(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লৈবাক অসিগী কোবিদ-১৯ রিকোবরী রেৎ কা হেন্না ফগৎলক্তুনা ৬১.৫৩% য়ৌখ্রে
• রিকোবর্দ কেস মশীংগা এক্তিব কেস মশীংদগী লাখ অনীরোম হেল্লে।
• ২৪ অসিদা সেম্পল ২,৬২,৬৭৯ তেস্ত তৌখ্রে।
• এইম্স দিল্লীনা কোবিদ ক্লিনিকেল মেনেজমেন্তা রাজ্য অসিগী দোক্তরশিংদা তেলি-কন্সল্তেন্তকী লমজিং-লমতাক হৌখ্রে
• হৌজিক্কী ওইনা মেদিকেল সুপর্বিজনগী মখাদা এক্তিব কেস ২,৬৪,৯৪৪ লৈরি।
• মন্ত্রী মন্দল মীফম্না তোঙান-তোঙানবা মশক থোকপা ৱারেপ কয়া লৌখ্রেঃ ভারত পুম্বগী ওইবা এগ্রিকলচরেল ইনফ্রাস্ত্রকচরেল ফন্দ; থা অহুমগী ওইনা ই.পি.এফ. কন্ত্রিব্যুসন শাংদোকপা; অর্বান মাইগ্রেন্তশিং/লায়রবশিংগী এফোর্দেবল রেন্তেল হাউজিং কমপ্লেক্সশিং শেমগৎপা; হোল চনা থা মঙাগী ওইনা জুলাইদগী নবেম্বর, ২০২০ ফাওবা লেম্না য়েন্থোক্নবা প্রধান মন্ত্রী গরীব কল্যান পেকেজ- প্রধান মন্ত্রী গরীব কল্যান অন্না য়োজনা শাংদোকপা; উজ্ব্বলা বেনিফিসরীশিংগীদমক্তা অরোইবা মতম শাংদোকপা।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ লৈবাক অসিগী কোবিদ-১৯ রিকোবরী রেৎ কা হেন্না ফগৎলক্তুনা ৬১.৫৩% য়ৌখ্রে

কোবিদ-১৯ খঙদোক্নবগীদমক তেস্ত তৌরিবা সেম্পল মশীং অসি নোংম নোংমগী হেনগৎলক্লি। হৌখিবা পুং ২৪ অসিদা সেম্পল ২,৬২,৬৭৯ তেস্ত তৌখ্রে, মসিগী মনুংদা প্রাবেৎ লেবশিংদা সেম্পল ৫৩,০০০ তেস্ত তৌখি। অপুনবা তেস্ত তৌখ্রবা সেম্পল মশীংনা হৌজিক ফাওবদা ১,০৪,৭৩,৭৭১নি। সরকারগী সেক্তরদা লেব মশীং ৭৯৫ লৈবগা লোইননা প্রাইবেৎকী লেব ৩২৪ লৈরি, লৈবাক অসিদা অপুনবা ওইনা লেব ১১১৯ লৈরি। কোবি-১৯ অনাবা মশীং হেন্না নাবা ফগৎলক্লিবনা রিকোবর্দ কেস মশীংগা এক্তিব কেস মশীংগগী মরক্তা লৈবা খেন্নবসু ১,৯১,৮৮৬ য়ৌরে। হৌখিবা পুং ২৪ অসিদা, অপুনবা ওইনা ১৬,৮৮৩ নাবা ফখ্রে, মসিনা অপুনবা ফিগরদা নাবা ফরবা মশীং ৪,৫৬,৮৩০ য়ৌরে। কোবিদ-১৯ অনাবশিংগী মরক্তগী নাবা ফবগী চাংসু নোংম-নোংমগী হেনগৎলক্লি। ঙসি ফাওবদা ৬১.৫৩% য়ৌরে। হৌজিক্কী ওইনা মেদিকেল সুপর্বিজনগী মখাদা এক্তিব কেস ২,৬৪,৯৪৪ লৈরি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636958

কোবিদ-১৯গী শিবগী চাং হন্থহন্নবগীদমক কেন্দ্র সরকারনা হোৎনরিবশিং অসি কনখৎহন্নবগীদমক এইম্স দিল্লীনা কোবিদ ক্লিনিকেল মেনেজমেন্তা রাজ্য অসিগী দোক্তরশিংদা তেলি-কন্সল্তেন্তকী লমজিং-লমতাক হৌখ্রে

হকশেল অমসুং য়াইফ য়ুম্বালগী কেন্দ্র মন্ত্রীনা হৌজিক ন্যু দিল্লীগী এমসতগী স্পিসিএলিস্ত দোক্তরশিংবু রাজ্য অসিগী হোস্পিতালশিংদা আই.সি.য়ু.দা থবক পাংথোকপা দোক্তরশিংদা খ্বাইদগী অফবা লমজিং-লমতাকশিং অমসুং অমসুং ৱাখল-লৌশিং পীবদা মতেং ফংহন্নবগী থবক্তা য়াওশিলহনখ্রে। তেলি-কন্সল্তেসন অসি কোবিদ-১৯গী লায়েং চত্থবগী প্রোতোকোলগী য়াম্না মরু ওইবা মচল অমনি। ন্যু দিল্লীগী এমসতগী স্পিসিএলিস্ত দোক্তরশিংগী তীম অমনা তেলি/ভিদিওদা কন্সল্তেসন তৌদুনা তোঙান-তোঙানবা হোস্পিতালশিংগী আই.সি.য়ুদা নিংথিজবা মওংগা লায়েং চত্থবগী থবক য়েংশিনবদা লমজিং লমতাক্কনি। মখোয়না শিবগী চাং হন্থন্নবা রাজ্য অসিদা কোবিদ-১৯গী অনাবশিংগী লায়েং চত্থবগী থবকশিং শিন্নগনি। রাজ্য অসিদা দোক্তরশিংদা মতম চানা অমদি খ্বাইদগী অথোইবা লমজিং-লমতাকশিং ফংহন্নবগীদমক্তা মসিগী তেলি-কন্সল্তেসনগী সেসনশিং চয়োল খুদিংগী লৈবাকপোকপা অমসুং ইরাইদা অনিরক তৌগনি। থবক অসিগী অহানবা সেসন হৌখ্রে। বুম্বাইদগী হোস্পিতাল ৯ অদুগা গোৱাদগী হোস্পিতাল ১ য়াওনা পুন্না হোস্পিতাল ১০ খনগৎখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637175

