• কোবিদ-১৯গী অনাবা ১৪১০২৮না ফগৎলকপদগী লৈবাক অসিগী রিকোবরী রেৎ অসি ৪৯.২১%দা হেনগৎখ্রে
• আই.সি.এম.আর.গী স্তদীনা সর্বে তৌখিবা মীওইশিংগী মনুংদা ০.৭৩%দি মমাংদা সারস-কোভ-২দা এক্সপোস তৌখিবগী মওং উবা ফংই
• প্রধান মন্ত্রীনা হায়খিবদা ইরাং খুদিংমক্না ঐখোয়দা খুদোংচাবা অমা পীদুনা অনৌবা মাইয়োন অমা ওন্দুনা মরোমদোম লেপচবা ভারত শেম্নবা হোৎনগদবনি হায়খি
• ই.পি.এফ.ও.না সি.এস.সি.গা পুন্দুনা পেন্সনর্শিংনা দিজিতেল জীবন প্রমান পীনবা ফেসিলিতী পীগনি
• ইন্দিয়ন রেলৱেজনা রাজ্যগী লৈঙাক্লোইশিংদা কোবিদ কেয়র সেন্তর পীনবা শেম শাখ্রে

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

হকশেল অমসুং য়াইফ য়ুম্বাল মন্ত্রালয়গী কোবিদ-১৯গী অপদেৎ; আই.সি.এম.আর.গী সেরো-সর্বেলিএন্স স্তদীনা সেম্পল পোপুলেসন ০.৭৩% খক কোবিদ-১৯না নাই তাকখ্রে

আই.সি.এম.আর.দা চত্থখিবা সেরো-সর্বেলিএন্স স্তদীদা সর্বে তৌখিবা মীওইশিংগী ০.৭৩%দি মমাংদা সারস-কোভ-২ নাখ্রে তাকখ্রে। মসি আই.সি.এম.আর.গী দাইরেক্তর দাক্তর বলরাম ভারগবানা মীদিয়াদা ৱা ঙাংবদা হায়খিবনি। স্তদী অসিনা লোকদাউন মউংদা পায়খৎখিবা খোংথাংশিং অসিনা কোবিদ-১৯ য়াম্না থুনা শন্দোরকপা থইংখি হায়খি। আই.সি.এম.আর.না শহরদা লায়না শন্দোকপগী চাং অসি খুঙ্গংগী মফমদগী শরুক ১.০৯ হেল্লি অমসুং অর্বান স্লমশিংনা অমুক শরুক ১.৮৯ হেল্লি। লায়না শন্দোরকপদগী শিবগী চাং য়াম্না নেম্না ০.০৮%দা লৈ। মসিনা হায়বদি লমদমসিগী মীয়াম অয়াম্বনা মতম মতমগী ওইনা হায়রকপা কোবিদকী চেকশিন থৌরাংশিং নিংথিনা ইনগদবনি।

মমাংগী পুং ২৪দা অপুনবা কোবিদ-১৯গী অনাবা ৫৮২৩ নাবা ফখ্রে। মসিনা হৌজিক ফাওবদা মীওই ১৪১০২৮ কোবিদ-১৯নাবদগী ফরে। কোবিদ-১৯ অনাবগী রকোবরী রেৎ অসি ৪৯.২১%নি। ভারত্তা হৌজিক হৌজিক এক্তিব কেস ১৩৭৪৪৮ লৈ অমসুং মখোয় লোইনমক এক্তিব মেদিকেল সুপর্বিজন তৌদুনা লৈরি। হৌজিক ফাওবদা নাবা ফবা অনাবা মশিংনা এক্তিব ওইবা মশিংদগী হেল্লি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1630922

দাক্তর হর্শ বর্ধন্না মহারাস্ত্রাদা কোবিদ-১৯ শেন্ননবা শেম শাবগী চাং ভিদিও কনফরেন্সিংগী খুত্থাংদা য়েংশিনখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দাক্তর হর্শ বর্ধন্না ঙসি অৱাংবা থাক্কী মীফম অমা ভিদিও কনফরেন্সিংগী খুত্থাংদা মহারাস্ত্রাগী হকশেল মন্ত্রী শ্রী রাজেশ তোপে, হারাস্ত্রাগী মেদিকেল ইদুকেসন মন্ত্রী শ্রী অমিৎ দেশমুখ অমসুং রাজ্যসিগী কোবিদ-১৯না শোকহল্লবা জিলাশিংগী দি.এম.শিংগা মীফম অমা ফমখ্রে। দাক্তর হর্শ বর্ধন্না কন্তেক্ত ত্রেসিং তৌনবা, আই.সি.য়ু. বেদতা দেন্তিলেতর হাপ্তুনা লোজিস্তিক ফগৎহনবনচিংবা ফগৎহন্নবা হ্যুমেন রিসোর্স হেনগৎহনবা তঙাই ফদবগী হীরমশিং পুথোকখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1630917

