PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 18 JUN 2020 6:20PM by PIB Imphal

   

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • হৌখিবা পুং ২৪দা কোবিদ-১৯গী অনাবা ৭৩৯০ নাবা ফখিদুনা অপুনবা মশিং ১,৯৪,৩২৪ য়ৌখ্রে অমসুং রিকোবরী রেৎ ৫২.৯৬% য়ৌখ্রে
  • হৌজিক এক্তিব কেস ১,৬০,৩৮৪ লায়েংলি
  • দাক্তর হর্শ বর্ধন্না লৈবাক্কী অরাপ্পা অমসুং মনুং হঞ্জিনবা মফমশিংদা কোবিদ-১৯ তেস্ত তৌনবা ভারতকী অহানবা মোবাইল লেব লমথাখ্রে
  • প্রধান মন্ত্রীনা ভারতনা কোবিদ-১৯গী ইরাংদগী লান্থোকপা ঙমগনি অমসুং লৈবাক অসিনা ইরাং অসিবু খুদোংচাবদা ওন্থোক্কনি হায়খ্রে
  • সি.এস.আই.আর.- সি.দি.আর.আই.গী কেন্দিদেৎ দ্রগ য়ুমিফেনোবিরনা কোবিদ-১৯ লাইয়েংনবগী ক্লিনিকেল ত্রাইএলগী ফেস ৩ পায়খৎনবা দি.সি.জি.আই.গী অয়াবা ফংলে
  • প্রধান মন্ত্রীনা য়ুমদা হল্লক্লিবা শিন্মীশিংগী অনৌবা পুন্সি অমা পীনবা মীয়ামগী ওইবা চাউরবা থবক পীবগী স্কিম “গরীব কলয়ান রোজগার অভিয়ান” হৌদোক্লগনি

কোবিদ-১৯গী অপদেৎশিং; নাবা ফগৎলকপগী চাং ৫২%দা হেনগৎলে; দা. হর্শ বর্ধন্না ভারতকী অহানবা মোবাইল আই-লেব (লৌনগনবা লাইনাগী লাইওং খঙদোক্নবা লেব) হৌদোকখ্রে

হৌখিবা পুং ২৪ অসিদা, কোবিদ নারবা মীওই ৭৩৯০ নাবা ফখ্রে। হৌজিক ফাওবদা কোবিদ-১৯ নারম্বা অনাবা পুন্না ১,৯৪,৩২৪ ফখ্রে। নাবা ফবগী চাংসু ৫২.৯৬% য়ৌরে। হৌজিক-হৌজিক্কী ওইনা, এক্তিব কেস ১,৬০,৩৮৪ মেদিকেল সুপরবিজনগী মখাদা য়েংশিল্লি। সরকারগী লেব মশীং ৬৯৯দা হেনগৎখ্রে অমসুং প্রাইবেৎ লেবনা ২৫দা৪ হেনগৎখ্রে (অপুনবা ৯৫৩)। হৌখিবা পুং ২৪ অসিদা, সেম্পল ১,৬৫,৪১২ তেস্ত তৌখি। অপুনবা তেস্ত তৌখ্রবা সেম্পল মশীং ৬২,৪৯,৬৬৮নি। হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না কোবিদ-১৯ তেস্ত তৌনবগী অরোইবা তাংকক্কী ওইনা ভারতকী অহানবা মোবাইল আই-লেব (লৌনগনবা লাইনাগী লাইওং খঙদোক্নবা লেব) হৌদোকখ্রে। হায়রিবসি লৈবাক অসিগী অথাপ্পা, মনুং হঞ্জিনবা অমসুং লম্বী-থোংগী ফিবম চাদবা মফমশিংদা থমগনি অমসুং মসিনা সি.জি.ঐচ.এস.কী চাংদা নোংমদা কোবিদ-১৯ আর.তি.-পি.সি.আর. তেস্ত ২৫, নোংমদা এলিসা তেস্ত ৩০০, অহেনবা তি.বি. ঐচ.আই.ভি.নচিংবগী তেস্তসু তৌবা ঙমই।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632320