মিলিয়ন অমগী এক্তিব কেসশিং অসিগা চাংদম্নবদা মিলিয়ন অমদা নাবা ফগৎলকপশিংনা কা হেন্না ৱাংখৎপা থেংনরে

ভারত্তা কোবিদ-১৯গী কেস মশিং য়াম্না লৈবা স্তেৎশিং/য়ু.তি.শিংনা মখোয়গী মীৎয়েং অসি পোজিতিব কেসশিং ঙন্না খঙদোকপা অমসুং মপুং ফানা ক্লিনেকল মেনেজমেন্ত তৌদুনা মিলিয়ন অমদা ফগৎপগী চাংনা মিলিয়ন অমগী এক্তিব কেসনা হেন্না হেন্নবা হোৎনবদা থম্লি। পোজিতিব কেসকী অপুনবা মশিংনা ৱাংলবসু ফগৎলকপা হেনগৎলকপনা এক্তিব কেসশিং অসি নেম্মী হায়বা মসিনা উৎলি। মসিনা কোবিদ হেল্থক্যের ফেসিলিতিশিং অসিদা অৱাবসু পীদবা ঙমহল্লিবনি। ভারতকী ওইনা মিলিয়ন অমদা ফগৎলকপা কেস অসি ৩১৫.৮ ওইরি অমরোমদা লৈবাক অসিগী মিলিয়ন অমগী এক্তিব কেস অসি ১৮৬.৩দা নেম্না লৈরি। স্তেৎশিংনা কেন্দ্রগী হকশেল অমসুং য়াইফ য়ুম্বাল মন্ত্রালয়গী য়াথং ঙাক্তুনা আর.তি.-পি.সি.আর. তেস্তশিং, রেপিদ এন্তিজেন তেস্তশিং শীজিন্নবগা লোয়ননা তেস্ত তৌবা চাং য়াম্না হেনগৎলক্লি মসিনা কেসশিং ঙন্না খঙদোকপদা মতেং পাংলি। অহল ওইরবা মীওইশিং, কো-মোরবিলিতি লৈবা মীওই, মীরোল্লিবী নুপীশিং অমসুং অপীকপা অঙাংশিং য়াওনা চাং ৱাংনা খুদোংথিবা য়াবা মীওইশিং ত্রেক তৌনবা মোবাইল এপশিং স্তেৎশস্তে ্ম তকেস নতত ত্রেসিংিংনা দিবেলপ তৌখ্রে। সরকারগা লোয়ননা মীয়াম, আশাশিং অমসুং এ.এন.এমশিংনা য়াওশিনবনা মীয়ামগী ওইবা সর্বিলেন্স মপুং ফাবা ঙমহল্লি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637024

‘এগ্রিকলচর ইনফ্রাস্ত্রকচর ফন্দ’গী মখাদা ফেসিলিতীশিংদা শেন থাদনবা সেন্ত্রেল সেক্তর স্কিম মন্ত্রীমন্দলনা অয়াবা পীখ্রে

প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী মন্ত্রীমন্দলনা ঙসি অনৌবা ভারত পুম্বগী ওইবা সেন্ত্রেল সেক্তর স্কিম-এগ্রিকলচর ইনফ্রাস্ত্রকচর ফন্দ অমা অয়াবা পীখ্রে‍। স্কিম অসিনা শেন্দোয়দা তেংবাং পীবা অমসুং শেনথুমগী ঙাক্লৌগী মওংদা লৌরোক মতুংগী মেনেজমেন্ত ইনফ্রাস্ত্রকচরগী লৌখৎপা য়াবা প্রোজেক্তশিংদা মেদিয়ম-লোং তর্ম দেব্ত ফাইনান্সিংগী খুদোংচাবা পীগনি‍। লোনশিং অসি চৎলিবা চহীসিদা লুপা করোর ১‍০,০০০ থাদোক্লগা অমদি লাক্কদৌরিবা চহী ৩সিদা চহীদা লুপা করোর ৩০,০০০গী চাংদা থোদোক্তুনা চহী মরি চুপ্না পীগনি‍।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637221

কেবিনেৎনা ই.পি.এফ. কন্ত্রিব্যুসন অতোপা থা অহুমগা জুনদগী ওগস্ত ২০২০ ফাওবা পি.এম.জি.কে.ৱাই./আত্মনির্ভর ভারতকী মখাদা শাংদোকপদা অয়াবা পীরে

প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবাই কেন্দ্রগী মন্ত্রী মন্দল মীফম্না ঙসি ইমপ্লোয়ী প্রোবিদেন্ত ফন্দগী মখাদা ইমপ্লোয়ীগী চাদা ১২ অমসুং ইমপ্লোয়রগী চাদা ১২, জুন্দগী ওগস্ত, ২০২০ ফাওবা থা অহুমগী ওইনা অপুনবা চাদা ২৪ য়ৌনা কোবিদ-১৯ লাইচৎকী য়েংদুনা প্রধান মন্ত্রী গরিব কল্যান য়োজনা/ আত্মনির্ভর ভারতকী মখাদা শাংদোকপদা অয়াবা পীখ্রে। মসিগী অয়াবা অসি হৌজিক লৈরিবা স্কিম অসিগী মথক্তা মার্চতগী মে, ২০২০ ফাওবদা খুৎশুমল পীনবা ১৫.০৪.২০২০দা অয়াবা পীখিবদুদা হাপচিল্লকপনি। অপুনবা এক্সপেন্দিচরদি লুপা কোতি ৪.৮৬০ ওইগদৌরি। ইস্তাব্লিস্মেন্ত লাখ ৩.৬৭দা লৈবা লাখ ৭২ হেনবা ইমপ্লোয়ীশিংনা কান্নবা ফংগদৌরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637219

