(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কোবিদ-১৯ কেস মশীংদগী নাবা ফখ্রবা মশীংনা ১,৫৮,৭৯৩ হেনখ্রে।
• অনাবশিংগী মরক্তা রিকোবরী রেৎ ৬০.৮১% য়ৌরে। হৌখিবা পুং ২৪ অসিদা, কোবিদ-১৯ অনাবা মীওই ১৪,৩৩৫ নাবা ফখ্রে, মসিনা অপুনবা ফিগরদা ৩,৯৪,২২৬ য়ৌরে।
• হৌখিবা পুং ২৪ অসিদা সেম্পল ২,৪২,৩৮৩ তেস্ত তৌখ্রে, অপুনবা তেস্ত তৌখ্রবা মশীং ৯৫৪০১৩২ য়ৌখ্রে, লেব ১০৮৭না তেস্ত তৌবগী থবক পায়খৎলি।
• লাইচৎ অসিনা মীওইবগী পুন্সি অমদি মালেম পুম্বগী শেন্মিৎলোন মাঙ তাকহল্লিবসিদা, বুদ্ধগী পাউজেলনা লমজীং ওইরি, হায়না রাস্ত্রপতিনা হায়খ্রে
• প্রধান মন্ত্রীনা হায়রি, মালেম অসিনা তোপ-তোপ্পা শিংনবা অমা মাইয়োক্নরি, ভগবান বুদ্ধগী ৱাখল্লোন্না তুংকোইনা চৎপা য়াবা লৌশিং কয়া পীরি।
• প্রধান মন্ত্রীনা আত্মনির্ভর ভারত ইনোবেসন চেলেঞ্জ হৌদোকখ্রে।
• এন.ই.ই.তি. অমসুং জে.ই.ই. মেন্স অমসুং এদভান্স পরিখাগী অনৌবা মতম লেপখ্রে।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ এক্তিব ওইবা মশিংদগী চাওরাক্না কেস লাখ ১.৬ হেন্না ফগৎপা ঙমখ্র; সেম্পল লাখ ৯৫ তেস্ত তৌখ্রে

কোবিদ-১০গী কেসশিং অসি মখা তানা তপ্না-তপ্না হেনগৎলক্লি। ভারত সরকারগা রাজ্যশিং/য়ুনিয়ন তেরিতোরীশিংগা লোয়ননা কোবিদ-১৯ ঙাকথোক্নবা, কন্তেন্মেন্ত অমসুং মেনেজমেন্ত তৌনবা খুৎশম্ননা থবক পায়খৎমিন্নবগী মহৈনা হৌজিক ফাওবদা এক্তিব ওইবা মশিংদগী কেস ১,৫৮,৭৯৩ হেন্না ফগৎপা ঙমখ্রে। মসিগী ফল ওইনা ফগৎলকপগী কেস মশিং অসি চাদা ৬০.৮১ হেনখ্রে। হৌখিবা পুং ২৪ অসিদা কোবিদ-১৯না নাবা অপুনবা মীওই ১৪,৩৩৫ ফগৎপা ঙমখিদুনা ফগৎখিবা অপুনবা মশিং অসি ৩,৯৪,২২৬ য়ৌখ্রে। হৌজিক্কী ওইনা, এক্তিব ওইবা কেস মশিং অসি ২,৩৫,৪৩৩নি অমদি নিংথিজনা লাইয়েং চত্থরি।লৈবাক অসিদা তেস্তিং তৌনবগী নেৎৱার্ক অসি পাক-শন্দোরক্নবা হোৎনবশিং অসিনা মখোয়গী মশিংশিং অসি নোংম-নোংমগী হেনগৎলক্লি। সরকারগী সেক্তরদা ৭৮০ অমসুং লন্নাইগী লেব ৩০৭ য়াওনা লৈবাক অসিদা তেস্ত তৌনবা লেব ১০৮৭ লৈ। হৌখিবা পুং ২৪সিদা সেম্পল ২,৪২,৩৮৩ তেস্ত তৌখ্রে তেস্ত তৌখিবা অপুনবা মশিং অসি ৯৫,৪০,১৩২দা ইনখৎখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636423

লাইচৎ অসিনা মীওইবগী পুন্সি অমদি মালেম পুম্বগী শেন্মিৎলোন মাঙ তাকহল্লিবসিদা, বুদ্ধগী পাউজেলনা লমজীং ওইরি, হায়না রাস্ত্রপতিনা হায়খ্রে

