PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 09 JUN 2020 6:36PM by PIB Imphal

   

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪দা অহেনবা কোবিদ-১৯ অনাবা ৪৭৮৫ ফগৎলদুনা অপুনবা ফগৎপা মশিং ১,২৯,২১৪ শুখ্রে অমসুং ফগৎলকপগী চাং ৪৮.৩৭দা হেনগৎখ্রে।
  • এক্তিব কেস মশিং ১২৯,৯১৭দা হেনগৎখ্রে।
  • মন্ত্রীগী কাংলুপনা কোবিদ-১৯ লাকশিন্নবা লৌখৎলিবা খোংথাংশিং য়েংশিনখ্রে।
  • কোবিদ-১৯গী কেস মশিং য়াম্না লৈবা ম্যুনিসিপাল বোদী ৫০মুক্তা কেন্দ্রগী তিম থাখ্রে।
  • কোবিদ ইমর্জেন্সী ক্রেদিৎ ফেসিলিতীনা এম.এস.এম..শিংতমক নত্তনা কম্পেনী খুদিংমক কোনশিল্লি হায়না শেল-থুম মন্ত্রীনা হায়খ্রে
  • এম.জি.এন.আর.ই.জি.এস.গী মখাদা শেনবা চহী ২০২০-২০২১ অসিদা খ্বাইদগী চাওবা এলোকেসন ওইনা লুপা কোতি ১,০১,৫০০ পীখ্রে মসিগী মনুংদা লুপা কোতি ৩১,৪৯৩গী শেনফম হান্না কাইথখ্রে; মীওই কোতি ৬.৬৯দা থবক ফংহনখ্রে।

Image

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও; মন্ত্রীগী কাংলুপনা কোবিদ-১৯ লাকশিন্নবা লৌখৎলিবা খোংথাংশিং য়েংশিনখ্রে

কোবিদ-১৯গী মতাংদা ফম্বা অৱাংবা থাক্কী মন্ত্রী কাংলুপ (জি.ও.এম.)গী ১৬শুবা মীফমদা ঙসি মফম অসিমক্তদা হকশেল অমসুং য়াইফ-য়ুম্বাল কেন্দ্রগী মন্ত্রী দা. হর্শ বর্ধন্না ভিদিও কনফরেন্স অমগী খুত্থাংদা ময়াই তাংবল লৌখি। লৈবাক অসিদা হিদাক লাংথক্কী ওইবা ইনফ্রাস্ত্রকচরশিং খুমাং চাউশিল্লক্লিবা অসিগী মতাংদা অমসুং জুন ৯, ২০২০ ফাওবদা, কোবিদকা মরী লৈনবা হকশেলগী ইনফ্রাস্ত্রকচরশিং অসি কোবিদ খক্তগী ওইবা হোস্পিতাল ৯৫৮তা আইসোলেসন বেদ ১,৬৭,৮৮৩, আই.সি.য়ু. বেদ ২১,৬১৪ অমসুং ওক্সিজেন লৈবা ফমুং ৭৩,৪৬৯ থমদুনা মপাঙ্গল কনখৎলে হায়না মন্ত্রী কাংলুপ অসিদা পাউদমখি। কোবিদ খক্তগী ওইবা হকশেলগী সেন্তর ২,৩১৩দা আইসোলেসন বেদ ১,৩৩,০৩৭; আই.সি.য়ু. বেদ ১০,৭৪৮ অমসুং ওক্সিজেন লৈবা ৪৬,৬৩৫ থমদুনা মথৌ তৌখ্রে। মসিগীসু মথক্তা, কোবিদ কেয়র সেন্তর ৭,৫২৫তা ফমুং ৭,১০,৬৪২গা লোইননা লৈবাক অসিদা কোবিদ-১৯ লান্থেংনরি। কোবিদকী ফমুংশিংদা থম্বা ভেন্তিলেতরনা মশীং ২১,৪৯৪। কেন্দ্র সরকারনা অহেনবা ভেন্তিলেতর ৬০,৮৪৮গী ওর্দর থমখ্রে। আই.সি.এম.আর.গী তেস্ত তৌবা ঙম্বগী মশীংসু সরকারগী লেবোরেতরীদা ৫৫৩ অমসুং প্রাইবেৎ লেবতনা ২৩১ (অপুনবা ওইনা ৭৮৪ লেব) হেনগৎখ্রে। হৌজিকফাওবদা ক্যুমুলেতিব তেস্ত লাখ ৪৯ হেন্না তৌখ্রে। মসিগী মথক্তা হৌখিবা পুং ২৪ অসিদা সেম্পল ১,৪১,৬৮২ তেস্ত তৌখি।

