প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা ইন্দিয়ন চেন্বর ওফ কম্মর্স (আই.সি.সি.)কী ৯৫শুবা চহিগী অপুনবা মীফম হৌদোকপগী ৱারোল থমখ্রে।

কোবিদ-১৯গী লাইচৎকী মায়োক্তা চত্থরিবা লাল অসি পল্লদুনা প্রধান মন্ত্রীনা হায় ভারতনা মালেম পুম্বগা লোয়ননা থৌনা ফনা মাংজিল থারি। মহাক্না হায় লৈবাক অসিনা কৌজেংনা লান্দারকপা, লেন তাবা, ওইল রিগতগী মৈ চাকপা, অপীকপা য়ুহা হাবা মথং মথং থোকখিবা অমসুং সাইক্লোন অনিদগী অৱাবা কয়াসু মায়োক্নখ্রে অদুবু লৈবাক অসিনা অমুক্তদা খুদোংথীবশিং অসি মায়োক্নরি।

প্রধান মন্ত্রীনা হায় মসিগুম্বা অৱাবা পুংফম অসিনা ভারত অসি হেন্না মরা চেৎশিন হল্লে। মহাক্না হায় পুক্নিং চংবা, খাংবা কনবা অমসুং লিংজেল মান্নবনা লৈবাক অসিনা অৱা-অনা পুম্নমক মায়োক্নবদা লৈবাক অসিগী মপাঙ্গল হাপ্লি। মহাক্না হায় অৱা-অনা অমহেক্তনা ঐখোয়দা মরোমদোম লেপ্পা ঙম্বা ভারত অমা শেমগৎনবা হৌনবা খুদোংচাবা অমা পীরি। (আত্মনির্ভর ভারত)

মরোমদোম লেপ্পা ঙম্বা ভারত

প্রধান মন্ত্রীনা হায় মরোমদোম লেপ্পা ঙম্বা অসি ভারত্তা চহি কয়াদগী ইথিল পীরিবা অমনি।

“হৌজিক লৈবাক অসিগী খুঙ্গং, দিস্ত্রিক্ত খুদিংমক মরোমদোম লেপ্পা ঙমহনবা মতম ওইরে”। মহাক্না ভারতকী শেন্মিৎলোনবু ‘কম্মান্দ এন্দ কন্ত্রোল’ মোদতগী চিংথোক্লগা “প্লগ এন্দ প্লে’ মোদ রোমদা পুনবা মীয়ামদা ফোঙদোকখ্রে।

মহাক্না হায় মালেমগী ওইবা দোমেস্তিক সপ্লাই চেন চাংদম্নবা অমসুং কঞ্জর্বেতিব এপ্রোচশিং নত্তবা অমা শেম শানবা অচৌবা ৱারেপশিং অমসুং অচৌবা ইনবেস্তমেন্তশিংগী মতম ওইরে। মহাক্না ভারতনা আত্মনির্ভর ফঙগদবা সেক্তরশিং অদু খন্দোকখ্রে।

প্রধান মন্ত্রীনা হায় “মরোমদোম লেপ্পা ঙম্বগী পান্দম অসি লৈবাক অসিগী পোলিসি অমসুং প্রেক্তিসতা য়াম্না মখা পোল্লি অমসুং ঔজিক কোরোনা লাইচৎনা মসি করম্না থুজিনহনগনি হায়বা ঐখোয়দা পারা অমা তম্বীরে। “মসিগী পারা অসিদগী আত্মনির্ভর ভারত কেম্পেন হৌরে” হায়না মহাক্না ফোঙদোকখি।

শ্রী মোদিনা হায়, হৌজিক মপান্দগী নমদনা পুশিল্লকহল্লিবা পোত্থোকশিং অসিগী পুথোক্লগা মপান্দা থাবা ঙম্বা ভারত অমা ওইহনবরোমদা ঐখোয়না পুন্না হোৎনমিন্নগদবনি। অপীকপা ললোনবশিংগী হোৎজমল অদু থাগৎলদুনা মহাক্না হায় ঐখোয়না মখোয়দগী মফম পুথোকচবা পোৎশিং লৈবা মতমদা ঐখোয়না মখোয়গী গুদশিং অমসুং সর্ভিসশিংগী পৈশা পীবা নত্তনা মখোয়গী থৌদাংশিংদা মনাসু পীবনি।

স্বামি বিবেকানন্দা পল্লদুনা “হৌজিক্কী ওইনা থবক তৌগদবা খ্বাইদগী লায়বা পাম্বৈদি ভারত মচাশিংবু মখোয়না পুথোকচবা পোৎ শিজিন্নহনবা অমসুং অতোপ্পা লৈবাক্তা ভারতকী পোত্থোকশিংগী কৈথেল লৈহনবনি’ মহাক্না হায় স্বামি বিবেকানন্দা তাক্লম্বা মসিগী লম্বেল অসিনা কোবিদ মতুংগী ৱার্ল্দদা ভারতকী ইন্সপিরেসন অমা ওইরগনি।