পি.এম.না ইন্দিয়ন চেম্বর ওফ কম্মর্স (আই.সি.সি.)গী চহীগী প্লেনরী সেসন ২০২০দা ৱা ঙাংখ্রে

প্রধান মন্ত্রী শ্রী নরেন্দ্র মোদীনা ইন্দিয়ন চেম্বর ওফ কম্মর্সকী ৯৫শুবা চহীগী প্লেনরী সেসন্দা ভিদিও কনফরেন্সিংগী খুত্থাংদা ৱা ঙাংখ্রে। কোবিদ-১৯গী মাইয়োক্তা থেংরইবা লান অসিগী মতাংদা পল্লদুনা ভারতনা মালেমগা লোয়ননা থৌনা ফনা লান থেংনরি হায়খি। লৈবাক অসিনা কৌজেংনা লান্দারকপা, লেন তাবা, থাওগী গুহা মৈ চাকপা, তপনা য়ুহা হাবগী পরিং অমসুঙ্গ সাইক্লোন অনিগী অতোপ্পা খুদোংচাদবা ক্যা অমসু থেংনরি অদুবু ময়ামশিং অসি লৈবাক মীয়াম পুন্না অমত্তা ওইনা থেনরি হায়খি। প্রধান মন্ত্রীনা হায়খিবদা অসিগুম্বা মতম অসিনা ভারত অসি ৱাখল চেৎপা লৈবাক অমা ওইহল্লে। মহাক্না ৱাখল চেৎপা, নিংহন্নবা লৈতবা অমসুং লৈবাক অসিনা অমত্তা ওইবগী পাঙ্গল অসিনা ইরাং খুদিংমক থেংনা ঙমহল্লি হায়খি। ইরাং অমনা খুদোংচাবা অমা পীদুনা ভারতপু মরোমদোম লেপ্পা ঙম্বা লৈবাক অমা (আত্মানির্ভর ভারত) ওইহন্নবা মাইওন অমা লৌবা য়াই হায়না মহাক্না মখা তাখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1630859

প্রধান মন্ত্রী অমসুং ইজরেলগী প্রধান মন্ত্রী বেঞ্জামিন নেতানয়াহুগী মরক্তা তেলিফোন্দা ৱারি শানখ্রে

প্রধান মন্ত্রী শ্রী নরেন্দ্র মোদীনা ঙসি ইজরেলগী প্রধান মন্ত্রী বেঞ্জামিন নেতানয়াহুগা তেলিফোন্দা ৱারি শানখ্রে। তিকা থাবা, লায়েংবা অমসুং লাইওং খঙদোকপগী লমদা রিছর্স অমসুং দিবলপমেন্তগী থবকশিং য়াউনা কোবিদ-১৯ লাইচৎকী মতাংদা ভারত অমসুং ইজরেল মতেং পীনবা হেনগৎহন্নবা লুচিংবা অনিনা খন্নখি। হৌজিক লৈবাক অনিগী মরক্তা অখঙ-অহৈশিং পীথোক-পীশিন তৌনরিবা অসি মখা চৎথবা হায়না মখোয়না য়ানখি অমসুং অসিগুম্বা মতেং পাংনবা অসিদগী ফংলবা কান্নবশিং পাক-শান্না মীওইবা খুন্নাইগী য়াইফনবা শীজিন্নবা হায়না য়ানখি।

অকুপ্পা মরোলগীদমক :https://pib.gov.in/PressReleseDetail.aspx?PRID=1630762

প্রধান মন্ত্রী শ্রী নরেন্দ্র মোদী অমসুং কম্বোদিয়াগী প্রধান মন্ত্রী হিজ এক্সিলেন্সী সমদেক অক্কা মোহা সেনা পাদৈ তেকো হুন সেনগী মরক্তা তেলিফোন্দা ৱারী শানখ্রে

প্রধান মন্ত্রী শ্রী নরেন্দ্র মোদী অমসুং কম্বোদিয়াগী প্রধান মন্ত্রী হিজ এক্সিলেন্সী সমদেক অক্কা মোহা সেনা পাদৈ তেকো হুন সেনগী মরক্তা তেলিফোন্দা ৱারী শানখ্রে। মখোয় অনিনা কোবিদ-১৯ লায়চৎকী মতাংদা ৱা খন্নখি। মখোয়না হৌজিক লৈবাক অসিদা পন্দুনা লৈরিবা মীওইশিংবু ময়ুমদা পুনবা থবকশিং অসিদা মতেং পাংনবগী মতাংদা য়ানখি।

