दिल्ली-मुंबई, 14 सप्टेंबर 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

देशातील सर्व भाषांना समान सन्मान द्यायला हवा, मात्र, कुठेही कोणत्याही भाषेचे सक्ती केली जाऊ नये अथवा तिला विरोधही केला जाऊ नये, असे प्रतिपादन उपराष्ट्रपती एम व्यंकय्या नायडू यांनी केले आहे.

हिंदी दिवस-2020 निमित्त ‘मधुबन एज्युकेशनल बुक्स’ने आयोजित केलेल्या कार्यक्रमात ते आज बोलत होते. आपल्या सर्व भारतीय भाषांना समृद्ध इतिहास आणि परंपरा असून आपल्याला भाषिक वैविध्याचा तसेच सांस्कृतिक वारशाचा आपल्याला सार्थ अभिमान असायला हवा, असे श्री नायडू यावेळी म्हणाले

संसदेच्या पावसाळी अधिवेशनापूर्वी पंतप्रधान नरेंद्र मोदी यांनी साधलेला संवाद-

एका विशिष्ट वातावरणात संसदेचे हे अधिवेशन आज सुरु होत आहे. कोरोनाही पण त्याचवेळी कर्तव्येही आहेत. आणि सर्व खासदारांनी कर्तव्याचा मार्ग निवडला आहे. मी सर्व खासदारांचे, त्यांच्या या पुढाकारासाठी अभिनंदन करतो, आणि त्यांना धन्यवादही देतो.

आरोग्य मंत्रालयाची कोविड-19घडामोडींवरील माहिती :

• आरोग्य आणि कुटुंब कल्याण मंत्री डॉ. हर्ष वर्धन यांनी आज लोकसभा / राज्यसभेत कोविड महामारी आणि केंद्र सरकारने केलेल्या उपाययोजनांबाबत स्वतःहून दिलेल्या निवेदनाचा पूर्ण मजकूर येथे पाहता येईल.

• कोरोनातून रुग्ण लवकर बरे होण्याच्या प्रवासात भारताने आज नवा टप्पा गाठला. कोरोनातून रुग्ण बरे होण्याचा देशाचा आलेख चढता असून हा दर 78 % पर्यंत पोहोचला आहे. दररोज बरे होणाऱ्यांची वाढती संख्या यातून प्रतीत होत आहे. गेल्या 24 तासात 77,512 रुग्णांना रुग्णालयातून घरी पाठवण्यात आले असून बरे झालेल्यांची एकूण संख्या आता 37,80,107 झाली आहे. बरे झालेले आणि सक्रीय रुग्ण यातले अंतर सातत्याने वाढत असून आज हे अंतर सुमारे 28 लाख (27,93,509) झाले आहे.

• कोविड लस केंव्हा उपलब्ध होईल हे निश्चित नाही मात्र, 2021 च्या पहिल्या तिमाहीत उपलब्ध होऊ शकते, असे डॉ हर्षवर्धन म्हणाले. सरकार लसीच्या मानवी चाचणीसंदर्भात पूर्ण खबरदारी घेत आहे आणि नीती आयोगाचे सदस्य डॉ व्ही के पॉल यांच्या अध्यक्षतेखालील लसीसंदर्भातील राष्ट्रीय तज्ज्ञ गट बहुतांश लोकसंख्येच्या लसीकरणासाठी तपशीलवार रणनितीचे नियोजन करत आहे. ते म्हणाले, लसींच्या सुरक्षिततेच्या पैलूंविषयी असलेली भीती दूर करण्यासाठी ते म्हणाले की, जर काही लोकांचा विश्वास नसेल तर लसीचा पहिला डोस घेण्यास मला आनंद होईल.

इतर अपडेट्स:

• देशात कृषी परिवर्तन घडवून आणणे आणि शेतकऱ्यांचे उत्पन्न वाढविण्याच्या उद्देशाने आज लोकसभेत तीन विधेयके सादर करण्यात आली. ही विधेयके 5 जून 2020 रोजी जारी केलेल्या अध्यादेशांच्या जागी लागू केली जातील.

1. शेतकरी उत्पादने व्यापार व वाणिज्य (प्रोत्साहन व सुविधा) विधेयक, 2020

2. 2020 शेतकरी (हक्क आणि सुरक्षा) किंमत हमी आणि कृषी सेवा करार विधेयक, 2020

3. अत्यावश्यक वस्तू (दुरुस्ती) विधेयक, 2020

• 2021 च्या प्रजासत्ताक दिनी जाहीर होणाऱ्या पद्म पुरस्कारासाठी ऑनलाईन नामांकन/ शिफारसीसाठी अंतिम तारीख उद्या ( 15 सप्टेंबर 2020) आहे. पद्म पुरस्कारासाठी नामांकन/ शिफारस केवळ पदम पुरस्कार portal https://padmaawards.gov.in. वर ऑनलाईन स्वीकारली जाईल.

