(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী নাবা ফগৎলকপগী চাং অসি ৭৮% য়ৌখ্রে; এক্তিব কেসশিংদগী নাবা ফগৎলকপশিংনা লাখ ২৮ হেন্না লৈরে
• অপুনবা এক্তিব কেসশিংগী ৬০%দি খ্বাইদগী শোকহল্লবা রাজ্য ৫দগী ওইরি
• লৈবাক অসিদা অপুনবা এক্তিব কেসকী মশিং অসি ৯,৮৬,৫৯৮ ওইরি
• অয়ুশনা কোভিদ-১৯দগী ফগৎলক্লবা অনাবশিংগীদমক মেনেজমেন্ত প্রোতোকোল অমদা চৎনবা হোৎনরি
• প্রধান মন্ত্রীনা হায়খ্রে মদুদি নাকল অমদনা কোরোনা লাইচৎ লৈরি অদুগা অতোপ্পা অমদনা ঐখোয়গী দ্যুতীশিং মপুংফাহন্নবগী মায়কৈদা ঐখোয়না তৌগদবা লৈরি; অমদি এম.পি. পুম্নমক্না দ্যুতীগী লম্বী অদু খনগদবনি
• অচৌবা রাজ্য ৭না হেল্থকেয়র ফেসিলিতী পুম্নমক্তা ওক্সিজেন মরাং কাইনা ফংহন্নবা তকশিনখ্রে
• লনাই হোস্পিতালশিংনা নেসনেল ক্লিনিকেল ত্রিৎমেন্ত প্রোতোকোলশিং ঙাক্নবা অমসুং খ্বাইদগী ফবা লায়েংবগী থবকশিং পায়খৎনবা হেল্থ মিনিস্ত্রিনা তকশিনখ্রে

লেপ্তনা ৱাংখৎলক্লিবা কর্ভ অমদা ভারতকী নাবা ফগৎলকপগী চাং অসি ৭৮% য়ৌখ্রে; এক্তিব কেসশিংদগী নাবা ফগৎলকপশিংনা লাখ ২৮ হেন্না লৈরে; অপুনবা এক্তিব কেসশিংগী ৬০%দি খ্বাইদগী শোকহল্লবা রাজ্য ৫দগী ওইরি

ভারতকী থুনা য়াংনা হেনগৎলক্লিবা নাবা ফগৎলকপগী চাংগী চংশিল্লিবা লম্বী অসিদা ঙসি মরু ওইবা তাঙ্কক অমা লানখ্রে। লেপ্পা লৈতনা হেনগৎলক্লিবা ত্রেজেক্তরী অমদা নাবা ফগৎলকপগী চাং অসি ৭৭.০০% য়ৌদুনা নোংমদা নাবা ফগৎলকপগী মশিং য়াম্না হেনগৎলক্লি উৎলি। হৌখিবা পুং ২৪দা অনাবা মীওই ৭৭,৫১২ দিসচার্জ তৌখ্রে। অপুনবা নাবা ফগৎলকখ্রবা কেসশিং অসি ৩৭,৮০,১০৭ য়ৌখ্রে। নাবা ফগৎলকখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি। ঙসি মসি লাখ ২৮ য়ৌখ্রে (২৭,৯৩,৫০৯)। ঙসি ফাওবদা লৈবাক অসিগী এক্তিব কেসশিংগী অপুনবা মশিং অসি ৯,৮৬,৫৯৮ শুখ্রে। এক্তিব কেসশিংগী ৬০% হেনবদি রাজ্য ৫দগী ওইরি মখোয় অদুদি মহারাস্ত্র, কর্নাতকা অমসুং অন্ধ্র প্রদেশ, উত্তর প্রদেশ অমসুং তামিল নাদুনি। অপুনবা নাবা ফগৎলকপগী ৬০% হেনবদি হায়রিবা স্তেৎশিং অসিদগী ওইখি। লৈবাক অসিদা হৌখিবা পুং ২৪দা অনৌবা কেস ৯২,০৭১ রিপোর্ত তৌরকখি। মহারাস্ত্রগী মশিং অসি মখা তানা ৱাংখৎলক্লি। হৌখিবা পুং ১২৪দা মসিদা অনৌবা কেস ২২,০০০ হেন্না রিপোর্ত তৌরকখি। অন্ধ্র প্রদেশতা অনৌবা কেস ৯,৮০০ হেন্না থেংনখি। অপুনবা কেসশিংগী ৬০%গী ময়াদি রাজ্য মঙাদগী ওইখি মখোয় অদুদি মহারাস্ত্র, অন্ধ্র প্রদেশ, তামিল নাদু, কর্নাতকা অমসুং উত্তর প্রদেশনি। হৌখিবা পুং ২৪দা লৈখিদবা ১,১৩৬ ওইখি। নৌনা লৈখিদবা অসিগী ৫৩%গী ময়াদি মহারাস্ত্র, কর্নাতকা অমসুং উত্তর প্রদেশ রাজ্য অহুম অসিদগী ওইখি। মসিগী মথংদা তামিল নাদু, পঞ্জাব অমসুং অন্ধ্র প্রদেশ লৈরি। ঙরাংগী নুমিৎতা রিপোর্ত তৌরকখিবা লৈখিদবগী ৩৬% হেনবদি মহারাস্ত্রদগী ওইখি (৪১৬ লৈখিদবা)

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653806

কোবিদ লাইচৎ অমসুং ভারত লৈঙাক্না লৌখৎলিবা খোঙথাঙশিংগী মতাঙদা সেপ্তেম্বর ১৪, ২০২০দা লোক সভা/রাজ্য সভাদা হকশেল অমসুং য়াইফ য়ুম্বাল মন্ত্রী দোক্তর হর্ষ বর্ধননা পীবা সু-মোতো ৱারোল

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653806

অয়ুশনা কোভিদ-১৯দগী ফগৎলক্লবা অনাবশিংগীদমক মেনেজমেন্ত প্রোতোকোল অমদা চৎনবা হোৎনরি