অকুপ্পা মরোলগীদমক:https://pib.gov.in/PressReleseDetail.aspx?PRID=1630734

ইন্দিয়ন রেলৱেজনা স্তেৎ ওথোরিতীশিংদা কোবিদ কেয়র সেন্তর পীনবা শেম শাবা লোইখ্রে

এম.ও.ঐচ.এফ.দবল্যু.গী গাইদলাইনগী মতুং ইন্না রাজ্য সরকান খরনা ইন্দিয়ন রেলৱেজদা রেক্বিজিসন থাখ্রে। রেলৱেজনা কোচশিং অসি রাজ্য/য়ু.তি.শিংদা কোচ অমদা অনাবা ১৬ থম্বা য়াবা কোচ ১০ খাক্তুনা লৈরিবনি। কোবিদ কেয়র সেন্তর ওইনা শিজিন্ননবা অপুনবা কোচ ৫২৩১ অসি শেমদোকখ্রবনি। য়ু.পি.না স্তেসন ২৪ ফাইনেলাইস তৌখ্রবনি। তেলঙ্গানানা কোচশিং অসি সেকন্দ্রাবাদ, কাচিগুদা অমসুং অদিলাবাদ স্তেসন ৩দা থম্নবা হায়খ্রে। দিল্লীদা কোচ ১০মক শাকুর্বস্তিগী মফমদা থমখ্রবনি। ইন্দিয়ন রেলৱেজনা ভারতনা কোবিদকা থেংনরিবা লান অসিদা হীরম খুদিংদা মতেং পাংলি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630912

আরোগ্যা সেতু এপ নিংথিনা শিজিন্নৌঃ এম.ও.এস. ধোত্রেনা দিস্ত্রিক্ত কলেক্তরশিংদা হায়খ্রে

ইলেক্ত্রোনিক্স অমসুং আই.তি., ঐচ.আর.দি. অমসুং কম্ম্যুনিকেসনগী কেন্দ্রগী রাজ্য মন্ত্রী শ্রী সঞ্জয় ধোত্রেনা ভারত সরকারগী ইলেক্ত্রোনিক্স অমসুং আই.তি. মন্ত্রালয়গী আরোগ্য সেতু এপকী তীম অমসুং দি.সি.শিং অমসুং মহারাস্ত্রাগী এন.আই.সি.গী দি.আই.ও.শিং য়াওনা ভিদীও কনফরেন্সিংগী খুত্থাংদা মীফম অমা ফমখ্রে। মীফম অদুগী পান্দমদি রাজ্যগী তোঙান তোঙানবা থাক্তা লৈরিবা ওফিসারশিংদা আরোগ্য সেতু এপকী মরমদা খংহনবা অমসুং মখোয়দগী মসিগী মতাংদা ওইবা ফিল্দগী থাক্কী ইনপুৎশিং লৌবনি। মীফম অদুদা আরোগ্য সেতু এপকী খুত্থাংদা ফংখিবা দেতা এনালাইতিক তৌবশিং অদুনা রাজ্য অসিদা লায়না অসি শন্দোরকপগী দাইনামিকশিং নিংথিনা খংবা ঙমখিবগী ৱাফমশিং পুথোক্লকখি। মসিগী দেতাশিং অসিবু মতম চানা অমসুং চুম্না শিজিন্নখিবদগী হোৎ-স্পোৎ য়াম্না থুনা মশক খংদোকপা অমসুং য়াৎথোক্লবা কাংলোন অমগা লোয়ননা তঙাই ফদবা হেলথ ইনফ্রাস্ত্রকচর শিজিন্নবা ঙমখ্রিবনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630734

দাক্তর জিতেন্দ্র সিংহনা কোবিদ-১৯গী মরক অসিদা দি.এ.আর.পি.জি.দা ৱর্ক ফ্রোম হোমগী গাইদলাইন অথুবা মতমদা শেম্নবা হায়খ্রে

পর্সনেল, পি.জি. অমসুং পেন্সনগী কেন্দ্রগী রাজ্য মন্ত্রী দাক্তর জিতেন্দ্র সিংহ্না হৌজিক চত্থরিবা দি.এ.আর.পি.জি.গী থবক য়েংশিনবগা লোয়ননা য়ুমদগী থবক তৌবগী পোলিসীগী গাইদলাইন অসি বিভাগ অসিনা অথুবা মতমদা লোইশিন্নবা খংহনখ্রে। মরী লৈনবা মন্ত্রালয়/বিভাগশিংগা হীরম অসিগী মতাংদা তানদুনা তঙাই ফদবা থৌরাংশিংদা মরু ওইবা পীনবা হায়খ্রে। দবল্যু.এফ.ঐচ.কী গাইদলাইন মতম চানা পীবনা প্রধান মন্ত্রীনা ‘দো গজ দুরি’ অমসুং সোসিএল দিস্তেন্সিং ইল্লু হায়রিবা খোল্লাওশিং অসি ইন্না চতনবা কেন্দ্রগী সেক্রেতরিএৎকী থৌমীশিংদা কান্নবা কয়া অমা পীগনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630699

