(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা কোবিদ-১৯গী অনাবা মশিং ১১,৮৮১ নাবা ফদুনা অপুনবা মশিং ৩,৫৯,৮৫৯ নাবা ফখ্রে অমসুং রিকবরী রেৎ ৫৯.৫২% য়ৌখ্রে
• হৌজিক এক্তিব কেস ২,২৬,৯৪৭ লৈরি অমসুং কন্না লায়েংলি
• রেজিস্তর তৌরবা মেদিকেল প্রেক্তিস্নর অমনা চে ইদুনা কোবিদ-১৯ তেস্তিং তৌবা য়ারগনি
• ভারত সরকারনা রাজ্যশিইংদা তেস্ত তৌবা মশিং হেনগৎহন্নবা হায়খ্রে
• ঙসিফাওবদা অপুনবা ওইনা তেস্ত ৯০,৫৬,১৭৩ তৌখ্রে
• এন.পি.পি.এ.না পলস ওক্সিমীতর অমসুং ওক্সিজেন কন্সেন্ত্রেতরগী মমল হেনগৎপা য়েংশিল্লি অমসুং লৈবাক মনুংসিদা মতিক চানা ফংহন্নবা হোৎনরি

হকশেল অমসুং য়াইফ য়ুম্বাল মন্ত্রালয়গী কোবিদ-১৯গী অপদেৎ ; নাবা ফগৎলকপগী চাং য়াংনা হেনগৎলক্তুনা চাদা ৬০ য়ৌরে; নাবা ফগৎলকপা অমসুং এক্তিব কেসশিংগী মরক্তা খেন্নবা হেনগৎলক্তুনা ১,৩২,৯১২ য়ৌরে

হৌজিক ফাওদবা, কোবিদ-১৯ এক্তিব কেস মশিংদগী অনাবা ফগৎলকপা মশিংনা হেনদুনা অনাবা ফগৎলকপা মশিং ১,৩২,৯১২ য়ৌরে । মতম চানা কোবিদ-১৯ লায়েংবগী মহৈ ওইনা নোংমদা মীওই ১০,০০০ হেন্না অনাবা ফরে । হৌখিবা পুং ২৪দা পুন্না মীওই ১১,৮৮১ কোবিদ-১৯দগী অনাবা ফদুনা হৌজিক পু্ন্না মীওই ৩,৫৯,৮৫৯ অনাবা ফখ্রে । হৌজিক অনাবা ফগৎলকপগী চাং চাদা ৫৯.৫২ য়ৌরে । হৌজিক এক্তিব কেস ২,২৬,৯৪৭ লৈরি অমসুং মখোয় পুম্নমক লায়েংলি। হৌখিবা পুং ২৪দা সেম্পল ২,২৯,৫৮৮ চাংয়েং তৌখি । হৌজিক ফাওবদা অপুনবা ওইনা সেম্পল ৯০,৫৬,১৭৩ চাংয়েং তৌখ্রে । হৌজিক লৈবাক অসিদা চাংয়েং তৌনবা লেব মশিং লেপ্তনা হেনগৎলি । হৌজিক ভারত্তা কোবিদ-১৯ চাংয়েং তৌনবা লেব ১০৬৫ লৈরে ।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635886

কোবিদ-১৯ চাংয়েং তৌবদা লৈরম্বা অপনবশিং ভারত সরকারনা লৌথোক্লে; চাংয়েং তৌবগী থবক কনখৎহন্নবা রাজ্যশিংদা তকশিনখ্রে