মিনিস্ত্রী ওফ হেলথ এন্দ ফেমিলি ৱেলফিয়রনা কোভিদ মতুং মেনেজমেন্তগীদমক প্রোতোকোল অমা শেমখ্রে। প্রোতোকোল অসিদা কোভিদকী অনাবাশিংবু ময়ুমদা লৈরগা চেকশিন থৌরাং লৌজনবনি, মসিনা ঙাকথোক্নবা নত্ত্রগা ফনবা থেরাপী নত্তে। মসিনা অমুকসু হায়রি মদুদি লায়না অসি অনাবাশিংদা অতোপ্পা লায়না কয়া হান্নদগী লৈবশিংদা লায়েংবদা ফগৎপদা মতম শাংনা চংই। প্রোতোকোল অসিনা অয়ুশকী মখল কয়াগী কোভিদ-১৯গী হকশেলগী চেকশিন থৌরাং মশা মউ ফন্নবা পীরি। কোভিদ-১৯ মতুংগী ফোলো অপ প্রোতোকোলদা, মীওই অমা থাক্তা মখোয়বু মতিক চাবা মাস্ক, খুৎ-শা অমসুং খনাওগী ওইবা লু-নানবা, অরাপ্পা থম্বা অসিনচিংবা অসি মওং চুম্না শিজিন্নবা পাওতাক পীরি। অশাবা ঈশিং মরাং-কাইনা থকপা অমসুং ইন্দ্রি ফনবা অয়ুশকী হিদাক, অয়ুশকী মতিক চারবা প্রাক্তিসনরনা অয়াবা পীরবশিং মতম চানা চানবা পাউতাক পীরি। অচম্বা শাজেল হায়বদি য়োগাসানা, প্রনায়ামা, মেদিতেসন অসি নুতিগী থাক্তা চৎথবা লোয়ননা অয়ুক অমসুং নুমিদাংৱাইরমগী মফম চাবা য়েংলগা চৎপা অসিসু পল্লি। মসিগী মথক্তা, প্রোতোকোল অসিনা পাউতাক পীরি অফবা চীঞ্জাক, লায়না তুম্বা ঙম্বা, ফ্রোং-ফ্রোং শারবা চীঞ্জাক চান্নবা হায়রি। কম্ম্যুনিতি থাক্তা, মীওই অমনা কম্ম্যুনিতিদা বেজ তৌবা সেল্প-হেল্প গ্রুপ, মতিক চারবাশিংদগী মতেং লৌবা য়াই। দোক্তরশিং অসিসু অনকপদা লৈবা য়ুমদা নাইতোম লৈরিবা অনাশিংদা চৎতুনা য়েংশিনবা য়াই। মীওই অমগী থাক্কী ওইনা, ইন্দ্রি কন্নবা অয়ুশনা পীরিবা হিদাকশিং হান্ননা অয়ুশ মিনিস্ত্রীনা অয়াবা পীখ্রবা অসি চানবা হায়রি। মসিদা ইচম-চম্না শেম্বাশিং য়াওরি মদুদি অয়ুশ ক্বাথ, দ সামশামানিভাতি, ঈশিং লুম্বু শাবগা গীলোই পাউদরগা, আশ্বাগান্থা অমসুং চ্যাৱানপ্রাস অমসুং অতৈ আম্লা উহৈ, মুলেথি পাউদর অমসুং হাল্দি শঙ্গোম অসিনি।

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1654033

সংসদকী নোংজু মীফম হৌদোকপদা প্রধান মন্ত্রীনা থমখিবা অথোইবা ৱারোল
 

“…য়াম্না অথোইবা অকোইবগী ফীভম অমদা সংসদকী সেসন অসি ঙসি হৌরে। কোরোনাসু লৈরি, ইথৌদাংসু পাংথোক্তবা য়াদবা মরক অসিদা অদোম সংসদ খুদিংমক্না সংসদকী লম্বি অসি ওইনা খনবিরিবা অসিদা ঐহাক্না অদোম ময়ামদা নুংঙাইবা ফোংদোকচরি। ঐহাক্না অদোম সংসদ খুদিংমক্কী মফমদা নুংঙাইবা ফোংদোকচরি, নোল্লুকপা উৎতৃচরি অমদি থাগৎপা ফোংদোকচরি…

হন্দক্কী সেসন অসিদা মরুওইবা ৱারেপ কয়া অমা লৌগনি, হিরম কয়া খন্নগনি অমদি লোকসভাদা অদুক্কী মতিক ৱা খন্নরিবমখৈ অদুক্কী মতিক হকচিন্না খন্নরিবা মখৈ মখল-মখা কয়া থোক্না পিক থন্না খন্নরিবমখৈ হাউসনসু হিরম কয়া কান্নবা ফংগনি অদুগা লৈবাক অসিনসু কান্নগনি হায়বসি অদোম পুম্নমক্না খংবি-উবিরবা ঙাক্তনি। হন্দকসু অদুগী অথোইবা চৎনরকপা মওং অদুদা সংসদ খুদিংমক্না পুন্না ভেল্যু এদিসন তৌগনি হায়বসি ঐহাক্না থাজৈ। কোরোনানা ওইহল্লক্লিবা মওং অসিদা চেকশিন-থৌরাংগী হিরমগী মতাংদসু খংহনখ্রে, মদুগী চেকশিন-থৌরাংশিং অদু ঐখোয় পুম্নমক্না ঙাক্না চৎকদবনি। অদুদা হিদাক পুথোরক্ত্রিবফাওবা করিগুম্বা মখলগী কোমথোকপা অমত্তা তৌবিরোইদবনি। য়াম্না থুনা মালেম অসিগী মফম অমদগী হেক্তা ওইরবসু ভেক্সিন থোরকপা, ঐখোয়গী বৈজ্ঞানিকশিংনা য়াম্না থুনা মায় পাকপা ওইবা অমদি মালেমগী মফম খুদিংমক লুরবা তানফম অসিদগী নান্থোরকপা ঙম্বা অদুনি ঐখোয়না পামজরিবা……।”

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653927

য়ুনিয়ন হেলথ সেক্রেতরী, ইন্দস্ত্রী অমসুং ইন্তর্নেল ত্রেদ সেক্রেতরী অমসুং সেক্রেতরী ফার্মাস্যুতিকেলসনা অচৌবা স্তেত ৭তা হকশেলগী ওইবা মফমশিংদা মতিক চানা ওক্সিজেন ফংহন্নবা তকশিনখ্রে
 

