ভাৰতে চিকিৎসাধীন ৰোগীৰ সংখ্যা হ্ৰাসৰ গতিৰ ধাৰাবাহিকতা অক্ষুণ্ণ ৰাখিবলৈ সক্ষম হৈছে৷ একেৰাহে দ্বিতীয় দিনৰ বাবে চিকিৎসাধীন ৰোগীৰ সংখ্যা ৭লাখৰ তলত থাকি আজিও ৬,৮০,৬৮০জন হৈছে৷ দেশত মুঠ আক্ৰান্ত ৰোগীৰ ভিতৰত বৰ্তমান ৮.৭১%হে চিকিৎসাধীন হৈ আছে৷

কেন্দ্ৰীয় চৰকাৰৰ পৰীক্ষা, চিনাক্ত আৰু চিকিৎসা শীৰ্ষক কৌশল ৰাজ্য/কেন্দ্ৰীয় শাসিত অঞ্চলসমূহে সুচাৰুৰূপে মানি চলাৰ ফলতে এই সফলতা পোৱা গৈছে৷

মহামাৰীৰ বিৰুদ্ধে যুঁজত ৰাজ্য আৰু কেন্দ্ৰীয় শাসিত অঞ্চল বিশেষে চিকিৎসাধীন ৰোগীৰ পৰিৱৰ্তন ভিন্ন ধৰণৰ৷

বিগত কেইটামান সপ্তাহত দৈনিক চিকিৎসাধীন ৰোগীৰ সংখ্যা উল্লেখযোগ্য হাৰত হ্ৰাস পাইছে৷

সৰ্বাধিক সংখ্যক ৰোগী আৰোগ্যৰ ফলতে চিকিৎসাধীন ৰোগীৰ হ্ৰাসৰ গতি বৃদ্ধি পাইছে৷ মুঠ আৰোগ্য ৰোগী সংখ্যাই ৭০ লাখৰ সীমা অতিক্ৰম কৰি ৭০,১৬,০৪৬জনলৈ বৃদ্ধি পাইছে৷ ৰাষ্ট্ৰীয় আৰোগ্যৰ হাৰ ৮৯.৭৮%লৈ উন্নীত হৈছে৷

দেশত মুঠ আৰোগ্য ৰোগী ৬১%ই ৬খন ৰাজ্য/কেন্দ্ৰীয় শাসিত অঞ্চলৰ৷ ৰাজ্য কেইখন হৈছে মহাৰাষ্ট্ৰ, অন্ধ্ৰপ্ৰদেশ, কৰ্ণাটক, তামিলনাডু, উত্তৰপ্ৰদেশ আৰু দিল্লী৷

বিগত দিনকেইটাত নতুন আক্ৰান্ত ৰোগীতকৈ নতুন আৰোগ্য ৰোগীৰ সংখ্যা অধিক হৈছে৷ বিগত ২৪ ঘণ্টাত ৬৭,৫৪৯গৰাকী ৰোগী আৰোগ্য হোৱাৰ বিপৰীতে ৫৩,৩৭০জন লোক নতুনকৈ আক্ৰান্ত হৈছে৷

নতুনকৈ আৰোগ্য হোৱা ৭৭% ৰোগী ১০খন ৰাজ্য/কেন্দ্ৰীয় শাসিত অঞ্চলৰ৷

মহাৰাষ্টত সৰ্বাধিক ১৩,০০০তকৈও অধিক ৰোগী আৰোগ্য হৈছে৷

ইফালে, নতুনকৈ আক্ৰান্ত হোৱা ৫৩,৩৭০জন লোকৰ ভিতৰত ৮০%ই ১০খন ৰাজ্য/কেন্দ্ৰীয় শাসিত অঞ্চলৰ৷ ইয়াৰে ভিতৰত কেৰালা আৰু মহাৰাষ্ট্ৰত সৰ্বাধিক ক্ৰমে ৮,০০০ আৰু ৭,০০০তকৈ অধিক লোক আক্ৰান্ত হৈছে৷

বিগত ২৪ ঘণ্টাত দেশত ৬৫০জন ৰোগী ক’ভিডত মৃত্যু হৈছে৷ ইয়াৰে ৮০%ই ১০খন ৰাজ্য/কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক ১৮৪ৰোগীৰ মৃত্যু হৈছে৷

****

MV/SJ/DB