ই.পি.এফ.ও.না সি.এস.সি. নেৎৱর্কশিংদা পেন্সনর্শিংগী জীবন প্রমান তৌনবা হায়খ্রে

ই.পি.এস. পেন্সনর্শিংগী য়ুম্থোংদা সর্বিস পীবগী কান্নবগী তঙাই ফদবশিং অদুবু মশক খংলদুনা ই.পি.এফ.ও.না কম্মন সর্বিস সেন্তর (সি.এস.সি.)গা খুৎশম্নদুনা দিজিতেল জীবন প্রমানগী ফেসিলিতী পীনবা পুনখ্রে। কম্মন সর্বিস সেন্তরগী লাখ ৩.৬৫গী নেৎৱর্কপু শিজিন্নরদুনা ই.পি.এফ.ও.না পেন্সনর লাখ ৬৫দা মখোয়গী ময়ুমগী অনকপদা দিজিতেল জীবন প্রমানগী ফেসিলিতী ফংহনখ্রে।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630888

এম.ও.এস. সি. অমসুং এফ. শ্রী মান্দাভিয়ানা এন.আই.পি.ই.আর.এস.কী দাইরেক্তরশিংগা মীফম ফমখ্রে

মোহালি, রাইবরেলি, হাজিপুর অমসুং গৌহাতিগী নেস্নেল ইন্সতিত্যুত ওফ ফার্মাস্যুতিকেলস ইদুকেন অমসুং রিসর্চ (এন.আই.পি.ই.আর.এস.)কী দাইরেক্তরশিংগী মীফম অমা ভিদিও কনফরেন্সিংগী খুত্থাংদা কেমিকেল অমসুং ফর্তিলাইজরগী এম.ও.এস. শ্রী মনশুখ মান্দাভিয়াগী লুচিং মখাদা মখোয়গী রিসর্চ অমসুং অনৌবা পুথোকপগী থবকশিং অমসুং মখোয়না কোবিদ-১৯গী লায়চৎ অসি থেংননবা লৈবাক অসিদা পাংখিবা মতেংশিংগী মতাংদা হঙ্গৎনা য়েংবগী মীফম অমা পাংথোকখ্রে। মন্ত্রীনা এন.আই.পি.ই.আর.এস.না শেন্থোক লৈনবা লৈবাক্কী থাক্তা ফার্মাগী পোত্থোকশিং তেস্ত তৌনবা তেস্তিং লেব অমা লিংখৎনবসু হায়খি। সরকারগী অমসুং প্রাইবেৎ সেক্তরগী ফার্মাস্যুতিকেল কম্পেনীশিংনা এন.আই.পি.ই.আর.এস.তা মখোয়গী তেস্তিং লেবপু কম্মর্সিএল বেসিস্তা শিজিন্নরি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630881

কেন্দ্রগী ঐচ.আর.দি. মন্ত্রীনা ভর্চুএল ওইনা হাইয়র এদজুকেসনেল ইন্সতিত্যুসনশিংগী "ইন্দিয়া রেঙ্কিং ২০২০" ঙসি নই দিল্লীদা ফোংখ্রে

হ্যুমেন রিসোর্স দিবেলপমেন্তকী কেন্দ্রগী মন্ত্রী শ্রী রমেশ পোখ্রিয়াল 'নিশঙ্ক'না ঙসি তোঙান-তোঙানবা কাঙলুপশিংদা হাইয়র এদজুকেসনগী ইন্সতিত্যুৎশিংগী ওইনা মপুং ওইবা কাঙলুপ মঙাদা মখোয়গী পরফোর্মেন্সতা য়ুম্ফম ওইরগা "ইন্দিয়া রেঙ্কিং ২০২০ ফোংখ্রে। মন্ত্রী অসিনা ইন্দিয়া রেঙ্কিং ২০২০ অসি কাঙলুপ ১০দা ভর্চুএল ওইনা ঐচ.আর.দি.গী রাজ্যগী মন্ত্রী শ্রী সঞ্জয় সিংহ ধোত্রেগী য়াওনা ফোংখ্রে। এদিসনেল সেক্রেতরী (হাইয়র এদজুকেসন) শ্রী রাকেশ রঞ্জন, এম.ঐচ.আর.দি.; য়ু.জি.সি.গী চেয়রমেন প্রোফেসর দি.পি. সিংহ; এ.আই.সি.তি.সি.গী চেয়রমেন অনিল সহাসরাবুধে; এন.বি.এ.গী চেয়রমেন প্রোফেসর কে.কে. অগরৱাল; এন.বি.এ.গী মেম্বর সেক্রেতরী দা. অনিল কুমার নাসা, অমসুং হাইয়র এদজুকেসন ইন্সতিত্যুসনশিংগী মীহুৎশিংনা ভিদিও কনফরেন্সিংগী খুথাংদা ফোংবগী থৌরম অদুবু শরুক য়াখি। মসিনা ভারত্তা হাইয়র এদজুকেসনগী ইন্সতিত্যুসনশিংগী ইন্দিয়া রেঙ্কিং মথং মনাও নাইনা ফোংলকপগী মঙাশুবা খুৎফোংনি। ২০২০দা, রেঙ্কিং মাপলগী মথক্তা "দেন্তেল" হায়বা মমিং অমসু ইহান হানবা ওইনা হাপচিন্দুনা কাঙলুপ/সব্জেক্তশিংগী মমিং ১০ শুহনখ্রে।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630867