হকশেলগী য়ুনিয়ন মিনিস্ত্রীনা ঙসি য়ুনিয়ন হেলথ সেক্রেতরী, সেক্রেতরী দি.পি.আই.আই.তি. অমসুং সেক্রেতরী ফার্মাস্যুতিকেলসনা য়াওনা ভর্চুএল ওইবা মীফম অমা পাংথোকখ্রে। মহারাস্ত্রা, আন্ধ্র প্রদেশ, কর্নাতকা, তেলঙ্গনা, গুজরাত, রাজস্থান অমসুং মধ্য প্রদেশকী হেলথ সেক্রেতরী অমসুং ইন্দস্ত্রী সেক্রেতরীশিংনা থৌরম অদুদা শরুক য়াখি। মিফম অদুগী মরুওইবা পান্দমদি হকশেলগী ওইবা লমদা স্তেত অমসুং অমসুং স্তেতকী ৱাংমদা লৈবা মফমসিংদা ওক্সিজেন মরাং কাইনা ফংনবনি। কম্মর্স অমসুং ইন্দস্ত্রীগী য়ুনিয়ন মিনিস্তর শ্রী পিয়ুস গোয়ালনসু শরুক য়ারিবশিংদা ৱা ঙাংখি। ৱারোল অদুদা মরুওইনা পাওতাক পীখি মদুদি: হোস্পিতালগী ওইবা/অয়াম্বা মফম্দা ওক্সিজেন অসি শিন-লাংদুনা ফংহনবা অমসুং মতম চানা ফংনবা হোৎনদুনা তৎপা লৈতনবা হোৎনবা, মেদিকেল ওক্সিজেন অসি পুথোক পুসিন থৌবদা স্তেত/য়ু.তি.গী মফম্দা অয়েৎপা থমদবা, সহরশিংদা লিক্বিৎ মেদিকেল ওক্সিজেন (এল.এম.ও.)গী “গ্রীন কোরিদোর” থম্বা।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1653806

দা হর্শ বর্ধন্না ‘সন্দে সম্বাদ’কী খুত্থাংদা মহাক্কী সোসিএল মীদিয়া ফোলোৱরশিংগা লোয়ননা ৱারী শাখ্রে

কেন্দ্রগী হকশেল অমসুং য়াইফ থৌরাং মন্ত্রী দা হর্শ বর্ধন্না ঙসি সন্দে সম্বাদকী প্লেৎফোর্মদা মহাক্কী সোসিএল মীদিয়া ফোলোৱরশিংগা লোয়ননা ৱারী শাদুনা থাংগৎলকপা ৱাহংশিংগী পাউখুম পীখ্রে। ৱাহংশিং অদুদা হৌজিক ওইরিবা কোবিদকী ফীভমগা মরী লৈনবা ৱাহংশিং খক্তা নত্তনা কোবিদ মতুংদা মালেম অসিদা মীয়াম্না উবা পাম্লিবা অহোংবশিং পুরক্নবগী সরকারগী পাম্বৈ অমসুং মসি ফংহন্নবা সরকারনা লৌখৎলিবা খোঙথাংশিংগী মতাংদসু য়াওরি। মন্ত্রীনা হায়খি বেক্সিন লোঞ্চ তৌনবগী চপ চাবা তাং লেপত্রবসু মসি ২০২১গী অহৌবা থা অহুমদদি শোইদনা পুথোক্লগনি। দা হর্শ বর্ধন্না হায় মীওইবদা বেক্সিন অসিগী চাংয়েংশিং তৌনবা সরকারনা মপুং ফাবা চেকশিল থৌরাংশিং লৌখৎলি অমসুং কোবিদ-১৯গী বেক্সিন এদমিনিস্ত্রেসনগী নেস্নেল এক্সপর্ত গ্রুপনা হকশেলগী মেম্বর ওইরিবা দা ভি কে পোলগী চ্যেরমেনশিপকী মখাদা নিতি আয়োগনা লৈরিবা মীশিংগী অয়াম্বা শরুক ইম্ম্যুনাইজ করম্না তৌগনি হায়বগী লালোং অদু পুথোক্লি। “বেক্সিন সেক্যুরিতী, মমল, মান্নবা মীৎয়েং, কোল্দ চেনগী মথৌ তাবশিং, পুথোকপগী মতমশিং অসিনচিংবা অসি কুপ্না খন্নখি” হায়না মহাক্না ফোঙদোকখি। শেল পীবা ঙম্বা ঙমদবা য়েংদনা বেক্সিন অসি খ্বাইদগী মথৌ তারিবা মীওইশিংদা হান্না ফংহনগনি হায়না মহাক্না থাজবা পীখি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1653777

প্রধান মন্ত্রীগী প্রিন্সিপাল সেক্রেতরীনা কোবিদ-১৯ অপুনবা ওইনা য়েংশিনখ্রে, তোঙান তোঙান মন্ত্রীশিং অমসুং দিপার্তমেন্তশিংনা পাঙথোকখিবা শিংথানীংঙাই ওইবা থবক অদুবু থাগৎপা ফোঙদোকখি
প্রধান মন্ত্রীগী প্রিন্সিপাল সেক্রেতরী দা. পি.কে. মিশ্রানা ঙসি কোবিদ-১৯গী লৌখৎলিবা চেকশিন থৌরাং অমসুং লান্ধেংনরিবা অদু পুন্না য়েংশিন্নবা অৱাংবা থাক্কী মীফম অমা ময়াই তাংবল লৌদুনা পাঙথোকখ্রে। মীফম অদুনা জিলা অমসুং রাজ্য পুম্বদা কেসশিং লাকশিন্নবা ইভিদেন্সতা য়ুম্ফম ওইরগা নৈনবদা মীৎয়েং চংখি। মীফম অদুনা হীদাক পুথোকপগী তাঙ্কক অমসুং হীদাক য়েন্থোকপগী থৌরাংগী মতাংদসু খন্নখি। মীফম অদুদা কোবিদ-১৯গী তোঙান তোঙানবা হীরমগা মরী লৈননা মতম শাংনা মেনেজমেন্ত তৌনবা দিস্ত্রিক্ত হেল্থ এক্সন প্লানশিংগী মথৌ তাবা অদুসু খন্নখি। মীফম অদু কেবিনেৎ সেক্রেতরী, মেম্বর, নিতি আয়োগ দা. বিনোদ পোল, প্রিন্সিপাল সাইন্তিফিক এদভাইজর অমসুং মরী লৈনবা এম্পাৱর এক্সন গ্রুপকী কন্বেনর পুম্নমক অমসুং মরী লৈনবা দিপার্তমেন্তশিংগী সেক্রেতরীশিংনা শরুক য়াখি। এম্পাৱর গ্রুপ পুম্নমক্না কোবিদ লাকশিনবদা পান্দমশিং ফংনবা কন্না হোৎনখি হায়না অপেনবা ফোঙদোকখি। প্রধান মন্ত্রীগী প্রিন্সিপাল সেক্রেতরীনা মরী লৈনবা পুম্নমক্তা হেন্না মহৈ ফংনবা জিলাশিং অমসুং রাজ্যশিং হকথেংননা শরুক য়াহন্দুনা কোবিদ-১৯গা মরী লৈনবা হীরম খুদিংমক্তা ইবিদেন্সতা য়ুম্ফম ওইরগা শেম শানবা খংহনখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1653681  