লাইচৎ অসিনা মীওইবগী পুন্সি অমদি মালেম পুম্বগী শেন্মিৎলোন মাঙ তাকহল্লিবসিদা, বুদ্ধগী পাউজেলনা লমজীং ওইরি, হায়না ভারতকী রাস্ত্রপতি, শ্রী রাম নাথ কোবিন্দনা হায়খ্রে‍। লোর্দ বুদ্ধনা মীয়ামদা করাম চাউবা, নুংশিনদবা, হিংসা, মীহৌ চাউবা অমদি নুংঙাইবা লম্বীগী মায়োক্তা লৈবা ৱাফমশিং থাদোক্নবা তাক্লমখি‍। অদুবু মসিগী ওন্ন-তৈনবদা মীওইবা খুন্নাইনা খন্থবা তৌদনা হান্নগুম হিংসাগী থবক চত্থরি অমদি মহৌশাগী ফীভম কায়থরক্লি‍। ঐখোয় পুম্নমক্না খঙই মদুদি কোরোনাভাইরস শন্দোকপগী চাং হন্থরক্লবা মতমদা ঐখোয়গী মাঙদা কা হেন্না শাথিরবা অইং অশা হোংলকপগী অচৌবা শীংনবা অমা তাদুনা লৈরি‍। ৱাফমশিং অসি ইন্তরনেসনেল বুদ্ধিস্ত কনফিদরেসননা পাঙথোকপা ধর্ম চক্র নুমিৎকী থৌরমগা মরী লৈননা রাস্ত্রপতি ভবনদা ঙসি (জুলাই ৪, ২০২০) পাঙথোকখিবা ভর্চুএল থৌরম অমদা রাস্ত্রপতিনা ফোঙদোকখিবনি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636335

ধর্ম চক্র নুমিৎ থৌরমদা পি.এম.না ৱা ঙাংখ্রে

প্রধান মন্ত্রীনা লোর্দ বুদ্ধনা তাক্লমবা ৱাফমশিং অমদি খুন্নাই অমদি লৈবাক কয়া নুংঙাই য়াইফনা লৈনবগী পাম্বৈ তাকপা লম্বী নীপানগী মতাংদা ৱাফমশিং থমখি‍। বুদ্ধিজম্না মীওইবা, নুপী, লায়রববু ইকায়খুম্ননবা, ইং চীকপা অমদি অহিংসাগী মতাংদা তাক্লমবা ৱাফমশিং অমদি তাক্লম্লিবা ৱাফমশিংসিনা তুং কোইনা লৈগদবা মালেমগী মতাংদা করি হায়রিবনো হায়বগী মতাংদসু ৱাফম কয়া থমখি‍।

প্রধান মন্ত্রীনা হায়খিবদা লোর্দ বুদ্ধনা নীংজবা অমদি পান্দমগী মতাংদা ৱাফম কয়া হায়রম্মী অমদি অনি অসিগী মরক্তা লৈনবা মরীবু উরম্মী‍। মহাক্না ২১শুবা চহীচা অসিগীদমক্তা নীংজবশিং অমদি নীংজরিবশিং অসি নহা ওইবগী ইফুত্তগী হৌরকপনি হায়বা ৱাফম থমখি‍। হৈ শিংলবা নহাশিংনা মালেমগী সমস্যাশিংগী পাম্বৈ থিরিবা খ্বাইদগী চাউবা স্তার্ত-অপ ইকোসিস্তেম ভারত্তা লৈ হায়না মহাক্না হায়খি‍। প্রধান মন্ত্রীনা হায়খিবদা মালেম অসিনা ঙসি অচৌবা শীংনবা অমা মায়োক্নরি, মসিগী তুং কোইবা পাম্বৈদি লোর্দ বুদ্ধগী ৱাখল্লোনদগী লাকপা ঙমগনি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636320

ধর্ম্ম চক্র নুমিৎকী থৌরমদা পি.এম.না ৱা ঙাংখিবা ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636324

ধনবন্ত্রী রথঃ কোবিদকা মরী লৈনদবা হেলথ কেয়রগী সর্বিস অহেমদবাদকী য়ুম্থোং খুদিংদা ফংহনবা

অহেমদবাদ ম্যুনিসিপাল কাউন্সিলনা তোপ-তোপ্পা খুদম অমা ধনবন্ত্রী রথকী মখাদা পীরদুনা মোবাইল ভেন অমদা কোবিদকা মরী লৈনদবা তঙাইফদবা হকশেলগী পোৎলমশিং য়ুম্থোক খুদিংদা ফংহনখ্রে। শহর অসিগী অকোইবদা লৈরিবা হোস্পিতাল অয়াম্বা কোবিদ-১৯ লাইয়েংনবা ওন্থোকখিবনা হোস্পিতালদা চত্তুনা লাইয়েংবদা খুদোংচাদ্রবা দাইবিতিস, ব্লদ প্রসর, থমোইগী লাইনানচিংবগী হেলথ কেয়র সর্বিসশিং পীনবগীদমক খোংথাং কয়া লৌখৎলি। মোবাইল 'ধনবন্ত্রী রথ' অসিদা অয়ুশকী দোক্ত্র অমা, পেরামেদিক অমসুং সর্শিং স্তাফ অমা য়াওরি, মখোয়গা লোইননা, এম.এম.সি.গী অর্বান হেলথ সেন্তরগী মেদিকেল ওফিসরসু য়াওরি। মসিগী ভেন অসিনা তোঙান-তোঙানবা মফমশিংদা চত্তুনা ওপিদিগী খুদোংচাবা পীরি অমসুং অহেমদবাদ শহরদা লৈবা য়ুম্থোং খুদিংদা কন্সলতেতিব সর্বিস পীরি। মোবাইল মেদিকেল ভেন অসিদা অয়ুর্বেদ অমসুং হোমিওপেথিগী হিদাক, ভাইতামিন সপ্লিমেন্ত, তেস্ত তৌনবা খুৎলাই, ওক্সিমিতর য়াওনা তঙাইফদবা হিদাক লাংথকশিং পুরি। মসিগী মথক্তা ধনবন্ত্রীনা হোস্পিতালদা চত্তবা য়াদ্রবা তঙাইফদ্রবশিংবু মশক খঙদোক্তুনা হোস্পিতাল য়ৌনবা হোৎনবদা মতেং পাংলি। ধনবন্ত্রী রথ ১২০না শহর অসিগী মফম কয়াদা ও.পি.দি. লাখ ৪.২৭ হেন্না কান্নবা পীখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636359

