نئی دہلی، 27 اکتوبر 2020: کووڈ کے خلاف اپنی جنگ میں ہندوستان نے کئی اہم سنگ میل عبور کئے ہیں۔ پچھلے 3 ماہ میں یہ پہلا موقع ہے  کہ جب 24 گھنٹوں کے دوران تصدیق شدہ کیسوں کی تعداد گھٹ کر 36500 (36،470)ہوگئی ہے۔ 18 جولائی 2020 کو نئے کیسوں کی تعداد 34 ہزار 884 تھی۔

چونکہ ہر روز نئے مریضوں اور اموات کی شرح میں مسلسل کمی واقع ہورہی ہے۔ ہندوستان میں نئے کیسوں کی تعداد میں لگاتار کمی ریکارڈ کی جارہی ہے۔

ایک دوسری حصولیابی یہ ہے کہ ایکٹیو کیسوں کی تعداد بھی کم ہو کر 6.25 لاکھ پر آگئی ہے۔ سردست ملک میں کل پازیٹیوکیسوں کی تعداد 625857ہے۔ جو مجموعی کیسوں کا 7.88 فیصد ہے۔

ایسا مرکز کے ذریعہ جامع اور ملک گیر سطح پر ٹیسٹنگ ،موثر نگرانی اور شناخت تیزی سے اسپتال تک مریضوں کی رسائی اور اعلیٰ نوعیت کا علاج کےلئے پروٹوکول اپنانے کے سبب اور مرکز کی ہدایات پر ریاستوں / مرکز کے زیر انتظام علاقوں کے ذریعہ عمل پیرا ہونے کی وجہ سے ممکن ہوسکا ہے۔ یہ کامیابی پورے ملک میں ڈاکٹروں ،پیرامیڈیکرس اور فرنٹ لائن ورکرس و کووڈ 19- واریئرس کے بے لوث خدمات اور خود کو اس کام کے لئے وقف کردینے کے نیتجے میں حاصل ہوئی۔

آج کل ایکٹیو کیسوں میں سے 35 فیصد کا تعلق 18 اضلاع سے ہے۔

ٹھیک ہونے والوں کی تعداد میں اضافہ کی وجہ سے ایکٹیو کیسوں میں کمی واقع ہوئی ہے۔ اب تک ٹھیک ہونے والوں کی تعداد 72 لاکھ (7201070) سے زیادہ ہوچکی ہے۔ اس سے ایکٹیو کیسوں اور ٹھیک ہونے والوں کے درمیان ایک بڑا فاصلہ پیدا ہوچکا ہے۔ جو اس وقت 6575213ہے۔

پچھلے 24 گھنٹوں کے دوران 63842 مریض صحت یاب ہو کر ڈسچارج کئے جاچکے ہیں۔ قومی سطح پر ریکوری ریٹ بہتر ہو کر 90.62 فیصد پر جاپہنچی ہے۔

78فیصد نئے صحت یاب ہونے والوں کا تعلق 10 ریاستوں / مرکز کے زیر انتظام علاقوں سے ہے۔

مہاراشٹر میں ایک دن میں سب سے زیادہ 9ہزار لوگ صحت یاب ہوئے،کرناٹک دوسرے نمبر پر ہے جہاں 8 ہزار سے زیادہ مریض صحت یاب ہوئے۔

76 فیصد نئے تصدیق شدہ معاملے 10 ریاستوں اور مرکز کے زیر انتظام علاقوں میں سامنے آئے ہیں۔

کیرلہ اور مغربی بنگال میں سب سے زیادہ ان میں سے ہر ریاست میں 4 ہزار سے زیادہ معاملے سامنے آئے ہیں۔اس کے بعد مہاراشٹر اور کرناٹک کا نمبر ہے جہاں 3 ہزار سے زیادہ نئے معاملے درج کئے گئے۔

پچھلے 24 گھنٹوں کے دوران مرنے والوں کی تعداد 488 ہے۔ ان میں سے 80 فیصد کا تعلق 10 ریاستوں / مرکز کے زیر انتظام علاقوں سے ہے۔ پچھلے 2 دن سے مرنے والوں کی تعداد 500 سے کم رہی ہے۔

مہاراشٹر میں ایک دن میں سب سے زیادہ (48)موتیں ہوئیں۔

ہندوستان میں اموات کی شرح 1.50 فیصد ہے۔

************

م ن ۔ ج ق۔ س ا

U.no:6723