প্রধান মন্ত্রীনা এম.এস.এম.ই.শিংগী দিফিনিসনগী স্কোপশিং চাওথোকপা, এম.এস.এম.ই.শিং মতেং পাংনবা অখন্নবা ফন্দশিং শিল-লাংবা, আই.বি.সি.গা মরি লৈননা ৱারেপ লৌবা, ইনবেস্তমেন্তশিং থুনা ত্রেক তৌনবা প্রোজেক্ত দিবেলপমেন্ত সেলশিং শেম্বনচিংবা আত্মনির্ভর ভারত কেম্পেনগী মখাদা মরু ওইবা শেমদোকপশিং লাওথোকখি।

এ.পি.এম.সি. এক্ত এমেন্দ তৌবা

লৌউ-শিংউগী লমদা হন্দক্তা লৌখিবা পোলিসি ৱারেপশিংবু থাগৎলদুনা প্রধান মন্ত্রীনা হায় চহি কয়া অথিংবা থম্লম্বদগী লৌউ-শিংউগী শেন্মিৎলোন অসি মনিং তমখ্রে। হৌজিক ভারতকী লৌমীশিংনা মখোয়গী পোত্থোকশিং লৈবাক অসিগী মফম অমা হেক্তদা য়োনবা য়াবগী মনিংতম্বা লৈরে।

অৱাং নোংপোক অসি ওর্গানিক ফার্মিংগী হব অমা ওইরকপা

মহাক্না মখা তারদুনা সরকারগী হৌজিক্কী ক্লস্তরদা বেজ তৌবা লোকল পোত্থোক্কী খোঙথাং অসিনা পুম্নমক্কী খুদোংচাবা পীরগনি। মসিগা মরি লৈনবা ক্লস্তরশিং মখোয়গী পোকফম দিস্ত্রিকশিং, ব্লোকশিংদা শেমগৎলগনি। মহাক্না হায় “মসিগা লোয়ননা ৱা অমসুং ওর্গানিক পোত্থোকশিংগী ক্লস্ত্রশিংসু শেমলগনি। সিক্কিমগুম্না অৱাং নোংপোক্কী মফম খুদিংমক ওর্গনিক ফার্মিংগী অচৌবা হব অমা ওইবা য়ারগনি”। মহাক্না হায় করিগুম্বা ওর্গানিক ফার্মিং অসি মালেম্না শক খংলবা অমসুং মালেমগী কৈথেলশিংদা দোমিনেৎ তৌরবদি মসিনা অৱাং নোংপোক্তা অচৌবা খোংথাং অমা ওইরকপা য়াই।

মীয়াম, মহৌশা অমসুং কান্নবা অসি অমগা অমগা মরি লৈনৈ।

বঙ্গালনা ইতিহাসিক ওইনা পোৎ শাবদা খ্বাইদগী মকোক থোংলম্বা অদুবু নৌহৌননা প্রধান মন্ত্রীনা ফোঙদোকখি। “বঙ্গালনা ঙসি খনবা অদু ভারতনা হয়েং খনগনি” হায়বা অসিদগী ইথিং পোকহন্দুনা মাংলোমদা চংশিনসি হায়না প্রধান মন্ত্রীনা হায়খি। মীয়াম, মহৌশা অমসুং কান্নবা অসি অমগা অমগা মরি লৈনৈ হায়না মহাক্না মখা তাখি। অহুম অসি অমুক্তদা চৎমিন্নৈ অমসুং পুন্না লৈমিন্নবা য়াই। মখা তারদুনা, চহী তরুক্কী মমাংদা লৈরমবা এল.ই.দি.বল্বশিংগী মমল অদুদগী মমল হন্থরকপা অদুগা চাংদমনবগী খুদম অমা পীদুনা মহাক্না হায় মসিনা চহী খুদিংগী ইলেক্ত্রিক বিলশিংদা লুপা কোতি লিশিং ১৯ রোম তুংশিনবা ঙমখি মসি মীয়ামগী অমসুং মহৌশাগী ওইনা কান্নবনি হৌখিবা চহী তরুক অসিদা সরকারগী স্কিমশিং অমসুং ৱারেপশিং অসিসু মীয়ামগী, মহৌশাগী অমসুং কান্নবশিং অসিগী ৱাখল্লোনদা য়ুম্ফম ওইখি হায়না মহাক্না ফোঙদোকখি। মীয়ামনা ঈশিংগী লম্বেলশিং শীজিন্নবদগী কান্নবা ফংলিবা, মসিনা পোৎ পুথোক-পুশিন তৌবগী মমলদা করম্না হন্থহল্লিবা অমসুং মহৌশা অসিনা ফ্যূল মৈ থাবা হন্থবদগী ফংলিবা কান্নবশিং অদুসু মহাক্না খঙহনখি।