কমর্সিএল মাইনিংগীদমক কোয়লাগী ব্লোকশিং নিলাম লাউবা প্রধান মন্ত্রীনা হৌদোকখ্রে

ভিদিও কনফরেন্সকী খুৎথাংদা কমর্সিএল মাইনিংগীদমক কোয়লা ব্লোক ৪১ নিলাম লাউবগী থবক ঙসি প্রধান মন্ত্রী নরেন্দ্র মোদীনা হৌদোকখ্রে । নিলাম লাউনবগী থৌরাং অসি অত্মানির্ভর ভারত অভিয়ানগী মখাদা ভারত সরকারনা পরিং নাইনা লাউথোকখিবশিং অদুগী শরুক অমনি । কোয়লা মন্ত্রলয়না এফ.আই.সি.সি.আইগা লোয়ননা হায়রিবা কোয়লাগী মাইনশিং নিলাম লাউবগী থবকশিং হৌদোকপনি । কোয়লাগী খনিশিং য়েন্থোক্নবা তাঙ্কক অনি লৈবা ইলেকত্রোনিক্কী নিলাম লাউবগী থবক অমা চৎনরে । থৌরম অদুদা প্রধান মন্ত্রী মোদীনা হায়খি ভারতনা কোবিদ-১৯ লাইচৎ মাইথিবা পীবা ঙমগনি অমসুং মসিগী অৱাবা অসিদগী লৈবাক অসিনা খুদোংচাবা অমা লৌহৌগনি । মসিগী অৱাবা অসিনা অত্মানির্ভর ভারত হায়বদি মশা-মরোমদোম হিংজবা ঙম্নবগী পারা অমা ভারতনা তমহৌরে । মসিনা ভারতনা লৈবাক অসিগী লন-থুমশিং শেমগৎচবদগী লৈবাক অসিনা মপান লৈবাকশিংদগী পুশিল্লকপগী মখা পোন্দ্রে । মসিনা তাক্লিবদি হৌজিক ঐখোয়না মপান লৈবাকশিংদগী পুশিল্লক্লিবা অসি খ্বাইদগী চাউনা মপান্দা য়োনবা ঙম্বা লৈবাক অমা ওইরক্লগনি ।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632309

কমর্সিএল মাইনিংগীদমক কোয়লাগী ব্লোকশিং নিলাম লাউবগী ভর্চুৱেলগী থৌরমদা পি.এম.না ৱা ঙাংখিবগী ইংলিশকী ৱারোল

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632288

ভারতকী খুঙ্গংদা হিংনবা লম্বীশিং হেন্না ফংহন্নবা জুন ২০দা প্রধান মন্ত্রী মোদীনা গরীব কল্যান রোজগার অভিয়ান হৌদোক্কনি

অতোপ্পা রাজ্যশিংদগী হল্লকপা শিন্মীশিং অমসুং খুঙ্গংগী মীয়ামদা হিংনবা খুদোংচাবশিং পীনবা য়াম্না চাউবা খুঙ্গংগী মীয়াম থবক শুনবা স্কিম “গরীব কল্যান রোজগার অভিয়ান” হৌদোক্নবা ভারত সরকারনা ৱারেপ লৌরে। বিহারগী চীফ মিনিস্তর অমসুং দিপুতি চীফ মিনিস্তর য়াওনা ভিদিও কনফরেন্সকী খুৎথাংদা জুন ২০, ২০২০গী অয়ুক পুং ১১দা অভিয়ান অসি প্রধান মন্ত্রী মোদীনা হৌদোক্কনি। অভিয়ান অসি বিহারগী খাগারিয়া জিলাগী বেলদৌর ব্লোক্কী মনুংদা লৈবা তেলিহার খুঙ্গংদা হৌদোক্কনি। থৌরম অদুদা অতোপ্পা রাজ্য মঙাগী চীফ মিনিস্তরশিং অমসুং মরী লৈনবা মিনিস্ত্রিশিংগী য়ুনিয়ন মিনিস্তরশিং ভর্চুয়েল ওইনা শরুক য়াগনি। কোবিদ-১৯ লাইচৎ শন্দোরকপা অসিদা থাপ্নবা লৈনবা কাংলোনশিং ঙাক্নবা কম্মন সর্বিস সেন্তরশিং অমসুং কৃসি বিগ্যান কেন্দ্রশিংগী খুৎথাংদা রাজ্য ৬কী জিলা ১১৬কী খুঙ্গংশিং থৌরম অসি শরুক য়াগনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632231

প্রধান মন্ত্রী শ্রী নরেন্দ্র মোদীনা জুন ২০, ২০২০দা হৌদোক্কদবা গরীব কলয়ান রোজগার অভিয়ানগী কর্তেন রেজর প্রেস কনফরেন্স অমা পাংথোকখ্রে