চাংয়েং তৌবদা থেংনরিবা অপনবশিং লৌথোক্নবা, চাংয়েং তৌবগী থবকশিং হেনগৎহন্নবা খুদক্তা থবকশিং পায়খৎনবা ঙসি হেল্থ সেক্রেতরি প্রিতি সুদান অমসুং আই.সি.এম.আরগী দি জি দোক্তর বালরাম বারগাবানা রাজ্যশিং/য়ুতিশিংদা তকশিনখ্রে। ‘চাংয়েং-খোঙ্গুল লিবা-লায়েংবা’ অসি ঙন্না লাইচৎ খঙদোক্নবা অমসুং লাকশিন্নবা মরুওইবনি হায়না মখোয়না অমুক হন্না খঙহনখি। রাজ্যশিং/য়ুতিশিংদা লৈরিবা কোবিদ-১৯ চাংয়েং তৌনবা লেবোরেতোরিশিং মপুংফানা শীজিন্ননবা পায়খৎপা য়াবা থবকশিং পায়খৎনবা রাজ্যশিং/য়ুতিশিংদা পাউতাক পীখি। আই.সি.এম.আরগী চৎন-কাংলোনশিংগী মতুংইন্না চাংয়েং তৌবা য়ারবা লনাই মীওই অমা হেক্তা কোবিদ চাংয়েং তৌনবা পাউতাক পীনবা লনাই তেক্নিসিয়ানশিং য়াওনা মতিক চারবা মেদিকেলগী মীওইশিং থবক কনখৎহন্নবা রাজ্যশিং/য়ুতিশিংদা পাউতাকশিং পীখি। পিতি-পিসিআর অসি কোবিদ-১৯ চাংয়েংগী খ্বাইদগী ফবা ওইরবসু , হন্দক আই.সি.এম.আরনা কোবিদ-১৯ চাংয়েং লৌনবা রেপিদ এন্তিজেন তেস্ত অয়াবা পীখ্রে। চাংয়েং অসি য়াম্না থুবা, লাইবা অমসুং অশোই-অঙাম থোক্তবা অমনি অমসুং লাইচৎ লৈরিবা মফমশিং অমসুং হোস্পিতালশিংদা শীজিন্নবা য়াগনি। হৌজিক ফাওবদা কোবিদ-১৯ চাংয়েং তৌনবা লেবোরেতরি ১০৫৬ আই.সি.এম.আরনা অয়াবা পীরে অমসুং মসিগী মনুংদা লেব ৭৬৪না সরকারগী অমসুং লেব ২৯২না লনাইগীনি। চাংয়েং তৌবগী থবক কনখৎহনবগী মথক্তা, ভাইরস অসি লাকশিন্নবা রাজ্যশিং/য়ুতিশিংনা খোঙ্গুল লিবগী থবক পুক্নিং চঙনা পায়খৎনবা তকশিনখি। কোবিদ-১৯ লাইচৎ লাকশিন্নবা পায়খৎপা য়াবা থবকশিং লেপ্তনা পায়খৎনবা অমসুং মিকুপ-নাহুম শিংনা লৈনবা রাজ্যশিংদা খঙহনখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635746

ওরিশাগী আশাশিং: কোবিদকা মরী লৈনবা অমকপা ৱাখল্লোন অমসুং তাথি-তাওইনা তৌবা মায়োক্নবা
আশা ৪৬,০০০ হেনবনা মফম অদুগী মীয়ামশিংগা লোয়ননা পুন্না কোবিদ-১৯ লান্থেংনরি

ওরিশাগী আশা ৪৬,৬২৭ রোমনা খুঙ্গং অমসুং সহরগী মফমশিংদা হকশেলগী মথৌ তাবশিং ফংহন্দুনা কোবিদ-১৯গী লান্থেংদা মাই পাক্লবশিং ওইখ্রে। আশানাশিং লৈবা মফমশিংদা মখোয়না খুঙ্গংগী মফমশিংদা গাও কল্যান সমিতিশিংগা লোয়ননা অমসুং সহরগী মফমশিংদা মহিলা অরোগ্যা সমিতিশিংগা লোয়ননা পুন্না থবক তৌরি। হায়রিবা ফোরমশিং অসি শীজিন্নদুনা মখোয়না , মাস্কশিং/ফেস কভরশিং মীয়াম তীনবা মফমশিংদা থোকপদা শীজিন্নবা, তোয়না খুৎশা হামদোকপা, ফিজিকেল দিস্তেন্সিং ঙাকপা, কোবিদকী লাইওংশিংগী এৱের্নেস হনগৎপা অসিনচিংবা অসি থৌগৎতুনা কোবিদ-১৯ ঙাকথোক্নবা খোংথাংশিং লৌখৎপা হেনগৎহল্লি। লীফলেৎশিং অমসুং পোস্তরশিং স্বাস্থা কন্থাদা (খুঙ্গংগী থাক্কী ওইবা) য়েন্থোকপা অসিগুম্বা আই.ই.সি.গী থবক থৌরমশিংগী খুত্থাংদা মসিগী এৱের্নেস আশাশিংনা পীরি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1635840

প্রধান মন্ত্রী অমসুং রসিয়ান ফেদেরেসনগী রাস্ত্রপতিগী মরক্তা তেলিফোন্দা ৱারি শানখ্রে 