মেঘালয়দা আসা ৬৭০০না সর্বিলেন্স অমসুং অৱেয়রনেস মপাঙ্গল কনখৎহনখ্রে

মেঘালয়দা এন্দেক্স কেস হেক লাকপা তাবগা, আসা অমসুং আসা ফেসিলিতেতরশিংনা এক্তিব কেস সর্চ তীম অমা ওইনা কন্তেন্মেন্ত এরিয়াশিং মশক খঙদোক্নবা ত্রেন তৌখি। মেঘালয়গী ফ্রন্তলাইন ৱার্করশিংনা লাইনা অসিবু লাকশিন্নবা হোৎনবদা অচৌবা থৌদাং লৌরি। রাজ্য অসিনা লাইচৎ অসিগা লান্থেংনবা মতমদা আসাশিংগী মথৌনা উৎপা ঙমখ্রে। লেবেল খুদিংমক্তা, আসা ৬৭০০না কোবিদ বিলেজ হেলথ এৱেইয়রনেস এন্দ এক্তিব কেস সর্চ তীম শেমদুনা কন্তেন্মেন্ত এরিয়া খংদোকনবা ত্রেন তৌখি। তীম অসিনা খুনাইগী থাক্তা, খুৎ চাম্বা, মাস্ক উপ্পপা, ফিজিকেল দিস্তেন্স ঙাকপগী মতাংদা লৌশিং পীখি। এক্তিব কেস সর্চকী মতেংনা মতম চানা তেস্ত তৌবা অমসুং লাইয়েংবগী খুদোংচাবা ফংহনখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636402

প্রধান মন্ত্রীনা অত্মানির্ভর ভারত ইন্নোবেসন চেলেঞ্জ হৌদোকখ্রে

মীয়াম্না হান্নদগী শিজিন্নদুনা লাক্লবা ভারতকী খ্বাইদগী ফবা এপশিং খঙদোক্নবা অমসুং মখোয় মশাগী কাংলুপশিংদা ফগৎহনবা য়াবা মালেমগী থাক য়ৌবা ঙমগদবা এপশিং মশক খঙদোক্নবা প্রধান মন্ত্রী শ্রী নরেন্দ্র মোদীনা অত্মানির্ভর ভারত ইন্নোবেসন চেলেঞ্জ হৌদোকখ্রে।

প্রধান মন্ত্রীনা হায়খি “মালেম শীনবা থুংনা পাম্নগদবা এপশিং ভারত্তা শানবা ঙসি তেক অমসুং স্তার্দ-অপ কাংলুপশিংদা ইখৌ লাংবা লৈরে। মখোয়গী অনৌবা ৱাখল্লোনশিং অমসুং পোৎথোকশিং পুক্নিং থৌগৎনবা @GoI_MeitY অমসুং @AIMtoInnovate না অত্মানির্ভর ভারত ইন্নোবেসন চেলেঞ্জ হৌদোক্লে। করিগুম্বা নহাক্কী শেমগৎলিবা এপ অমা লৈরবা নৎত্রগা নহাক এপ শানবা পান্দম লৈরবা অমসুং অসিগুম্বা পোৎথোকশিং শানবগী লৌশিং লৈরবদি মসিগী চাংদম্নবা অসি অদোমগীদমক্নি। তেক্নোলোজিগা শম্নরিবা ঐগী মরুপশিংদা শরুক য়ানবা ঐনা তকশিল্লি”

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636420

অত্মানির্ভর ভারত এপ ইনোবেসন চেলেঞ্জ শরুক য়ানবা তেক্নোলোজীগী মীওইশিংদা প্রধান মন্ত্রীনা তকশিল্লি

অত্মানির্ভর ভারত এপ ইনোবেসন চেলেঞ্জ শরুক য়ানবা তেক্নোলোজীগী মীওইশিংদা প্রধান মন্ত্রী নরেন্দ্র মোদীনা তকশিল্লি। লিঙ্কইনদা থাগৎখিবা পোস্ত অমদা প্রধান মন্ত্রীনা হায়খি , ভারত্তা অফবা তেক্নোলোজী অমসুং স্তার্দ-অপকী ফিবম অমা লৈরে অমসুং নহারোলশিংনা হিরম কয়াদা তেক্নোলোজীগী অফবা খুদোংচাবা কয়া ফংহল্লে। নৌবা এপশিং পুথোক্নবা অমসুং লৈবাক অসিগী এপশিং ফগৎহন্নবা তেক্নোলোজী অমসুং স্তার্ত-অপশিংগী মীওইশিংগী মরক্তা খৌরাংবা কয়া লৈরে , অমরোমদা লৈবাক অসিনা অত্মানির্ভর ভারত অমা শেমগৎনবা থবক পায়খৎলি। মসি ঐখোয়গী কৈথেলদা পাম্নগদবা অমসুং মালেমগী কৈথেলদা চাংদম্নবা ঙমগদবা এপশিং পুথোক্নবগী মাইকৈ তাক্নবা অফবা খুদোংচাবা অমনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636428