হৌজিকফাওবদা, মীওই ১,২৯,২১৪ নাবা ফখ্রে। হৌখিবা পুং ২৪ অসিদা অনাবা মীওই ৪,৭৮৫ নাবা ফখ্রে। মসিনা ঐখোয়গী অপুনবা নাবা ফবগী চাং ৪৮.৪৭% য়ৌখ্রে। হৌজিকফাওবদা অপুনবা এক্তিব কেস মশীং অসি ১,২৯,৯১৭নি।

অকুপ্পা ৱারোলগীদমক :

কোবিদ-১৯গী কেস মশিং য়াম্না লৈবা ম্যুনিসিপাল বোদী ৫০মুক্তা কেন্দ্রগী তিম থাখ্রে

হকশেল অমসুং য়াইফ য়ুম্বাল মন্ত্রালয়না অৱাংবা থাক্কী মখল-মখা কয়াদা হৈথোয় শিংথোইরবা কেন্দ্রগী কাংবু খরা কোবিদ-১৯গী কেস ৱাংনা লৈবা রাজ্য/য়ু.তি. ১৫গী জিলা/ম্যুনিসিপাল বোদী ৫০ হেনবদা রাজ্য সরকারশিংবু লায়চৎ অসি নিংথিনা শেন্নবা অমসুং লাকশিনবদা মতেং পাংনবা থাখ্রে। রাজ্য/য়ু.তি.শিং অদুদিঃ মহারাস্ত্রা (জিলা/ম্যুনিসিপালিতী ৭); তেলঙ্গানা (৪); তমিল নাদু (৭), রাজস্থান (৫); অসম (৬); হরিয়ানা (৪); গুজরাত (৩); কর্নাতকা (৪); উত্তরাখন্দ (৩); মধ্য প্রদেশ (৫); নোংচুপ বেঙ্গল (৩); দিল্লী (৩); বিহার (৪); উত্তর প্রদেশ (৪) অমসুং ওরিশা (৫)নি। কাংবু অসিনা ফিল্দদা থবক তৌরি অমসুং হেলথ কেয়রগী মফমশিংদা চত্তুনা রাজ্যগী হকশেলগী বিভাগশিংদা লায়চৎ অসিবু লাকশিন্নবা থৌওংশিং পায়খৎপদা মতেং পাংগনি অমসুং জিলা/শহর মনুংদা কেসশিং অদুবু নিংথিনা য়েংশিন্দুনা লায়েংবদসু মতেং পাংগনি।

অকুপ্পা ৱারোলগীদমক :

কোবিদ ইমর্জেন্সী ক্রেদিৎ ফেসিলিতীনা এম.এস.এম..শিংতমক নত্তনা কম্পেনী খুদিংমক কোনশিল্লিঃ শেল-থুম মন্ত্রী

কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতী নির্মলা সিতারমন্না ঙসি হায়খ্রে মদুদি কোবিদ ইমর্জেন্সী ক্রেদিৎ ফেসিলিতীনা এম.এস.এম.ই.শিংতমক নত্তনা অতোপ্পা কম্পেনী খুদিংমকপুসু কোনশিল্লি। এফ.সি.সি.আই. নেস্নেল একজিক্যুতিব কম্মিতীগী মেম্বরশিংদা ৱা ঙাংলদুনা শ্রীমতী সিতারমন্না ভারতকী শেন্মিৎলোন হিংগৎনবা অমসুং ভারতকী লল্লোন ইতীক তৌরিবশিংবু ঙাক্লৌ পীনবা সরকারনা ইন্দস্ত্রীদা অঙম্বা মতেং পাংগনি হায়না থাজবা পীখি অমসুং হায়খি, "নখোয়গী মীহুৎশিংগী মরক্তা করিগুম্বা খুদোংচাদবা অমা হেক লাকপা মতমদা ঐখোয়না মতেং পাংনবা শেম শাদুনা লৈরি।" মহাক্না হায়খি মদুদি, সরকারগী বিভাগ খুদিংমক্তা পুথরিবা শেলশিং শিংদোক্নবা খঙহনখ্রে অমসুং করিগুম্বা বিভাগশিংগী মরক্তা খুদোংচাদবা লৈরবসু সরকারনা য়েংশিনগনি। অনৌবা ইনভেস্তমেন্তশিংদা কোর্পোরেৎ তেক্স ১৫% ফংহনবগী অরোইবা মতম শাংদোক্নবা সরকারনা খন্নগনি হায়নসু শেল-থুম মন্ত্রীনা ফোংদোকখি।