• प्रधानमंत्री उज्ज्वला योजनेंतर्गत (पीएमयूवाय) 8 कोटी नवीन एलपीजी जोडण्या देण्याचे उद्दिष्ट निश्चित करण्यात आले होते आणि ते सप्टेंबर, 2019 मध्ये साध्य झाले होते. तेल विपणन कंपन्यांनी (ओएमसी) प्रधानमंत्री गरीब कल्याण पॅकेज अंतर्गत पीएमयूवाय लाभार्थ्यांना ऑगस्ट 2020 पर्यंत 1306.87 लाख एलपीजी रिफिल्स दिले आहेत.

• विविध क्षेत्रांकडे एमएसएमई म्हणजेच सूक्ष्म, लघु आणी मध्यम उद्योगांची थकबाकी परत मिळवण्यासाठी आता एमएसएमई मंत्रालयाने कंबर कसली असून, देशातील खाजगी क्षेत्रांतल्या कंपन्यांनी एमएमएसई कडे असलेली देयके, प्राधान्याने द्यावीत, असे निर्देश, मंत्रालयाने दिले आहेत.

• मासिक घाऊक किंमत निर्देशांकावर आधारित चलन वाढीचा ऑगस्ट 2020 महिन्यासाठीचा दर (0.16%)( तात्पुरता) आहे. या आधीच्या वर्षात याच महिन्यात हा दर 1.17% होता.

• केंद्र सरकारने 4 जून 2018 रोजी जैवइंधनाबाबतचे राष्ट्रीय धोरण अधिरेखीत केले.या धोरणानुसार, वर्ष 2030 पासून पेट्रोलमध्ये 20 टक्के इथेनॉल तर डीझेलमध्ये 5 टक्के बायोडीझेल मिसळण्याचे लक्ष्य निश्चित करण्यात आले आहे. इथेनॉल पुरवठा वर्ष 2013-14 पासून इथेनॉल-मिश्रित पेट्रोल कार्यक्रमाअंतर्गत, इथेनॉलची खरेदी वर्षिक 38 कोटी लिटरवरुन 2018-19 पर्यंत जवळपास पाच पट म्हणजे 188.6 कोटी पर्यंत वाढवण्यात आली.
• कोविड नंतरच्या काळात युवकांमध्ये कौशल्ये विकसित करण्यासाठी तसेच चौथ्या औद्योगिक क्रांतीच्या गरजांनुसार, युवकांना डिजिटल कौशल्ये शिकवणे अत्यंत आवश्यक आहे. याचे महत्व जाणून घेत, दीर्घकालीन प्रशिक्षण योजना- अद्ययावत तंत्रज्ञानासह-राबवण्यात, कौशल्यविकास मंत्रालयाच्या अखत्यारीतील प्रशिक्षण महासंचालनालय (DGT),महत्वाची भूमिका बजावत आहे.

महाराष्ट्र अपडेट्स :

मुंबईत कोविड-19 च्या रुग्णांमध्ये मोठी वाढ झाली आहे, चाचण्यांचे प्रमाण वाढवल्यामुळे रुग्णसंख्या वाढल्याचे बृहन्मुंबई महानगरपालिकेने म्हटले आहे. बीएमसीने म्हटले की, 'मिशन बिगिन अगेन' चा 4 था टप्पा आणि या महिन्याच्या सुरूवातीस पार पडलेल्या 10- दिवसाच्या गणेशोत्सवामुळे निर्बंध शिथील केल्यामुळे संक्रमणाचे प्रमाण वाढत गेले. सद्यस्थितीत मुंबई जिल्ह्यातील रुग्ण बरे होण्याचा दर 77 टक्के आहे आणि आठवडाभरात रुग्णसंख्येत 1.24  टक्क्यांनी वाढ झाली आहे.  30,316 सक्रीय रुग्ण आणि गेल्या काही दिवसांत दररोज सुमारे 2 कोविड रुग्णांची संख्या नोंदवली जात आहे, यामुळे मुंबई देशातील सर्वात प्रभावित शहरांपैकी एक बनले आहे.

FACT CHECK

********

R.Tidake/S.Thakur/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com