আই.দি.ৱাই. ২০২০গীদমক দি.দি. ভারতিদা কমন যোগ প্রোতোকোল

আয়ুশ মন্ত্রালয়না প্রসার ভারতিগা খুৎশম্নদুনা জুন ১১, ২০২০দগী হৌদুনা নুংতিগী ওইনা দি.দি. ভারতিদা কমন যোগ প্রোতোকোল শন্দোক্নবা শেম শারি। সি.ৱাই.পি. সেসনশিং অসি নুংতিগী অয়ুক পুং ৮দগী ৮.৩০ ফাওবা শন্দোক্কনি। সেসন অসি মথং মথং ওইনা মন্ত্রালয়গী সোসিএল মীদিয়া হেন্দলশিংদসু য়েংবা য়াগনি। পুংখায় অমগী সেসন অসিদা কমন যোগ প্রোতোকোলগী মরু ওইবা কাংলোনশিং তাক্কনি। শন্দোক্লিবা অসিনা কমন যোগ প্রোতোকোলবু ওদিও-ভিজুয়েলগী খুত্থাংদা লাপ্না তাক্তুনা মীয়ামদা খংহন্নবগী পান্দম থম্লি। কমন যোগ প্রোতোকোলশিং মাংজৌননা খংবা অসিনা মীয়াম্না আই.দি.ৱাই. ২০২০দা শরুক য়ানবগীদমক শেম শাদুনা লৈবা ঙমহনগনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1630710

শেল য়াম্না চংদবা অনৌবা নোবেল কোরোনাভাইরস তেস্ত পুথোকখ্রে

ইন্দিয়ন কাউন্সিল ওফ মেদিকেল রিসর্স (আই.সি.এম.আর.)না নোবেল কোরোনাভাইরস তেস্তিংগীদমক্তা রিভর্স ত্রান্সক্রিপসন পোলীমরেজ চেন রিএক্সন (আর.তি.-ক্যু.পি.সি.আর.) খক্তং তৌগদবনি হায়খ্রে। সেন্তর ফোর সেলুলর এন্দ মোলেক্যুলর বাইওলোজী (সি.সি.এম.বি.)না এস.এ.আর.এস.-কোব-২ তেস্তিং তৌনবা অনৌবা শেল চংদবা লো-তেক তেস্ত অমা পুথোকখ্রে। তেস্ত অসি রিভর্স ত্রান্সক্রিপসন নেস্তেদ পি.সি.আর. (আর.তি.-এন.পি.সি.আর.) কৌই।