অকুপ্পা ৱারোলগীদমক :

এম.জি.এন.আর.ই.জি.এস.গী মখাদা শেনবা চহী ২০২০-২০২১ অসিদা খ্বাইদগী চাওবা এলোকেসন ওইনা লুপা কোতি ১,০১,৫০০ পীখ্রে; লুপা কোতি ৩১,৪৯৩গী শেমফম হান্না কাইথখ্রে

চৎলিবা শেনবা চহী ২০২০-২১ অসিদা মহাত্মা গন্ধী নেসনল রুরেল এমপ্লোইমেন্ত গরেন্তী স্কিম (এম.জি.এন.আর.ই.জি.এস.)গী মখাদা লুপা কোতি ১,০১,৫০০গী প্রোভিজন অমা হাপখ্রে। প্রোগ্রাম অসিগী মখাদা মসিনা খ্বাইদগী চাওবা ফন্দগী প্রোভিজন ওইরি। ২০২০-২১দা লুপা কোতি ৩১,৪৯৩গী শেমফম মমাংদা কাইথখ্রে। অপুনবা নুমিৎ কোতি ৬০.৮০ হৌজিক ফাওবদা তৌখ্রে অমসুং মীওই কোতি ৬.৬৯দা থবক ফংহনখি। মে ২০২০দা থবক ফংহনখিবা মীওইগী মশিং অসি চাংচৎতা নোংমদা কোতি ২.৫১নি। চৎলিবা শেনবা চহী ২০২০-২১গী মনুংদা অপুনবা লাখ ১০গী থবক হৌজিক ফাওবদা লোইশিনখ্রে। মরু ওইনা পান্দম থম্লিবা থবকশিংদি ঈশিং মাংহনদনবা অমসুং ইথৈ-লৌখোং, উ থাবা, হোর্তিকলচর অমসুং তোঙান তোঙানবা বেনিফিসরিগী হীংনবগী পাম্বৈ পীরিবা থবকশিং হেনগৎহনবনি।

অকুপ্পা ৱারোলগীদমক :

ভারত রেলৱেজনা দিমান্দ তৌরকপা স্তেৎশিংদা শ্রমিক স্পিসিএল ত্রেনশিং পীবা মখা চত্থখিনি

হৌজিক ফাওবদা মীওই চাওরাক্না লাখ ৬০ রোম মখোয়গী ময়ুম স্তেৎশিংদা থিনবদা ভারত রেলৱেজনা শ্রমিক স্পিসিএল ত্রেন ৪৩৪৭ হেন্না মথৌ তৌহনখ্রে। শ্রমিক ত্রেনশিং অসি ২০২০গী মে অহানবদগী চেনবা হৌখ্রে। ভারত রেলৱেজনা স্তেৎ লৈঙাকশিংদা স্তেৎতগী দিমান্দ ফঙলবা মতুং পুং ২৪গী মনুংদা শ্রমিক স্পিসিএল ত্রেনশিং পীবা মখা চত্থগনি হায়না খঙহনখ্রে। রেলৱে মন্ত্রালয়না স্তেৎ লৈঙাক্তা মখোয়গী মথৌ তবা শ্রমিক স্পিসিএল ত্রানশিংগী মতাংদা খঙহল্লক্নবা হায়খ্রে অমসুং রেলগী পাম্বৈনা মফমশিংদা লৈরিবা মীওইশিং পুথোক পুশিন তৌবগী প্রোজেক্তেদ দিমান্দ অদু ফজনা য়েংশিন্নবা অমসুং খংদোক্নবা খংহনখ্রে।

অকুপ্পা ৱারোলগীদমক :