ইং ২০২০গী জুলাই ২দা প্রধান মন্ত্রী শ্রী নরেন্দ্র মোদীনা তেলিফোন্দা রসিয়ান ফেদেরেসনগী রাস্ত্রপতি ব্লাদিমির পুতিনগা ৱারি শানখ্রে। কোবিদ-১৯গী মালেমগী লাইচৎ লাকশিন্নবা লৈবাক অনিনা মাইপাক্না পায়খৎলিবা অফবা থবকশিং লুচিংবশিংনা খঙজিনখি অমসুং কোবিদ মতুংদা মালেম অসিনা থেংনগদৌরিবা অৱাবশিং পুন্না থেংননবা ভারত-রসিয়া নকশিন্ননা থবক তৌমিন্নবা হায়না য়ানখি। চহি অসি লোইশিল্লকপদা ভারত্তা পাংথোক্কদৌরিবা লৈবাক অনিগী চহিগী মীফম অসিগীদমক নাকল অনিগী মরক্তা উনবা অমসুং ৱারী শানবা হেনগৎহনবা হায়না মখোয়না য়ানখি। লৈবাক অনিগী মীফম অদুদা ভারত্তা রাস্ত্রপতি পুতিন ওক্নবা মহাক্না খৌরাং ঙাইরিবা অদু প্রধান মন্ত্রীনা পাউদমখি।

অকুপ্পা মরোলগীদমকঃ https://www.pib.gov.in/PressReleseDetail.aspx?PRID=1635882

ফাইনান্স মিনিস্তর : ললোন-ইতিক্কী থবক নুংঙাইনবা জি.এস.তি তেক্স লৌবগী থবক লাইহন্নবা থবক পায়খৎলে

২০২০গী জুলাই ১দা ভারত শীনবা থুংনা জি.এস.তি নুমিৎ ২০২০ নৎত্রগা জি.এস.তি চৎনবা হৌখিবগী অহুমসুবা কুমওন থৌরম সি.বি.আই.সি অমসুং মসিগী ফিল্দ ওফিসশিংদা পাংথোকখ্রে। জি.এস.তি অসি অত্মানির্ভর ভারত অমা শেমগৎনবা হোৎনবদা অপনবা পীরকপশিং থুগাইনবা খুৎলায় অমা ওইরে অমসুং লৈবাক অমা তেক্স অমা কৈথেল অমা হায়বা পান্দম অদু ফংনবা চঙশিল্লি। কোবিদ-১৯গী অৱাবা তারবা মতম অসিদা শিংথানিংঙাই ওইবা থবক কয়া পাংথোকপগীদমক ফাইনান্স মিনিস্তরনা সি.বি.আই.সি ওফিসারশিং থাগৎখি অমসুং তেক্স থিরিবশিং মতেং পাংনবা অমসুং পুন্না থবক তৌমিন্ননবা খঙহনখি। হায়রিবা মতম অসিদা তেক্স থিরবশিংদা য়াম্লবা শেনফম রিফন্দ তৌবগীদমক মহাক্না থাগৎখি। জি.এস.তি নুমিৎ ২০২০ লাকপদা মহাক্কী পাউজেলদা ফাইনান্স অমসুং কোরপোরেত এফেয়ার্সকী য়ুনিয়ন মিনিস্তর শ্রীমতি নিরমলা সিতারমন্না হায়খি মরী লৈনবশিংদগী ৱাফম কয়া তারবা মতুংদা জি.এস.তি তেক্স লৌবগী থবকশিং লাইথোকহন্নবা থবক কয়া পায়খৎলে। অদুবু তেক্স থিবগী থবক লাইহন্নবা থবক কয়া পায়খৎপা দরকার ওইরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635730

শ্রী রাম বিলাস পাসৱান্না পি.এম.জি.কে.এ.ৱাই.গী মখাদা লেম্না রাসন ফংহনবগী স্কিম ২০২০গী নবেম্বর ফাওবা শাংদোকহনখিবদা প্রধান মন্ত্রী নরেন্দ্র মোদীবু থাগৎখ্রে

