(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কেস ৭০,৭৫৬গী লৈরে, মসিগী মনুংদগী মীওই ২২,৪৫৫ নাবা ফখ্রে, মসিনা নাবা ফবগী চাং ৩১.৭৪দা হেনগৎলে অমসুং মীওই ২২৯৩ লৈখিদ্রে।
• পুং ২৪গী মনুংদা অনৌবা কোবিদ-১৯ কেস ৩৬০৪ রিপোর্ত তৌরকখ্রে।
• হান্না নুমিৎ ১৪নিদা ১০.৯ ওইরম্বা দব্লিং তাইমসু নুমিৎ ৩নিদা ১২.২ ওইদুনা ফগৎলে।
• প্রধান মন্ত্রীনা রাজ্য/য়ু.তি.শিংগী মুখ্য মন্ত্রীশিংগা ভারতনা কোবিদ-১৯ থেংনরিবসিদা খুমাং চাউশিন্নবগী মতাংদা খন্ন-নৈনখ্রে; খুঙ্গংগী মফমশিংদা কোবিদ-১৯ শন্দোকপা থিংনবা থৌরাং পায়খৎকদবনি হায়না প্রধান মন্ত্রীনা ফোংদোকখ্রে।
• ঙসি অয়ুক্তা তোঙান-তোঙানবা রাজ্যশিংদগী "শ্রামিক স্পিসিএল" ত্রেন ৫৪২ থাখি।
• বন্দে ভারত মিসনগী মখাদা হৌখিবা নুমিৎ ৫নি অসিদা ভারত মচা ৬০৩৭ য়ুমদা হল্লকখ্রে

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী অপদেৎঃ ভারতনা মালেমগী ওইনা মীশিং লাখ অমদা কেস মশিং খ্বাইদগী নেম্বশিংগী মরক্তা অমা ওইরি অমসুং লাইনা অসিদগী ফগৎখিবা অমসুং ইক্তিব ওইরিবা কেসশিংগী মরক্তা লৈরিবা খেৎনবা অদু মখাতানা লেপতনা অদুমক হেনগৎলক্লি

২০২০গী জুনে ২১দা থোকখিবা দবল্যু.ঐচ.ও.গী সিচুৱেশন রিপোর্ত অদুনা উৎলি মদুদি ভারতকী পোপ্যুলেশন দেন্সিতী য়াম্না ৱাংজরবসু মীশিং লাখ অমদা কেস মশিং খ্বাইদগী নেমবশিংগী মরক্তা অমনি। ভারতকী মীশিং লাখ অমদা লৈবা কেস মশিং অসি ৩০.০৪ নি অদুগা মালেমগী চাংচত্তা লৈরিবা কেসশিংগী মশিং অদুনা শরুক অহুমগী মথক্তা হেন্দুনা ১১৪.৬৭ দা লৈরি। য়ু.এস.কী মীশিং লাখ অমদা কেস ৬৭১.২৪ লৈ অদুগা জর্মনী, স্পেন অমসুং ব্রাজিলগী মশিংনা মথংশিৎনা ৫৮৩.৮৮, ৫২৬.২২ অমসুং ৪৮৯.৪২ নি। মশিং নেম্না লৈরিবা অসিনা কোবিদ-১৯ অসিবু ঙাকথোক্ননবা, নমথনবা অমসুং লাখশিন্ননবদমক্তা রাজ্যশিং/য়ু.তি.শিংগা লোইননা ভারত সরকারনা মচা খায়না, মখা তানা থোরক্তনবা অমসুং লৈরিবা ফিভম অসিদগী হেঞ্জিল্লক্তনবগী খোংথাং কয়া লৌখৎলি হায়বদু ময়েক শেংনা তাক্লি।

