ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
କ୍ରମାଗତ 13 ଦିନ ଧରି ଦେଶରେ ସକ୍ରିୟ ସଂକ୍ରମିତଙ୍କ ସଂଖ୍ୟା 10 ଲକ୍ଷରୁ କମ
• କ୍ରମାଗତ 3 ଦିନ ଧରି ଦେଶରେ 10 ଲକ୍ଷରୁ ଉର୍ଦ୍ଧ୍ଵ ନମୁନା ପରୀକ୍ଷଣ
Posted On:
04 OCT 2020 11:14AM by PIB Bhubaneshwar
କ୍ରମାଗତ ଭାବେ 13 ଦିନ ଧରି ଦେଶରେ ସକ୍ରିୟ କୋଭିଡ ସଂକ୍ରମିତଙ୍କ ସଂଖ୍ୟା 10 ଲକ୍ଷରୁ କମ ରହିଛି । ଆଜି (04.10.2020) 9,37,625 ମାମଲା ଥିବା ବେଳେ ଗତକାଲି ତୁଳନାରେ ଏହା 7,371 କମ ରହିଛି । ଗୁରୁବାର ଦିନ 10,97,947, ଶୁକ୍ରବାର ଦିନ 11,32,675 ଓ ଶନିବାର ଦିନ 11,42,131 ନମୁନା ପରୀକ୍ଷା କରାଯାଇଛି ।
ଦେଶର ଦୈନିକ ନମୁନା ପରୀକ୍ଷା ସାମର୍ଥ୍ୟରେ ଆଶାତୀତ ବୃଦ୍ଧି ଘଟିଛି । ଦେଶର ଦିନକୁ 15 ଲକ୍ଷ ପର୍ଯ୍ୟନ୍ତ ନମୁନା ପରୀକ୍ଷା ପାଇଁ ସାମର୍ଥ୍ୟ ରହିଛି । ଗତ 10 ଦିନ ମଧ୍ୟରେ ଦୈନିକ 11.50 ଲକ୍ଷ ନମୁନା ପରୀକ୍ଷା କରାଯାଇପାରିଛି । ଚଳିତ ବର୍ଷ ଜାନୁୟାରୀ ମାସରେ ପ୍ରଥମ ପରୀକ୍ଷା ଆରମ୍ଭ ହୋଇଥିବା ବେଳେ ଏହା ଏବେ 7.89 କୋଟି ଅତିକ୍ରମ କରିଛି । ସେହିପରି ପଜିଟିଭ ହାର ମଧ୍ୟ ହ୍ରାସ ପାଇଛି । କ୍ରମାଗତ ପଜିଟିଭ ହାର ହ୍ରାସ ପାଉଥିବା ବେଳେ ଅଧିକ ପରୀକ୍ଷା ଯୋଗୁଁ ସଂକ୍ରମଣକୁ ମଧ୍ୟ ସୀମିତ ସ୍ତରରେ ରଖିବା ସମ୍ଭବ ହୋଇପାରିଛି ।
ଅଧିକ ପରୀକ୍ଷା ଯୋଗୁଁ ତୁରନ୍ତ ଚିହ୍ନଟ, ଏକାନ୍ତବାସ ଓ ଦକ୍ଷ ଉପଚାରର ବ୍ୟବସ୍ଥା କରାଯାଇପାରୁଛି । ଏଥିପାଇଁ ମୃତ୍ୟୁହାର ମଧ୍ୟ ହ୍ରାସ ପାଉଛି । ଦେଶରେ ଦୈନିକ ଅଧିଆରୁ ଅଧିକ ଆରୋଗ୍ୟ ଲାଭ ଧାରା ଅବ୍ୟାହତ ରହିଥିବା ବେଳେ ଗତ 24 ଘଣ୍ଟା ମଧ୍ୟରେ 82,260 ଜଣ ସୁସ୍ଥ ହୋଇଛନ୍ତି । ସେ ତୁଳନାରେ 75,829 ନୂତନ ସଂକ୍ରମିତ ଚିହ୍ନଟ ହୋଇଛନ୍ତି । ସେ ଦୃଷ୍ଟିରୁ ଦେଖିଲେ ନିକଟରେ ନୂତନ ଆରୋଗ୍ୟଙ୍କ ସଂଖ୍ୟା ସକ୍ରିୟଙ୍କ ତୁଳନାରେ ଅଧିକ ରହିଛି ।
ଦେଶରେ ମୋଟ ଆରୋଗ୍ୟ ସଂଖ୍ୟା ଆଜି 55 ଲକ୍ଷ (55,09,966) ଅତିକ୍ରମ କରିଛି । ଏହାଫଳରେ ବର୍ତ୍ତମାନ ଜାତୀୟ ସୁସ୍ଥତା ହାର 84.13 ପ୍ରତିଶତରେ ପହଞ୍ଚିଛି । ନୂତନ ଭାବେ ସୁସ୍ଥ ହୋଇଥିବା ଶତକଡା 75.44 ଭାଗ ସଂକ୍ରମିତ 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ବୋଲି ଜଣାପଡିଛି । ସକ୍ରିୟ ମାମଲାରେ ସବୁଠାରୁ ଅଧିକ ରାଜ୍ୟ ମହାରାଷ୍ଟ୍ରରୁ ସର୍ବାଧିକ ନୂତନ ଭାବେ ସୁସ୍ଥ ହୋଇଥିବା ବେଳେ ଏହା ପଛକୁ କର୍ଣ୍ଣାଟକ ଓ ଆନ୍ଧ୍ରପ୍ରଦେଶ ରହିଛନ୍ତି । ଦେଶର 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ 77.11 ପ୍ରତିଶତ ସକ୍ରିୟ ମାମଲା ରହିଛି । ଅଦ୍ୟାବଧି ପଜିଟିଭ ସଂଖ୍ୟା 14.32 ପ୍ରତିଶତକୁ ଖସି ଆସିଛି । ଶତକଡା 78 ଭାଗ ନୂତନ ମାମଲା 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ବୋଲି ଜଣାପଡିଛି । ମହାରାଷ୍ଟ୍ରରୁ ସର୍ବାଧିକ 14,000 ଥିବା ବେଳେ କର୍ଣ୍ଣାଟକରୁ 9,886 ଓ କେରଳରୁ 7,834ଟି ନୂତନ ମାମଲା ପଞ୍ଜୀକୃତ ହୋଇଛି । ଗତ 24 ଘଣ୍ଟା ମଧ୍ୟରେ 1 ହଜାରରୁ କମ (940) ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରୁ 80.53 ଶତକଡା 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ବୋଲି ଜଣାପଡିଛି । ଗତକାଲି ମହାରାଷ୍ଟ୍ରରୁ 29.57 ପ୍ରତିଶତ ଅର୍ଥାତ 278 ଜଣଙ୍କର ମୃତ୍ୟୁ ଘଟିଥିବା ବେଳେ କରନାଟକରୁ 100 ଜଣଙ୍କର ମୃତ୍ୟୁ ଘଟିଛି । ମହାରାଷ୍ଟ୍ରର ମୃତ୍ୟୁସଂଖ୍ୟା କ୍ରମଶଃ ହ୍ରାସ ପାଉଥିବା ଲକ୍ଷ୍ୟ କରାଯାଇଛି ।
**********
(Release ID: 1661635)
Visitor Counter : 168
Read this release in:
Telugu
,
English
,
Urdu
,
Hindi
,
Marathi
,
Assamese
,
Manipuri
,
Bengali
,
Punjabi
,
Gujarati
,
Tamil
,
Malayalam