কঞ্জুমর এফিয়ার্স, ফুদ এন্দ পব্লিক দিস্ত্রিব্যুসনগী কেন্দ্র মন্ত্রী শ্রী রাম বিলাস পাসৱান্না নফসা (দি.বি.তি.গী মখাদা কোনশিল্লিবা য়াওনা)গী প্রোবিজনগী মতুং ইন্না তার্গেতেদ পব্লিক দিস্ত্রিব্যুসন সিস্তেমগী মখাদা কভর তৌরিবা বেনিফিসরী পুম্নমক্তা (এ.এ.ৱাই. অমসুং পি.ঐচ.ঐচ.) থা খুদিংগী মীওই অমমমদা লেম্না চেং কিলোগ্রাম ৫ ফংহন্নবগীদমক প্রোবিজন, শেম-শারিবা অমসুং মন্ত্রালয়না লৌখৎলিবা দরকার ওইবা খোংথাংশিং ফংহন্নবা ভিদিও কনফরেন্সকী থোংদা মীদিয়া ব্রিফিং অমা ঙসি পাংথোকখ্রে। শ্রী পাসৱান্না প্রধান মন্ত্রী শ্রী নরেন্দ্র মোদীবু স্কিম অসি নবেম্বরগী লোইরকপা ফাওবা শাংদোকখিবগীদমক থাগৎপসু ফোংদোকখি। শ্রী পাসৱান্না মীদিয়াদা খংহনখি মদুদি ঙসি ২০২০গী জুলাই ১দগী হৌগদৌরিবা প্রধান মন্ত্রী গরীব কল্যান অন্ন য়োজনাগী অনিশুবা ফেজ অসি ২০২০গী নবেম্বর লোইবা ফাওবা চৎনগনি। মতম অসিগী মনুংদা নফসা বেনিফিসরী কোতি ৮০দা পুন্না চেং লাখ মেত্রিক তন ২০০ লেম্না য়েন্থোক্লগনি, লোয়ননা ইমুং কোতি ২০গী ময়াদা হৱাই লাখ মেত্রিক তন ৯.৭৮সু য়েন্থোক্লগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635691

ওপরেসন সমুদ্র সেতু ; আই.এন.এস. জলশ্বনা ইরান্দগী ভারতকী নাগরিক ৬৮৭ পুরকখ্রে

ইন্দিয়ন নেভিনা ‘ওপরেসন সমুদ্র সেতু’গীদমক থবক পাংহনবা আই.এন.এস. জলশ্বনা ঙসি জুলাই ১, ২০২০গী অয়ুক অঙনবদা ভারতকী মীওই৬৮৭ ইরানগী বন্দর অব্বাসতগী পুরত্কুনা তুতিকোরিন হার্বরদা চংলকখ্রে। মতৌ অসুম্না ইন্দিয়ন নেভিগী জহাজশিংদা তোংহল্লগা ইরান্দগী ভারতকী মীওই৯২০ পুরকপা ঙমখ্রে। মসিগী মী হোল্লকপা অসিগা লোয়ননা হৌজিক থোক্লিবা লায়চৎ অসিগী মতমদা ইন্দিয়ন নেভিনা মালদিব্স, শ্রী লঙ্কা অমসুং ইরান্দগী ভারতকী মীওই ৩৯৯২ ময়ুমদা হল্লকহনখ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635766

এস.ই.আর. কোবিদ-১৯গী তাল্লক্তা চংদ্রবা য়াদ্রবা পোৎলমশিং য়ৌহন্নবা অখন্নবা পার্সেল ত্রেনগী ত্রিপ ২২৬৬ চেনখি

সাউথ ইস্তর্ন রেলৱেজ (এস.ই.আর.)না হৌজিক চত্থরিবা লৈবাক্কী খুদোংচাদবা অসিদা চংদ্রবা য়াদ্রবা পোৎলমশিং য়ৌহন্নবা অখন্নবা পার্সেল তাইম তেবল্দ এক্সপ্রেস ত্রেনগী ত্রিপ ২২৬৬ চেনখি। মখোয়শিং অসিনা গ্রোসরী, হিদাক-লাংথক, মেদিকেলগী খুৎলায়শিং, ঙা, উহৈ, লশিংগী পোত্থোকশিং, গন্নি বোরাশিং, হেঞ্জাং নাপীশিং, তিলহৌ, শিং, চনম অমসুং নোংমদা চংবা পোৎলম কয়া লৈবাক শিনবা থুংনা এপ্রিল ২দগী জুন ৩০, ২০২০ ফাওবা চেনখি। হায়রিবা মতম অসিদা মখোয়না পেকেজ ১৩,৭৩,৬৪৫ য়াওবা পার্সেল তোন ৩৬,৫৩২ লৈবাক্কী মফম অমদগী মফম অমদা পুত্থোক পুশিন তৌখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1635687

