ভাৰতে একেৰাহে ১৩ দিন চিকিৎসাধীন ৰোগীৰ সংখ্যা ১০ লাখতকৈ কম কৰি ৰাখিবলৈ সক্ষম হৈছে৷

আজি চিকিৎসাধীন ৰোগীৰ সংখ্যা ৯,৩৬,৬২৬ গৰাকী, যিটো কালিতকৈ ৭,৩৭১জন কম৷

সপ্তাহান্ত দীঘলীয়া হোৱাৰ সত্তেও ভাৰতে যোৱা ৩দিন-বৃহস্পতিবাৰ, শুক্ৰবাৰ, শনিবৰ ক্ৰমে ১০,৯৭,৯৪৭, ১১,৩২,৬৭৫ আৰু ১১,৪২,১৩১টা নমূনা পৰীক্ষা কৰিছে৷

ভাৰতৰ দৈনিক পৰীক্ষণ ক্ষমতা বৃদ্ধি পাই আহিছে৷ এতিয়া প্ৰতিদিনে ১৫লাখতকৈ অধিক নমূনা পৰীক্ষা কৰিব পৰা যায়৷

বিগত ১০দিনত গড়ে ১১.৫ লাখ নমূনা পৰীক্ষা কৰা হৈছে৷

জানুৱাৰী, ২০২০ৰ পৰা ভাৰতে এতিয়ালৈকে ৭.৮৯ কোটি নমূনা পৰীক্ষা কৰিছে৷ পজিটিভিটিৰ হাৰত আনুপাতিক কম হোৱা পৰিলক্ষিত হৈছে৷ এই ক্ষেত্ৰত ক’ভিড পৰীক্ষণে সংক্ৰমণ ৰোধত এক কাৰ্যকৰী আহিলা হিচাপে ধৰা দিছে৷

উচ্চ মাত্ৰাৰ পৰীক্ষাণে আগতীয়া চিনাক্ত, আইছ’লেচনত ৰখা, ফলপ্ৰসূ চিকিৎসা প্ৰদানত সহায় কৰিছে৷ ইয়াৰ ফলত মৃত্যু হাৰো হ্ৰাস পাইছে৷

ভাৰতৰ সৰ্বাধিক আৰোগ্যৰ ধাৰাবাহিকতা অব্যাহত আছে৷ বিগত ২৪ ঘণ্টাত দেশত ৮২,২৬০গৰাকী ৰোগী আৰোগ্য হৈছে৷ ইয়াৰ বিপৰীতে দেশত নতুনকৈ আক্ৰান্ত হৈছে ৭৫,৮২৯গৰাকী লোক৷

ভাৰতত আজিলৈকে মুঠ আৰোগ্য লোকৰ সংখ্যা ৫৫,০৯,৯৬৬জন হৈছে৷ দেশৰ ৰাষ্ট্ৰীয় আৰোগ্য হাৰো ৮৪.১৩%লৈ উন্নীত হৈছে৷ নতুনকৈ আৰোগ্য লাভ কৰাসকলক ৭৫.৪৪%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷ এই তালিকাত মহাৰাষ্ট্ৰ, কৰ্ণাটক আৰু অন্ধ্ৰপ্ৰদেশে শীৰ্ষ স্থানত আছে৷

একদৰে, নতুনকৈ আক্ৰান্তসকলৰ ৭৭.১১%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷ দেশত বৰ্তমান মুঠ আক্ৰান্তৰ ১৪.৩২% ৰোগী চিকিৎসাধীন হৈ আছে৷

কালিৰ দিনটোত মহাৰাষ্ট্ৰত ১৪,০০০তকৈ অধিক লোক আক্ৰান্ত হৈছে৷ একেদৰে কৰ্ণাটক আৰু কেৰালাত ক্ৰমে ৯,৮৮৬ আৰু ৭,৮৩৪গৰাকী লোক আক্ৰান্ত হৈছে৷

বিগত ২৪ ঘণ্টাত দেশত ৯৪০গৰাকী ক’ভিড ৰোগীৰ মৃত্যু হৈছে৷ ইয়াৰে মহাৰাষ্ট্ৰত সৰ্বাধিক ২৭৮ আৰু কৰ্ণাটকত ১০০গৰাকী ৰোগীৰ মৃত্যু হৈছে৷

****

MV/DB