লোকদাউন মনুংদা লাখ ৩৬.০২ ক্লেমশিং ই.পি.এফ.ও.না ফঙখ্রে

য়ুনিয়ন মিনিস্ত্রি ওফ লেবর অমসুং এমপ্লোইমেন্তগী মখাদা স্তেত্যুরি বোদি অমা ওইরিবা এমপ্লোইয়িজ প্রোবিদেন্ত ফন্দ ওর্গনাইজেসন (ই.পি.এফ.ও.)না অঙকপা ওইনা লোকদাউনগী অথিংবা মরক্তা লাখ ৩৬.০২ ক্লেম তৌরদুনা ২০২০গী এপ্রিল অমসুং মেগী থা মনুংদা মসিগী মেম্বরশিংদা কোতি ১১,৫৪০ য়েন্থোকখ্রে। মসিগী মনুংদা ক্লেম লাখ ১৫.৫৪না প্রধান মন্ত্রী গরিব কল্যান যোজনাগী মখাদা হন্দক্তা কোবিদ ১৯ এদভান্স হৌদোকখিবা অদুগা মরি লৈননা ক্লেমেন্তশিংদা লুপা কোতি ৪৫৮০ য়েন্থোকখি। ৱেজ স্লেব ৱাইজ দাতাদা য়েংবদা লোকদাউন মতম মনুংদা অপুনবা ক্লেমেন্ত ৭৪% হেনবনা খুশুমল লুপা ১৫,০০০দগী তাবা স্লেবতা চল্লি।

অকুপ্পা ৱারোলগীদমক :

মোতোর ভেহিকলশিংগী চে-চাংশিং চৎনবগী মতম ২০২০গী সেপ্তেম্বর ৩০ ফাওবা শাংদোক্লে

রোদ ত্রানস্পোর্ত অমসুং হাইৱেজকী কেন্দ্রগী মন্ত্রী শ্রী নিতিন গদকারিনা মখা তানা মোতোর গারিশিংগী চে-চাংশিংগী ভেলিদিতীগী তাং অদু চহী অসিগী সেপ্তেমবর ফাওবা শাংদোকখ্রে। মসিগী মখা পোননা আর.তি.ঐচ.কী মন্ত্রালয়না স্তেৎ অমসুং য়ু.তি. পুম্নমক্তা মসি চৎননবা য়াথং অমা থোকখ্রে। কোবিদ-১৯গী হৌজিক ওইরিবা অখন্নবা ফিবম অসিদা মীয়ামদা খুদোংচাবা পীনবা মোতোর ভেহিকলস এক্ত ১৯৮৮ নৎত্রগা অতোপ্পা এক্তশিংগী অসিগুম্বা অতোপ্পা প্রোবিজনশিংগী মখাদা পর্মি৭ মথৌ তাবা নত্রগা, ফিশিং নত্রগা তেক্সশিং রিন্যুল তৌবা/ পর্মিৎশিংগী পেনাল্তিনচিংবা কোমথোকপা অসি চৎননবা রাজ্যশিং/য়ু তিশিংদা হায়জখ্রে।

অকুপ্পা ৱারোলগীদমক :

সরকারনা এস.এম.এস.কী থোংদা নিল জি.এস.তি. রিতর্ন ফাইল তৌনবগী খুদোংচাবা হৌদোকখ্রে

তেক্স থীরিবশিংগী ওইনা অখন্ননা পায়খৎপা খোংথাং অমা ওইনা ঙসি সরকারনা এস.এম.এস.কী থোংদ FORM GSTR-3Bদা থা-থাগী ওইনা জি.এস.তি. হন্দোক্নবগী ফাইল তৌবগী খুদোংচাবা ফংহনবা হৌখ্রে। মসিনা ময়ামগী ওইবা পোর্তেলদা মাগী-মাগী একাওন্তা লোগ-ইন তৌনরম্বা অদু লুপা লাক্ষ ২২দগী হেনবগীসু রেজিস্তর তৌখ্রবা তোক্স থীগদবা মীওইশিংনা জি.এস.তি.গী চৎন-কাংলোনশিং অদুগী মতুং ইন্না থবক পাংথোকহনবদা য়াম্না লায়থোকহনগনিহৌজিক জীরো তেক্স থিগদবশিং অসিনা জি.এস.তি.গী পোর্তেলদা লোগ-ইন তৌবগী মথৌ তাদ্রে অমসুং শুপ্নতগী এস.এম.এস.কী থোংদগী জীরো রিতর্নগী ফাইল তৌবা য়ারে।