প্রধান মন্ত্রী শ্রী নরেন্দ্র মোদীনা হৌদোক্কদবা গরীব কলয়ান রোজগার অভিয়ানগী কর্তেন রেজর প্রেস কনফরেন্স অমা পাংথোকখ্রে। প্রেস কনফরেন্স অদুদা ৱা ঙাংবদা শেলথুমগী মন্ত্রী শ্রীমতি নিরমলা সিতারামন্না লৈবাক শিনবা থুংনা লৈরিবা শিন্মীশিং, নুপা অমসুং নুপী অনিমক, কোবিদ-১০গী লোকদাউন অসিনা মরম ওইদুনা মশিং য়াম্না ময়ুমদা হন্নরি। ভারত সরকারনা রাজ্য সরকারশিংগা খুৎশম্নদুনা শিন্মী মশিং য়াম্না হল্লকপা জিলাশিং মশক খংদোকলি অমসুং রাজ্য ৬, বিহার, উত্তর প্রদেশ, মধ্য প্রদেশ, রাজস্থান, ঝারখন্দ অমসুং ওরিশা, অসিগী জিলা ১১৬তা মশিং য়াম্লবা শিন্মীশিং হল্লকখ্রে। মখোয়শিং অসিগী হৈজবীশিং অসি রাজ্য সরকারগা মতেং পাংনদুনা খংদোক্লি অমসুং থবক অমা নত্ত্রগা অমদা য়াম্না হৈবা মীওইশিংসু য়াওরি। মসিদা য়ুমফম ওইরগা অমসুং লাক্কদৌরিবা থা ৪ অসিদা মখোয়গী খুদোংচাদবশিং হন্থহনবা ঙম্নবা হায়দুনা ভারত সরকারনা চাউরবা খুঙ্গংগী মীয়ামগী থবক্কী স্কিম “গরীব কলয়ান রোজগার অভিয়ান” কৌবা খোংথাং অমা হৌদোক্নবা ৱারেপ লৌখ্রে অমসুং মসিনা য়ুমদা হল্লক্লবা শিন্মীশিংবু মপাঙ্গল হাপ্তুনা হিংনবা লম্বী অমা ফংনবা খুদোংচাবা পীগনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632350

দিল্লীদা কোবিদকী ফীভম লাকশিন্নবা লৌখৎপা য়াম্লবা খোংথাংশিং য়েংনশিন্ননবা মীফম কেন্দ্রগী গৃহ মন্ত্রী শ্রী অমিৎ শাহনা চিয়র লৌদুনা মথং-মনাও নাইনা নৌনা পাঙথোকখ্রে

নোংমাইজিং অমসুং নিংথৌকাবা নুমিৎ, জুন ১৪-১৫দা মথং-মনাও নাইনা পাঙথোকখিবা মীফম অমদা কেন্দ্রগী গৃহ মন্ত্রী শ্রী অমিৎ শাহনা লৌখিবা ৱারেপশিংগী মতুং ইন্না, দিল্লীদা কোবিদ-১৯গী ফীভম লাকশিন্ননবা খুদক্তা সেম্পল তেস্ত তৌবগী চাং শরুক অনি হেনগৎহনখ্রে। জুন ১৫-১৬তা অপুনবা সেম্পল ১৬,৬১৮ তেস্ত তৌনবা খোমগৎখি। জুন ১৪ ফাওবদা নোংমগী খোমগৎপা সেম্পল অসি ৪,০০০-৪,৫০০গী মরক্তা লৈরম্মি। আই.সি.এম.আর.না এপ্রুব তৌবা অনৌবা প্রোতোকলগী মতুং ইন্না কেন্দ্রগী হোম পুবা মন্ত্রীনা লৌখিবা ৱারেপশিংগী মনুংদা খোংথাং অমা ওইনা, অনৌবা রেপিদ এন্তি এজেন্ত মেথোলোজিগী মতুং ইন্না জুন ১৮দী চৎনবা হৌদুনা কোবিদ-১৯গী তেস্ত তৌরগনি। তেক্নিক অসি হেন্না য়াংগনি অমসুং হোংগনি। কিৎশিং সপ্লাই তৌবগী খুদোংচাবা অসি দিল্লীদা পীগনি অমসুং সেম্পলশিং খোমগৎনবা অমসুং তেস্ত তৌনবা দিল্লীদা সেন্তর ১৬৯ লিংখৎখ্রে।

 

অকুপ্পা মরোলগীদমকঃ https://pib.gov.in/PressReleasePage.aspx?PRID=1632196

সি.এস.আই.আর.- সি.দি.আর.আই.গী কেন্দিদেৎ দ্রগ য়ুমিফেনোবিরনা কোবিদ-১৯ লাইয়েংনবগী ক্লিনিকেল ত্রাইএলগী ফেস ৩ পায়খৎনবা দি.সি.জি.আই.গী অয়াবা ফংলে

