ভারত্তা হৌজিক নারিবা মীশিং তপ্না তপ্না হন্থরকপগী মওং অমা লেপ্তনা লৈরি‍। নুমিৎ নিনিশুবা ওইনা হৌজিক নারিবা মীশিং লাখ ৭কী মখাদা লৈদুনা ৬,৮০,৬৮০ ওইরি‍।

হৌজিক নারিবা মীশিং অসি লৈবাকসিগী অপুনবা পোজিতিব কেসকী চাদা ৮.৭১খক্তমক ওইরি‍।

নুমিৎ খুদিংগী হৌজিক নারিবা মীশিং লেপ্পা লৈতনা হন্থরক্লি‍। মসি স্তেত/য়ু.তি.শিংনা পায়খৎলিবা কেন্দ্র লৈঙাক্কী মায় পাক্লবা তেস্ত, ত্রীত অমসুং ত্রেক্তকী লাল্লোং অসিগী মহৈনি‍।

স্তেত অমসুং য়ু.তি.শিংদা ওইরিবা হৌজিক নারিবা মীশিংদো হোংলকপা ফীভমসি খেন্ননা চত্তুনা মালেমগী লাইচৎ অসি থেংনবদা মখোয়দা লৈরিবা খেন্নবা থাকশিং উৎলি‍।

হৌখিবা চয়োল খরসিদা নোংম-নোংমগী হৌজিক নারিবা মীশিং লেপ্তনা হন্থরক্লি‍।

হৌজিক নারিবা মীশিং হন্থরকপগী ফীভম অসি অতৎ অখম লৈতনা ফগৎলকপা মীশিং ৱাংখৎলকপসিনা মতেং পাংশিল্লি‍। অপুনবা ফগৎলক্লবা মীশিং লাখ ৭০ হেন্দুনা হৌজিক ৭০,১৬,০৪৬ ওইরি‍। লৈবাক্কী ফগৎলকপগী চাং মখা তানা হেনগৎলক্তুনা চাদা ৮৯.৭৮তা লৈরি‍।

অপুনবা ফগৎলক্লবা মীশিংগী চাদা ৬১দি স্তে্ত/য়ু.তি. ৬ হায়বদি মহারাস্ত্র, অন্ধ্র প্রদেশ, কর্নাতকা, তামিল নাদু, উত্তর প্রদেশ অমসুং দিল্লীদগীনি‍।

হৌখিবা নুমিৎ খরসিদা নৌনা ফগৎলকপা মীশিংনা নৌনা নারকপা মীশিংদগী হেন্দুনা চৎলি‍। হৌখিবা পুং ২৪সিদা কোবিদ অনাবা মশিং ৬৭,৫৪৯ ফগৎলক্তুনা ময়ুমদা থাদোকখ্রে অদুগা নৌনা নারকপা মীশিংনা ৫৩,৩৭০ ওইরি‍।

নৌনা ফগৎলকপা মীশিংগী চাদা ৭৭তি স্তেত/য়ু.তি. ১০দা নৈশিন্দুনা লৈবা থেংনৈ‍।

মহারাস্ত্রনা খ্বাইদগী য়াম্না নোংমদা মীওই ১৩,০০০ ফগৎলক্লি‍।

হৌখিবা পুং ২৪সিদা নৌনা নারকপা মীশিং ৫৩,৩৭০ থেংনখি‍। নৌনা নারকপা মীশিংগী চাদা ৮০দি স্তেত অমসুং য়ু.তি. ১০দগীনি‍।

কেরলানা মশিং খ্বাইদগী য়ামবা ওইদুনা নৌনা নারকপা মীশিং ৮,০০০ হেন্না হাপচিল্লকখি অমদি মহারাস্ত্রনা নৌনা নারকপা মীশিং ৭,০০০ হেন্না হাপচিল্লক্তুনা মতুং ইল্লি‍।

হৌখিবা পুং ২৪সিদা নৌনা শিখিবা মীশিং ৬৫০ থেংনখি‍।

মসিগী মনুংদা স্তেত/য়ু.তি. ১০না চাদা ৮০গী ময়াদা ওইরি‍। মহারাস্ত্রদা মী ১৮৪ শিদুনা খ্বাইদগী য়াম্বা ওইখি‍।

****