হৌজিক ফাওবদা পুন্না পেসেন্ত ২,৩৭,১৯৫, কোবিদ-১৯দগী নাবা ফখ্রে। হৌখিবা পুং ২৪দা কোবিদ-১৯গীপেসেন্ত পুন্না ৯,৪৪০ নাবা ফখ্রে। কোবিদ-১৯গী পেসেন্তশিংগী মরক্তা ফগৎলকপগী চাং অসি ৫৫.৭৭% নি। হৌজিক্কী ওইনদি, এক্তিব কেস ১,৭৪,৩৮৭ লৈরি অমসুং মখোয়শিং অদু এক্তিব মদিকেল সুপর্ভিজন মখাদা থম্লি। ফখ্রবা পেসেন্তশিং অমসুং এক্তিব ওইরিবা কোবিদ-১৯গী কেসশিংগী মরক্তা লৈরিবা খেৎনবা অদু লেপতনা অদুমক হেগৎলক্লি, হায়রিবা অসি মখাগী গ্রাফ অসিদগী ঊবা ঙমগনি। ঙসি ফগৎখিবা পেসেন্তশিংগী মশিংনা এক্তিব ওইরিবা পেসেন্তশিংগী মশিংদগী ৬২,৮০৮ হেনগৎখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1633287

কেন্দ্রগী গৃহ মন্ত্রী শ্রী অমিৎ শাহনা দিল্লীদা দা. ভি.কে. পাউল কম্মিতীগী কোবিদ-১৯ লাকশিন্নবগী খোংথাংশিং পুথোকখিবা অৱাংবা থাক্কী মীফম অমগী ময়াই তাংবল লৌখ্রে

কেন্দ্রগী গৃহ মন্ত্রী শ্রী অমিৎ শাহগী মীৎয়েং মখাদা, তাং ১৪.০৬.২০২০দা দা. বিনোদ পাউলনা লুচিংদুনা দিল্লীগী কোবিদ-১৯ লাকশিন্নবা থৌরাংশিংগী রিপোর্ত অমা পীশিন্নবা কম্মিতী অমা শেমখি। দা. পাউলগী রিপোর্ত অদু কেন্দ্রগী য়ুম্লৈ-কৈরৈ মন্ত্রীনা ময়াই তাংবল লৌখিবা মীফম অমদা লানথোকখি। দা. পাউলনা পীখৎলকখিবা লাকশিন্নবগী থৌরাং অসিদা য়াওরিবা মরু ওইবা ৱাফমশিং মখাদা পীরিঃ কন্তেন্মেন্ত জোনশিংগী পনখৈ নৌনা য়াত্থোকপা, হায়রিবা জোনশিং অসিদা চেকশিন্না শেন্নবা অমসুং থবকশিং য়েংশিনবা আরোগ্যা সেতু অমসুং ইতিহাস এপ শীজিন্নদুনা অনাবা মী পুম্নমক্কী কন্তেক্ত ত্রেসিং তৌবা অমসুং অনাবশিংগা শম্নরুবা মীওইশিং ক্বারেন্তিন তৌবা, দিল্লীগী মপুং ফাবা ঈ পাউ লৌবা য়ানবা কন্তেন্মেন্ত জোনগী মপান্দা লৈবা য়ুমশিং ফাওবা য়াওনা খঙদোকপা অমসুং য়ুম খুদিংমক শেন্নবা, কোবিদ-১৯ পোজিতিব কেসশিং হোস্পিতাল কোবিদ কেয়র সেন্তর নত্ত্রগা হোমা আইসোলেসন্দা থম্বা। কোবিদ কেয়র সেন্তরশিং চেকশিন্না মথৌ তৌবা অমসুং হীরম অসিগী মতাংদা ভোলুন্তরী ওর্গনাইজেসন/এন.জি.ও.শিংগী মতেং লৌবা, মীওই ২০,০০০গী সেম্পল তেস্ত তৌবা য়াওনা দিল্লীদা রাং ২৭.০৬.২০২০দগী ১০.০৭.২০২০ ফাওবা সেরোলোজিকেল সর্বে তৌরগনি। মসিনা দিল্লীদা কমদৌনা লাইনা অসি শদোক্লিবনো হায়বসি খঙবদা মতেং পাংলগনি অমসুং মপুং ফাবা থৌরাং অমা লৌখৎপদ মতেং পাংলগনি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1633260