সি.এস.আই.আর.গী শরুক অমা ওইরিবা লেব সি.এস.আই.আর- সেন্ত্রেল দ্রগ রিসর্স ইন্সতিত্যুৎ (সি.দি.আর.আই.) লখনৌনা এন্তিভাইরেল দ্রগ য়ুমিফেনোবিরগী কান্নবগী চাং, শীজিন্নবদা কায়দবা অমসুং খাঙবা ঙম্বগী চাং য়েংনবা ফেজ ৩গী রেন্দম্নাইজ, দব্বল ব্লাইন্দ, প্লাসেবো কন্তোল্দ ত্রাইএল তৌনবা অয়াবা ফংলে। ফেজ ৩গী ক্লিনিকেল ত্রাইএল অসি কিং জিওর্জ মেদিকেল য়ুনিবর্সিতী (কে.জি.এম.য়ু.), দা. রাম মনোহর লোহিয়া ইন্সতিত্যুৎ ওব মেদিকেল সাইন্সেস (আর.এম.এল.আই.এম.এস.) অমসুং ইরা'স লখনৌ মেদিকেল কোলেজ অমসুং হোস্পিতাল, লখনৌদা পাঙথোক্কনি। মসিগী হিদাক অসিদা অশোই অঙাম য়াওদবগী চাং য়াম্না ৱাংই, অমসুং মীওইবগী সেলদা ভাইরস চঙবা থিংদুনা অমসুং ইম্যুন সিস্তেমদা মরোল অমা হাপকত্তুনা মথৌ তৌই। য়ুমিফেনোবির অসি ইনফ্লুএঞ্জা লাইয়েংবদা মরু ওইনা শীজিন্নৈ অমসুং মসি চাইনা অমসুং রসিয়াদা ফংই, অমসুং কোবিদ-১৯ অনাবশিংদা শীজিন্নবদা কান্নবগীদমক খঙনবা হেল্লক্লি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632338

ই.আর.এস. অসান্সোল দিবিজন্না ওতোমেতিক বেগ সেনিতাইজর মেছিন পুথোকখ্রে

ইস্তর্ন রেলৱেগী কোবিদ-১৯ শন্দোকপা থিংবগী খোংজং অমা ওইনা অসান্সোলগী ই.আর.দা ওতোমেতিক বেগ সেনিতাইজর মেছিন পুথোকখ্রে। মসিগী সেনিতাইজর মেছিন অসিদা স্প্রে কন্তেনর য়াওবা নুংশিৎ কাম্নবা পম্প অমা অমসুং ফোগ তাইপ সেনিতাইজিং তৌনবা নোজল অমা য়াওই।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632190

কেন্দ্রগী রোদ ত্রান্সপোর্ত মন্ত্রী শ্রী নিতিন গদকরিনা চহী মঙাগী মনুংদা ভারত অসি ইলেক্ত্রিক বেহিকল পুথোকপগী ময়োন অমা ওইরগনি হায়খ্রে।

চহি ৫গী মনুংদা ভারত ইলেকত্রিক গারিশিং শাফম অমা ওইরগনি হায়বগী থাজবা রোদ ত্রান্সপোর্ত অমসুং হায়ৱেজ অমসুং এম.এস.এম.ইগী য়ুনিয়ন মিনিস্তর নিতিন গাদকরিনা ফোঙদোকখ্রে । মহাক্না হায়খয়ি মসিগী সেক্তর অসিদা পাংবা য়াবা মতেং পাংনবা সরকারনা হোৎনরি অমসুং ইলেকত্রিক গারিশিংদা খ্বাইদগী পীকপা জি এস তি চাদা ১২ লৌরি । “কোবিদ-১৯ মতুংদা ভারতকী ইলেকত্রিক গারিগী লাল্লোং” হায়বা হিরমদা ঙসি ৱেবিনার অমদা মিনিস্তরনা হায়খি ইলেকত্রিক গারি শাবদা থেংনরিবা অৱাবশিং মহাক খঙলে অদুবু গারি মশিং য়াম্না য়োন্নবা থবকশিং পায়খৎলগনি । মালেম অসিনা হৌজিক চাইনাগা ললোন-ইতিক পাংথোকপা পামদ্রে, মসি ভারতকী ইন্দস্ত্রিনা ললোন-ইতিক হেনগৎহন্নবা য়াম্না ফবা খুদোংচাবা অমনি ।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632345

এন.আর.দি.সি.না ইন্দিয়ন নেভীনা পুথোকখিবা নব রক্সক পি.পি.ই. শুইৎ শাবগী মরী লৈনবা ৱাফমশিং অদুগী লাইসেন্স অদু এম.এস.এম.ই. মঙাদা পীখ্রে

