নুমিৎ ১৩নি থংন থংননা ভারতনা এক্তিব কেস লাখ ১০দগী হন্থনা লাকপগী ফিভম ঙাক্তুনা লাক্লি।

ঙসি ফাওবগী মনুংদা লৈবা এক্তিব কেসকী মশিং অসি ৯,৩৭,৬২৫নি। অমসুং মসিনা ঙরাং লৈরম্বা মশিংদগী কেস মশিং ৭৩৭১ হন্থরি।

শাংদোকপা ৱীকেন্দ ওইরবসু ভারতনা শগোলশেল-ইরাই-থাংজগী মনুংদা তেস্ত তৌবগী মশিং অসি ম্থংশিৎনা ১০,৯৭,৯৪৭, ১১,৩২,৬৭৫ অমসুং ১১,৪২,১৩১ তেস্ত ওইখি।

ভারতকী তেস্ত তৌবগী মতিক্তসু য়াম্না হেনগৎপগী ফিভম উখি। নুমিৎ খুদিংগী ওইনা তেস্ত লাখ ১৫দগী হেন্না পাঙথোকপা ঙম্লে।

হৌখিবা নুমিৎ ১০নিদা নোঙমগী ওইনা চাংচত্তা তেস্ত লাখ ১১.৫ তৌখি।

জনুৱারি ২০২০দা তেস্ত অমখক্তং তৌখিবা অদুদগী ঙসিদি ভারতকী অপুনবা তেস্ত মশিং অসি করোর ৭.৮৯ হেনখ্রে। পোজিতিব ওইবগী চাংদসু য়াম্না তাথরে। মসিগী চাং অসিদা চাং নাইনা তাথরকপগা লোয়ননা তেস্তিং তৌবগী থৌওং অসিনা কোবিদ-১৯গী লায়না শন্দোকপা থিংবগী কান্নবা খুৎলাই অমা ওইরক্লি।

তেস্ত তৌবগী চাং য়াম্না ৱাংবা অসিনা কেস নৌনা খঙদোকপা, খুদক্তা আইসোলেসন তৌদুনা থম্বা অমসুং কোবিদ-১৯গী অঙনবা লায়েংবগী থৌওং ওইথোকহল্লি। মসিগী থৌওং অসিনা অমুক ফেতালিতী রেৎ হন্থহনবদা তেংবাংলি।

ভারতকী ওইনা নাবা ফবগী চাং লেপ্তনা হেনগৎপগী মওং অসিসু লেপ্তনা চত্থরি অমসুং লৈবাক অসিদা হৌখিবা পুং ২৪দা মীওই ৮২,২৬০ নাবা ফখি। মসিগা ওন্ন-তৈনবা ওইনা অনৌবা কেস ৭৫,৮২৯ লাকখি। হন্দক্কী নুমিৎ কয়া অমদা অনৌবা নাবা ফবগী চাংনা অনৌবা কেস্তগী মশিং য়াম্না হেল্লি।

ভারতকী নাবা ফবগী অপুনবা মশিং অসি ঙসি লাখ ৫৫ (৫৫,০৯,৯৬৬) হেল্লে। লৈবাক্কী অপুনবা নাবা ফবগী চাং ৮৪.১৩% লৈরিবা অসিদা নোঙমদা লাকপা নাবা ফবগী মশিং হেনগৎপগী ফিভমসু উবা ফংলি।

হৌখিবা পুং ২৪দা নাবা ফখিবশিংগী মনুংদগী ৭৫.৪৪%দি রাজ্য/য়ু.তি. ১০দগী লাকখি।

অনৌবা নাবা ফবগী মশিং অসিদা মহারাস্ত্রানা মাংজিল থারি অমসুং করনাতকা অমসুং আন্ধ্র প্রদেশনা তুং ইল্লি।

লৈবাক অসিগী অপুনবা এক্তিব কেসকী ৭৭.১১%দি রাজ্য/য়ু.তি. ১০দগীনি। ঙসি ফাওবগী ওইনা মখোয়শিং অসিনা লৈবাক্কী পোজিতিব কেসকী শরুক ওইবসি ১৪.৩২%দা হন্থরে।

লৈবাক অসিগী অপুনবা অনৌবা কেসকী ৭৮%দি রাজ্য/য়ু.তি. ১০দগীনি। মহারাস্ত্রাদা মমাংগী নুমিত্তগী তাথনা অনৌবা কেস চাউরাক্না ১৪,০০০ লাকখি। করনাতকা অমসুং কেরলানা অনৌবা কেস মথংশিৎনা ৯৮৮৬ অমসুং ৭৮৩৪ হেনবা লাক্তুনা অনিশুবা অমসুং অহুমশুবদা লৈরি।

হৌখিবা পুং ২৪দা মীওই ১০০০দগী তাথনা (৯৪০) লৈখিদবগী পাউ লাক্লি।

মসিগী মনুংদগী ২৯.৫৭%তি রাজ্য/য়ু.তি. ১০দগীনি অমসুং ঙরাং লাকখিবা কেস অসিগী মনুংদগী মহারাস্ত্রানা ২৭৮ অমসুং করনাতকানা তুং ইন্দুনা ১০০ লৈখি। মহারাস্ত্রাগী মী শিবগী চাং অসি হন্থরক্লি।

*****