অর্বান মাইগ্রেন্তশিং/লায়রবশিংগী এফোর্দেবল রেন্তেল হাউজিং কমপ্লেক্সশিং শেমগৎপা মন্ত্রীমন্দলনা অয়াবা পীরে

প্রধান মন্ত্রী অৱাস য়োজনা-অর্বান (পি.এম.এ.ৱাই-য়ু)গী সব-স্কিম অমা ওইনা অর্বান মাইগ্রেন্তশিং/লায়রবশিংগী এফোর্দেবল রেন্তেল হাউজিং কমপ্লেক্সশিং(এ ঐচ আর সি) শেমগৎপা মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। সরকারগী শেনফম্না শেমগৎখিবা হৌজিক হাংদুনা লৈরিবা হাউজিং কমপ্লেক্সশিং চহি ২৫গী ওইনা কন্সেসন এগ্রিমেন্তশিংগী খুৎথাংদা এ.ঐচ.আর.সিশিং ওইনা ওন্থোক্কনি। কন্সেসন ফংলিবশিংনা কমপ্লেক্সশিং লৈবা য়ানবা অমুক হন্না শেমজিনগনি, কাশিং শেমজিনগনি অমসুং ঈশিং, সিৱেজ, সেনিতেসন, লম্বীগী অৱাৎপশিং মেনখৎকনি। অরোন-অথুপ লৈতবা বিদিংগী খুৎথাংদা রাজ্যশিং/য়ু.তিশিংনা কন্সেসন ফংগদবশিং খনগনি। মথংগী সাইকল অমুক হৌনবা চহি ২৫গী মতুংদা কমপ্লেক্সশিং য়ু.এল.বিদা অমুক ওন্থোক্কনি নৎত্রগা মশাগী ওইগনি। চহি ২৫গী ওইনা লনাই/সরকারগী লুপশিংনা মখোয়গী অহাংবা লমশিংদা এ.ঐচ.আর.সিশিং শেমগৎনবা খুদোংচাবশিং হায়বদি চাদা ৫০গী এফ.এ.আর/এফ.এস.আই, লোন, তেক্স কোমথোকপগী কান্নবশিং পীগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637215

কেবিনেৎনা উজ্ব্বলা বেনিফিসরীশিংগীদমক্তা ‘প্রধান মন্ত্রী গরীব কল্যান য়োজনা’গী খুদোংচাবা লৌনবগীদমক্তা অরোইবা মতম অসি জুলাই ১, ২০২০দগী চৎনবা হৌনবগীদমক অয়াবা পীখ্রে

কেন্দ্রগী মন্ত্রী মন্দলনা উজ্ব্বলা বেনিফিসয়রীশিংগীদমক্তা ‘প্রধান মন্ত্রী গরীব কল্যান য়োজনা’গী খুদোংচাবা লৌনবগীদমক্তা অরোইবা মতম অসি জুলাই ১, ২০২০দগী থা অহুম মতম শাংদোকহন্নবগীদমক্তা পেত্রোলিয়ম অমসুং নেচরেল গ্যাস মন্ত্রালয়না থাঙ্গৎলকখিবা ৱাফম অদু অয়াবা পীখ্রে। য়োজনা অসিগী মখাদা এপ্রীল-জুন ২০২০গী মতমদা উজ্ব্বলাগী বেনিফিসিয়রীশিংগী বেঙ্ক একাউন্তা চুমদ্রিংনা লুপা কোতী ৯৭০৯.৮৬ হাপখি অমদি পি.এম.য়ু.ৱাই.গী বেনিফিসিয়রীশিংদা সিলিন্দর কোতী ১১.৯৭ ফংহনখ্রে। য়োজনা অসিদগী কোরোনা ভাইরস লায়চৎ অসিনা মতম ওইদুনা মীয়াম্না থেংনরক্কদবা অৱাবশিং অমদি খুদোংচাদবশিং অসি কোকহনবদা মতেং ফংহল্লগনি। য়োজনা অসি রিভিয়ু তৌবদা পি.এম.য়ু.ৱাইগী বেনিফিসিয়রীশিংগী কাংলুপ অমা য়োজনাগী মতমগী মনুংদা অথনবা সিলিন্দর লৈনবগীদমক মখোয়গী একাউন্তা হাপচিনখিবা এদভান্সকী শেনফম অদু শিজিন্নবা য়াদে হায়বা খংবা ঙমখি। মরম অসিনা মন্ত্রী মন্দলনা এদভান্সকী শেনফম অসি শিজিন্নবগী অরোইবা মতম অসি মতাংদা পেত্রোলিয়ম অমসুং নেচরেল গ্যাস মন্ত্রালয়না থাঙ্গৎলকখিবা ৱাফম অদুগী অয়াবা পীখ্রে। মসিদগী সিলিন্দর লৈনবগীদমক বেঙ্ক একাউন্তা এদভান্সকী শেল হাপচিনখিবা পি.এম.য়ু.ৱাই.গী বেনিফিসিয়রীশিংদা কান্নবা ফংহল্লগনি। মরম অসিনা হান্না একাউন্তা এদভান্সকী শেল হাপচিনখ্রবা বেনিফিসিয়রীশিংনা সেপ্তেম্বর ৩০ ফাওবদা লেম্না অথনবা সিলিন্দরগী দেলিবরী লৌবা য়াগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637214

মন্ত্রী মন্দল মীফম্না হোল চনা থা মঙাগী ওইনা জুলাইদগী নবেম্বর, ২০২০ ফাওবা লেম্না য়েন্থোক্নবা প্রধান মন্ত্রী গরীব কল্যান পেকেজ- প্রধান মন্ত্রী গরীব কল্যান অন্না য়োজনা শাংদোকপদা অয়াবা পীখ্রে