সাইন্স অমসুং তেক্নোলোজী মন্ত্রালয়গী নেস্নেল রিসর্চ দিবেলপমেন্ত কোরপোরেসন, দি.এস.আই.আর.গী ইন্তর্প্রাইস অমা ওইরিবা, অসিনা নব রক্সন হায়না মিংথোনবা পি.পি. শুইৎ অমা শাবগী অকুপ্পা ৱারোলশিং শেম শাবগী লাইসেন্স অদু হৌজিক তঙাই ফদবা লৈরিবশিং অসি থেংনবা ঙম্নবা হায়দুনা এম.এস.এম.ই. মঙাদা পীখ্রে। মখোয়না চহী অমদা পি.পি.ই. মিলিয়ন ১০ হেন্না শাবা ঙম্নবা শেম শাবা হৌখ্রে। নব রক্সক পি.পি.ই. শাবগী অকুপ্পা ৱারোল অসি আই.এন.ঐচ.এস. অস্বিনি হোস্পিতাল (মুম্বাই)গী ইনোবেসন সেল ওফ দি ইন্সতিত্যুৎ ওফ নেভেল মেদিসিন্দা শেমখিবনি। পি.পি.ই. অসি ইনমাস, দি.আর.দি.ও.দা তেস্ত তৌখি। মসি শেল য়াম্না চংদনা শাবা য়াই মরমদি মসিনা শানবা অয়াম্বা শেনফম থাদ্রদসু য়াই অমসুং মসি ফি নিংথিনা তুবা হৈবা মেনুফেকচরিং য়ুনিৎনসু শাবা ঙমগনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632335

দাক্তর জিতেন্দ্র সিংহনা ইন্তর্নেস্নেল সিবিল সর্বেন্তশিংগী ওইবা গুদ গবরনেন্স প্রেক্তিস ইন এ পেন্দেমিক হায়বা হীরমশিগী মতাংদা ইন্তর্নেস্নেল ৱর্কশোপ অমা শঙ্গাখ্রে

কেন্দ্রগী মন্ত্রী দাক্তর জিতেন্দ্র সিংহনা ঙসি “খংবা, পাখৎপা নত্তবা” অসিনা কোবিদ-১৯গী মালেমগী লায়চৎ অসি থেংননবা মরু ওইবা খুৎলায়নি অমসুং মতাংসিদা মালেমগা খুৎশম্ননা চৎমিন্নবগী তঙাই ফদবা লৈ হায়খি। এক্সতরনেল এফিয়ার্স মন্ত্রালয়গী ইন্দিয়ন তেক্নিকেল এন্দ ইকোনোমিক কো-ওপরেসন অমসুং নেস্নেল সেন্তর ফোর গুদ গবরনেন্স, দিপার্তমেন্ত ওফ এদমিনিস্ত্রেতিব রিফোর্ম অমসুং পব্লিক গ্রাইবেন্সনা পুন্না শিনবা ৱেবিনার অমগী খুত্থাংদা দাক্তর জিতেন্দ্র সিংহনা ইন্তর্নেস্নেল ৱর্কশোপ অমা হৌদোকপা মতুংদা ৱাফমসি হায়খিবনি। লৈবাক অসিনা কোবিদ-১৯ মায়থিবা পীগে হায়রবদি শেন্মিৎলোন অমুক হিংগৎহনবা অমসুং কো-ওপরেতিব ফেদেরেলিজম কনখৎহনবা মথৌ তায় হায়খি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632335

এস.ই.আর.বি.না তেংবাংবা স্তদীনা ব্রেন্দা রেস্পিরেতরী সেন্তর কোল্লাপ্স তৌবনা কোবিদ-১৯গী অনাবশিংদা হেন্না শোকচিনহল্লি হায়বা উৎখ্রে

সি.এস.আই.আর.-ইন্দিয়ন ইন্সতিত্যুৎ ওফ কেমিকেল বাইওলোজী (আই.আই.সি.বি.), কোল্কতানা সারস-কোভ-২গী ন্যুরো ইনবেসিব পোতেন্সিএল য়েংথোকখ্রে অমসুং ভাইরস অসিনা ব্রেনগী রেস্পিরেতরী সেন্তরদা শোকহনবা য়াই অমসুং কোবিদ-১৯গী অনাবনা মী লৈতবা য়াওবগী মতাংদা য়েংশিন্নবা সেন্ত্রেল নর্বস সীস্তেমগী রেস্পিরেতরী সেন্তর য়েংশিনবদা মিৎয়েং চংফম থোকই হায়খ্রে।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632341