ভারতকী খ্বাইদগী চাউবা অহানবা ভর্চুএল হেল্থকিয়ার অমসুং হাইজিন এক্সপো ২০২০ মন্দাবিয়ানা হৌদোকখ্রে

অনৌবা খঙহৌ অমগীদমক মসি ভারত্তা অহানবা ওইনা পাংথোকপা ভর্চুএল একজিবিসন অমনি । অনৌবা মওং অসিদা দিজিতেল ইন্দিয়া চাউখৎলকপা ওইনা ললোন-ইতিক্কী থবকশিং ভর্চুএল ওইনা পাংথোক্কনি । থৌরম অদুদা মিনিস্তরনা হায়খি লৈবাক অসিদা অয়ুস, মেদিকেলগী খুৎলায়শিং, মেদিকেল তেক্সতাইলশিং অমসুং পোৎলমশিং, হিদাক-লাংথকশিং অমসুং হাইজিন অমসুং সেনিতেসনগী পোৎচৈশিং পুথোক্তুনা মশা-মরোমদোম লেপচবা ভারত অমা ওইহন্না ফিবম শেমগৎলে । মসিনা ঐখোয়না কোবিদ-১৯ লাইচৎ থেংনবদা হেন্না খুদোংচাহল্লগনি । ২০১৪দগী প্রধান মন্ত্রীনা লাউথোকখিবা থৌরাংশিংগী মখাদা য়ুম খুদিংদা তোইলেতশিং ফংহল্লে, অয়ুস্মান ভারতকী মখাদা ইমুং ক্রোর ১০ অনা-লায়েংগী কান্নবা ফংলে, শ্বাছ ভারত অভিয়ান , সুবিধা সেনিতরি নেপকিনগী খুদোংচাবশিং ফংহল্লে । জন ঔসাদি কেন্দ্রশিংদা অফবা হিদাকশিং অহোংবা মমলদা ফংহল্লে । হায়রিবা থবকশিং অসি নরেন্দ্র মোদী সরকারনা অকনবা পান্দম অমগা লোয়ননা থবক পায়খৎপদগী পাংথোকপা ঙম্বনি ।

অকুপ্পা ৱারোলগীদমক, https://pib.gov.in/PressReleasePage.aspx?PRID=1633323

চিঞ্জাক শেম-শাবগী লমদা অনৌবা খুদোংচাবা কয়া লৈরে : হরসিমরাত কৌর বাদাল

ঙসি য়ুনিয়ন ফুদ প্রোসেসিং ইন্দস্ত্রী মিনিস্তর শ্রীমতি হরসিমরাত কৌর বাদালনা ভারত সরকারগী নেসনেল ইনভেস্তমেন্ত প্রোমোসন এন্দ ফেসিলিতেসন এজেন্সিগী ইনভেস্ত ইন্দিয়াগী এক্সক্লুসিব ইনভেস্তমেন্ত ফোরমগী ফুদ প্রোসেসিং ইদিসন হৌদোকখ্রে । মিনিস্তরনা হায়খি কোবিদ লাইচৎনা মরম ওইদুনা সেক্তর অসিদা অঙকপা শিংনবা কয়া উরে অমসুং লোকদাউন মাইপাকহনবদা মরুওইবা থৌদাং অমা লৌরি । হৌজিক মালেমগী ললোন-ইতিক্কী থবকশিংদা মায়োক্নরিবা খরদি লৈবাক মনুংদা পোৎ লৈবা হন্থরকপা অসিনি । থেংনরিবা শিংনবশিং অসিদগী অনৌবা খুদোংচাবা পীনবা ইনভেস্তর ১৮০, রাজ্য সরকার ৬ অমসুং কেন্দ্র সরকারনা চপ মান্নবা মফম অমসুং মতমদা পুন্দুনা মসি থবক ওইনা পাংথোকপা ঙমহল্লে ।