কেন্দ্রগী মন্ত্রী মন্দল মীফম্না প্রধান মন্ত্রী গরীব কল্যান অন্ন য়োজনাবু কোবিদ-১৯গী ইকোনোমিক রেস্পোন্সকী শরুক অমা ওইনা থা মঙাগী ওইনা জুলাইদগী নবেম্বর ২০২০ফাওবা শাংদোকপদা অয়াবা পীখ্রে। মসিগী স্কিম অসিগী মখাদা, শেংদোক্লবা হোল চনা মেত্রিক তন লাখ ৯.৭ রাজ্য/য়ু.তি.শিংদা লৈবা বেনিফিসরী ইমুং অমদা থা অমদা কিলো ১ লেম্না থা মঙাগী ওইনা হায়বদি জুলাইদগী নবেম্বরফাওবা য়েন্থোকপদা অয়াবা পীরে। মসিগী অতাবা মমলদি লুপা কোতি ৬,৮৪৯.২৪ ওইগদৌরি। স্কিম অসিগী মখাদা ইমুং কোতি ১৯.৪লোম কান্নবা ফংলগনি। পি.এম.জি.কে.এ.ৱাই. শাংদোকপদা চঙবা খর্চা খুদিংমক কেন্দ্র সরকারনা পুগদৌরি। য়োজনা অসি শাংদোক্লিবসি কেন্দ্র সরকারনা মী অমত্তবু মরুওইনা লাইরবা ইমুং অমত্তবু ওইরিবা খুদোংচাদবশিং অসিদনা মরম ওইদুনা লাক্কদবা থা মঙাসিদা চানবা পোৎলম ফংদবনা অৱাবা চৈথেং ফংদনবা হোৎনগনি হায়না লেপখিবদুগী লৌখৎলকপা খোংথাংনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637211

প্রধান মন্ত্রী গরীব কল্যান অন্ন য়োজনা শাংদোকপদা মন্ত্রীমন্দলনা অয়াবা পীরে – জুলাইদগী নবেম্বর, ২০২০ ফাওবা মখা তানা অহেনবা চেঙ থা মঙাগী পীথবা

কেন্দ্রগী মন্ত্রীমন্দলনা কোবিদ-১৯গী ইকনোমিক রেস্পোন্সকী শরুক ওইনা কেন্দ্রগী পুলদগী মখা তানা অতোপ্পা থা মঙাগী মদুদি জুলাইদগী নবেম্বর ২০২০ ফাওবগী অহেনবা চেঙ পীথনবা প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.)শাংদোকপদা অয়াবা পীখ্রে। লৈবাক অসিদা কোবিদ-১৯না শেন্মীৎলোন্দা থোকহল্লিবা অকায়বশিং অসিনা মরম ওইরগা লাইরবনা থেংনরবা অৱাবশিং অসি কোকহন্নবা ২০২০গী মার্চ থাদা ভারত সরকারনা ‘প্রধান মন্ত্রি গরীব কল্যান পেকেজ (পি.এম.জি.কে.পি.) লাউথোকখি। অতোপ্পা কয়াগী মরক্তা পেকেজ অসিদা “প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.)”গী খুত্থাংদা বিনিফসরি কোতি ৮১দা নেসনল ফুদ সেক্যুরিতি এক্ত, ২০১৩ (নফশা)গী মখাদা থা অমগী ওইনা মীওই অমদা চেঙ (চেঙ/গেহু) কে.জি. ৫ লেম্না ফংহন্দুনা লাইরবা অমসুং শোত্থরবা ইমুংশিং/বেনিফিসরিশিংনা শেল-থুমগী অৱাবা লৈতনা চেঙ লেম্না ফংলগনি। প্রোগ্রাম অসিগী মখাদা অহানবা ওইনা থা অহুমগী হায়বদি এপ্রিল, মে অমসুং জুনগী লেম্না চেঙ পীখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637207

কোবিদ-১৯ থেংননবা ই.সি.ঐচ.এস.কী মখাদা ইমুং অমদা পলস ওক্সিমিতর অমা রিইম্বর্সমেন্ত তৌবা অয়াবা পীরে

কোবিদ-১৯ অনাবা মীওইশিংগী হকশেলগী ফিবমশিং য়েংশিন্নবা খ্বাইদগী মরুওইবশিংগী মনুংদা ওক্সিজেনগী চাং ওনবা অসি মরুওইবা অমা ওইবা মরম্না, দিফেন্স মিনিস্ত্রিগী মখাদা লৈবা এক্স-সর্বিসমেন্ত ৱেলফিয়ার দিপার্তমেন্তনা এক্স-সর্বিসমেন্ত কন্ত্রিবুতোরি হেল্থ স্কিমগী কান্নবা ফংলবশিংদা পলস ওক্সিমিতর অমা লৈবদা চঙবা শেনফম হঞ্জিন্নবা ৱারেপ লৌখ্রে। কোবিদ-১৯ পোজিতিব ওইরবা ই.সি.ঐচ.এসকী কান্নবা ফংলবশিংগী ইমুং অমনা পলস ওক্সিমিতর অমা লৈনবগী অয়াবা পীরে। করিগুম্বা, ই.সি.ঐচ.এসকী কান্নবা ফংলবা ইমুং অমদা কোবিদ পোজিতিব ওইবা কেস অমদগী হেল্লবদি, মখোয়না পলস ওক্সিমিতর অমা খক লৈনবগী রিইম্বর্সমেন্ত তৌবা য়াগনি। রিইম্বর্সমেন্ত তৌবা অদু পলস ওক্সিমিতর অমগী মমল হায়বদি লুপা ১,২০০ ফাওবা ওইগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637171