কেন্দ্র সরকারনা অৱাং-নোংপক রাজ্যশিংদা লাইনা শন্দোকপগী মরী থদৎনবা অকনবা মওংদা পুক্নীং থৌগৎখ্রে

কেন্দ্রগী হকশেলগী সেক্রেতরীনা ঙসি ভিদিও কনফরেন্সিংগী (ভি.সি.) খুত্থাংদা অৱাং-নোংপোক রাজ্যশিংদা পয়াঙথোক্লিবা কোবিদ শেন্নবগী থৌরাংশিংগা লোয়ননা থবক ওইনা পাঙথোক্লিবশিং য়েংশিনখ্রে। মসিগী ভি.সি. অসিদা প্রিন্সিপাল সেক্রেতরীশিং, হকশেল সেক্রেতরীশিং অমসুং অরুনাচল প্রদেশ, অসম, মনিপুর, মিজোরম, মেঘালয়, নাগালেন্দ, ত্রিপুরা অমসুং সিক্কিমগী রাজ্যগী মীহুৎশিংনা শরুক য়াখি। মসিগী রাজ্য ৮ অসিনা লৈবাক অসিগী অপুনবা এক্তিব কেস মশিংগী শরু ৫%দগী হেন্না তানা লৈরিবনি। রাজ্যশিংদা পাঙথোক্লিবা আর.তি.-পি.সি.আর. অমসুং রেপিদ এন্তিজেন তেস্ত তৌখিবশিং, এন্তিজেন তেস্ত তৌখিবশিংদা নেগেতিব লাখিবা সিম্পতোম উৎলকপা অনাবশিংগী হন্না তেস্ত তৌবগী চাদা ওইবা চাং, তেস্তিংগী লেব শিজিন্নবশিং, হোস্পপিতালদা অনাবশিং পুখৎলকপগী ফিভমশিং অমসুং ওক্সিজেন পীবা ফমুংশিং, আই.সি.য়ু. ফমুংশিং অমসুং বেন্তিলেতর ফমুংশিংদা অনাবশিং লৈবগী ৱারোলনচিংবগী অকুপ্পা অমসুং মচা খায়বা ৱারোল কয়া অমসু উৎখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1653403

থাউ পুসিল্লকপদা কোভিদ-১৯না পীবা চৈথেং

লৈবাক অসিদা কোভিদ-১৯ লায়চৎনা মরম ওইদুনা চত্থখিবা লোকদাউন অসিনা হান্না অমুক্তা থোকখিদ্রিবা মওংদা রিভিন্যু য়াম্না হন্থখ্রে হায়না থাউ অমসুং গ্যাস সেক্তর পি.এস.য়ু.শিংনা খংহল্লক্লি। কোভিদ-১৯না মরম ওইদুনা লৈবাক পুম্বা লোকদাউন থমখ্রবা মতুংদা, ইন্দিয়ন রিফাইনরিশিং অসি মথৌ য়াম্না হন্থখ্রে। মসিগী ইনফোর্মেসন অসি পেত্রোলিয়ম অমসুং নেচুরেল গ্যাসকী য়ুনিয়ন মিনিস্তর শ্রী ধর্মেন্দ্র প্রধান্না অইবা লোক সভাদা পীখিবনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1653978

কোবিদ-১৯ লান্থেংননবগীদমক রাজ্যশিংদা থাদখিবা শেনফম

কোবিদ-১৯ লাইচৎকা মরী লৈননা কেন্দ্র সরকারনা রাজ্য সরকারশিংদা এপ্রিল ৩, ২০২০দা মাংজৌননা রাজ্যশিংনা লাইচৎ অসিবু থেংননবগীদমক স্তেৎ দিজাস্তর রেস্পোন্স ফন্দগী অহানবগী তাংকক্কী ওইনা লুপা করোর ১১,০৯২ থাদখি। হায়রিবসি কেন্দ্রগী ফাইনান্স অমসুং কোর্পোরেৎ এফিয়র্স মন্ত্রী শ্রী অনুরাগ সিংহ থাকুরনা ঙসি লোক সভাদা হংলকপা ৱাহংদা অইবা পাউখুম ওইনা পীখি। অহেনবা মরোল পীরদুনা শ্রী থাকুরনা হায়খি মদুদি সরকার অসিনা ২০২০-২১গী গ্রোস স্তেৎ দোমেস্তিক প্রদক্ত (জি.এস.দি.পি.)কী অহেনবা চাদা ২ পুবগী অয়াবা পীরি। জি.এস.দি.পি.গী অহেনবা পুবা য়ারিবা চাদা ২ অসিদগী, রাজ্যশিংদা ২০২০-২১গী ওপন মার্কেৎ বরোইং (ও.এম.বি.)গী ওইনা চাদা ০.৫০ পীদুনা লুপা করোর ১,০৬,৮৩০গী অয়াবা পীখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1654102

কোবিদ-১৯ থেংননবগীদমক্তা লোকদাউনগী মনুংদা কম্পেনী/এল.এল.পি.শিংদা পীখিবা রিলেক্সেসন/কন্সেসন