অকুপ্পা ৱারোলগীদমক, https://pib.gov.in/PressReleasePage.aspx?PRID=1633367

হৌখিবা শেনবা চহি অনিসিদা ই.পি.এফ.ও.দা সবস্ক্রাইবর কোতি ১.৩২ হেনগৎখ্রে

ই.পি.এফ.ও.না হন্দক্তা নৌনা ফোংখিবা মরক্কী ওইবা পেরোল দেতাদা সেপ্তেম্বর ২০১৭তগী পেরোল দেতা খোম্বা হৌরকপদগী ই.পি.এফ.ও.গী লেপ্পা লৈতনা সবস্ক্রাইবর হেনগৎলকপগী মওং অমা উৎখ্রে। পেরোল দেতা অসিদা ২০১৮-১৯ অমসুং ১০১৯-২০গী পুনশিনলবা চহিগী ওইবা ফিবম উৎলি। সবস্ক্রাইবর বেজ অসিদা অহেনবা হাপচিল্লক্লিবসি ২০১৮-১৯দা লাখ ৬১.১২ ওইরম্বদগী ২০১৯-২০দা লাখ ৭৮.৫৮নি, হায়রিবসি ২৮% চাউখৎলে। ২০১৯-২০গী মনুংদা চহি-চহিগী কাঙলুপ ওইনা পাথোক্তুনা য়েংবদা, চহি ২৬-২৮, ২৯-৩৫ অমসুং ৩৫গী মথক্কী কাঙলুপকী অহেনবা য়াওরকপগী চাং অসি মমাঙ চহিগা চাংদম্নবা মতমদা ৫০% হেনগৎখ্রে। ওনলাইন মোদতা সর্বিস পীবগী থাক কা হেন্না ৱাংখৎলকপনা লৈবাক অসিদা লৈরিবা ৱার্কফোর্সশিংবু ই.পি.এফ.ও.গী সর্বিসশিংদা চিংশিল্লকখি। মসিগীসু মথক্তা, পি.এফ.তা থমজিনবা হায়বসি হৌজিক্তি পন্দুনা লৈখ্রবা শেলনি হায়না উনদ্রে।

অকুপ্পা ৱারোলগীদমক, https://pib.gov.in/PressReleasePage.aspx?PRID=1633325

কেন্দ্রগী মন্ত্রী দোক্তর জিতেন্দ্রা সিংহনা “এস্পিরেস্নেল” দিস্ত্রিক্তশিংদা হেল্থকেয়রগী খুদোংচাবশিং য়েংশিনখ্রে

দেবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও. পর্সনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী কেন্দ্রগী মন্ত্রী (ইন্দিপেন্দেন্ত চার্জ) দোক্তর জিতেন্দ্র সিংহনা ঙসি অৱাং নোংপোকদা অখন্নবা মীৎ্য়েং থম্লগা লোয়ননা “এস্পিরেস্নেল” দিস্ত্রিক্তশিংদা ওইরিবা কোবিদকী ফীভম অমসুং হেল্থকেয়রগী খুদোংচাবশিং য়েংশিনখ্রে। কোবিদকী লায়চৎ থোক্লকপা অসিদা নোর্থ ইস্তর্ন (দোনর) মন্ত্রালয়না অৱাং নোংপোক্কী স্তেৎ নিপালগী হেল্থকেয়রগী খুদোংচাবশিং হেনগৎহন্ননবা, মরু ওইনা লৌনগনবা লায়নাশিং লাকশিন্ননবা ইনফ্রাস্ত্রকচর শেমগৎনবা লুপা কোতি ১৯০ কায়থনবা ৱারেপ লৌখ্রে হায়নসু মহাক্না ফোঙদোকখি। হেলথ সেক্রেতরী লোয়ননা দিপুতী কম্মিসনরশিং অমসুং হেল্থ ওফিসিএলশিংনা শরুক য়াখিবা ভর্চ্যুয়ল মীফম অমদা ৱা ঙাংলদুনা দোক্তর জিতেন্দ্রা সিংহনা হায়, এস্পিরেস্নল দিস্ত্রিক্তকী ৱাখল্লোন অসি কী ইন্দিক্তের ৪৯দা য়ুম্ফম ওইরি, মসিদা হেল্থকেয়রগী স্তেসত অসিনা মরু ওইবা মচাক অমা ওইরি। সাইন্তিফিকেল্লী দিজাইন তৌবা মেকানিজমগী খুত্থাংদা এস্পিরেস্নেল দিস্ত্রিক্ত খুদিংমক্না কী ইন্দিক্তেরশিং ফগৎহনবদা মীৎয়েং থমগনি অমসুং পীরিবা ইন্দিক্তেরদা মখোয়গী রেতিং অদু খ্বাইদগী থবক ফজনা তৌবা স্তেৎকী দিস্ত্রিক্ততা অমসুং খ্বাইদগী থবক ফজনা তৌবা লৈবাক্কী দিস্ত্রিক্ততা হেনগৎহন্নবা হোৎনবনি হায়না মহাক্না মখা তাখি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1633215

