প্রধানমন্ত্রীগী লোইশঙ

পি.এম.না ই.সি.ও.এস.ও.সি.গী হাই লেবেল সেগমেন্ততা মরু ওইবা ৱারোল পীখ্রে


পি.এম.না য়ুনাইতেদ নেসন্সনা ময়াইদা লৈহন্দুনা অওনবা অমা পুরকপগা লোয়ননা মল্তিলেতরেলিজমগী অওনবা অমা পুরকনবা ফোঙদোকখ্রে

ঐখোয়গী মোত্তো “সবকা সাথ,সবকা বিকাস, সবকা বিশ্বাস” অসিনা মীওই অমত্তা নাথৈরম্বা তৌদবা এস.দি.জি.গী মচং ওইবা ৱাখল্লোনগা মান্নৈ

চাউখৎপগী লম্বেলদা চংশিন্নবা মতমদা ঐখোয়না মালেম অসিগীদমক ঐখোয়না লৌরিবা থৌদাং অসি কাওফদে: পি.এম

ঐখোয়গী হকশেলগী সিস্তেমগী গ্রাস-রুৎশিংনা কোবিদকী মায়োক্তা লান্থেংনবদা ভারতনা মালেমগী ওইনা নাবা ফগৎলকপগী চাং খ্বাইদগী য়াম্বা অমা ওইবা ঙম্বদা মতেং পাংলি: পি.এম

Posted On: 17 JUL 2020 8:46PM by PIB Imphal

প্রধান মন্ত্রী শ্রী নরেন্দ্র মোদীনা ইরাই নুমিৎ জুলাই ১৭, ২০২০দা য়ুনাইতেদ নেসন্সকী ন্যু য়োর্কতা পাঙথোকখিবা চহি অসিগী য়ুনাইতেদ নেসন্স ইকনোমিক এন্দ সোসিএল কাউন্সিল (ই.সি.ও.এস.ও.সি.) সেসনগী হাই লেবেল সেগমেন্তদা ভর্চ্যুএল ওইনা মরু ওইবা ৱারোল পীখ্রে।

জুন ১৭তা পাঙথোকখিবা ২০২১-২২গী তর্মগী সেক্যুরিতী কাউন্সিলগী নন-পর্মিনেন্ত মেম্বর অমা ওইনা ভারতপু ময়াম্না য়ানরগা খনখ্রবা মতুংদা মসিনা পি.এম.না বোর্দর য়ু.এন. মেম্বরশিপতা ৱারোল পীবা অহানবা ওইখ্রে।

চহি অসিগী ই.সি.ও.এস.ও.সি.গী হাই-লেবেল সেগমেন্তগী হীরম অসি “কোবিদ-১৯ মতুংগী মল্তিলেতরেলিজম: ৭৫শুবা কুমওন অসিদা ঐখোয়না করম্বা মখলগী য়ু.এন. মথৌ তাবগে” হায়বা অসিনা ওইখি।

য়ু.এন. হৌদোকখিবগী ৭৫শুবা কুমওন তাবগা লোয়ননা, হীরম অসিনসু ভারতনা য়ু.এন.সেক্যুরিতী কাউন্সিলগী মেম্বরশিপ ওইরক্কদৌরিবা অসি মরু ওইনা লৌবা অদু ফোংদোক্লি। হৌজিক্কী মালেম অসিদা ওইরক্লিবা অসি য়েংলগা প্রধান মন্ত্রীনা ভারতনা কোবিদ-১৯গী মতুংদা মালেম অসিদা ‘অওনবা মল্তিলেতরেলিজম’ অমা পুরকপা পাম্বা অদু অমুক হন্না ফোঙদোকখি।

মহাক্কী ৱারোলদা পি.এম না সস্তেনেবল দিবেলপমেন্তগী পান্দমশিং য়াওনা ভারতনা ই.সি.ও.এস.ও.সি.অমসুং য়ু.এন.গী চাউখৎ থৌরাংগী থবক থৌরমদা কুইনা শাংনা চৎমিন্নরক্লিবা অদু নীংশিংখি। মহাক্না হায়খি ভারতকী চাউখৎ থৌরাংগী মোত্তো “সবকা সাথ,সবকা বিকাস, সবকা বিশ্বাস” অসিনা মীওই অমত্তা নাথৈরম্বা তৌদবা এস.দি.জি.গী মচং ওইবা ৱাখল্লোনগা মান্নৈ।

ভারতনা য়ামখ্রবা মীশিং অসিগী সোসিএ-ইকনোমিক ইন্দিকেতরশিং ফগৎহনবদা মায় পাকপা অসিনা মালেমগী ওইনা এস.দি.জি. পান্দমশিংদা শীংথানীংঙাই ওইবা শাফু অমা পীরি হায়না পি.এম.না ফোঙদোকখি। চাউখৎত্রিবা লৈবাকশিংনা মখোয়গী এস.দি.জি.গী পান্দমশিং ফংনবা হোৎনবদা ভারতনা মতেং পাংনবা কত্থোক্লিবা অসিসু মহাক্না ফোঙদোকখি। 

“স্বাচ ভারত অভিয়ান”গী খুত্থাংদা সেনিতেসন লৈহন্নবা হোৎবা, নুপী অঙাংদা থৌনা হাপ্নবা, শেলগী মতেং ফংহন্নবা অমসুং “হাউসিং ফোর ওল” প্রোগ্রাম অমসুং “আয়ুশমান ভারত” স্কিমগুম্বা অচৌবা স্কিমশিংগী খুত্থাংদা য়ুম অমসুং হকশেলগী খুদোংচাবা ফংবা হেনগৎনবা হৌজিক ভারতনা পায়খৎলিবা চাউখৎ থৌরাংগী থবকশিং অসিগী মতাংদা মহাক্না ফোঙদোকখি।

ভারতনা মহৌশা য়োকখৎনবা অমসুং বাইও-দাইবর্সিতী কনজর্বেসনদা মীৎয়েং চংবা অসিসু পাউদমখি অমসুং ইন্তর্নেস্নেল সোলর এলাইএন্স অমসুং কোলিসন ফোর দিজাস্তর রেজিলেন্ত ইনফ্রাস্ত্রকচর লিংখৎপদা ভারতনা মাংজিল থাদুনা লৌখিবা থৌদাং অদুসু নীংশিংখি।

ভারতনা মশাগী লমদমদা অহানবা রেস্পোন্দর অমা ওইনা লৌরিবা থৌদাংগী মতাংদা ৱা ঙাংলদুনা প্রধান মন্ত্রীনা ভারত সরকার অমসুং ভারতকী ফার্মা কম্পনীশিংনা তোঙান তোঙানবা লৈবাকশিংদা হীদাক সপ্লাই তৌবা ঙম্নবা মতেং পাংখিবা অমসুং এস.এ.এ.আর.সি. লৈবাকশিংগী অপুন্বা রেস্পোন্স স্ত্রেতেজী অমগীদমক পুন্না হোৎনবা অসি নীংশিংখি।

প্রধান মন্ত্রীনা ই.সি.ও.এস.ও.সি.দা ৱা ঙাংবা অসি মসিগা অনিরক শুখ্রে। মহাক্না মমাংদা ই.সি.ও.এস.ও.সি.গী ৭০শুবগী কুমওনদা জুনুৱারী ২০১৬দা মরু ওইবা ৱারোল পীখ্রে।

***



(Release ID: 1639561) Visitor Counter : 266