পি.আই.বি. ফিল্দ ওফিসশিংদগী লাকপা ইনপুৎশিং

  • চান্দিগরঃ চান্দিগর এদমিনিস্ত্রেসনগী য়াইফ য়ুম্বাল বিভাগনা ন্যুত্রিসন ৱীনিং ফুদ অমসুং বেসন পঞ্জিরিগী মওংদা বেনিফিসরী চাউরাকপা ২২৫৮৬ (থা ৬তগী চহী ৬ ফাওবগী মনুংদা লৈবা অঙাংশিং, মীরোনবী নুপী, খোম পীথক্লিবী মমাশিং অমসুং ইনখৎলক্লিবা নুপীমচাশিং)কী য়ুম্থোং খুদিংদা তেক হোম রেসন য়েন্থোকখ্রে। মসিগী মথক্তা ন্যুত্রিসিয়স দ্রাই রেসন, লফোয় অমসুং শঙ্গোমসু অঙ্গনৱাদি সেন্তর ৫৩গী বেনিফিসরীশিংদসু য়েন্থোকখ্রে। শহর অসিগী তোঙানবা মফমশিংদা লৈবা স্লমগী মফমশিং শেমগৎলিবা মফমশিংদা লৈবা চাউরাকপা বেনিফিসরী ৩৫০দসু তেক হোম রেসন অসি য়েন্থোকখি।
  • পঞ্জাবঃ কোরোনাভাইরস শন্দোকপবু মখা তানা থিংনবা হোৎনবা ওইনা পঞ্জাব সরকারগী রেবেন্যু বিভাগনা তোঙান তোঙনবা বিভাগশিং অমসুং দিপ্যুতী কম্মিসনরশিংদা লুপা কোতি ৩০০ কায়থখ্রে। দিপ্যুতী কম্মিসনরশিংদা থাদখিবা লুপা কোতি ১০০গে মনুংদা লুপা কোতি ৯৮তি মাইগ্রেন্ত শিনমীশিংবু ময়ুমদা থাবদা, দ্রাই সেসন য়েন্থোকপদা অমসুং ক্বারেন্তাইন সেন্তরশিংদা থাদখ্রে।
  • হিমাচল প্রদেশঃ মুখ্য মন্ত্রীনা রাজ্যসিনা কোরোনাগী লায়চৎ অসি মায় পাক্না লান্থেংনরি অমসুং অতোপ্পা রাজ্যশিংগা চাংদম্নবদা রাজ্যসিগী ফিভম অসি য়াম্না ফরে হায়না হায়খি। রাজ্যসিদা কোবিদ-১৯গী মশিং য়াম্না হেনগৎলিবসিদি অতোপ্পা মফমদা পন্দুনা লৈরুবা মীওই লাখ ২মুক হল্লকপদগীনি হায়খি। প্রধান মন্ত্রী জন ধন য়োজনাগী মখাদা রাজ্যসিগী মতিক চাবা নুপীশিংগী একাউন্ততা চহীসিগী এপ্রিল, মে অমসুং জুনগী ওইনা থাগী লুপা ৫০০ হাপখ্রে। থবক শুবা মীওইশিংগী মতেং ওইনা মীওই লাখ ১.৩৭গীসু থাগী ওইনা লুপা ২০০০ থা অনিগী পীখ্রে অমসুং ঐচ.পি. বিলদিংশ অমসুং অতোপ্পা কন্সত্রক্সন ৱর্কর ৱেলফিয়ার বোর্দকী রেজিস্তর তৌরবা শিন্মীশিংগী একাউন্ততা অহেনবা লুপা ২০০০ হাপ্নবা সরকারনা ৱারেপ অমা লৌখ্রে।
  • মহারাস্ত্রাঃ য়ুমশকৈশা নুমিত্তা অনৌবা মীওই ৩৩০৭না কোবিদ-১৯গী পোজিতিব ওইদুনা রাজ্যসিগী অপুনবা মশিং ১১৬৭৫২ য়ৌখ্রে অমসুং মসিগী মনুংদা এক্তিব কেস অসি ৫১৯২১নি। মীওই ১১৪ লৈখিদবদগী অপুনবা লৈখিদবা মীওই ৫৬৫১ শুবগী রিপোর্ত লাকখি। খ্বাইদগী নৌবা রিপোর্তকী মতুং ইন্না অপুনবা অনাবা ৫৯১৬৬ নাবা ফখ্রে।
  • গুজরাতঃ রাজ্যসিদা হৌখিবা পুং ২৪দা কোবিদ-১৯গী অনৌবা কেস ৫২০ অমসুং মীওই ২৭ লৈখিদবগী রিপোর্ত লাকখি। রাজ্যগী অপুনবা মশিং অসি নাবা ফরবা ১৭৪৩৮ অমসুং লৈখিদবা ১৫৬১ য়াওদুনা ২৫১৪৮ ওইরি।