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাব সরকারনা লনাই হোস্পিতালশিংগী কোবিদকী হোস্পিতলাইজেসন অমসুং লায়েংগী মমলশিং কেপ তৌরগনি অমসুং হায়রিবা অসি ঙাক্না চত্তবশিংনা হাংবা য়াহল্লরোই। লনাই হোস্পিতালশিংনা ফী চাওনা লৌবগী ৱাকৎশিং মুন্না খন্নরগা, চীফ মিনিস্তরনা অসিগুম্বা থৌওং অসি ‘মীয়ামগী মায়োক্তা অমসুং লৈবাক্কী মায়োক্তা’ লৈবনি হায়না লৌই অমসুং লনাই ইন্সিতিত্যুসনশিংনা অসিগুম্বা ইকাইনিঙাই ওইবা মীওইবগী পুন্সিগী মমলদা শেন ওইনা তানবা অসি তৌবা য়ারোই হায়না চেকশিন ৱা থমখি।
• হরিয়ানা: ৬শুবা ‘মালেমগী য়োগগী নুমিৎ’কী থৌরমদা ৱা ঙাংলদুনা, হরিয়ানাগী চীফ মিনিস্তরনা হায় মদুদি স্তেৎ সরকারনা পাক শন্না চহি খুদিংগী ২০১৫দগী হৌনা মালেমগী য়োগগী নুমিৎ পালন তৌরক্লি মসিগী মখাদা স্তেৎকী থাক্তা থৌরম পাঙথোকপগী মথক্তা দিস্ত্রিক্তকী থাক্তা থৌরমশিং শীল্লি মসিদা মীওই কয়ানা পুন্না য়োগ তৌরি অমসুং অতো্পা মীওইশিংদসু মখোয়গী পন্সিদা য়োগ তৌনবা ইথিল পোকহল্লি। অদুবু চহি অসিদি কোবিদ-১৯না মরম ওইরগা থৌরমশিং শীনবগী মহুৎ মীয়ামদা মশাগী য়ুমদা য়োগ তৌনবা হায়খি মরমদি মসি খক্তনা লায়চৎ অসি মপুং ফানা মাইথীবা পীবা ঙমগনি।
• মহারাস্ত্রা: স্তেৎ অসিগী হৌজিক লৈরিবা কোবিদ১৯গী অনাবা মীওইগী মশিং অসি ১,৩২,০৭৫। হৌখিবা পু ২৪দা পোজিতিব ওইবা অনৌবা মীওই ৩,৮৭০ খঙদোকপা ঙমখ্রে। লোয়ননা, মীওই ১,৫৯১ লায়েংদুনা ফহনখ্রে ,মসিনা অপুনবা ফগৎখ্রবা মীওইগী মশিং ৬৫৭৪৪ শুখ্রে। অপুনবা এক্তিব কেস ৬০,১৪৭ লৈরি। ব্রিহানমুম্বাই ম্যুনিসিপাল কোর্পরেসন- বি.এম.সি.না শাহাজি রাজে ভোসলে কমপ্লেক্স, অন্ধেরিদা মিসন জেরো রেপিদ এক্সন প্লান হৌদোকখ্রে। “অনাবা মীওইশিংগী প্রিলিমিনরী একজামিনেসনগীদমক মুলুন্দ, ভান্দুপ, অন্ধেরি, মালাদ, বোরিবালি, দাহিসর অমসুং কান্দিবালিদা মোবাইল দিসপেন্সরী ভেন ৫০না চয়োল ২-৩ চৎকনি।”
• গুজরাৎ: নোংমাইজিং নুমিৎতা অনৌবা কেস ৫৮০ অমসুং শীখিবা ২৫গা লোয়ননা গুজরাৎতা কোবিদ-১৯গী অনাবা খংহেন হেনগৎতুনা অনাবা মশিং ২৭,৩১৭ অমসুং শীখিবা ১,৬৬৪ শুখ্রে। দিসচার্জ তৌখিবা ৬৫৫কা লোয়ননা হৌজিক ফাওবদা অনাবা ১৯,৩৫৭ দিসচার্জ তৌখ্রে।
• রাজস্থান: ঙসি অনৌবা কেস ৬৭ রিপোর্ত তৌরদুনা, স্তেৎ অসিগী অপুনবা কোবিদ-১৯ পোজিতিব ওইবা কেস মশিং ১৪,৯৯৭ শুখ্রে। অদুম ওইনমক হৌজিক ফাওবদা অনাবা ১১,৬৬১ নাবা ফখ্রে অমসুং শীখিবা ৩৪৯ রিপোর্ত তৌখ্রে। হৌজিক্কী ওইনা এক্তিব কেস ২,৯৮৭খক লৈরি।
• মধ্য প্রদেশ: অনৌবা অনাবা ১৭৯ পোজিতিব ওইদুনা, স্তেৎ অসিগী কোবিদ-১৯ পোজিতিব অপুনবা কেস মশিং ১১,৯০৩ শুখ্রে। অদুগা নোংমাইজিং ফাওবদা অনাবা ৯,০১৫না নাবা ফখ্রে অমসুং শীখিবা ৫১৫ রিপোর্ত তৌখ্রে, এক্তিব কেসকী মশিংনা ২৩৭৩দা লৈরি। ইন্দোরদা অপুনবা কেস মশিং ৪,৩২৯নি অমসুং ভোপালদনা ২,৫০৪নি।