কোরপোরেৎ এফিয়র্স মন্ত্রালয়না কোবিদ-১৯গী লোকদাউন মনুংদা কম্পেনী/এল.এল.পি.শিংগী পোৎলুম খরা হন্থনবগীদমক তোঙান-তোঙানবা ইন্সেন্তিব/রিলেক্সেসন/কন্সেসনশিং পীনবগী খোংথাং কয়া লৌখৎখি। হায়রিবসি লোক সভাদা ঙসি হংলকপা ৱাহং অমগী অইবা পাউখুম ওইনা পীরদুনা কেন্দ্রগী শেল-থুম অমসুং কোপোরেৎ এফিয়র্সকী রাজ্যগী মন্ত্রী শ্রী অনুরাগ সিংহ থাকুরনা ফোংদোকখিবনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1654103

বিহারদা পেত্রোলিয়ম সেক্তরগা মরী লৈনবা মরুওইবা প্রোজেক অহুম প্রধান মন্ত্রীনা মীয়ামদা কৎথোকখ্রে

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিহারদা পায়খৎপা পেত্রোলিয়ম সেক্তরগা মরী লৈনবা মরুওইবা প্রোজেক অহুম মীয়ামদা কৎথোকখ্রে। প্রোজেকশিং অদুগী মনুংদা দুর্গাপুর-বানকা সেক্সনগী পারাদিপ-হালদিয়া-দুর্গাপুর পাইপলাইন অগমেন্তেসন প্রোজেক অমসুং এল.পি.জি বোত্তলিং প্নান্ত অনি য়াওরি। প্রোজেকশিং অদু পেত্রোলিয়ম অমসুং নেচরেল গ্যাস মিনিস্ত্রিগী মখাদা লৈবা পি.এস.য়ুশিং ইন্দিয়ান ওইল অমসুং ঐচ.পি.সি.এলনা পায়খৎপনি।

অকুপ্পা ৱারোলগীদমক : https://pib.gov.in/PressReleasePage.aspx?PRID=1653762

লনাই হোস্পিতালশিংগা লোয়ন্না পাংথোকখিবা ভর্চুএল কনক্লেব অমদা নেসনেল ক্লিনিকেল ত্রিৎমেন্ত প্রোতোকোলশিং ঙাক্নবা অমসুং খ্বাইদগী ফবা লায়েংবগী থবকশিং পায়খৎনবা হেল্থ মিনিস্ত্রিনা তকশিনখ্রে
 

এফ.আই.সি.সি.আই অমসুং এ.আই.আই.এম.এস, নিউ দিল্লিগা লোয়ন্না য়ুনিয়ন হেল্থ মিনিস্ত্রিনা শীন্দুনা লৈবাক অসিদা কোবিদ-১৯ লায়েংলিবা লনাই হোস্পিতালশিংগী ভর্চুএল কনক্লেব অমা পাংথোকখ্রে। মসিনা শিবা মশিং হন্থন্নবা কোবিদ-১৯ লায়েংবগী মতাংদা ক্লিনিকেল প্রোতোকোলশিং অমসুং খ্বাইদগী ফবা লায়েংবগী থবকশিংগী মতাংদা খন্ননবগী মফম অমা পীরে। কোবিদ-১৯না লৈবাক অসিদা অমুক্তা ওইখিদ্রিবা মওংদা হকশেলগী খুদোংচাদবা থোকহল্লিবা চৈরক অসিদা, সরকার অমসুং লনাই ইন্দস্ত্রিদগী মাইকৈদগী মতিক চাবা থবকশিং লৌখৎখি। লৈবাক অসিদা সরকার অমসুং লনাই হোস্পিতালশিংনা পায়খৎলিবা লায়েংনবগী খ্বাইদগী ফবা থবকশিং শরুক য়ামিন্ননবা মীফম অসি পাংথোকপনি। মখোয়গী হোস্পিতালশিংদা কোবিদ-১৯ লায়েংবা মতমদা থেংনরিবা খুদোংচাদবশিংগী মতাংদা পাউদম্নবা মিনিস্ত্রিনা হোস্পিতালশিংগী মীহুৎশিংদা খঙহনখি। ভর্চুএল মীফম অদু য়ুনিয়ন হেল্থ সেক্রেতরিনা হৌদোকখি। মহাক্না হায়খি কোবিদ-১৯ অনাবশিং ফমুং ফংহন্নবা সরকারনা থবক পায়খৎলি অমসুং মতিক চাবা লায়েং ফংহনগদবনি। অপুনবগী পান্দমদি মী খুদিংমক্তা চুনবা মমলদা অনা-লায়েংবগী খুদোংচাবশিং লাইনা ফংহনবনি। কেন্দ্র সরকার অমসুং রাজ্যশিং/য়ু.তিশিং সরকারশিংগী পান্দমদি শিবগী চাং চাদা ১গী মখাদা লৈহনবনি। তোঙান-তোঙানবা রাজ্যশিং/য়ু.তিশিংগী আই.সি.য়ু দোক্তরশিংগী লায়েংবগী লৌশিং হেনগৎহন্নবা ই-আই.সি.য়ু, সেন্তর ওফ এক্সলেন্স অমসুং ক্লিনিকেল গ্রান্ত রাউন্দশিংগী খুৎথাংদা এ.আই.আই.এম.এসনা শীন্দুনা তেলি-কন্সলতেসনগী থৌরমশিং পাংথোকখ্রে। মসিনা লাইচৎ লাকশিন্নবা, ঙাকথোক্নবা, ঙন্না খঙদোক্নবা থবকশিংদা মিৎয়েং চংবা হেনগৎহন্দুনা অনাবা ফগৎলকপগী চাং ৱাংখৎলে অমসুং শিবগী চাং তপ্না তপ্না হন্থরেক্লে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1653604

মনা-মশিং অমসুং উহৈ-ৱাহৈশিংদা তাবা লায়না-তিলনাদগী ঙাকথোক্নবা অমসুং মনা-মশিং অমসুং উহৈ-ৱাহৈশিংদগী তিলহাৎ হিদাক লৌথোক্নবা আই.পি.এফ.তিনা অনৌবা “দিসইনফেকতেন্ত স্প্রে” পুথোক্লে