অকুপ্পা ৱারোলগীদমক :

শ্রী রাম বিলাস পাসৱন্না চিনিগা মরী লৈনবা খুদোংচাদবশিং দি..এফ.পি.দি.গী ওফিসিএলশিংগা খন্ন-নৈনখ্রে

ফুদ এন্দ পব্লিক দিস্ত্রিব্যুসন এন্দ কঞ্জ্যুমর এফিয়র্স্কী কেন্দ্র মন্ত্রী শ্রী রাম বিলাস পাসৱন্না ফুদ এন্দ পব্লিক দিস্ত্রিব্যুসনগী সেক্রেতরী শ্রী সুধান্সু পান্দে অমসুং বিভাগ অসিগী অতোপ্পা সেনিয়র ওফিসিএলশিংগা ঙসি য়েংশিনবগী মীফম অমা ফমখ্রে। মীফম অদুদা চিনি পুথোকপা, চিনিগী লৌউবশিংগী পীথোক্কদবা শেলশিং পীথোকপা, ইথানোল পুথোকপা অমসুং অতোপ্পা মরী লৈনবা ৱাফম কয়া অমা খন্নখি। শ্রী পাসৱন্না ওফিসিএলশিংদা চিনিগী লৌউবশিংগী পীফম থোকপা শেলশিং মতম চানা পীনবগীদমক দরকার ওইবা চৎন-কাংলোনশিং লৌউবশিংদা পীনবা হায়খ্রে। হন্দক্কী চহিগী চিনি পুথোকপগী চাং অসি এল.তি. ২৭০ য়ৌগনি হায়না মন্ত্রীদসু খংহনখি। সরকারনা হন্দক্কী চিনিগী কুমসিদা চিনিগী ইন্দস্ত্রীদা মতেং পাংনবা খোংথাং কয়া অমা পায়খৎখ্রে

অকুপ্পা ৱারোলগীদমক :

রাজ্যশিংনা শেমদোক্লবা এম.এস.পি.দা এম.এফ.পি. লৈশিনবগী থবক নীংথীনা পায়খৎপা হৌরকপনা ত্রাইবেলশিংগী শেল তানবগী থবকশিং খোংজেল য়াংখৎপা হৌরক্লে

কোবিদ-১৯ লাইচৎকী মতুং তারকপদা সরকারনা লাইরবশিং অমসুং খুদোংচাবা ফংজদ্রবা মীয়াম্না মশাগী শিনফমশিংদা হঞ্জিনবা ঙম্নবা লেপ্পা লৈতনা হোৎনরিবসিদা রাজ্যশিংদগী পুক্নিং থৌগৎনিংঙাই ওইবা পাউদম কয়া অমা পীনরক্লি। রাজ্য ১৭না লৈশিনবগী থবক পায়খৎপা হৌখ্রে অমসুং রাজ্যশিংনা স্কিম অসিগী মখাদা চাউরাক্না লুপা কোতি ৫০রোমগী ওইগদবা এম.এফ.পি. লৈশিনখ্রে। মসিগীসু মথক্তা, হোৎনরিবশিং অসিগী মরম্না, রাজ্য ৭তা লৈবা প্রাইবেৎ এজেন্সীশিংনা এম.এস.পি.গী মমলদগী হেন্না লুপা কোতি ৪০০ লোম য়ৌনা এম.এফ.পি. লৈখ্রে। মতম চানা এম.এস.পি.গী খোংথাংশিং লাউথোকপা অসিনা অমসুং ত্রাইবেল এফিয়র্স মন্ত্রালয়না এম.এস.পি.শিংদা শেমদোকপনা অমসুং অসিগুম্বা ত্রাইফেদনা হোৎনরিবা কয়া অসিনা ত্রাইবেলশিংনা কৈথেলদা এম.এস.পি.দগী ফাওবা মমল হেন্না ভেল্যু ৱাংনা শেল ওন্থোকপা ঙমজরে।

অকুপ্পা ৱারোলগীদমক :