সি.এস.আই.আর.না লক্সাই সাইন্সেসকা লম্বা ওইদুনা কোবিদ-১৯ নারবা মীওইশিংদা এন্তিভাইরেল অমসুং হোস্ত-দাইরেক্তেদ থেরাপী পুনশিন্দুনা চত্থবা ক্লিনিকেল ত্রাইএল তৌনবগী রিগুলেতরী এপ্রুভেল লৌগদৌরি

কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)না লাক্সাই লাইফ সাইন্সেস প্রাভেত লিমিতেদ হাইদরবাদকা খুৎশম্নদুনা ফোর-আর্ম রেন্সমাইজ কন্ত্রোল্দ ফেজ ৩ ক্লিনিকেল ত্রাইএল চত্থনবা রিগুলেতরী এপ্রুভেল নিরক্লে‍। স্তদী অসিগী দিজাইন প্রিন্সিপলদি এন্তিভাইরেলশিং (ভাইরেল-এন্ত্রী অমসুং রেপ্লিকেসন ইনহিবিতর) অমসুং হোস্ত-দাইরেক্তেদ থেরাপিজ (ঐচ.দি.তি.) পুনশিন্দুনা অমদি মথৌ হোংদোক্তুনা লায়না শন্দোকপা অমদি চঙলক্লিবা মহিক্তুবু থিংবা অমসুং দ্রগ অহুম পুনশিনবগী (ফেভিপিরাভির + কোলকিসিন, উমিফেনোভির + কোলকিসিন, অমসুং নাফামোস্তেত + ৫-এ.এল.এ.) শাফবা অমদি কান্নবা খঙদোকপা অমদি কোবিদ-১৯ অনাবশিংগী কেয়রগী স্তেন্দর্দতা চেকশিন্না য়েংশিনবগী ৱাফমশিংনি‍। মুকোভিন হায়না কৌবা মেদান্তা মেদিসিতীগা লম্বা ওইদুনা পাঙথোক্কদবা ক্লিনিকেল ত্রাইএল অসিদা নুমিৎ ১৭ তগী ২১ ফাওবা স্কৃনিং অমসুং লায়েংগী থৌওংশিংদা চত্থগদবা ত্রাইএল অসিদা অনাবা মীওই ৩০০না অনাবা ৭৫না শাবা কাঙলুপ মরি থোক্না য়াওগনি‍।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637016

কেন্দ্রগী ঐচ.আর.দি. মন্ত্রীনা একাদমিক সেসন ২০২০-২১গী ক্লাস IX-XIIকী সি.বি.এস.ই.না নৌনা শেমদোক্লবা সিলেবি লাউথোকখ্রে

লৈবাকসিদা অমদি মালেমসিদা ওইরক্লিবা তোপ তোপ্পা ফীভম অসিদা মীৎয়েং থমদুনা সি.বি.এস.ই.দা ক্লাস ৯দগী ১২ ফাওবগী করিকুলম শেমদোক্নবা অমদি মহৈরোয়শিংদা কোর্স লোদ হন্থহন্নবা ৱাফম থমখি‍। মদুগী মতুং ইন্না সি.বি.এস.ই.না একাদমিক সেসন ২০২০-২১গী ওইনা ক্লাস IX-XIIকী সিলেবি শেমদোক্লে হায়না ঐচ.আর.দি.গী কেন্দ্র মন্ত্রী শ্রী রামেশ পোখ্রিয়াল ‘নিসঙ্ক’না হায়খ্রে‍। চয়োল খরগী মমাঙদা, মহাক্না ইদুকেসনিস্ত পুম্নমক্তা সিলেবস হন্থহনবগী মতাংদা মখোয়গী সজেসনশিং সোসিএল মেদিয়াদা #SyllabusForStudents2020 শীজিন্নদুনা থাগৎলক্নবা ৱাফম থমখি হায়নসু মহাক্না পাউদমখি‍। ঐখোয়না সজেসন লিশিং ১.৫ হেন্না ফংখি অমদি অসিগুম্লবা য়াম্লবা পাউখুম অসিগীদমক্তা খুদিংমকপু তৌবিমল খঙবা উৎলি হায়না শ্রী নিসঙ্কনা পাউদমখি‍। তমবগী ফংফম থোকপা লৌশিং ফংনবগী মরুওইববু লুম্না লৌদুনা সিলেবস অসি মরুওইবা ৱাখল্লোনশিং খাক্তুনা চাদা ৩০গী চাংদা হন্থহনবনি‍।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1637012

ফিল্ম পুথোকপা অমুক হৌনবা এস.ও.পি.শিং সরকারনা লাউথোক্লগনি – প্রকাস জাবারেকর

এফ.আই.সি.সি.আই ফ্রেমসকী ২১সুবা ইদিসন্দা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর প্রকাস জাবারেকরনা ঙসি হায়খি অনলোক মনুংদা ফিল্ম পুথোকপা অমুক হৌনবা সরকারনা অথুবদা স্তেন্দার্দ ওপেরেতিং প্রোসিদুরশিং লাউথোক্লগনি। কোবিদনা মরম ওইদুনা লেপলুরবা ফিল্ম পুথোকপগী থবক অমুক হৌনবা, তি ভি সেরিএলশিং, ফিল্ম, পুন্না পুথোকমিন্নবা, এনিমেসন, গেমিং পুথোকপগী থবকশিংদা মতেং পীনবা ঐখোয় খন্নরি। কোবিদ-১৯ লাইচৎনা মরম ওইদুনা, চহিগী ওইবা মেদিয়া অমসুং ইন্তরতেনমেন্ত ইন্দস্ত্রিগী ২০২০গী থৌরম অদু মহৌশানা মুম্বাইগী পৱাই পাৎতা পাংথোকপা অদুগী মহুৎতা ভর্চুএল ওইনা পাংথোকখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637005