মালেমগী ওইনা কোবিদ লাইচৎ থেংনরিঙৈ চৈরক অসিদা, কেমিকেলস অমসুং ফর্তিলাইজরস মিনিস্ত্রিগী কেমিকেলস অমসুং পেত্রোকেমিকেলস দিপার্তমেন্তগী মখাদা লৈবা ওতোনোমস ইন্সতিতুউৎ অমা ওইরিবা ইন্সতিতুৎ ওফ পেস্তিসাইদ ফোরমুলেসন তেক্নোলোজি(আই পি এফ তি)না মাইপাক্না অনৌবা তেক্নোলোজি অনি হায়বদি “মমাইদা শীজিন্ননবা দিসইনফেকতেন্ত স্প্রে” অমসুং “মনা-মশিং অমসুং উহৈ-ৱাহৈশিংগী দিসইনফেকতেন্ত স্প্রে” পুথোক্লে। ইন্সতিতুৎ অসিগী চেরোল অমনা হায়খি তোঙান-তোঙানবা মমাইশিং হায়বদি থোংগী খুৎপায়ফমশিং, চৌক্রিগী পায়ফমশিং, কম্পুতর কিবোর্দ অমসুং মাউস তেপশিং অসি হকথেংন্না নৎত্রগা নাকোইন্না পায়রুবা মীওইশিংদা মহিক শন্দোরকপা য়াই। মসি য়েংলগা ইন্সিতুতুৎ অসিনা বেক্তরিয়া আমসুং ভাইরসনা থোকহনবা তোঙান তোঙানবা লায়নাশিংদগী ঙাকথোক্নবা পাম্বীদগী শুংবা মহিক হাৎপা ঙম্বা মচলশিং য়াওবা য়ুদগী শুংবা “দিসইনফেকতেন্ত স্প্রে” পুথোক্লে। মচল অসি মমাইশিংদা তৈরবা মতুংদা অথুবা মতমদা মনিল ওনখিদুনা কংগনি অমসুং মচু, মনম অমসুং লেমহৌবা অমতা লৈহৌরোই।
অকুপ্পা ৱারোলগীদমক: https://pib.gov.in/PressReleasePage.aspx?PRID=1653548

অনৌবা দিবেলপমেন্ত অমদা ভারতকী সাইন্তিস্তশিংনা ভাইরসশিংগী সিক্বেন্স ওনলাইন্দা খঙদোক্নবা ৱেব-বেজ কোবিদ প্রিদিক্তর অমা শেমখ্রে

ভারত্তা সাইন্তিস্তশিংগী কাংলুপ অমনা ভারত য়াওনা মালেমগী সার্স-কোব-২গী জিনোমিক সিক্বেন্সশিংদা থিজিন্দুনা কোবিদ ১৯গী ভাইরস অসি মায়োক্নবা ঙম্নবা খ্বাইদগী ফবা পাম্বৈ থিদোক্নবা ভাইরসতা অমদি মীওইবদা জেনেতিক বেরিএবিলিতী অমসুং পোতেন্সিএল মোলিক্যুলর তার্গেৎশিং খঙদোক্নবা হোৎনরি। নোবেল কোরোনাভাইরসকী খুদোংচাদবা অসি মচা খায়না য়েংশিন্দুনা মখোঙ ফংনা থিজিন্দুনা অমসুং তোঙান তোঙানবা মায়কৈ কয়াদগী মীৎয়েং চংদুনা নেস্নেল ইন্সতিত্যুত ওফ তেক্নিকেল তীচর্স ত্রেনিং এন্দ রিসর্চ, কোলকতাকাগী কম্ময়েংশিন্দু ওইনা ইনসর্সন প্যুতর সাইন্স অমসুং ইঞ্জিনীয়রিং বিভাগকী এসিসতেন্ত প্রোফেসর দা ইন্দ্রজিৎ সহা অমসুং মহাক্কী তিমনা মেছিন লর্নিংদা য়ুম্ফম ওইবা ওনলাইন্দা ভাইরস সিক্বেন্স খংদোক্নবা ৱেব-বেজ কোবিদ-প্রিদিক্তর অমা দিবেপল তৌখ্রে অমদি পোইন্ত ম্যুতেসন অমসুং সিঙ্গল ন্যুক্লিওতাইদ পোলীমোর্ফিজম (এস.এন.পি.)দা য়ুম্ফম ওইবা জেনেতিক বেরিএবিলিতী খঙদোক্নবা ভারতকী সার্স-কোব-২ জিনোম ৫৬৬ এনালাইজ তৌখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1653755

পি.আই.বি. ফিল্দ ওফিসশিংদগী ফংবা পাউ

•           চান্দিগর: য়ু.তি. চান্দিগরগী এদিনিস্ত্রেতরনা য়ু.তি. অসিদা তেস্তিং তৌবা হেনগৎহন্নবগীদমক্তা অহেনবা এন্তিজেন কিত ১০,০০০ লৌননবা হারকখ্রে। মহাক্না কোবিদ পেসেন্তশিংগীদমক্তা অহেনবা ফমুং ২০০ শেম্ননবগীদমক্তা শিজিন্ননবা পি.জি.আই.এম.ই.আর.দা ইনফোসীস সারাই খুৎশিন্ননবা ৱারেপ লৌখ্রে।

•          হরিয়ানা: হরিয়ানাগী হকশেল মন্ত্রী, শ্রী অনিল ভিজনা হায়খি মদুদি রাজ্য সরকার অসিনা অয়ুশমান ভারত য়োজনাগী মখাদা মীওই লাখ ১.৪৪ ময়া নক্না লাইয়েংনবা লুপা করোর ১৬৯.৪গী শেনফম শিজিন্নখ্রে। স্কীম অসিগী মখাদা রাজ্য অসিগী মীয়ামদা ক্বালিতী হোসপিতালশিংদা লুপা লাখ ৫ ফাওবগী লেম্না লাইয়েংবগী খুদোংচাবা কয়া অমসু পীরি।

•          অরুনাচল প্রদেশ: অরুনাচল প্রদেশ সি.এম.না দ্যুতী তৌরিঙৈ মনুংদা কোবিদ-১৯না মরম ওইরগা, ইতানাগর আর.কে. মিশন হোসপিতালগী হেল্থ ৱার্কর অমা ওইরিবা, সম্তি সালমি সাংদিগৌরিয়া (৩৮)না মতম চাদনা লৈখিদবদা নুংঙাইতবা ফোংদোকখি।