For details: https://pib.gov.in/PressReleasePage.aspx?PRID=1630875

পি.আই.বি. ফিল্দ ওফিসশিংদগী ফংবা পাউ

• চন্দীগরঃ চন্দীগর, য়ু.তি.গী এমিনিস্ত্রেতরনা রাজ্যগী ঙমখৈ হাংদোকপা অমসুং মীওইশিংনা শোরোক, ত্রেন অমসুং ফ্লাইত্তা চত্থোক চৎশিন তৌবসিনা লায়নাসি লেপ্পা লৈতনা শন্দোরক্কনি হায়খ্রে। মহাক্না প্রিন্সিপাল সেক্রেতরী হেলথতা য়ুম্লোন্নবা রাজ্যশিংগা তান্নদুনা ত্রাই-সিতী অসিদা লাক্লিবা মীওইশিংবু নিংথিনা স্ক্রীন তৌবা য়ানবা কাংলোন অমা শেম্নবা খংহনখ্রে।
• পঞ্জাবঃ কোবিদ-১৯গী ই-পাউ অহেনবশিং অসি কাংলোন নায়না হন্থহন্নবা হায়দুনা রাজ্য সরকারগী হেলথ অমসুং মেদিকেল ইদুকেসনগী এদবাইজর ওইরিবা প্রোফেসর কে.কে. তলৱারগী পাউতাক্কী মখাদা রাজ্য সরকারনা কাংলোন অমা শেমখ্রে। কাংলোনসিগী মতুং ইন্না লোকদাউন মনুংদা, মার্চ ২৭ অমসুং জুন ৪গী মরক্তা, রাজ্য সরকারনা ওনলাইন সেসন ১৯ শিনখি। সেসনশিং অদু কোবিদ কেয়র সর্বিস্তা য়াওবা কোবিদ-১৯না ময়ায় ওইরপ্না নাবা মীওইশিংবু য়েংশিল্লিবা মেদিকেল স্পেসিএলিস্ত অমসুং এনেস্থেতিস্তশিং, মেদিকেল কোলেজগী ফেকলতীশিং অমসুং কোবিদ-১৯না কন্না নারবশিংবু য়েংশিল্লিবা মরু ওইবা অখং-অহৈশিং য়াওনা মেদিকেল প্রোফেস্নেল ১৯১৪না শরুক য়াদুনা পাংথোকখিবনি।
• হরয়ানাঃ হরয়ানা স্পোর্ত অমসুং য়ুথ এফিয়ার্স্কী মন্ত্রীনা হায়খিবদা রাজ্যসিগী মীয়াম্না খুদোংথিবা থোক্লকপা খুদিংগী থৌনা ফনা থেংরিবা অসিনা হরয়ানাগী চাউখৎপগী খোংজেল অসি হান্নবা তপথখিদ্রি অমসুং তুংদসু তপথরোই হায়খি। রাজ্য সরকারনা কোবিদ-১৯গী লায়চৎ মনুংদা মীয়ামগী য়েংদুনা ৱারেপ কয়া অমা লৌখি অমসুং মসিগী মনুংদা লুপা কোতি ১২০০গী শেলথুমগী পেকেজ অমা অমসুং লৈত লায়রশিংবু তেংবাংনবা হরয়ানা কোরোনা রিলীফ ফন্দ শেমখিবসু য়াওরি।
• কেরলাঃ কেরলাদা লাই খুরুম্বা মীওই অমত্তনা সাবারিমলা লাইশংদা থাগী ওইবা পুজা অমত্তা তৌহল্লোই; নিংথৌকাবা নুমিত্তগী হৌগদবা চহীগী কুমহৈশু পাংথোক্লরোই। হকশেল মন্ত্রী কে. শাইলাজানা থিরুবন্থাপুরম মেদিকেল কোলেজ হোস্পিতালগী আইসোলেসন ৱার্দতা কোবিদ-১৯গী অনাবা অনিনা থৱাই থাজখিবা থৌদোক অদুগা মরী লৈনবা হোস্পিতালগী মীওইশিংবু য়ানিংদবা ফোংদোকখ্রে। থৌদোকসিগী মতাংদা হেলথ দিপার্তমেন্তকী এদিস্নেল প্রিন্সিপাল সেক্রেতরীদা রিপোর্ত অমা পীখৎলক্নবা হায়খ্রে। লন্নাইগী হোস্পিতালগী মেনেজমেন্তশিংনা ভিদিও কনফরেন্সিংগী খুত্থাংদা পয়াংথোকখিবা মীফমদা কোবিদকা মরী লৈনবা কেসশিং লায়েংনবা মপুং ফানা মতেং পাংগনি হায়খি। রাজ্যসিগী মপান্দা কেরলাইৎ ৫ অমসুং কোবিদ-১৯ নাবদগী লৈখিদ্রে। মীওই অহুম্না গল্ফতা অমসুং অনিনা মুম্বাইদা লৈখিদবনি।