  • রাজস্থানঃ ঙসি অয়ুক্তা অনৌবা পোজিতিব কেস ৮৪ লাক্তুনা অপুনবা কোবিদ-১৯গী মশিং ১৩৬২৬ য়ৌরে। য়ুমশকৈশা নুমিৎকী নুমিদাং ফাওবদা অনৌবা কেস ৩২৬ লাকখি। অদুবু মীওই ১০৫৮২ নাবা ফদুনা রাজ্যসিনা লৈবাক অসিগী ওইনা রিকোবরী রেৎ খ্বাইদগী ৱাংলি। অনৌবা কেসশিং অসি ভারতপুর জিলাদগী লাকখি অমসুং জয়পুরনা মতুং ইনখি।
  • মধ্য প্রদেশঃ রাজ্যসিদা য়ুমশকৈশা নুমিৎকী নুংথিল ফাওবদা অনৌবা কেস ১৬১ লাক্তুনা অপুনবা কেস ১১২৪৪ য়ৌখ্রে। অনৌবা কেস অয়াম্বসি ভোপাল (৪৯) অমসুং কোবিদ-১৯গী হোৎস্পোৎ ওইরিবা ইন্দোর (৪৪)দগীনি।
  • ছতিসগরঃ য়ুমশকৈশা নুমিত্তা অনৌবা কোরোভাইরস কেস ৭১ মশক খংখি অমসুং মসিদগী অপুনবা কেস মশিং ১৮৬৪ য়ৌখ্রে। মসিগী মনুংদা এক্তিব কেস ৭৫৬ ওইরি।
  • গোৱা: য়ুমশকৈশা নুমিত্তা অনৌবা কেস ২৭ অমসুং নাবা ফবা ১১ মশক খংখি। কোবিদ-১৯গী অপুনবা কেস মশিং ৬৫৬ ওইরি, মসিগী মনুংদা এক্তিব কেস ৫৬০ লৈরি। সি.এম. প্রমোদ সাৱন্তনা ঙমখৈগী মফমশিং অমসুং কন্তেনমেন্ত জোনশিংদা তেস্ত মশিং য়াম্না তৌরি হায়না হায়খি। অদুবু অনাবা ৮-১০ খক্তমক সিম্পতোমেতিক ওই। রাজ্যসিনা কোবিদ হোস্পিতাল নত্ত্রগা কোবিদ কেয়র সেন্তরদা চৎকদবা অনাবশিংগী থাক খায়দোকখ্রে।
  • কেরলাঃ রাজ্যসিদা কোবিদতগী লৈখিদবা মীওই ১গী রিপোর্ত লাকপদগী অপুনবা মশিং ২১ য়ৌখ্রে। চহী ২৮ শুরবা এক্সাইস বিভাগকী দ্রাইবর ওইরম্বা অসি কন্নুরদা লৈবা সরকারগী মেদিকেল কোলেজদা লায়েংদুনা লৈরকপনি। মহাক্কী নারকফম হৌজিক য়াম্না কন্না থিগৎলি। কোচিদা লৈবা সিবিল পুলিস ওফিসার অমসু কোবিদ-১৯ পোজিতিব ওইরে। ওফিসার অদু হোম ক্বারেন্তাইন তৌবা মীওইশিংবু ক্বারেন্তাইনগী কাংলোনশিং ইল্লিবরা য়েংশিন্নবা য়ুম য়ুমদা চৎনবা থবক শিন্নবনি। ওপোজিসনগী লুচিংবা রামেশ চেন্নিথালানা রাজ্য সরকারনা বন্দে ভারতকী মিসনগী মীওইশিংনা কোবিদ-১৯ নেগেতিব সর্তিফিকেৎ পায়দবা য়ারোই হায়বসিনা মীওইশিং অদু হেন্না অৱাবা পীরগনি হায়খ্রে। অমরোমদা অতোপ্পা রাজ্যদা লৈবা কেরলাইৎ ২ লৈখিদ্রে। ঙরাং অনৌবা কেস ৭৫ লাকখি অমসুং মীওই ৯০ নাবা ফখি। রাজ্য শিনবা থুংনা অনাবা ১৩৫১ লায়েংলি।
  • তমিল নাদুঃ কোবিদ-১৯ শন্দোকপা থিংনবা হায়দুনা য়ু.তি. পুদুচেরীগী করাইকালগী ঙমখৈদা তমিল নাদুদগী মীওইশিং চংলকপা থিংনবা অকনবা চেকশিং থৌরাং লৌখৎখ্রে। তি.এন. সরকারগী স্তাফশিংনা মার্চ ২৫দ্গী মে৭ ফাওবা থবক কারক্তবশিং ওন-দ্যুতী হায়রগনি। হয়েংদগী চেন্নই অমসুং থংনবা জিলাশিংদা নুমি ১২নিগী অকনবা লোকদাউন থম্লগনি। ঙরাং অনৌবা কেস ২১৭৪, নাবা ফরবা ৮৪২ অমসুং লৈখিদবা ৪৮গী পাউ লাকখি। চেন্নইদগী এক্তিব কেস ১২৭৬নি। অপুনবা কেস-৫০১৯৩, এক্তিব কেস-২১৯৯০, লৈখিদবা-৫৭৬, দিসচার্জ তৌরবা-২৭৬২৪ অমসুং চেন্নইগী এক্তিব কেস-১৬০৬৭নি।