পি.আই.বি. ফিল্দ ওফিসশিংদগী লাকপা ইনপুৎশিং

• কেরলাঃ স্তেৎ এগ্রিকলচর মন্ত্রী ভি.এস. সুনিল কুমারনা এরনাকুলম কৈথেলদা কোবিদ-১৯ শন্দোরক্লিবা অসি য়েংলদুনা কোচিদা য়াম্না চেকশিনফম থোকই হায়খ্রে। এরনাকুলম জিলাদা হৌজিক ফাওবদি কম্ম্যুনিতী ত্রান্সমিসন লৈত্রী অদুবু লায়না অসিবু লোৎশিন্দুনা কাংলোন থুগায়বা মীওইশিংদি চৈরাক পীগনি হায়না মহাক্না হায়খ্রে। কুৱেত্তগী হল্লকপা কোবিদ নাবা মীওই অমদি অরুবা ফিভমদা লৈরি। ঙরাং কনফর্ম ওইখিবা মীওই ১২গী মনুংদা ৮দি অমগা অমগা শম্নবদগী শন্দোরকপনি। কৈথেল অমগী মীওই পোজিতিব ওইরকপদগী মীওই ২৬কী স্বাব সেম্পল লৌখৎখ্রে। দিল্লীদা কেরলাগী নন অমা লৈখিদ্রে। ঙরাং রাজ্যসিদা অনৌবা কেস ১৫১ অমসুং মীওই ১৩২ নাবা ফবগী রিপোর্ত লাকখি। রাজ্য শিনবা থুংনা মীওই ২১৩০ লায়েংলি।
• তমিল নাদুঃ পুদুচেরীদা অনৌবা কোবিদ-১৯গী কেস ৬৩ লাকখি অমসুং হৌজিক হৌজিক মীওই ৪৫৯ লায়েংলি। হৌজিক ওইরিবা ফিভম অসিনা মীখল পাংথোকপা য়ারোইদবনা রাজ্য সরকারনা অর্বান লোকেল বোদিশিংগী তর্ম্বু হান্না শাংদোকখ্রবা জুন ৩০দগী অমুক দিসেম্বর ৩১, ২০২০ ফাওবা শংদোক্নবা ৱারোল অমা থোকখ্রে। ঙরাং অনৌবা কেস ৩৮৮২, নাবা ফবা ২৮৫২ অমসুং মীওই ৬৩ লৈখিদবগী রিপোর্ত লাকখি। হৌজিক ফাওবগী অপুনবা কেসঃ৯৪০৪৯, এক্তিব কেসঃ ৩৯৮৫৬, লৈখিদ্রবাঃ ১২৬৪ অমসুং চেন্নইগী এক্তিব কেসঃ ২২৭৭৭নি।
• করনাতকাঃ কোবিদ লাকশিন্নবা হায়দুনা রাজ্যসিনা এস.এস.এল.সি. (স্তেন্দর্দ ১০)গী পরিখা হেক লোয়বগা জুলাই ৭তগী হৌদুনা কন্তেনমেন্ত জোনশিংদা লোকদাউনগী কাংলোন চৎনহন্নবা খন্নরি। কোবিদকী কাংলোন ইন্দনা লৈখিদবা মীওই ফুম্বগী ৱাকৎ লাকপদগী রাজ্যনা দিস্ত্রিক্ত কলেক্তর খুদিংদা শহরগী মপান্দা লৈবা কোবিদতগী লৈখিদবা মীওইশিং ফুম্ফম খংদোক্নবা হায়খ্রে। ঙরাং অনৌবা কেস ১২৭২, দিসচার্জ তৌখিবা ১৪৫ অমসুং মীওই ৭ লৈখিদবগী রিপোর্ত লাকখি। হৌজিক ফাওবগী অপুনবা কেসঃ ১৬৫১৪, এক্তিব কেসঃ ৮১৯৪, লৈখিদ্রবাঃ ২৫৩ অমসুং দিসচার্জ তৌখিবাঃ ৮০৬৩নি।