মৈতী-নিতিনা প্রধান মন্ত্রীগী দিজিতেল ইন্দিয়া-আত্মনির্ভর ভারতকী মঙলান মংফাওননবা দিজিতেল ইন্দিয়া আত্মনির্ভর ভারত এপ ইনোবেসন চেলেঞ্জ হৌদোকখ্রে

ইন্দিয়াগী এপশিংদা মতেং পাংনবা অমসুং মপাঙ্গল লৈনবগীদমক মৈতীনা অতল ইনোবেসন মিসন –নিতি আয়োগকা খুৎশম্নদুনা দিজিতেল ইন্দিয়া আত্মনির্ভর ভারত এপ ইনোবেসন চেলেঞ্জ অমা ইন্দিয়াগী ওন্ত্রপ্রিনরস অমসুং স্তার্ত অপশিংগীদমক হৌদোকখ্রে। মসিনা প্রধান মন্ত্রীনা আত্মনির্ভর ভারত অমা শেমগৎনবা হোৎনবদা দিজিতেল তেক্নোলোজিশিং শীজিন্নদুনা দিজিতেল ইন্দিয়াগী মঙলানন্দু মংফাওনবা ঙমহল্লগনি। হায়রিবসি ত্রেক ২দা মথৌ তৌগনিঃ হান্নদগী লৈরবা এপশিং প্রোমোৎ তৌবা অমসুং অনৌবা এপ শাগৎপা।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636407

য়ুনিয়ন ঐচ.আর.দি. মিনিস্তরনা এন.ই.ই.তি. অমসুং জে.ই.ই. মেন্স অমসুং এদভান্সকী অনৌবা পরিক্ষাগী মতমশিং লাউথোক্লে

ঙসি হুমেন রিছোর্স দিবলপমেন্তগী য়ুনিয়ন মিনিস্তর রমেস পোখ্রিয়াল ‘নিশঙ্ক’না ওনলাইনগী খুৎথাংদা এন.ই.ই.তি. অমসুং জে.ই.ই. মেন্স অমসুং এদভান্সকী অনৌবা পরিক্ষাগী মতমশিং লাউথোক্লে । মিনিস্তরনা হায়খি মহৈরোয়শিং অশোই-অঙাম থোক্তনবা অমসুং মিনিস্ত্রিগী পাউতাক মতুংইন্না অফবা মগুন লৈবা লাইরিক-লাইসু তম্বীবগী থবক পাংথোক্নবা , নেসনেল তেস্তিং এজেন্সিনা জে.ই.ই. অমসুং এন.ই.ই.তি. পরিক্ষা য়ৈথোক্নবা ৱারেপ লৌখিবনি । জে.ই.ই. মেন পরিক্ষা ২০২০গী সেপ্তেম্বর ১-৬গী মনুংদা অমসুং জে.ই.ই. এদভান্স পরিক্ষানা ২০২০গী সেপ্তেম্বর ২৭দা পাংথোক্লগনি । এন.ই.ই.তি. পরিক্ষানা ২০২০গী সেপ্তেম্বর ১৩দা পাংথোক্লগনি ।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636289

লৈবাক অসিনা য়াম্না য়াংনা এক্সপোর্তকী থবক অমুক হৌরকপদা পিয়ুস গোয়লনা এক্সপোর্তরশিংগী থবকশিং থাগৎলি

মীফম অদুদা মিনিস্তরনা হায়খি কোবিদ-১৯না মরম ওইদুনা শেনবা চহি অসিগী অহানবা থা অনি খুদোংচাদবা কয়া থেংনরবা মতুংদা, অনলোক লাকপদগী শেন-থুমগী থবকশিং অমুক পাংথোকপা হৌরে । জুন ২০২০গী দেতা মতুংইন্না মপান্দা থাদোকপগী থবক হেনগৎতুনা মমাং চহিগা চাংদম্নবদা চাদা ৮৮ য়ৌরে । তেল্লবা মতম অসিদা অসিগুম্বা মাইপাকপা অসি পুরকপগীদমক এক্সপোর্তরশিং থাগৎলি । হৌজিক লৈবাক অসিগী মফম কয়া লাইচৎ শন্দোকলিবা অমসুং অথিংবশিং লৈরিঙৈদা মাইপাকপা পুরকপা ওইবনা হেন্না থাগৎনিংঙাই ওইরিবনি । মপান লৈবাকশিংগী কৈথেল অয়াম্বা অসিগুম্না অমুক হন্না ললোন-ইতিক পাংথোকপা ঙমদ্রি । মপান্দগী পোৎ পুশিল্লকপদা য়াম্না থিন্থরিবা অসি অফবা খুদম অমনি । মিনিস্তরনা হায়খি অনলোক ২.০ লাকপদগী তুংদা ফিবম কয়া মখা তানা ফগৎলক্লগনি । অত্মানির্ভর ভারতনা মশা মরোমদোম লেপচবা ঙম্বা ভারত অমা শেমগৎনবা , মী খুদিংমক থৌনা লৈবা, মপাঙ্গল কনবা ভারত অমা শেমগৎনবা পান্দম থম্লি ।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636250