পি.আই.বি. ফিল্দ ওফিসশিংদগী ফংবা পাউ

• পঞ্জাবঃ কোবিদ-১৯ মেনেজমেন্ত অমসুং কেয়রগী থৌরাং হেন্না ফগৎহন্ননবগীদমক পঞ্জাবতা সরকারনা হকশেল অমসুং মেদিকেল এদ্যুকেসন অমসুং রিসর্চকী এদভাইজর দা. কে.কে. তালৱরগী পাউতাক মতুং ইন্না 'এক্সপর্ত এদভাইজরী কম্মিতি' অনী শেমখ্রে। কম্মিতি অসি পতিয়ালা অমসুং অম্রিৎসরদা লৈবা সরকারগী মেদিকেল কোলেজশিংদা কোবিদ কেয়রগা মরী লৈনবা হীরমশিংগী য়েংশিনবা নুংঙাইনবগীদমক শেমখিবনি।
• হরিয়ানাঃ হরিয়ানাগী মুখ্য মন্ত্রীনা মাইক্রো স্মোল অমসুং মেদিয়ম ইন্তর্প্রাইজকী মখাদা হরিয়ানাদা নহা ওইরিবা ওন্ত্রপ্রিনরশিংনা মখোয়গী য়ুনিৎ লিংখৎপা ঙমজনবা অঙম্বা মতেং পাংগনি হায়না ফোংদোকখ্রে। মহাক্না হায়খি মদুদি রাজ্য সরকার অসিনা রাজ্য অসিগী জিল্লা ২২দা রাজ্য অসিগী এম.এস.এম.ই. ৭০,০০০দা কান্নবা পীগদবা তোঙান-তোঙানবা ক্লস্তর ৫৬সু মশক খঙদোক্লে। সরকার অসিনা হৌজিক লৈরিবা এম.এস.এম.ই.শিংগী মথৌদা কোবিদ-১৯না শোকহল্লোই হায়না থাজবা পীখি।
• হিমাচল প্রদেশঃ রাজ্য অসিগী তুরিজম সেক্তরদা মপাঙ্গল হেনগৎনবা অমসুং কোবিদ-১৯ লাইচৎনা মরম ওইদুনা সেক্তর অসিদা অৱাবা তাহল্লিবসিদা রিলিফ পীনবগীদমক রাজ্য সরকারনা হোস্পিতালিতী সেক্তরগী ৱারকিং কেপিতেল লোনদা ইন্তরেস্ত তাহন্নবা স্কিম অমা হৌদোকখ্রে।
• মহারাস্ত্রাঃ হৌখিবা পুং ২৪ অসিদা মহারাস্ত্রদা মীওই ৫,১৩৪ পোজিতিব ওইরকপগা লোইননা রাজ্য অসিগী অপুনবা মশীং ২,১৭,১২১ লৈরি। অকোনবগী বুল্লেতিনগী মতুং ইন্না মুম্বাইদগী লাকপা কোবিদ পোজিতিব মশীং অসি ৮০৬ রিপোর্ত তৌরকপগা লোইননা মশীং হন্থরে। হৌজিক ফাওবদা, রাজ্য অসিদা কোবিদ অনাবা ১,১৮,৫৫৮ ফখ্রে অমসুং এক্তিব কেস ৮৯২৯৪ লৈহৌরি। মহারাস্ত্রা সরকারনা থোকপা অনৌবা চৎন-কাংলোনগী মতুং ইন্না রাজ্য অসিদা লৈবা হোতেলশিংদা শরুক অহুম থোকপগী অমা অয়াবা পীদুনা হাংবা হৌরে। দুকান অমসুং ব্যুজিনেস ইস্তাব্লিস্মেন্তশিং কন্তেন্মেন্ত জোন নত্তবা মফমশিংদা নুমিদাং পুং ৭ ফাওবা হাংবা হৌরে। অহানবদদি মখোয় অয়ুক্কী পুং ৯দগী নুমিদাং পুং ৫ ফাওবদং হাংবা য়াহল্লম্বনি।
• গুজরাৎঃ অনৌবা কেস ৭৭৮ লাকপগা লোইননা মীওই ১৭ গুজরাত্তা লৈখিদ্রে। হৌজিক ফাওবদা রাজ্য অসিদা ২৬,৭৪৪ নাবা ফখিবা অমসুং ১,৯৭৯ লৈখিদবগা লোইননা অপুনবা কেস ৩৭,৬৩৬ য়ৌরে। রাজ্য অসিগী রিকোবরী রেৎ অসি ৭১.৪১% য়ৌরে। অহেমদবাদ ম্যুনিসিপাল কোর্পোরেসন্না অনীশুবা তাংকক্কী ওইনা ঙসিদগী সুপর স্প্রেদরশিংদা মাস এন্তিজেন তেস্ত তৌবা হৌরে। মনা-মশীং, হৈ, শঙ্গোম, গ্রোসরী অমসুং হিয়াক য়োনবা দুকানশিংসু মাস এন্তিজেন তেস্তকী মনুংদা চনগদৌরি। শম ককফম দুকান, পান দুকান, খবর য়োনবশিং অমসুং লম্বী নাকন্দা চানবা য়োনবশিংসু দ্রাইব অসিগী মনুং চল্লি।
• রাজস্থানঃ ঙসি অয়ুক্তা অনৌবা কেস ১৭৩ লাকপগা লোইননা রাজ্য অসিগী অপুনবা মশীং ২১,৫৭৭ য়ৌখ্রে। অয়াম্বা কেস মশীংনা অলৱার জিল্লাদগী ৮১ লাকখি, মসিগী মতুংদা জয়পুরদগী ৩৪ অমসুং কোতাদগী ১২ লাকখি। রাজ্য অসিগী রিকোবরী রেৎ অসি ৭৭.৪৩নি, হায়রিবসি অচৌবা রাজ্যশিংগী মরক্তা খ্বাইদগী ৱাংবা ওইরি।