• ছতিশগরঃ নোংমাইজিং নুমিত্তা অনৌবা কেস ১৩৯ লাকখ্রে, মসিনা রাজ্য অসিগী কোবিদ-১৯গী অপুনবা মশীংদা ২,২৭৩ য়ৌখ্রে। রাজ্য অসিদা এক্তিব কেস ৮৪১ লৈরি।
• গোৱাঃ গোৱাদা ইহান-হানবা কোবিদনা মরম ওইদুনা লৈখিদবা অমা রিপোর্ত তৌরে- মহাক চহী ৮৫ শুরবা অৱাং থংবা গোৱাদগী মীওইনি। রাজ্য অসিদা অনৌবা পোজিতিব কেস ৬৪ অমগা হাপচিল্লক্তুনা অপুনবা কেস মশীং ৮১৮ য়ৌরে।
• কেরলা হকশেল মন্ত্রী কে.কে. শাইলাজানা হায়খ্রে মদুদি কোবিদ-১৯ অসিনা হৌজিক ফাওবদা কম্ম্যুনিতী স্প্রেদ তৌরকপগী ফিবমদি লৈত্রি অমসুং অনাবা লৈরবা মীওইশিং ফ্লাইত্তা তোংদুনা কেরলাদা লাকপা য়াদবগী ৱারেপ লৌখিবদু অতোপ্পা মশা ফরিবা মীওইশিংদা লানশিন্দনবনি। কো-ওপরেসনগী মন্ত্রী কে. সুরেন্দ্রন্না হায়খ্রে মদুদি ইন্সতিত্যুসনেল ক্বারেন্তিন সেন্তরশিং পঞ্চায়তকী থাক্তা হাংলগনি। চারতর্দ ফ্লাইৎশিংদা লোন্না শনা পুনবা হোৎনরম্বা মীওই মরী করিপুর এয়র্পোর্ত্তগী ফারে। মরকসিদা, কেরলা মচা অমসু কোবিদ-১৯না মরম ওইদুনা ওমান্দা লৈখিদ্রে। রাজ্য অসিগী কোবিদ কেস গ্রাফসু ঙরাং অনৌবা কেস ১৩৩ হাপচিল্লক্তুনা তপ্না-তপ্না কাখৎলক্লি। হৌজিক রাজ্য অসিদা এক্তিব কেস ১৪৯০ লৈরে।
• তমিল নাদুঃ পুদুচেরীদা সেম্পল তেস্ত খরখক্তমক তৌবা মরম্না অনৌবা কোবিদ-১৯ কেস মশীং হন্থনা লাক্লে, হৌজিক অপুনবা মশীং ৩৮৩ য়ৌরে। অনৌবা কেস ২,৫৩২ রিপোর্ত তৌরকপগা লোইননা তমিল নাদুগী নোংমদা কোবিদনা নাবা মশীং খ্বাইদগী ৱাংবা ওইরে; নোংমাইজিং নুমিত্তা রিকোবরী ১৪৩৮ অমসুং মীওই ৫৩ লৈখিদ্রে। চেন্নইদগী কেস ১৪৯৩ লাকখি। অপুনবা কেসঃ ৫৯৩৭৭, এক্তিব কেসঃ ২৫৮৬৩, লৈখিদ্রবাঃ ৭৫৭; দিসচার্জঃ ৩২৭৫৪, তেস্ত তৌখ্রবা সেম্পলঃ ৮৬১২১১। চেন্নইদা লৈরিবা এক্তিব কেসঃ ১৭৮৩