  • করনাতকাঃ কোবিদ-১৯গী মতাংদা খংমিন্নবা হেনগৎনবা রাজ্যনা ‘মাস্ককী নুমিৎ’ পালন তৌখ্রে। রাজ্য সরকারনা হাই কোর্ততা হৌজিক ফাওবদা শ্রামিক ত্রেন ২৬৭না মাইগ্রেন্ত শিন্মী ৩৭৯১৯৫ ময়ুমদা থিনখ্রে হায়খ্রে। ঙরাং অনৌবা কেস ২০৪, দিসচার্জ তৌখিবা ৩৪৮ অমসুং মীওই ৮ লৈখিদবগী রিপোর্ত লাকখি। অপুনবা পোজিতিব কেস-৭৭৩৪, এক্তিব কেস-২৮২৪, লৈখিদবা-১০২ অমসুং দিসচার্জ তৌখিবা-৪৮০৪নি।
  • আন্ধ্র প্রদেশঃ হৌখিবা পুং ২৪দা সেম্পল ১৩৯২৩ তেস্ত তৌবদা অনৌবা কেস ২৯৯ লাকখি অমসুং মীওই ২ লৈখিদে। অপুনবা কেস-৫৮৫৪, এক্তিব কেস-২৭৭৯, নাবা ফরবা-২৯৮৩, লৈখিদবা-৯২নি। অপুনবা ইন্তর-স্তেৎ কেসকী মশিং ১৩৫৩ ওইবগী মনুংদা ৬১১ এক্তিব ওইরি অমসুং মমাংগী পুং ২৪দা মীওই ৫১ দিসচার্জ তৌখ্রে। মপান লমদগী লাকপা কেস ২৮৯গী মনুংদা ২৪২দি এক্তিব ওইরি।
  • তেলঙ্গানাঃ তেলঙ্গানাদা লৈবা লন্নাইগী হোস্পিতালশিংনা কোবিদ-১৯গী অনাবশিং মখোয়গী হোস্পিতালশিংদা লায়েংবগী সরকারনা লেপখিবা মমলগী মতাংদা পেতিসন তৌগনি হায়খ্রে; গান্ধী হোস্পিতালগী মোর্গকী মমাংদা থোক্লিবা ইরাং অসিগী মনুংদা হোস্পিতাল চলায়রিবা মীওইশিংনা মমাংদা থোকখিবা থৌদোক অমুক হন্না থোকহন্দনবা হোৎনরি। ইকুই কুইদবগী মতমগী মনুংদা অনিশুবা ওইনা মোর্গ অসিদগী কোবিদ-১৯দগী লৈখিদবা মীওই অমা ওন্ননা অতোপ্পা ইমুং অমদা শিন্নখিবনি। হৌজিক ফাওবগী অপুনবা কেস-৫৬৭৫, এক্তিব কেস-২৪১২ অমসুং নাবা ফরনা-৩০৭১নি।
  • অসমঃ রাজ্যসিদা অনৌবা কোবিদ-১৯ পোজিতিব কেস ৮২ লাকখি। অপুনবা কেস ৪৭৭৭। এক্তিব কেস- ২১১১, নাবা ফরবা ২৬৫৮ অমসুং লৈখিদবা ৯নি।
  • মনিপুরঃ রাজ্যসিনা কোবিদ-১৯গী সেম্পল তেস্ত তৌবসি আর.তি.-পি.সি.আর. ৫ অমসুং ত্রুনেৎ মেছিন ৩গা লোয়ননা হান্নদগী হেনগৎখ্রে।
  • মিজোরমঃ রাজ্যসিগী কোলাশিব জিলাগী কোবিদ-১৯গী অনাবা ৯ অনিরক ওইনা নেগেতিব ওইরে। মখোয় হয়েং জোরাম মেদিকেল কোলজদগী দিসচার্জ তৌরবা য়ারি হায়না রাজ্যগী হকশেল মন্ত্রীনা হায়খ্রে।
  • নাগালেন্দঃ দিমাপুর-কোহিমাগী বসকী সর্বিস অসি ওদ-ইবন রুলগী মখা পোন্না হৌখ্রে। অপিকপা কারনা মীওই ৩ ফাওবা অমসুং অচৌবা কারনা মীওই ৫ ফাওবা পুবা য়াগনি। অসমগী জোর্হাৎ জিলাদগী সান্তিস্তকী তিম অমা দিমাপুরদা লৈবা বি.এস.এল.-এ লেবকী তেক্নিকেল তিমদা ত্রেনিং পীনবা থুংখ্রে। লোংলেন অমসুং ত্বেনসাংদা ত্রুনেৎ মেছিন খিনখ্রে।

*****

 

 



(Release ID: 1632456) Visitor Counter : 10