• মধ্য প্রদেশঃ রাজ্য অসিদা অনৌবা পোজিতিব কেস ৩৪৩ লাকখ্রে, মসিনা অপুনবা কেস মশীংদা ১৫,৬২৭ য়ৌহনখ্রে। রাজ্য অসিদা এক্তিব কেস মশীং ৩,২৩৭ লৈরি, অদুগা অপুনবা রিকোবরী মশীংনা ১১,৭৮৬ য়ৌখ্রে। রাজ্য অসিদা কোবিদ-১৯না মরম ওইদুনা মীওই ৬২২ লৈখিদ্রে।
• ছতিশগরঃ লৈবাকপোকপা নুমিত্তা ছতিশগরদা অনৌবা কেস ৯৯ লাকখ্রে, মসিনা কোবিদ-১৯গী অপুনবা মশীংদা ৩,৪১৫ য়ৌহনখ্রে। রাজ্য অসিদা হৌজিক্কী ওইনা এক্তিব কেস ৬৭৩ লৈরি।
• কেরলাঃ রাজ্য অসিদা ঙসি করনাতাকাগী হুব্লিদগী লাকপা কসরগোদতগী চহী ৫৩ শুরবা অহল অমা ২৯ শুবা ওইনা লৈখিদ্রে। মরকসিদা, থিরুবনন্থপুরমগী মনাক নকনা লৈবা পুনথুরাদা লৈবা ঙামীশিংগী খুঙ্গং মচা অসিদা হৌখিবা নুমিৎ মঙানিসিদা সেম্পল ৬০০ তেস্ত তৌবদা ১১৯ পোজিতিব ওইরকপনা মফম অসি অনৌবা ইপিসেন্তর অমা ওইরক্লি। মফম অসিদা কম্মান্দোশিং থাজিনখিবগা লোইননা অকনবা অথিংবশিং থমখ্রে অমসুং কেরল অমসুং তমিলনাদুগী ঙামীশিংনা ঙমখৈ লান্দুনা ঙা ফাবা থিংনবগীদমক অকনবা চেকশিন থৌরাং লৌখৎখ্রে। অর্নাকুলমগী মন্ত্রীগী চার্জ পুরিবা ভি.এস. সুনিল কুমারনা হায়রি, কোচিদা ফিবম লুশিল্লক্লিবনা মরম ওইদুনা মাঙজৌননা তাক্লমদনা লোকদাউন থমজিল্লকপা য়াই। ওমান্দা কোবিদনা মরম ওইদুনা কেরলা মচা অমা লৈখিদ্রে, মসিনা গল্ফ লৈবাক্তা লৈখিদবা মশীং ৩০৭ শুখ্রে। লৈবাকপোকপা নুমিত্তা কেরলাদা কোবিদ-১৯গী অনৌবা কেস ২৭২ লাকখি। হৌজিক অনাবা মীওই ২,৪১১ রাজ্য অসিদা তোঙান-তোঙানবা হোস্পিতালশিংদা লাইনা অসিদগী লাইয়েংলি অমসুং ১৮৬৫৭৬না তোঙান-তোঙানবা ক্বারেন্তিন সেন্তরদা লৈরি।
• তমিল নাদুঃ পুদুচেরীগী রাজ নিবস্তা পিওন অমা পোজিতিব ওইরকপগা লোইননা নুমিৎ নিনিগী ওইনা থিংজিনখ্রে, এল.জি.সু তেস্ত তৌগদৌরি। পুদুচেতীদা খুঙ্গংগী মফমশিংদা মশীং য়াম্না কেস লাকখ্রবা মতুংদা স্বাব লৌবগী মশীং হেনগৎখ্রে; য়ু.তি. অসিদা কেস ১১২ লাকপগা লোইননা অপুনবা মশীং ১১৫১ য়ৌখ্রে। রাজ্যগী ইলেক্ত্রিসিতী মন্ত্রী পি. থাংগমনি য়ুমশকৈশা নুমিত্তা কোবিদ-১৯ পোজিতিব ওইরে। হাইয়র এদ্যুকেসন মন্ত্রী কে.পি. অনবাঝগনগী মথংদা মহাক্না ভাইরস অসিনা নাবা মন্ত্রী অনীশুবা ওইরে; এম.এল.এ. ১০সু লাইচৎ অসিনা নাখ্রবনি। সরকারগী মহৈলোইশঙদা তম্বা মহৈরোইশিংগী ওনলাইন ক্লাসশিং জুলাই ১৩দগী হৌরগনি হায়না তমিল নাদুগী এদ্যুকেসন মন্ত্রীনা হায়খ্রে। ঙরাং অনৌবা কেস ৩৬১৬, রিকোবরী ৪৫৪৫ অমসুং মীওই ৬১ লৈখিদ্রে। অপুনবা কেসঃ ৯১৮৫৯৪, এক্তিব কেসঃ ৪৫,৮৩৯, লৈখিদ্রবাঃ ১৫৭১, দিসচার্জঃ ৭১১১৬ শুখ্রে। চেন্নইদা লৈবা এক্তিব কেস অসি ২২,৩৭৪নি।
• করনাতাকাঃ রাজ্য সরকারনা এল.কে.জি.দগীনা ক্লাস ৫ ফাওবগী মহৈরোইশিংগী ওনলাইন ক্লাস থিংবদু করনাতাকা হায় কোর্তনা স্তে তৌখ্রে। করনাতাকাদা কোবিদ-১৯ কেস ২৫০০০ য়ৌশিল্লকপনা শাথিরবা লাইচৎ অসিবু লান্থেংননবা রাজ্যগী ওইবা থৌরাং অমগী মতাংদা তোঙানবা ক্বারতরশিংদগী ৱাফম পুখৎনরক্লি। কেন্দ্রগী কাংবুনা রাজ্য সরকারদা তেস্ত তৌবদা থিন্থরিবদু হন্দোক্নবা খঙহনখ্রে, ক্লস্তরদা মীৎয়েং থমদুনা তেস্ত তৌবা হেনগৎনবা হায়খ্রে। ঙরাং অনৌবা কেস ১৪৯৮ লাক্লে অমসুং ৫৭১ দিসচার্জ অমসুং মীওই ১৫ লৈখিদবগী রিপোর্ত তৌরকখ্রে। অপুনবা পোজিতিব কেসঃ ২৬৮১৫, এক্তিব কেসঃ ১৫২৯৭, লৈখিদ্রবাঃ ৪১৬ দিসচার্জঃ ১১০৯৮।