• করনাতাকাঃ মুখ্য মন্ত্রীনা কৌখিবা খুদক্কী ওইবা মীফম অমদা, কেস মশীং কা হেন্না ৱাংবা মরুওইনা কে.আর. মার্কেৎ অমসুং সিদাপুরাগী অকোইবা, ভি.ভি. পুরম, কালাসিপাল্যানচিংবা মী তিনবা মফমশিংদা লোকদাউন কা হেন্না চেকশিন্না চলাইবা হায়না ৱারেপ লৌখ্রে। ক্বারেন্তিন থুগাইবা মীওইশিংগী মথক্তা অকনবা থবক লৌখৎপা অমসুং তঙাই ফদ্রবদি এফ.আই.আর. পানবা। ৱার্দ খুদিংমক্তা ফেবর ক্লিনিক হাংবা হায়নসু ৱারেপ লৌখি। পুলিস ওফিসিএলশিংগী মরক্তা কোরোনা কেস ৱাংখৎলকপনা মরম ওইদুনা অমসুং বেঙ্গলোরদা পুলিস অহুম কোবিদনা মরম ওইদুনা লৈখিদ্রবা মতুংদা সিতী পুলিস কম্মিসনরনা চহী ৫৫গী মথক ওইবা পুলিস পার্সনেল খুদিংমক দ্যুতী রিপোর্ত তৌদনবা খঙহনখ্রে। অনৌবা কেস ৪৫৩, দিসচার্জ ২২৫, অমসুং মীওই মঙা ঙরাং লৈখিদ্রে। অপুনবা কেস মশীং ৯১৫০, এক্তিব কেসঃ ৩৩৯১, লৈখিদ্রবাঃ ১৩৭, দিসচার্জঃ ৫৬১৮।
• অন্ধ্র প্রদেশ: ঙরাংমক্তদা অনৌবা কেস ৪৩৯, ১৫১ দিসচার্জ তৌখ্রে অমসুং মঙা অমনা শিখিবগী পাউ লৈখ্রে। অপুনবা কেস মশিং: এক্তিব: ৩৫৯৯, রিকোভর তৌখিবা : ৩৩৫৪, শিখিবা: ১০৬।
• তেলঙ্গানা : রেকোর্দ তোনীংঙাই ওইবা মওংদা কোবিদকী অনৌবা কেস কয়া অমা থেংনখি, হায়রিবশিং অদুদা য়াম্না ঙক্নীংঙাই ওইবা মওংদা অয়াম্বা শরুক অমদি হাইদ্রবাদতগীনি; হৌজিক ফাওবদা কেস ৭,৮০২ লৈখ্রে, এক্তিব ওইবদা ৩৮৬১, রিকোভর তৌখিবদা ৩৭৩১। মার্চকী ২২দা লোকদাউন তৌদ্রিঙৈ মমাংদা রাজ্য অসিদা কেস ২২ লৈখিবগী পাঊ লৈখ্রে, মার্চ২৩ অমসুং