আই.দি.ৱাই. ২০২০ হৌদোকপগী থৌরম জুনগী ১০দা দি.দি. ন্যুজদা উৎকদৌরি

আয়ুশ মন্ত্রালয়না মোরার্জি দেসাই নেস্নেল ইন্সতিত্যুৎ ওফ যোগগা খুৎশম্নদুনা আই.দি.ৱাই. ২০২০গী হৌদোকপগী থৌরম ওইনা জুন ১০, ২০২০গী নুমিদাং পুং ৭তগীনা ৮ ফাওবা দি.দি. ন্যুজদা উৎকদৌরিবা তেলিবিজনগী থৌরম অমগী হোস্ত ওইগদৌরি। হায়রিবা থৌরম অসি আয়ুশ মন্তালয়গী ফেসবুক পেজদসু লাইব স্ত্রীম পীগদৌরি। হায়রিবা হৌদোকপগী থৌরম অসিনা আই.দি.ৱাই. ২০২০ হৌগদৌবা নুমিৎ ১০নিগী কাউন্ত দাউন পীগদৌরি।

অকুপ্পা ৱারোলগীদমক :

 

পি.আই.বি. ফিল্দ ওফিসশিংদগী ফংবা পাউ

  • চন্দিগর: লৈরিবা মীওইশিংদা বাপু ধাম কোলোনীগী মীওইশিংবু হন্থনা য়েংদনবা অমসুং সমাজ অসিদা তীন্নবা মখোয়দা খুদোংচাবশিং ফংহনগদবনি হায়না এদমিনিস্ত্রেতরনা ফোংদোকখি। লনাই এমপ্লোইয়রশিংগা লোয়ননা পন্দুনা লৈরিবা খুৎশুমলশিং পীথোকপিনবা অমসুং থবক্কী খুদোংচাবা পীবা হেনগৎনবা লেবর বিভাগতা মহাক্না খঙহনখ্রে।
  • পঞ্জাব: কোবিদ-১৯গী চৈরক অসিদা শীন্মিগী অৱাৎপগী সমস্যা অসি থেংননবা, পঞ্জাবকী লৌমীশিংনা কুমসিদি য়েলহৌঙৈগী লৌ লীংথোকপগী মওং অদুগী মহুত্তা দাইরেক্ত সীদিং ওফ রাইস (দি.এস.আর.) ওইনা থৱায় য়াওনা মহুৎ শিনখ্রে অমসুং অনৌবা তেক্নোলোজি অসিগী মখাদা অপুনবা লমগী শরুক ২৫%দা লৌহোল হুল্লবা য়াই পানরি অমদি খুৎলং অমসুং ঈশিং অনিমক্তা চংলিবা লৌউবগী অচংমল অসিসু হন্থল্লগনি। দি.এস.আর.গী তেক্নোলোজি অসি শীজিন্নবা হেনগৎহন্নবা অমসুং মসিবু লৌমীশিংনা পাম্বৈ অমা ওইনবা পুক্নিং থৌগৎতুনা শীজিন্ননবা হৌৎননবা স্তেৎকী লৌউ-শীংউ অমসুং লৌমীগী য়াইফনবা বিভাগনা দি.এস.আর. মেছিন ৪০০০ অমসুং লৌ লীংথোক্নবা মেছিন ৮০০ লৌমীশিংদা সবসিদি ৪০% দগী ৫০% ফাও পীদুনা য়েন্থোকখ্রে।
  • হরিয়ানা: স্তেৎ অসিগী সরকারনা অনলোক-১গী মনুংদা স্পোর্তস স্তেদিয়মশিং অসি অককনবা ফীভম খরাদা অমুক হন্না হাংনবা স্পোর্তস অমসুং য়ুথ এফিয়র্সকী মন্ত্রীনা অয়াবা পীখ্রে, মসিদা ইশাগী হকচাং ফহনবদা মীৎয়েং থমগনি অমসুং সোসিএল দিস্তেন্সিং চৎনা কাংলোনশিং ঙাকনা চৎকদবনি। স্তেৎ অসিগী শান্নরোইশিং অমসুং কোচশিংনা অমুক হন্না মখোয় মশাবু মশানশিংদা পুক্নিং লুপ্পি অমসুং হোৎরিবশিং অসিনা মমাংদা মাংখিবা অদু ফুগৎপা ঙম্লগনি হায়না মহাক্না ফোংদোকখি।