ভারত সরকারগী এগ্রিকলচর, কো-ওপরেসন এন্দ ফারমর্স ৱেলফিয়রনা কোবিদ-১৯গী লায়চৎ মনুংসিদা লৌউবশিং অমসুং লৌউবগী থবকশিংবু ফিল্দগী থাক্তা পাংথোকহন্নবা খোংথাং কয়া অমা পায়খৎখ্রে

ভারত সরকারগী এগ্রিকলচর, কো-ওপরেসন এন্দ ফারমর্স ৱেলফিয়রনা কোবিদ-১৯গী লায়চৎ মনুংসিদা লৌউবশিং অমসুং লৌউবগী থবকশিংবু ফিল্দগী থাক্তা পাংথোকহন্নবা খোংথাং কয়া অমা পায়খৎখ্রে। খরিফকী মহৈ-মরোং থাবা লমশিংগী পাক চাউবা য়াম্না হেনগৎলক্লি। মমাং চহীগী মান্নবা মতমদা কালেনগী চেং থাবগী লমগী পাক চাওবা ঐচ.এ. লাখ ৪৯.২৩ ওইবদা হন্দক্তি চাউরাকপা ঐচ.এ. লাখ ৬৮.০৮দা থারি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636289

কোবিদ-১৯গী মতুংদা লাক্কদবা মতমশিংদা অৱাং নোংপোক লমদম্না শেন্মিৎলোন্দা মপাঙ্গল লৈরবা লমদম অমা ওইরক্তুনা ভারতকী লুচিংবা ওইদুনা হৌরক্কনি

কেন্দ্রগী মন্ত্রীএ দা. জিতেন্দ্র সিংহনা ঙসি হায়খ্রে মদুদি কোবিদ-১৯গী মতুংদা লাক্কদবা মতমশিংদা অৱাং নোংপোক লমদম্না মখোয়দা লৈজরিবা মহৌশাগী পোত্থোকশিং অমসুং হ্যুমেন স্কিলশিংগী মতেংনা শেন্মিৎলোন্দা মপাঙ্গল লৈরবা লমদম অমা ওইরক্তুনা ভারতকী লুচিংবা ওইদুনা হৌরক্কনি। মহাক্বনা হায়খি, অৱাং নোংপোক লমদমগী নুপীগী শক্তি অসিনা কোরোনা লাইচৎ লাকশিন্নবা হোৎনবদা শেন্মিৎলোনগী ওইবা অচৌবা থৌদাং লৌরি। মাহক্না হায়খি, লাইচৎ অসিগা লান্থেংনবদা নুপীশিংনা মতীং ফুদোকখি, অমসুং অৱাং নোংপোক লমদম্না কোরোনা নিংথীনা ঙাক শেন্নবা হোৎনবদা নুপীশিংনা মতেং চাউনা পাংখি। অৱাং নোংপোক্তা লৈবা কম্ম্যুনিতি রিসোর্স অমসুং মেনেজমেন্ত প্রোগ্রামগা মরি লৈননা সেল্ফ হেল্প গ্রুপশিংগা ৱেবিনারগী খুথাংদা উন্নখি।