• তমিল নাদুঃ পুদুচেরীদা মীওই অমসু কোবিদ-১৯ নাদুনা লৈখিদ্রে, অনৌবা কেস ১২ লাক্তুনা পুন্না ১৫৭ ওইখ্রে। সুপ্রিম কোর্ত্না তমিল নাদুদা লৈবা সরকারনা চলায়বা শেলতর-হোম অমদা অঙাং ৩৫ কোবিদ-১৯ পোজিতিব ওইখিবা অদু য়েংশিনখ্রে; রাজ্য সরকারদগী স্তেতস রিপোর্ত কৌখ্রে। সি.এম.না সরকারনা কোবিদতগী লৈখিদবশিং লোৎশিল্লগা করিমত্তা কান্নবা নত্তে হায়খ্রে অমসুং লৈখিদবশিংগী মতাংদা শেংনা লৈরি হায়খি। সরকারগী ওফিসশিং অনিশুবা থাংজশিংদা মহিক হাৎনবা হিদাক কাপথোক্নবগীদমক ছুতি ওইগনি। ঙরাং অনৌবা কেস ১৯২৭, নাবা ফগৎপা ১০০৮ অমসুং লৈখিদবা ১৯ লৈখি। চেন্নৈদগী ওইনা কেস ১৩৯০। অপুনবা কেসঃ ৩৬৮৪১, এক্তিব কেসঃ ১৭১৭৯, লৈখিদবাঃ৩২৬, চেন্নৈগী এক্তিব কেসঃ ১৩০৮৫।
• করনাতকাঃ রাজ্য সরকারনা প্রি-প্রাইমারী অমসুং লাৱর প্রাইমারীদগীনা ৫শুবা স্তেন্দর্দকী মহৈরোইশিং ফাওবগী ওইনা লাইব ভর্চুৱেল ক্লাস তৌবা থিংখ্রে; রাজ্য সরকারনা নিমহান্সকী দাক্তরশিংগী ৱাফমদা য়ুম্ফম ওইদুনা ৱারেপ অসি লৌবনি। ওতোরিক্সো অমসুং কেব দ্রাইভর্শিংগী কোবিদ-১৯গী তেংবাং ওইনা ত্রান্সপোর্ত দিপার্তমেন্ততা লুপা কোতি ৪০ থাদখ্রে। গৃহ মন্ত্রালয়দগী অয়াবা ফংলবা মতুংদা রেসিদেন্সিএল স্কুল অমসুং কোলেজশিং য়াইফ য়ুম্বাল বিভাগনা হাংদোক্লগনি। ঙরাংগী ওইনা অনৌবা কেস ১২০, দিসচার্জ তৌখিবা ২৫৭ অমসুং মীওই ৩ লৈখিদে। অপুনবা কেস মশিং ৬০৪১, এক্তিব কেস ৩১০৮, লৈখিদবা মশিং ৬৯ অমসুং ফগৎলবা ২৮৬২।
• আন্ধ্র প্রদেশঃ কুৱেত্তা পন্দুনা লৈবা তেলেগু মচা ১১৪ ভিশাখপ্তনম এয়রপোর্ত্তা থুংখ্রে। মীওই কয়া অমনা য়ুমদা পুথোকপিয়ু হায়রিবা অসিনা সি.এম.না কেন্দ্র সরকারদা ফ্লাইৎ মশিং হেনগৎহন্নবা হায়জখ্রে। নুমিৎ হুম্নি য়েংলবা মতুংদা দর্শন্না তিরুমালা লায়শং হাংদোকখ্রে। অয়ুক্কী পুং ৮দগী হৌগদবা স্লোৎকীদমক্তা তি.তি.দি.না লাই খুরুম্নিংবশিংগী ওনলাইন্দা তিকেৎ ৩০০০ অমসুং ওফলাইন্দা তিকেৎ ৩০০০ হেন্না থাখ্রে। হৌখিবা পুং ২৫দা সেম্পল ১১৬০২ তেস্ত তৌবদা অনৌবা কেস ১৩৫, দিসচার্জ তৌখিবা ৬৫ অমসুং মীওই ২ লৈখিদে। অপুনবা কেসঃ ৪২৬১, এক্তিবঃ ১৬৪১, ফগৎলবাঃ ২৫৪০, লৈখিদবাঃ ৮০। অতোপ্পা রাজ্যশিংদগী হল্লকপা পোজিতিব ওইবা মশিং অসি ৯৭১নি, মসিদা পুং ২৪গী মনুংদা ৫৬৪ এক্তিব ওইরি, ৩১ দিসচার্জ তৌখ্রে। মপান লমদগী হল্লকপগী ওইনা কেস ১৯৭কী মনুংদা ১৭৬ এক্তিব ওইরি।