এপ্রিল ১৪গী মরক্তা লৈখিবা লোকদাউন ১গী মনুংদা ৬২২, মার্চ ২৪দগী মে ১৭ ফাওবগী থমখিবা লোকদাউন ২গী মনুংদা কেস ৪৩৮ ফংকি অমসুং মে ৪দগী মে ১৭ ফাওবা তৌখিবা লোকদাউন ৩গী মনুংদা ৪৩৯। হায়রিবা ফিভম অসি মে ১৮দগী মেগী ৩১ ফাওবা চত্থখিবা লোকদাউন ৪গী মনুংদা অনৌবা কেস ১,১৪৭ থেংনখি। হৌজিক্কী অনলোক ১ অসিগী ম নুংদা তেলঙ্গানা রাজ্যদা কেস ৫,১০৪ থেংনখি। তেলঙ্গানা সরকারনা কোবিদকী কেস অসি খংহেন হেগৎলকপা অসিনা মরম ওইরগা জিলা খুদিংমক্তা নোংমদা তেস্ত ৫০দি তৌনবা খঙহল্লকখ্রে।
• মেঘালায়া: কোবিদ-১৯গী লাইচৎ অসিনা মরম ওইরগা থা ২গী মথক্তা কান্নরবা মতুংদা মঘালায়াগী ল্যুদহদা ঙসি হাংদোকখ্রে। মসিগা লোইননা রেসতোরেন্তশিং, কেফেশিং, শম ককফমশিং অমসুং ব্যুতী পার্লরশিংসু হাংখ্রে।
• মনিপুর : মনিপুরগী তামেংলোং জিলা অসিনা কোবিদ-১৯গী পোজিতিব কেস ১০১ লৈদুনা রাজ্য অসিদা খ্বাইদগী শোকচিল্লবা মফম ওইখ্রে, মসিগী মথংদা কাংপোকপিনা ৯৫ অমসুং চুর্চান্দপুরনা ৯৪ লৈদুনা মতুং ইল্লক্লি।
• মিজোরাম : জুহার হাখ্রবা মতুং মিজোরামদা মপুং ফানা তেংবাং পীরগনি হায়না কেন্দ্রনা থজবা পীরকখ্রে। পি.এম. নরেন্দ্র মোদি, কেন্দ্রগী গৃহ মন্ত্রী অমিত শাহ অমসুং দি.ও.এন.ই.আর.গী মন্ত্রী দা. জিতেন্দ্র সিংনা সি.এম. জোরামথাঙ্গাদা ঙসি ফোন্দা ৱারি শাখি।
• নাগালেন্দ : তঙাইফদবা নত্তনা অতৈ-অতোপ্পা মথৌ তাদবা গারীশিং চত্থোক-চৎশিন তৌবা হন্থহন্নবা নাগালেন্দগী কোনুং কোহিমাদা ওদ-ইভন ভেহিক্যুলর রুলশিং চৎনহনখ্রে। তৌইগুম্বসুং, মশক খঙলবা তঙাইফদবা সার্বিসশিংগীদমক্তা চৎলিবা গারীশিংদি মসিদগী কোমথোকখি।

*****