অকুপ্পা ৱারোলগীদমক , https://pib.gov.in/PressReleasePage.aspx?PRID=1636426

পি.আই.বি. ফিল্দ ওফিসশিংদগী ফংবা পাউ

• মহারাস্ত্রাঃ ভারতকী কোবিদ-১৯ কেসনা অহানবা ওইনা নোংমদা ২০,০০০ য়ৌরকপা মতমদা মহারাস্ত্রদা অনৌবা কেস ৬,৩৬৪ লাক্তুনা রাজ্য অসিগী অনৌবা কেস মশীং অসি ১,৯২,৯৯০ য়ৌহনখি। কোবিদ-১৯দগী নাবা ফরবা মীওই লাখ ১.০৪ য়ৌরকপগা লোইননা এক্তিব কেস মশীং ৭৯,৯১১ য়ৌরে। মুম্বাই অনৌবা কেস ১৩৯২ হাপচিল্লকখ্রে। মুম্বাইদা কোরোনা ভাইরস কেস মশীং অসি য়াম্না হন্থবা তারবসু, মুম্বাই মেত্রোপোলিতান রিজনগী সেতিলাইৎ সিতী ওইরিবা থানে, কল্যান-দোম্বিবিলি, মিরা-ভায়ন্দরনা হৌজিক অনৌবা হোৎস্পোৎ ওইরক্লি।
• গুজরাৎঃ পুং ২৪গী মনুংদা অনৌবা কেস ৬৮৭ লাকপগা লোইননা হৌজিক ফাওবদা অপুনবা কেস ৩৪৬৮৬ য়ৌরে। রাজ্য অসিদা কোবিদ-১৯না মরম ওইদুনা ১৮ লৈখিদবগা লোইননা অপুনবা লৈখিদবা মশীং ১,৯০৬ শুখ্রে। অহেমদবাদ ম্যুনিসিপাল কোরপোরেসন, এম.এম.সি.না মাইক্রো-কন্তেন্মেন্ত জোন ২৬ অমগা অনৌবা কেস লাকপদগী হাপচিনখ্রে। মফমশিং অসিদা এম.এম.সি.গী হকশেলগী বিভাগনা য়ুম্থোং খুদিংগী সর্বিলেন্স চত্থখ্রে।
• রাজস্থানঃ ঙসি অঙনবা অয়ুক ফাওবদা অনৌবা কেস ২০৪ লাকপগা লোইননা মীওই ৩ লৈখিদ্রে মসিনা রাজ্য অসিগী অপুনবা মশীং ১৯২৫৬ য়ৌখ্রে। এক্তিব কেসনা ৩৪৬১নি, অপুনবা লৈখিদ্রবা মশীংনা ৪৪৩ ওইরি। রাজ্য অসিদা অপুনবা তেস্ত লাখ ৮.৭০ তৌখ্রে।
• মধ্য প্রদেশঃ অনৌবা কেস ১৯১ লাক্তুনা অপুনবা কেস মশীং ১৪,২৯৭ য়ৌখ্রে। রাজ্য অসিদা এক্তিব কেস মশীং ২,৬৫৫ য়ৌখ্রে। নাবা ফখ্রবা মশীংনা ১১০৪৯নি।
• ছতিশগরঃ অনৌবা পোজিতিব কেস ৪০ লাকপগা লোইননা মসিনা অপুনবা কোবিদ-১৯ কেস মশীং ৩০৬৫ শুখ্রে। রাজ্য অসিদা এক্তিব কেস মশীং ৬৩৭ লৈরি।
• গোৱাঃ ইরাই নুমিত্তা অনৌবা কেস ৯৫ কোবিদ-১৯না নারে হায়বা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ১৪৮২ য়ৌরে। রাজ্য অসিদা এক্তিব কেস ৭৩৪ লৈরি।
• চন্দিগরঃ হৌজিক হৌজিক কোবিদ-১৯না ওইহল্লক্লিবা ফিবম অমসুং য়ু.তি. চন্দিগরগী সরকারগী মহৈলোইশঙশিংদা তম্লিবা মহৈরোইশিংগী মমা-মপাগী শেলথুমগী ফিবম অসি য়েংলগা, এজুকেসন দিপার্তমেন্ত চন্দিগর এদমিনিস্ত্রেসন্না একাদেমিক সেসন ২০২০-২১গী এপ্রিল ২০২০দগী সেপ্তেম্বর ২০২০ ফাওবগী ক্লাস ৯ অমসুং ১০দা তম্লিবা মহৈরোইশিংগী চহীগী অমসুং থাগী ফন্দশিং কোকপীনবা ৱারেপ লৌখ্রে। সরকারগী মহৈলোইশঙশিংদা তম্লিবা ক্লাস ৯ অমসুং ১০গী মহৈরোই ২৪৫০০ রোমনা ৱারেপ অসিদগী কান্নবা ফংলগনি।
• পঞ্জাবঃ পঞ্জাবকী মুখ্য মন্ত্রীনা কোবিদ-১৯ রেপিদ এন্তিজেন তেস্তিংগী পাইলোৎ প্রোজেক্ত লাক্লিবা চয়োল অসিদগী হৌবদা অয়াবা পীখ্রে। তেস্ত ১০০০ হেন্না কোনশিনগদবা পাইলোৎ রেপিদ এন্তিজেন প্রোজেক্ত অসিনা মাই পাক্না লোইশিনখিবগা, অসিগুম্বা তেস্ত অসি ইন্দস্ত্রীশিং হাংলকপা মতমদা থবক শুনবগীদমক রাজ্য অসিদা লাকপা অমসুং লৌবুক শুনবগীদমক লাকপা মাইগ্রেন্তশিংদা চত্থগনি।