• আন্ধ্র প্রদেশঃ হাইদ্রবাদকী জি.ঐচ.এম.সি.গী অনকপদা লৈবা মফমশিং অমসুং তেলঙ্গানাগা থংনবা জিলাশিংদা নুমিৎ-১৫গী কমপ্লীৎ লোকদাউন লৈগনি তাবদগী এ.পি.দগী লাকপা মীওইশিংদি ময়ুমদা হন্নখ্রে। মসিগী মরম ওইদুনা আন্ধ্র-তেলঙ্গানাগী ঙমখৈদা গারীগী ক্যু শাংনা লৈদুনা অচৌবা ত্রাফিক জাম থোকখ্রে। রাজ্যসিনা একাদমিক সিলেবস অসি ৩০%দা ককথনবা অমসুং ৱর্কিং দেজ অসিনা নুমিৎ ১৮০নিদা হন্থহন্দুনা ওগস্ত ৩, ২০২০দগী ২০২১গী মেগী অনিশুবা চয়োলফাওবা ওইরগনি। হৌখিবা পুং ২৪দা সেম্পল ১৪২৮৫ তেস্ত তৌরবা মতুংদা অনৌবা কেস ৮৪৫, দিসচার্জ তৌখিবা ২৮১ অমসুং মীওই ৫ লৈখিদবগী রিপোর্ত লাকখি। কেস ৮৪৫কী মনুংদা ২৯দি রাজ্য মনুংদগী শন্দোকপনি অমসুং মরি অমনা মপান্দগী শন্দোরকপনি। অপুনবান কেস মশিংঃ১৬০৯৭, এক্তিব কেসঃ ৮৫৮৬, দিসচার্জ তৌখিবাঃ ৭৩১৩ অমসুং লৈখিদ্রবাঃ১৯৮নি।
• তেলঙ্গানাঃ লন্নাইগী হোস্পিতালশিংনা কোবিদ-১৯গী অনাবা লায়েংনবা সরকারগী অয়াবা ঙাইরি। ফমুং ১০০ লৈবা হোস্পিতালশিংনা কোবিদ-১৯গী অনাবা লায়েংনবা লৌবদা ইনগদবা কাংলোনশিং সরকারনা হায়খ্রে। ঙরাং অনৌবা কেসঃ ১০১৮, নাবা ফখিবাঃ ৭৮৮ অমসুং মীওই ৭ লৈখিদবগী রিপোর্ত লাকখি। ঙরাং ফাওবগী অপুনবা কেসঃ ১৭৩৫৭, এক্তিব কেসঃ ৯০০৮, লৈখিদ্রবাঃ ২৬৭ অমসুং দিসচার্জ তৌখিবাঃ ৮০৮২নি।
• মহারাস্ত্রাঃ রাজ্যসিগী হৌজিক্কী কোবিদকী অনাবগী মশিং অসি ১৮০২৯৮নি। য়ুমশকৈশা নুমিত্তা অনৌবা কেস ৫৫৩৭ পোজিতিব ওইখি অমসুং মীওই ২২৪৩না নাবা ফখি। রাজ্যসিগী অপুনবা ওইনা মীওই ৯৩১৫৪নাবা ফদুনা দিসচার্জ তৌখ্রে। অপুনবা এক্তিব কেস ৭৯০৭৫ লৈরি।
• গুজরাতঃ রাজ্যসিদা কোবিদ-১৯গী অপুনবা কেস মশিং ৩৩৩১৮ য়ৌখ্রে অমসুং হৌখিবা পুং ২৪দা অনৌবা কেস ৬৭৫ লাকখি। মসিগা লোয়ননা মীওই ২১ লৈখিদবদগী অপুনবা মশিং ১৮৬৯ য়ৌখ্রে।
• রাজস্থানঃ ঙসি অয়ুক ফাওবদা অনৌবা কেস ১১৫ অমসুং মীওই ৫ লৈখিদবদগী অপুনবা কেস মশিং ১৮৪২৭ য়ৌখ্রে। রাজ্যসিদা অপুনবা এক্তিব কেস ৩৩৫৮ লৈরি অমসুং অনাবা ১৪৬৪৩ নাবা ফখ্রে। উদয়পুরনা খ্বাইদগী য়াম্বা কেস (২১), মথংদা বিকানের (১২) অমসুং রাজাসমন্দ অমসুং ধোল্পুরনা (১০/১০) রিপোর্ত তৌরকখি।
