়াম্না নেগলেক্ত তৌখিবা অদু, লাইরবশিংনি। খ্বাইদগী য়াম্না অনকনেক্তেদ অদু, লাইরবশিংনি। খ্বাইদগী য়াম্না ফাইনান্সিএল এক্সক্লুদেদ অদু, লাইরবশিংনি। হৌজিক লাইরবশিংগী পক্কাগী য়ুম, তোয়লেৎ, ইলেক্ত্রিক, গ্যাস, থক্নবা অফবা ঈশিং, দিজিতেল বেংকিং, অহোংবা মোবাইল কনেক্তিবিতী অমসুং খোংজেল য়াংবা ইন্তর্নেত কনেক্সনগী খুদোংচাবাফংলি। মখোয়সি লাইরবগী অকোইবদা য়ুংলিবা ঙাক-শেলগী চুঙ্গোই অদুনি, মদু মখোয়গী অনীংবা-অপাম্বা অদুনা মনীং তম্না পাইজনবগীদমক মথৌ তাই।

মরূপশা,

অতোপ্পা রিফোর্ম অমা, মদু অদোমগী জে.এন.য়ু.গুম্বা লৈবাক অসিগী কেম্পসশিংদগী পোক্লকই, মদু অনৌবা নেস্নেল এজুকেসন পোলিসীনি। মসিগী অনৌবা নেস্নেল এজুকেসন পোলিসীগী কোর ভেল্যুশিং অসিনা কনফিদেন্স, কনভিক্সন অমসুং কেরেক্তরনা থল্লবা নহা ওইরিবা ভারত শেমগদৌরিবনি। মসি স্বামীজীগীসু ভিজন ওইরম্মি। মহাক্না পামখি মদুদি ভারত্তা মহৈ-মশিং অসি মশানা মশাবু থাজবা পীবা ওইহনগদবনি, মসিবু মখল খুদিংমক্তা আত্মনির্ভর ওইহনগদবনি।

পুন্সিগী চহি তরাগী খুজিং অনি অহুমগী মতুংদা নহা ওইরিবা মরুপশিংনা ফংলকপা থৌনা অদু স্কুল তম্লিঙৈগী পুন্সি হৌরকপদা কৈদৌনা ফংখিদ্রিবনো? লাইরিক্তগী ফংবা লৌশিং ফাওবদমক, ত্রীমশিংগী অথিংবদমক, মার্ক শীৎ, দিগ্রী, দিপ্লোমা ফাওবদমক নহা ওইরিবা ইনর্জীবু পুন্সিন্দুনা করিগী থম্লিবনো? অনৌবা নেস্নেল এজুকেসন পোলিসীগী ফোকস অসি ৱাফম অসিদা হেন্না থম্লি। ইনক্লুজন, অনৌবা এন.ই.পি.দা য়াওরি।

মরূপশা,

রিফোর্মশিংগী ৱারেপ লৌবা খক্তনা মতিক চাবা ওইদ্রি। মদুবু মতৌ করম্না ঐখোয়গী পুন্সিদা পুরক্কনি হায়বসি য়াম্না মরুওইবা ওইরি। অনৌবা নেস্নেল এজুকেসন পোলিসীদগী ঐখোয়গী মহৈ-মশিংগী থৌরাংদা কান্নবা অহোংবসু ঐখোয়গী খোংলোই পুম্নমক্না থমোই শেংনা হোৎনরবা মতম অদুদা খোংজেল য়াংনা পুরক্কনি। মরুওইনা ঐখোয়গী ওজাগী কাংবুগী, খঙ-হৈরবা কাংবুগী চাউনা থৌদাং লৈ। মরূপশা, জে.এন.য়ু.গী কেম্পস্তা য়াম্না মমিং চৎপা মফম অমা লৈ। মদু করম্বা মফমনো? সবরমতী ধাবা নত্ত্রা? অমসুং মদুদা একাউন্ত কয়াম্না হাংদোকপগে? ঐনা তাবদি অদোম্না ক্লাস লোইরবা মতুংদা ধাবা অসিদা চৎতুনা তল-চাগা লোইননা দিবেৎসু তৌনৈ, আইদিয়াশিং এক্সচেঞ্জ তৌনৈ। পুক থল্লবদি দিবেত্তসু নুংঙাইবা ফাওই। ঙসি ফাওবগী অদোমগী আইদিয়াশিংগী, দিবেৎকী, দিসকসনগী অরাম খৌরাংবা সাবরমতী ধাবাদা কোক্লম্বা অদু অদোমগীদমক্তা স্বীমীজীগী মীতম অসিগী মরুমদা মফম অমগা অমুক ফংলে।

মরূপশা,

ঐখোয়গী দিমোক্রেসীগী থৌরাং অসিবু য়াম্না চাউনা অকাইবা পীরিবা করিগুম্বা ৱাফম অমা হায়রগদি- মদু লৈবাক্কী কান্নবদগী হেন্না ইশাগী ৱাখল্লোন্দা মরুওইবা ওইনা লৌবা অসিনি। মরমদি ঐগী ৱাখল্লোন্না মসি হায়রি, মরম অসিনা লৈবাক্কী কান্নবগী মতাংদসু ঐনা ৱাখল্লোন অসিদা খনগনি, মসিগী অকোইবগী মনুং অসিদা থবক তৌগনি হায়বসি, অরানবনি। ঙসি পুম্নমক্না মশাগী ৱাখল্লোন্দা চাউথোকচরি। মসি মশানসু তাবনি। অদুম ওইনমক, ঐখোয়গী ৱাখল্লোন অদু লৈবাক্কী কান্নবগী মতাংদা, লৈবাক অসিগা লোইননা উগদবনি, লৈবাক অসিগী মায়োক্তা নত্তে।