• হরিয়ানাঃ উপ্প মুখ্য মন্ত্রীনা হায়খ্রে মদুদি, লৈবাক শীনবা থুংনা চত্থবা অনলোক-২গী মনুংদা, ইন্দস্ত্রিএল অমসুং কম্মরসিএলগী ওইবা থবক থৌরমশিং হান্নগী ফিবমদা হঞ্জিল্লক্লি অমসুং লম্বী, মেত্রো পাকথোকহনবা অমসুং রিজনেল রেপিদ ত্রাঞ্জিৎ কোরিদোর সিস্তেমগী চাউখৎ থৌরাংশিংসু রাজ্য অসিদা তাংকক তাংকক নাইনা পায়খৎপা হৌরগনি।
• হিমাচল প্রদেশঃ মুখ্য মন্ত্রীনা কাউন্সিল ওব সাইন্তিফিক এন্দ ইন্দস্ত্রিএল রিসর্স- ইন্সতিত্যুৎ ওব হিমালয়ন বাইও রিসোর্স তেক্নোলোজী, পলম্পুরগী ভিদিও কনফরেন্সকী খুথাংদা পাঙথোকখিবা ৩৮শুবা ফাউন্দরশিংগী চয়োল থৌরমদা ৱা ঙাংবদা হায়খ্রে মফুদি ইন্সতিত্যুৎ অসিনা কোবিদ-১৯ তেস্ত তৌনবা হোৎনবদা মরুওইবা থৌদাং লৌরি অমসুং তন্দা, চম্বা অমসুং হমিরপুর মেদিকেল কোলেজদা খুৎলাই অমসুং লোজিস্তিক্সকী ওইবা মতেংশিং পীরি। মহাক্না মখা তানা হায়খি মদুদি, মীয়ামগীদমক ইন্সতিত্যুৎ অসিনা অল্কোহোল য়াওদবা হেন্দ সেনিতাইজরশিং অমসুং হর্বেল সোপশিং শাবীরি।
• কেরলাঃ কোনুং ওইরিবা থিরুবনন্তপুরমদা অহেনবা মফম কয়া কন্তেন্মেন্ত জোন্নি হায়না লাউথোক্লকপগা লোইননা অৱাংবা থাক্তা চেকশিন্নবা লাউথোকখ্রে। আর্ম্দ রিজর্ব কেম্পতা পোজিতিব ওইবা অমা য়াওরকপগা লোইননা পুলিসমেন ২২ গবর্ন্মেন্ত সেক্রেতরিএৎ মপান্দা ক্বারেন্তিন তৌদুনা লৈহনখ্রে। কোচিগী ইন্দিরা গান্ধী কো-ওপরেতিব হোস্পিতালদা লাইয়েংবা লাক্লম্বা মীওই অমা পোজিতিব ওইরকপদগী স্তাফ ১৫ ক্বারেন্তিন তৌদুনা থমখ্রে। নই দিল্লীদা রাজ্য অসিগী মপান্দা কোরোনানা মরম ওইদুনা মীওই ১ লৈখিদ্রে,মসিগা লোইননা লৈখিদ্রবা মলায়ালি ১৩ শুখ্রে। ঙরাং কোবিদ-১৯গী অনৌবা কেস ২১১ লাকপগা লোইননা মসিনা নোংমদা লাকপা খ্বাইদগী য়াম্বা মশীং ওইরে। মীওই ২০৯৮ লাইনা অসিদগী লাইয়েংদুনা লৈরিবগা লোইননা অনাবা মীওই ১৭৭০০১ রাজ্য অসিদা তোঙান-তোঙানবা হোস্পিতালশিংদা লাইনা অসিদগী লাইয়েংলি।
• তমিল নাদুঃ পুদুচেরীদা, প্রাইবেৎ মেদিকেল কোলেজশিংনা কোবিদ-কেয়র সেন্তর লিংখৎপদা অয়াবা পীখিদ্রে; ফিবম অসিবু লাকশিন্নবগীদমক হকশেল অমসুং য়াইফ য়ুম্বাল মন্ত্রালয়গী দিরেক্তরনা ল্যুতেনেন্ত গবর্নর কিরন বেদি অমসুং মুখ্য মন্ত্রী ভি নরায়নসামিগী মতেং নিজখ্রে। পুদুচেরীদা অমা লৈখিদ্রে অমসুং অনৌবা কেস ৮০ লাকখ্রে, মসিনা অপুনবা কেস মশীং ৯০৪ শুহনখ্রে অমসুং য়ু.তি.তমিলনাদুদা নোংমদা লাকপা খ্বাইদগী য়াম্বা কেস ওইনা ৪,৩৪৩ লাকখ্রে অমসুং ৫৭ লৈখিদ্রে, ২০২৭না অসিদা লৈখিদ্রবভা অপুনবা মশীং ১৪ শুহনখ্রে। জিপমরগী কেম্পস্তা হকশেলগী ওফিসিএলশিং য়াওনা কোবিদ-১৯ পোজিতিব ওইবা মীওই ২০ লাকপগা লোইননা দিস্ত্রিক কল্লেক্তরনা কুপনা থিজিন্নবা খঙহনখ্রে। তমিল নাদু ঙরাং কোবিদ কেস ১০২৭২১ শুদুনা লাখ অমা লানখিবগা লোইননা ভারতকী রাজ্যশিংগী মনুংদা খ্বাইদগী ফিবম শোকপা অনীশুবা রাজ্য ওইরে। ঙরাং অনৌবা কেস ৪৩২৯, রিকোবরী ২৩৫৭ অমসুং ৬৪ লৈখিদ্রে। অপুনবা এক্তিব কেস মশীং অসি ৪২,৯৫৫, লৈখিদ্রবাঃ ১৩৮৫, দিসচার্জঃ ৫৮৩৭৮, চেনইদা লৈবা এক্তিব কেস মশীং ২৩৫৮১