• মধ্য প্রদেশঃ য়ুমশকৈশা নুমিত্তা অনৌবা কেস ২৬৮ লাক্তুনা রাজ্যসিগী অপুনবা কেস মশিং ১৩৮৬১ য়ৌখ্রে। এক্তিব কেস ২৬২৫ লৈরিঙৈদা অপুনবা নাবা ফবা কেস মশিং ১০৬৫৫ অমসুং মীওই ৫৮১ লৈখিদ্রে। য়ুমশকৈশা নুমিত্তা হোৎস্পোৎ ওই রিবা ইন্দোরদা অনৌবা কেস ২৫ অমসুং মীওই ৩ লৈখিদবগী রিপোর্ত লাকখি। ইন্দোরগী অপুনবা কেস ৪৭৩৪ লোইরি। রাজ্যগী কোনুং ভোপালদা য়ুমশকৈশা নুমিত্তা অনৌবা কেস ৪১ অমসুং মীওই ৪ লৈখিদবগী রিপোর্ত লাকখি। মসিদগী ভোপালগী অপুনবা কেস মশিং ২৮৩০ লৈরে। মোরেনা জিলাদা খ্বাইদগী য়াম্বা অনৌবা কেস মশিং (৭৩) অমসুং মীওই ১ লৈখিদে, মথংদা গ্বালিওরদা অনৌবা কেস ২৫ অমসুং ভিন্দদা অনৌবা কেস ২২ য়ুমশকৈশা নুমিত্তা লাকখি।
• ছতিশগরঃ রাজ্যসিদা য়ুমশকৈশা নুমিত্তা অনৌবা কেস ৮১, নাবা ফখিবা ৫৩ অমসুং মীওই ১ লৈখিদবগী রিপোর্ত লাকখি। রাজ্যসিগী হৌজিক্কী ওইবা অপুনবা কেস ২৯৪০ লৈবগী মনুংদা এক্তিব কেস মশিং ৬২৩নি।
• গোৱাঃ য়ুমশকৈশা নুমিত্তা অনৌবা পোজিতিব কেস ৭২ লাক্তুনা অপুনবা কোবিদ-১৯গী মশিং অসি ১৩৮৭ য়ৌখ্রে। হৌজিক এক্তিব কেস মশিং ৭১৩ লৈরি। নুমিৎশিদা মীওই ৭৪ নাবা ফদুনা অপুনবা নাবা ফবা মশিং ৬৭০ শুখ্রে। লোয়ননা কুইনদগী অনাবা লৈরক্লবা কোবিদকী অনাবা অমা লৈখিদগদগী রাজ্যসিগী অপুনবা লৈখিদবা মীওইগী মশিং ৪ শুখ্রে।
• অরুনাচল প্রদেশঃ হৌজিক ফাওবদা রাজ্যসিদা কোবিদ-১৯গী অপুনবা সেম্পল ২৪৮৫৬ লৌখ্রে। মসিগী মনুংদা মীওই ১৬৬৯না রিজল্ত লাকপা ঙাইরি। হউজিক ফাওবদা এক্তিব কেস ১২৮ লৈরি অমসুং মীওই ৬৬ দিসচার্জ তৌখ্রে। রাজ্যসিগী দোইমুখকী বাজার কম্মিত্তীনা কোবিদ-১৯ শন্দোরকপা থিংনবা হায়দুনা জুলাই ৫ ফাওবা নুমিত মরিনিগী বাজার পুংথিন থিংজিনবা হায়না য়নখ্রে।
• অসমঃ রাজ্যগী মুখ্য মন্ত্রীনা কোবিদ-১৯দগী মীওই অনি ঙসি লৈখিদ্রে হায়না ত্বীত তৌখ্রে।
• মনিপুরঃ চুরাচান্দপুরগী এন.আই.ই.এল.আই.তি. এস্কতেন্সন সেন্তরদা ঙসি চুরাচান্দপুর কোবিদ-১৯ কেয়র সেন্তর অমা শংগাখ্রে। ফমুং ৫০ থাবা সেন্তর অসি সি.এম.ও. চুরাচান্দপুরনা য়েংশিনগনি।
• মিজোরমঃ হৌখিবা পুং ২৪দা অনৌবা কেস অমত্তা লাকখিদে। স্বাব সেম্পল ৩৮২ তেস্ত তৌবদা লোয়নমক নেগেতিব ওই রে অমসুং সেম্পল ১৫গী রিজল্ত ঙাইরি। রাজ্যসিগী এক্তিব কেস মশিং ৩৭ লৈরি অমসুং মীওই ১২৩ নাবা ফখ্রে অমসুং অপুনবা কেস মশিংনা ১৬০ লৈরি।