•          অসাম: অসামদা ঙরাং, কোবিদ-১৯গীদমক্তা মীওই ১২৯২গী মথক্তা পোজিতিব ওইবা থেংনখি অমসুং মীওই ২২৫১ দিসচার্জ তৌখ্রে। অপুনবা কেসশিংগী মশিং ১,৪১,৭৩৬তা হেনগৎখ্রে, ১,১৩,১৩৩ দিসচার্জ তৌখ্রে, এক্তিব কেস ২৮,১৫৮ অমসুং শিখিবশিং ৪৬৯।

•          মনিপুর: মনিপুরদা, কোবিদ-১৯গীদমক্তা মীওই ১৪৪ অমুক পোজিতিব ওইবা থেংনখি, এক্তিব কেস ১৬৩৮। ফগৎলকপগী চাং চাদা ৭৮ ওইবগা লোইননা ৮৯ ফগৎখ্রে অমসুং হৌখিবা পুং ২৪ অসিদা পেসেন্ত ১ লৈখিদ্রে।

•          মেঘালয়া: মেঘালয়াদা অপুনবা এক্তিব কেস ১৬২৩ অমসুং ফগৎখিবশিংগী অপুনবা মশিং ২০৭৫।

•          মিজোরাম: মিজোরামদা ঙরাং, কোবিদ-১৯গী অনৌবা কেস ১৪ কনফর্ম তৌখ্রে, অপুনবা মশিং ১৪২৮তা হেনগৎখ্রে, এক্তিব কেসকী মশিং ৫৯৮।

•          নাগালেন্দ: নাগালেন্দনা নোংমাইজিং নুমিত্তা সেমপল ৫৬৩ তেস্ত তৌবগী মনুংদা কোবিদ-১৯গী অনৌবা কেস১৯ থেংনখি। পুন্না মীওই ৬১ ফগৎখ্রে।

•          কেরলা: স্তেত পব্লিক এদমিনিস্ত্রেশন দিপার্তমেন্তনা লোকদাউনগী অথিংবা অদুগী শরুক অমা ওইনা রাজ্য সরকারগী ওফিসশিংদা থাংজা নুমিত্তা ছুতী ওইহনবগী চৎনহনখিবা অদু তোক্নবা রিকমেন্দ তৌরকখ্রে। কেরলাদা ঙরাং কোবিদ-১৯গী অনৌবা পোজিতিব কেস ৩,১৩৯ থেংনখ্রে। হৌজিক্কী ওইনদি পেসেন্ত ৩০,০৭২ লাইয়েংদুনা লৈরি অমসুং রাজ্য শিনবা থুংনা মীওই ২,০৪,৪৮৯ ওবজার্ভেশন তৌদুনা থম্লি। ঙসি অমমুক লৈখিদবগা লোইননা শিবগী মশিং অদু ৪৪০দা হেনগৎখ্রে।

•          তামিল নাদু: নিংথৌকাবা নুমিত্তা হৌখিবা পুং ২৪ অসিদা পুদুচেরীদা কোবিদ-১৯গী কেস অসি অনৌবা কেস ৪১৪ অমসুং মাপল শিখিবগা লোইননা ২০,০০০ হেনখ্রে, মসিনা আপুনবা কেসশিংগী মশিং অদু ২০,২২৬ য়ৌহনখ্রে, এক্তিব কেসশিংগী মশিং ৪৮০৫, ফগৎখিবা কেসশিংগী মশিং ১৫০২৭ অমসুং শিখিবশিংনা ৩৯৪। কোবিদ-১৯গী অৱাবা কয়া মায়োক্নরবসু তামিল নাদুদা এসপিরেন্ত লাখ অমগী মথক্না এন.ই.ই.তি.-২০২০ একজাম অসি পীখি।

•          কর্নাতকা: মাইসুরু জিলা এদমিনিস্ত্রশন্না জিলা অসিদা অহল ওইরবশিংগী মীশিংদা খ্বাইদগী হেন্না শোকহল্লি হায়বা খঙলকপদগী হুন্সুর রোদতা লৈরিবা বসপ্পা মেমোরিয়েল হোসপিতাল (বি.এম.ঐচ.)বু অহল ওইরবশিংগীদমক্তা ওইবা তোঙানবা কোবিদ হোসপিতাল ওইনা ওন্থোক্লগনি। কর্নাতকাদা লাক ১.২না এন.ই.ই.তি. একজাম অসি পীখি, মসি চেকশিং-থৌরাংগী পাম্বৈ কয়া অমা নীংথিনা লৌখত্তুনা পাংথোকখি। রাজ্য অসিদা নোংমাইজিং নুমিত্তা অনৌবা কেস ৯,৮৬০ থেংনখি, মসিনা সেপ্তেম্বর ২দা থেংনকিবা কেস ৯,৮৬০গী রেকোর্দ অদু থুগাইদুনা হৌজিক ফাওবদা নোংমদা খ্বাইদগী হেন্না ৱাংবা ওইখি। বেঙ্গলুরুদা অরুবা ফিভমদা লৈরবা কোবিদ-১৯গী পেসেন্তশিংনা সরকারগী কোতাগী মখাদা ভেন্তিলেতরশিং বাওবা আই.সি.বু. বেদশিং ফংবা য়াম্না ৱারে হায়না মীদিয়ানা হায়রি। 

•          অন্ধ্র প্রদেশ: সুপ্রীম কোর্তনা স্বর্না পেলেস কোবিদ কেয়র সেন্তরগী মৈ চাকপগী এক্সিদেন্তকী কেসতা এ.পি. হাই কোর্তকী ওর্দরশিং অদু স্তে তৌখ্রে, কেস অসিবু ইনভেস্তিগেত তৌনবা সরকারদা অয়াবা পীখ্রে। কোর্তনা হায়খি মদুদি দা. রামেশপু কস্তদীদা লৌশিন্দনা ত্রায়ল তৌবা য়াগনি অমসুং ইনভেস্তিগেশন অসিদা শরুক য়াদুনা মতেং পাংনবা দা. রামেশতা হায়খ্রে। ওগস্তকী ৯দা রামেশ হোসপিতালশিংনা চলাইবা ৱিজয়াৱাদা কোবিদ কেয়র সেন্তরদা লৈবা স্বর্না পেলেসতা য়াম্না চাউনা মৈ চাক্লকপদগী কোবিদ পেসেন্ত ১০ শিখি অমসুং অতোপ্পা ২০ অমনা অশোক-অপন থোকখি।