• করনাতাকাঃ রাজ্য অসিনা হোম আইসোলেসনগী ওইবা অমসুং লৈতবশিংগী হকচাং ফুম্বগী মতাংদা অকুপ্পা চৎন-কাংলোন অমা ফোংখ্রে। বুথ লেবেলদা তাস্ক ফোর্স কম্মিতী অমা শেম্লগনি অমসুং মসিনা কোবিদ মেনেজমেন্ততা স্ত্রকচরেল অমসুং ফংসনেল ওইবা মতেং পীরগনি। হোস্পিতালশিংদা ফমুং পীনবগীদমক সেন্ত্রেলাইজ সিস্তেম অমা শেমখ্রে অমসুং মসিবু য়েংশিন্নবগীদমক নোদাল ওফিসর অমা হাপখ্রে। শহরদা এম্বুলেন্স ৪০০ থাফখ্রে, ৱার্দ অমমমদা ২ পীগদৌরি। হোম আইসোলেসন অমসুং লৈতবা মীশিংগী মথৌ মঙম পাঙথোকপগী মতাং দা পীরিবা চৎন-কাংলোনশিং থুগাইবশিংদা অকনবা থবক লৌখৎনবা মন্ত্রীনা ফোংদোকখ্রে। রাজ্য পুম্বদা লোকদাউন লাউথোকখ্রে, ইমর্জেন্সী সর্বিস খক্তমক অয়াবা পীখ্রে। ঙরাং অনৌবা কোবিদ কেস ১৬৯৪, দিসচার্জ ৪৭১ অমসুং ২১ লৈখিদ্রে। অপুনবা পোজিতব কেসঃ ১৯৭১০, এক্তিব কেসঃ ১০৬০৮, লৈখিদ্রবাঃ ২৯৩।
• অন্ধ্র প্রদেশঃ পুং ৪-৬গী মমাং লৈখিদ্রবা মীওই অমনা কোবিদ-১৯ শন্দোক্তে হায়রদুনা স্পিসিএল চীফফ সেক্রেতরী (হেলথ) কে.এস. জাৱাহর রেদ্দীনা মীয়ামদা কোবিদনা মরম ওইদুনা লৈখিদ্রবা মী অমগী মথৌ মঙম পাঙথোকপদা অয়েৎপী পীবীদনবা খঙহনখ্রে। ইন্দিয়ন রেদ ক্রোস সোসাই, শ্রীকাকুলম্না কোবিদ-১৯না মরম ওইদুনা লৈখিদ্রবা মীওইশিংগী অরোইবা মথৌ মঙম প্রোতোকোল ঙাকপগা লোইননা পাংথোকপদা মতেং পাংখ্রে। মুস্লিম এন.জি.ও. অমনা কোবিদ-১৯না মরম ওইদুনা লৈখিদ্রবা মীওই অমগী অরোইবা মথৌ পাংথোকপদা চৎখিবা হৌন-লোনচৎনা পুক্নিং থৌগৎলদুনা দিস্ত্রিক্ত কল্লেক্তর জে জিবাস্না হায়খি, জিল্লা অসিদা মসিগা চপ মান্নবা থবক পায়খৎলে। হৌখিবা পুং ২৪ অসিদা সেম্পল ২৪,৯৬২ তেস্ত তৌরবা মতুংদা অনৌবা কেস ৭৬৫, দিসচার্জ তৌখিবা ৩১১, অমসুং লৈখিদ্রবা ১২ রিপোর্ত তৌরকখ্রে। কেস ৭৬৫গী মনুংদগী ৩২না ইন্তর স্তেত কেসনি অমসুং তরুক্না মপান্দগীনি। অপুনবা কেসঃ ১৭,৬৯৯, এক্তিব কেসঃ ৯৪৭৩, দিসচার্জঃ ৮০০৮, লৈখিদ্রবাঃ ২১৮।
• তেলঙ্গানাঃ হোম আইসোলেসনগী থৌরাং মতীক চানা পায়খৎলি। হৌজিক ফাওবদা রাজ্য অসিগী পোজিতিব ওইরবা মীওই ১২০০০না হোম আইসোলেসন তৌদুনা লৈরি অমসুং মখোয়গী মনুংদগী তংখাই অমা নাবা ফখ্রে। ঙরাং ফাওবদা লৈখিবা অপুনবা কেসঃ ২০৪৬২, এক্তিব কেসঃ ৯৯৮৪, লৈখিদ্রবাঃ ২৮৩ অমসুং দিসচার্জঃ ১০১৯৫
• অরুনাচল প্রদেশঃ ইতানগরদা পোজিতিব কেস মশীং হেনগৎলিবসি য়েংদুনা অরুনাচল প্রদেশ সরকারনা ইতানগরগী কেপিতেল রিজন্দা জুলাই ৫, নিংথৌকাবাগী অয়ুক পুং ৫দগী হৌদুনা জুলাই ১২গী পুং নুমিদাং পুং ৫ফাওবা লোকদাউন লাউথোকখ্রে। ইতানগরদা মীদিয়াগী মীওইশিংদা ৱা ঙাংলদুনা চীফ সেক্রেতরী নরেশ কুমারনা হায়খি, অকুপ্পা মরোল য়াওবা এস.ও.পি. অমা অথুবদা ফোংলগনি। অরুনাচল প্রদেশতা শগোলশেল নুমিত্তা নোংমদা খ্বাইদগী য়াম্না হাইগৎপা ওইনা অনৌবা কোবিদ-১৯ কেস ৩৭ লাকখি, মসিনা অপুনবা কনফার্ম কেস ২৫২ শুহনখ্রে। মসিগী মনুংদগী১৭৬না এক্তিব কেসনি, ৭৫না মমাংদা ফখ্রে।
• মিজোরমঃ মিজোরমদা ঙসি রিকোবর্দ তৌখ্রবা অনাবা ৩ দিসচার্জ তৌখ্রে। হৌজিক রাজ্য অসিদা এক্তিব কেস ৩২ লৈরি, ১৩০ নাবা ফখ্রে।

ফেক্তচেক

*****