• তেলঙ্গানাঃ গান্ধী হোস্পিতাল মেদিকোস্না প্রোতেস্ত মখা তানা চত্থরি; মেদিকোসনা হোস্পিতালগী কেম্পস মনুংদা প্রোতেস্ত তৌখি; গান্ধী হোস্পিতালগী কোবিদ-ইন-পেসেন্ত ৱার্দতা মখোয়গী তৌফম থোকপা মথৌ অমত্তা তৌখিদে। ইন্দস্ত্রী অমসুং আই.তি. মন্ত্রী কে.তি. রাওনা হায়খিবদা কেবিনেৎনা লন্নাইগী ওইনা কোবিদ-১৯ তেস্ত তৌবগী মতাংদা খন্নরি। জুন ১১ ফাওবদা ওইবা অপুনবা কেস- ৪১১১। হৌজিক ফাওবদা মাইগ্রেন্ত অমসুং মীরমদগী হল্লকপা মীওই ৪৪৮ পোজিতিব ওইখ্রে।
• মহারাস্ত্রাঃ রাজ্যসিদা য়ুমশকৈশা নুমিত্তা অনৌবা কেস ৩২৫৪ লাক্তুনা অপুনবা কেস মশিং ৯৪০৪১ য়ৌখ্রে। রাজ্যসিদা এক্তিব কেস ৪৬০৭৪ লৈবদা অনাবা ৪৪৫১৭তি নাবা ফখ্রে। য়ুমশকৈশা নুমিত্তা মীওই ১৪৯ লৈখিদবা অসিনা নোংমদা খ্বাইদগী য়াম্না লৈখিদবা ওইরে। নুমিৎশিমক্তদা হোৎস্পোৎ ওইরিবা মুম্বাইদা অনৌবা কেস ১৫৬৭ অমসুং লৈখিদবা মশিং ৯৭ ওইখি। রাজ্যসিদা কেস মশিং অসি য়াম্না হেনগৎলবসু ফগৎপগী চাংসু য়াম্না হেনগৎলি অমসুং শিবগী চাংসু লৈবাক্কী ওইরিবা চাংচৎকা মান্নরি। ধারাবি, মাহিম অমসুং মুম্বাইগী দাদরদা ফগৎপগী চাং হেনগৎপা অসিনা সরকারদা ৱাখল খরা নুংঙাইহল্লি।
• গুজরাতঃ য়ুমশকৈশা নুমিত্তা জিলা ২১দগী অনৌবা কেস ৫১০ লাকখিবদগী রাজ্যসিগী কোবিদ-১৯গী অপুনবা কেস মশিং ২১৫৫৪ য়ৌখ্রে। নুমিৎশিদা অনাবা ৩৭০ নাবা ফখি অমসুং মসিনা দিসচার্জ তৌখিবা অপুনবা মশিং ১৪৭৪৩ য়ৌহনখ্রে। হৌজিক্কী ওইনা এক্তিব কেস ৫৪৬৪ লৈরি।
• রাজস্থানঃ ঙসিগী অয়ুক্তা কোবিদ-১৯গী অনৌবা কেস ৫১ লাকপদগী রাজ্যসিগী অপুনবা কেস মশিং ১১৩৬৮ য়ৌরে। ঙসি ফাওবদা মীওই ৮৫০২ নাবা ফখ্রে। হকশেল মন্ত্রী দাক্তর রঘু শর্মনা হায়খিবদা হৌখিবা নুমিৎ ৮নিদা কোবিদকী কেস য়াম্না থুনা হেনগৎলক্লি অমসুং নোংমদা চাংচৎকী ওইনা কেস মশিং ২৬৮ হেনগৎলি।
• মধ্য প্রদেশঃ য়ুমশকৈশা নুমিত্তা রাজ্যসিদা অনৌবা কেস ২০০ লাকপদগী অপুনবা কেস মশিং ১০০৪৯ য়ৌখ্রে অমসুং অনাবা ৪২৭ লৈখিদ্রে। নৌনা নারক্লিবশিং অসি ইন্দোর, ভোপালগুম্বা হোৎস্পোৎশিংদগীনি অমসুং রাতলাম জিলানা মতুং ইল্লি। মীওই ৬৮৯২না নাবা ফগৎলে অমসুং এক্তিব কেস ২৭৩০ লৈরি। হৌজিক ফাওবদা সেম্পল লাখ ২গা লিশিং ২৮ তেস্ত তৌখ্রে। রাজ্যসিগী রিকোবরী রেৎ অসি ৬৮.৬%তা হেনগত্তুনা লৈবাক অসিগী ওইনা রাজস্থানগী মথংদা অনিশুবদা লোইরি।
• ছতিসগরঃ য়ুমশকৈশা নুমিত্তা রাজ্যসিদা অনৌবা কোবিদ-১৯গী কেস ১১৪ লাক্তুনা অপুনবা মশিং ১৩৫৯ য়ৌখ্রে। এক্তিব কেস -৯৫৮, অনাবা ৪০২ নাবা ফখ্রে অমসুং রাজ্যসিদা মীওই ৬ লৈখিদ্রে।
• গোৱাঃ য়ুমশকৈশা নুমিত্তা অনৌবা কোবিদ-১৯গী কেস ২৮ লাক্তুনা অপুনবা মশিং ৩৮৭ য়ৌখ্রে। হৌজিক ফাওবদা রাজ্যসিদা এক্তিব কেস ৩২০ লইরি।

ফেক্ত চেক

****************