অদোম লৈবাক অসিগী পুৱারীদা য়েংবীয়ু, লৈবাক অসিদা অৱাবা মতম হেক হেক লাকপা মতমদা, ৱাখল্লোন খুদিংমক, ৱাখল্লোন খুদিংমক্কী মীয়াম্না লৈবাক্কী কান্ননবগীদমক অমত্তা ওইনা পুনশিল্লি। নীং তম্বগী লানফমদা মহাত্মা গান্ধীগী লুচিং মখাদা ৱাখল্লোন খুদিংমক্কী মীয়াম্না অমত্তা ওইনা লাকখি। মখোয়না লৈবাক্কীদমক্তা অমত্তা ওইনা লান্থেংনখি।

বাপুগী লুচিং মখাদা কনাগুম্বা মীশক অমনা মাগী ৱাখল্লোন থাদোকখি হায়বগী ৱাফম নত্তে। মতম অদুদা অসিগুম্বা ফিঙম ওইখি মদুনা মরম ওইদুনা পুম্নমক্না লৈবাক্কীদমক্তা কমন কোজদা মরুওইবা ওইনা লৌনখি। ইমর্জেন্সীবু নীংশিংবীয়ু, ইমর্জেন্সীগী মতমদসু অমত্তা ওইনা পুনশিনকি। অমসুং ঐহাক খোংজং অদুগী শরুক অমা ওইজবগী খুদোংচাবা ফংখি, ঐনা পুম্নমক ইশামক্না উজখি, খঙজখি, খুদিংমক্কী ঐ শাখিনি।

ইমর্জেন্সীগী মায়োক্তা অদুগুম্বা আন্দোলন অদুদা কংগ্রেসকী হান্নগী লুচিংবশিং অমসুং থৌমীশিংসু য়াওখি। আর.এস.এস.কী স্বয়ংসেবক অমসুং জনসংঘগী মীওইসু য়াওখি। সমাজৱাদীগী মীওইসু য়াওখি। কম্যুনিস্তসু য়াওখি। জে.এন.য়ু.গা মরী লৈনবা মীওই কয়ানা ইমর্জেন্সীগী মায়োক্তা খোংজং চংশিনখি। অমত্তা ওইবা অসিদা, লানফম অসিদসু কনা অমত্তনা মখোয়গী ৱাখল্লোনগা য়াশিন্নবা অমত্তা তৌখিদে। পান্দম অদু অমত্তা ওইখি, লৈবাক্কী কান্নবা। মরম অসিনা মরূপশা, লৈবাক অসিগী অপুনবা অমত্তা ওইবগী ৱাফম লাকপদা অদোমগী ৱাখল্লোনগী পোৎলুম মখাদা লৈদুনা ৱারেপ লৌরবদি, লৈবাক্কী অমাংবতমক ওই।

মরূপশা,

আইদিয়া শিয়রিং তৌবা, অনৌবা ৱাখল্লোনগী ইচেল অসুম্মক শন্দোকহনগদবনি। ঐখোয়গী লৈবাক অসি তোঙান তোঙানবা খঙ-হৈরবা ৱাখল্লোন কয়াগী অনৌবা ময়োন চোংদুনতা লৈবা লমদম্নি অমসুং মপালসু শাৎলি। চৎনবী অসিবু মপাঙ্গল কলহনবা অসি নহাশিংগী মথৌ তাবনি।

নহা ওইরিবা মরূপশা, মহৈরোইগী পুন্সি অসি ইশাবু শকখঙজনবা খ্বাইদগী অথোইবা মতম অমনি। ইশাবু শকখঙজবা অসি পুন্সিদা খ্বাইদগী মথৌ তাবা অমসু ওইরিবনি। মসিবু অদুক্কী মতিক শিজিন্নবীয়ু। জে.এন.য়ু কেম্পস্তা খিল্লিবা স্বামীজীগী মীতম অসি লৈবাক শেমগৎপা, লৈবাক্কী মীনুংশি অমসুং লৈবাক অসিবু মিৎকপ থোকহন্নবীগদমক মফম অসিদা লাকপা নহা পুম্নমক্তা ইথিল পীনবীবা ওইরসনু। ৱাফম অসিগা লোইননা অদোম পুম্নমকপু হন্না হন্না য়াইফ-মঙ্গল পীজরি।

পুম্নমক মায় পাকপা ওইবীয়ু, হকচাং ফনা লৈবীয়ু। লাক্কদৌরিবা নুমিৎশিংদা কুম্মৈশিং চাউনা পাংথোকপীয়ু। অদোমগী মফম অসিদা লৈরিবা মরী-মতাশিংসু অদোম্না দিৱালীগী মতম অসিদা হরাও তয়াম্না থবক তৌবা অদু উরগা অপেনবা ওইরসনু। মসিগা লোইননা ঐগী মায়কৈদগী অদোম পুম্নমক্তা হন্না হন্না য়াইফ-মঙ্গল পীজরি।

হন্না হন্না থাগৎচরি!

*****