• নাগালেন্দঃ রাজ্যসিদা জোবিদ-১৯গী অনৌবা কেস মশিং ৩৪ লাক্তুনা অপুনবা কেস মশিং ৫৩৫ য়ৌখ্রে অমসুং মসিগী মনুংদা এক্তিব কেস ৩৫৩ অমসুং নাবা ফখিবা মশিং ১৮২নি। রাজ্যগী হকশেল অমসুং য়াইফ য়ুম্বাল মন্ত্রীনা ত্যুন্সাংদা থমগদবা বি.এস.এল.-২ লেবকী খুৎলায়গী অহানবা বেৎচ য়ৌরকখ্রে অমসুং ৱার ফুতিংদা তেক্নিকেল থবকশিং পাংথোক্লগনি হায়খ্রে।
• চান্দিগরঃ য়ু.তি. চন্দিগরগী এদ্মিনিস্ত্রেতরনা লাইহৌ, আই.এল.আই., সারি, সারস অমসুং ভেক্তর খুদিংমক কোবিদকীদমক্তা তেস্ত তৌনবা খংহনখ্রে। য়ুম্লোন্নবদা চিংনবা হেক লৈরগা হায়রক্নবা হায়খ্রে অমসুং মসিগী মতুং ইন্না তেস্তিং তৌনবা শিনগনি হায়খ্রে। গৃহ মন্ত্রালয়না থোকখিবা অনলোক ২গী ওর্দরশিং অসি য়ুনিয়ন তেরিতরী চান্দিগরদা চৎনবা হৌখ্রে। মাস্ক উপ্পা, মীয়মা তিনবা মফমদা সোসিএল দিস্তেন্সিং তৌবগী অহকপা চৎনহনবা লৈগনি অমসুং কাংলোন ইন্দবা খুদিংমক মতিক চাবা চৈরাক পীগনি হায়খ্রে।
• পঞ্জাবঃ কোরোনাভাইরস শন্দোরকপদগী সরকারগী হোস্পিতালশিংদা অনাবগী মশিং হেনগৎলক্লিবা অসিবু নিংথিনা থেংননবা হায়দুনা পঞ্জাবকী কেবিনেৎনা হকশেল বিভাগতা হাংদুনা লৈরিবা রেগুলার পোস্ত ৩৯৫৪ অমসুং মেদিকেল ইদুকেসন এন্দ রিসর্চ দিপার্তমেন্তকী পোস্ত ২৯১ মেনশিন্নবা অয়াবা পীখ্রে।
• হিমাচল প্রদেশঃ মুখ্য মন্ত্রী গ্রাম কৌশল য়োজনাগী বেনিফিশরীশিংগা ভিদিও কনফরেন্সিংগী খুত্থাংদা পাউ ফাওনবদা মুখ্য মন্ত্রীনা কোবিদ-১৯গী লায়চৎসিগী মনুংদা খুঙ্গংগী শেন্মিৎলোনখক হিংবা ঙমখি অমসুং মসিনা হায়বদি মসিগী লমসিদা খুদোংথিবা পুম্নমক থেংনবা ঙম্বগী মতিক লৈ হায়খি। নহাশিংদা পান্দম থম্বা খুঙ্গং চাউখৎহন্নবগী খোংথাং কয়া লৌখৎফম থোকই অমসুং মসি ওইরবদি মখোয়শিং অসি শহরদা চত্তুনা থবক থীরুদ্রবসু য়ারে হায়না হায়খি।
• হরয়ানাঃ কোবিদ-১৯গী লায়চৎ মনুংসিদা হরয়ানা সরকারনা রাজ্য পুম্বদা লৈবা পব্লিক অমসুং প্রাইবেৎ হেলথ ইন্সতিত্যুসনশিংবু মপাঙ্গল হেনগৎহন্দুনা মীরোনবী নুপীশিংদা তেক্ত কায়দবা অমসুং অরেপ্পা লৈতবা ইন্সতিত্যুস্নেল দেলিবরী ফেসিলিতী লৈহন্নবদা অকনবা মিৎয়েং চংখ্রে। মসিগা লোয়ননা, কোবিদ-১৯ পোজিতিব ওইবা নুপীশিং অসি অখন্নবা কোবিদ হোস্পিতালদা থাবা য়ারক্তবা মতমদা মখোয়গীদমক্তা দেলিবরী তৌনবা আইসোলেসন ৱার্দ অমা শেম্বসু য়াই।

ফেক্ত চেক