• অন্ধ্র প্রদেশঃ গুনতুরদা সরকারগী দোক্তর অমা কোবিদ-১৯না মরম ওইদুনা লৈখিদ্রে, ম্যুনিসিপাল কম্মিসনরগী থাক্তা লৈবা ওফিসর অমসু জিল্লা অসিদাস পোজিতিব ওইরে। হৌজিক লৈরিবা মোবাইল তেস্তিং গারী ২০গী মথক্তা রাজ্য অসিগী তোঙান-তোঙানবা মফমশিংদা য়ৌহন্নবা গারী ৫০ অমগা হাপচিন্ননবা থৌরাং তৌরি। কোবিদ ফ্রন্তলাইন ৱারকরশিংদা মীওৎ মীনৈ চত্থবগী থবক হেনগৎলকপগা লোইননা সেনিতেসন ৱারকর ১০ কোবিদনা লৈখিদ্রবা মীওই অমগী অরোইবা মথৌ পাঙথোক্লুরবা মতুংদা মখোয়গী ময়ুম লম ওইরিবা শ্রীকাকুলম জিল্লাগী তেকালি খুঙ্গংদা চঙহনখিদ্রে। হৌখিবা পুং ২৪ অসিদা সেম্পল ২৭,৬৪৩ তেস্ত তৌরবা মতুংদা অনৌবা কেস ১০৬২, দিসচার্জ তৌখিবা ১৩৩২, অমসুং লৈখিদ্রবা ১২ রিপোর্ত তৌরকখ্রে। অপুনবা কেসঃ ২২,২৫৯, এক্তিব কেসঃ ১০৮৯৪, দিসচার্জঃ ১১১০১, লৈখিদ্রবাঃ ২৬৪।
• তেলঙ্গানাঃ রাজ্য অসিসু তেপিদ এন্তিজেন তেস্ত তৌবা রাজ্যশিংগী মনুংদা চল্লগনি। তেলঙ্গানা সরকারনা এন্তিজেন তেস্ত তৌনবা কিৎ লাখ অমা হেন্না লৈশিন্নবা পান্দম থম্লি। অদুমওইনমক, এন্তিজেন তেস্ত অসি করম্বা মতমদগী হৌগদবনো হায়বদি খঙবা ঙমদ্রি। ঙরাং ফাওবদা লৈখিবা অপুনবা কেসঃ ২৭,৬১২, এক্তিব কেসঃ ১১,০১২, লৈখিদ্রবাঃ ৩১৩ দিসচার্জঃ ১৬২৮৭।
• অরুনাচল প্রদেশঃ অরুনাচল প্রদেশকী মুখ্য মন্ত্রী, শ্রী পেমা খন্দুনা কোবিদ-১৯গী ফিবম য়েংশিন্নবা ওফিসিএলশিংগা ফম্মিন্নবা মীফম অমা কৌখ্রে। রাজ্য অসিদা হেলথ কেয়র ফেসিলিতী অমসুং তেস্তিং পাক চাউনা হেনগৎহনগদৌরি। অরুনাচল প্রদেশকী মুখ্য মন্ত্রীনা এন.ঐচ.এম.গী মখাদা নর্সকী ফম ২৫০ হাপ্পদা অয়াবা পীখ্রে।
• মনিপুরঃ মনিপুরগী মুখ্য মন্ত্রী শ্রী এন বিরেন্না পি.ঐচ.ই.দি. প্রোজেক্ত ৫ হৌদোকখ্রে, সি.এ.এফ. অমসুং পি.দি. প্রোজেক্ত অমা অমসুং রেপিদ এন্তিজেন তেস্তিং সেন্তর অমা জিরিবামদা হাংখ্রে। জিরিবামদা কোবিদ-১৯গা মরী লৈনবা চেকশিল থৌরাংশিং লৌখৎনবগীদমক অমসুং জিল্লা অসিদা কোবিদ কেয়র সেন্তর অমা হাংনবগীদমক মেদিকেল দিপার্তমেন্তকী জোইন্ত দিরেক্তরনা লুচিংদুনা মীহুৎ মঙানা শাবা কাংবু অমা চৎখ্রে।
• মেঘালয়ঃ মেঘালয়গী খা নোংচুপ গারো হিলদগী মীওই অনী ঙসি কোবিদতগী নাবা ফখ্রে। হৌজিক লৈরিবা এক্তিব কেস মশীং অসি য়াংখৈ নিথোইনি অমসুং নিফু মঙানা নাবা ফখ্রে।
• মিজোরমঃ মিজোরমদা কোবিদ-১৯ কেস অহুম লাকখ্রে। হৌজিক অপুনবা কেস মশীং ২০১ লৈরি অমসুং এক্তিব কেস ওইনা ৫৮ রাজ্য অসিদা লৈরি।
• নাগালেন্দঃ নাগালেন্দগী হকশেল অমসুং য়াইফ য়ুম্বাল মন্ত্রীনা পেরেন জিল্লাদা ওইরিবা ফিবম য়েংশিন্নবা অমসুং কম্ম্যুনিতী লেবেলদা লাইচৎ অসি শন্দোকপা থিংনবগীদমক লৌখৎপা য়াবা থবকশিং য়েংশিন্নবা য়েংশিন মীফম অমা কৌখ্রে। অনৌবা কেস ১২ নাগালেন্দদা কনফার্ম তৌখ্রে। অপুনবা পোজিতিব কেস ৬৫৬ লৈরি অমসুং এক্তিব কেস ৩৫৩, রিকোবরী কেস ৩০৩ রাজ্য অসিদা লৈরি।

******