মীয়ামগী খনবা, মীয়াম্না হোৎনবা অমসুং মহৌশাগী খনবা চাউখৎ থৌরাংগী খোঙথাং

অমুক্তং শীজিন্নবা প্লাস্তিক অসি লৈবাক অসিদগী মুথৎনবা কেম্পেনদা মহাক্না খুদম অমসু পনখি। মসিনা নোংচুপ বঙ্গালগী জুৎকি ললোন ইতিক অসিবু চাউথোকহন্দুনা কান্নবা পীরগনি হায়না মহাক্না ফোঙদোকখি। ইন্দস্ত্রীনা মসিগী খুদোংচাবা অসি লৌহৌগদবনি হায়না মহাক্না হায়খি। মীয়ামগী খনবা, মীয়াম্না হোৎনবা অমসুং মহৌশাগী খনবা চাউখৎ থৌরাংগী খোঙথাংশিং অসি লৈবাক অসিগী লৈঙাকপগী শরুক অমা ওইরে হায়নসু মহাক্না ফোঙদোকখি। “ঐখোয়গী তেক্নোলোজিনা খুৎ চংলকপা অসি মীয়ামগী, মহৌশাগী অমসুং কান্নবগী ৱাখল্লোনগসু চান্নরি”

রুপে কার্দ অমসুং য়ু.পি.আই.

বেঙ্কিং সর্ভিসশিং অসি য়ু.পি.আই.গী খুত্থাংদা থেংনদনা, শোকনদনা, শেল শীজিন্নদনা ২৪ x ৭ থবক তৌ্বা ঙম্লে হায়না প্রধান মন্ত্রীনা হায়খি। ভিম এপদগী ত্রাঞ্জেকসনশিং হৌজিক তৌরিবা অসিনা অনৌবা রেকোর্দশিং থম্বা ঙমখ্রে। রুপে কার্দ অসি হৌজিক্তি লাইরবা, লৌমীশিং, মিদল ক্লাস অমসুং লৈবাক অসিগী সেক্সন খুদিংমক্না পামনবা ওইরক্লি। মরোমদোম লেপ্পা ঙম্বা ভারত অমা ওইহন্নবা রুপে কার্দশিং শীজিন্ননবা মহাক্না হায়খি। মহাক্না ফোংদোকখি মদুদি লৈবাক অসিদা বেঙ্কিং সর্ভিসশিং অসি মখোয়না য়ৌবা ঙম্লমদবা অদু হৌজিক্তি ঙম্লে হায়না মহাক্না হায়খি। মসিনা দি.বি.তি, জে.এ.এম. (জন্ধন আধার মোবাইল)গী খুত্থাংদা অহোবা লৈতনা বেনিফিসরি মিলিয়ন কয়াদা মথৌ তাবা মতেং ফংহনবদা ওইথোকহল্লি।

এম.এস.এম.ই.শিং, অপীকপা সেল্ফ হেল্প গ্রুপশিং অসিনা মখোয়গী গুদশিং অমসুং সর্ভিসশিং অসি জে.ই.এম.গী প্লেৎফোর্মদা ভারত সরকারদা হকথেংননা করম্না পীবগে হায়বা অদুসু মহাক্না পনখি।

লৈবাক অসিগী সোলর পেনেলগী পাৱর স্তোরেজ কেপাসিতী হেনগৎনবা আর &দি অমসুং অফবা বেত্তরিশিং শারিবা অসিদা ইন্দস্ত্রীনা ইনবেজ তৌনবা মহাক্না ফোঙদোকখি। মসিগী থবক অসি তৌরিবা এম.এস.এম.ই.শিং অসিগুম্বা ইন্সতিত্যুসনশিংবু খুৎ পাইদুনা লমজিংনবা মহাক্না হায়খি।

গুরুভর তেগোরগী মমিং লৈরবা শৈরেং “নুতেন য়ুগের ভোর”দগী মতেক অমা লৌথোক্লদুনা প্রধান মন্ত্রীনা ইন্দস্ত্রীনা হৌজিক লৈরিবা অৱাবশিং অসিনা ফংহল্লিবা খুদোংচাবশিং অদু খংঙু হায়না পুক্নিং থৌগৎখি অমসুং লেপ্পা লৈতনা চংশিনবনা অনৌবা লেম্বেল শেম্বা ঙমগনি হায়না মহাক্না হায়খি। হৌজিক থেংথবা তৌরোইদবনি হায়না মহাক্না ফোঙদোকখি।

নোংপোক থংবা ভারত অমসুং অৱাং নোংপোকগী ইন্দস্ত্রীশিং চাউখৎহনবদা আই.সি.সি.না লৌরিবা থৌদাং অদুবু প্রধান মন্ত্রীনা থগৎপা ফোঙদোকখি।

*****