•          তেলঙ্গানা: হৌখিবা পুং ২৪ অসিদা অনৌবা কেস ১৪১৭ থেংনখি, ২৪৭৯ ফগৎখি অমসুং ১৩ শিখিবগী পাউ লৈখি; কেস ১৪১৭গী মনুংদা কেস ২৬৪দি জি.ঐচ.এম.সি.দগী থেংনখি। অপুনবা কেসশিং: ১.৫৮,৫১৩; এক্তিব কেসশিং: ৩০,৫৩২; শিখিবশিং:৯৭৪; দিসচার্জ তৌখিবশিং: ১,২৭,০০৭। রাজ্য অসিদা কোরোনা ভাইরসনা মখাতানা এক্তিব ওইদুনা লৈরবদা, মসিনা শন্দোরকপদা অনৌবা মীওই কয়া অমা ইনফেক্ত তৌই অমসুং মসিগা লোইননা ফগৎলকপগী মশিংসু য়াম্না চাউনা লেপ্তনা হেনগৎলক্লি।

•          মহারাস্ত্র: মুম্বাইদা, কোবিদ-১৯গী কেসশিংগী মশিং খঙএন হেনগৎলকপগা লোইননা, এম.সি.জি.এম. সিতী অসিদা তেস্তিং তৌবা হেনগৎহল্লকপদা চাউরবা থৌদাং লৌখি। গ্রেতর মুম্বাইগী মুনিসিপাল কোরপোরেশন্না হায়খি মদুদি ‘মিশন বিগিন অগেন’গী মরিশুবা তাঙ্কক্কী মখাদা অথিংবশিংদা কোমথোকপা অমসুং থা অসিগী অহৌবদা লোইশিনখিবা নুমিৎ ১০নিগী গনেশকী কুম্হৈ অসিনা ইনফেক্সনগী চাং লেপ্তনা হেনগৎলক্লি। হৌজিক মুম্বাই জিলাগী ফগৎলকপগী চাং অসি চাদা ৭৭নি অমসুং হৌখিবা নুমিৎ খরনিসিদা নুমিৎ খুদিংগী ওইনা কেস লিশিং ২গী ময়া নক্না থেংনরি, মুম্বাইনা লৈবাক অসিদা খ্বাইদগী হেন্না শোকহল্লবা সিতিশিংগী মনুংদা অমা ওইদুনা অদুমক মখাতানা লৈরি।

•          গুজরাত: এহমদাবাদ পুলিসনা কমপলসরী মাস্ক রুল খোংগাওনবশিংগী মায়োক্তা দ্রাইবশিং হৌদোকখ্রে। মমাং থাদা ফাইন লুপা ৫০০দগী লুপা ১০০০ ফাওবা হেনগৎচরবসু, এহমদাবাদতা লৈবা মী ময়াম অমনা কমপলসরী মাস্ক রুলশিং ঙাক্না চত্তে। পুলিসশিংনা হৌখিবা চয়োল অমদগী অসিগুম্বা রুলশিং থুগাইবশিং অদুগী মায়োক্তা দ্রাইব হৌদোকখ্রে। গুজরাত্তা এক্তিব কেস ১৬,৪৩৯ লৈরি।

•          রাজস্থান: শ্বর হোনবদা ৱাবা অমসুং ওক্সিজেন সপোর্তকী মথৌ তারে হায়না ৱাকৎলদুনা হোসপিতালশিংদা কোবিদ-১৯ পেসেন্তশিং এদমিত তৌবগী মশিং হেনগৎলকপগা লোইননা, রাজস্থান রাজ্য সরকারনা সরকারগী মেদিকেল কোলেজশিং অমসুং দিস্ত্রিক্ত হোসপিতালশিংদা এতেচ তৌবা হোসপিতালশিংদা ওক্সিজেন জেনরেশন প্লান্ত ৩৮ লিংখৎলগনি। ওক্সিজেন জেনরেশন প্লান্ত ৩৮গী মনুংদা, ১৭ অমদি নুংতিগী ওক্সিজেন সীলিন্দর ৯০ হানবগী কেপাসিতী লৈগনি, ১৪ অমদি নুংতিগী সীলিন্দর ৩৫দগী ৪০ পুথোকপা কেপাসিতী লৈ অমসুং তরেত অমনা সীলিন্দর ২৪ পুথোকপগী কেপাসিতী লৈগনি।

•          মধ্য প্রদেশ: কেন্দ্রনা কোবিদ-১৯গী কেসশিং হেনগৎলক্লিবা অসিগী মরক অসিদা ওক্সিজেনগী অৱাৎপা ময়াোক্নরিবা মধ্য প্রদেশতা নোংমদা ওক্সিজেন তন ৫০ সপ্লাই তৌনবা অয়াবা পীখ্রে হায়না রাজ্যগী মুখ্য মন্ত্রী, শিবরাজ সিং চৌহন্না হায়খি। মহাক্না প্রধান মন্ত্রী, নরেন্দ্র মোদি অমসুং য়িনিয়ন মিনিস্তর, পিয়ুশ গোয়লবু কোবিদ-১৯ শন্দোরক্লিবা অসিগী লুরবা মতম অসিগী মনুংদা রাজ্য অসিদা মতেং পাংবীবগীদমক্তা থাগৎপা ফোংদোকখি। রাজ্য অসিদা লৈরিবা এক্তিব কেসশিংগী মশিং অসি ২০,৪৮৭নি।

•          গোৱা: মুখ্য মন্ত্রী, প্রমোদ সাৱন্তনা লুপা লাখ ৫০গী ইন্সুরেন্স কোভর অমা কোবিদ-১৯গী মায়োক্তা লান্থেংনরিবা অসিদা মমাং থারিবা হেল্থ ৱার্কর পুম্নমক্তা পীখ্রে হায়না হায়খি। ইন্সুরেন্স কোভর অসি কেন্দ্র সরকারগী খ্বাইদগী মরু ওইবা প্রধান মন্ত্রী গরিব কলয়ান য়োজনাগী মখাদা পীখি।

ফেক্ত চেক

*****