  • মহারাস্ত্র: নিংথৌকাবা নমিৎতা অনৌবা কোবিদ-১৯গী কেস ২,৫৫৩ রিপোর্ত তৌরক্তুনা স্তেৎ অসিগী কোরোনাভাইরস পোজিতিব ওইবা কেস ৮৮,৫২৮ শুখ্রে মসিগী মনুংদা ৪৪,৩৭৪না এক্তিব কেস ওইরি। হোৎস্পোৎ ওইরিবা মুম্বাইদা অনৌবা অনাবা ১,৩১৪ রিপোর্ত তৌরক্তুনা মুম্বাই মেত্রোপোলিতেন লমদম অসিগী অপুনবা কেস ৪৯,৮৬৩ শুখ্রে। স্তেৎ অসিদা হৌজিক এক্তিব ওইরিবা কন্তেনমেন্ত জোন ৩,৫১০ লৈ মসিদা স্কাদ ১৭,৮৯৫না মীওই লাখ ৬৬.৮৪কী সর্ভিলেন্স মপুং ফানা লোইশিনখ্রে।
  • গুজরাৎ: দিস্ত্রিক্ত ১৯দগী অনৌবা কোবিদ-১৯ কেস ৪৭৭ রিপোর্ত তৌরকপগা লোয়ননা স্তেৎ অসিগী অপুনবা পোজিতিব কেস ২০,৫৭৪ শুখ্রে, মসিদা ৫,৩০৯ না এক্তিব কেসনি। হৌখিবা পুং ২৪গী মনুংদা মীওই ৩১না পুন্সি মাংখ্রে, অপুনবা শীখিবা মশিং ১২৮০ শুখ্রে।
  • রাজাস্থান: ঙসি অনৌবা কোবিদ-১৯গী কেস ১৪৪ রিপোর্ত তৌরক্তুনা স্তেৎ অসিগী কোরোনাভাইরস পোজিতিব ওইবা কেস ১০,৮৭৬ শুখ্রে মসিগী মনুংদা ৮,১১৭না লাইয়েংখ্রে অমসুং ২৪৬না শীখ্রে। নুমিৎ খুদিংগী কোবিদ-১৯গী তেস্ত লীশিং ২৫ তৌবগী পান্দম অদু হকশেল বিভাগনা ফংবা ঙমখ্রে। হৌজিক ফাওবদা স্তেৎ অসিদা অপুনবা সেম্পল ৫,১৮,০০০ তেস্ত তৌখ্রে। স্তেৎ অসিগী দিস্ত্রিক্ত ১৫গী মফম ২৫দা হৌজিক্কী ওইনা কোবিদ সেম্পলশিং তেস্ত তৌরি। অথুবদা মসিগী খুদোংচাবা অসি অহেনবা দিস্ত্রিক্ত ১০দসু তৌনবা স্তেৎকী হকশেল মন্ত্রী দোক্তর রঘু শর্মানা ফোংদোকখি। স্তেৎ অসিগী কোবিদ ১৯দগী ফগৎলকপগী চাং অসি চাদা ৭৪.৬তা হেনগৎখ্রে।
  • মধ্য প্রদেশ: অনৌবা কোবিদ-১৯গী কেস ২৩৭ রিপোর্ত তৌরক্তুনা স্তেৎ অসিগী কোরোনাভাইরস পোজিতিব ওইবা কেস ৯৬৩৮ শুখ্রে মসিগী মনুংদা ২৬৮৮না এক্তিব কেস ওইরি অমসুং ২৬৮৮না হৌজিক ফাওবদা শীখ্রে। মধ্য প্রদেশকী অপুনবা দিস্ত্রিক্ত ৫২গী মনুংদা হৌজিক ফাওবদা দিস্ত্রিক্ত ৫১দা কোরোনাভাইরসকী কেস থেংনরে অদুবু দিস্ত্রিক্ত ২৭তা অনৌবা কোবিদ ১৯ কেস থেংনদ্রে।
  • ছত্তিশগর: নিংথৌকাবা নুমিৎতা অনৌবা কোবিদ-১৯গী কেস ১০৪ রিপোর্ত তৌরক্তুনা স্তেৎ অসিগী কোরোনাভাইরস পোজিতিব ওইবা কেস ১১৯৭ শুখ্রে অমরোমদা এক্তিব কেসকী মশিং অসি ৮৮৫ ওইরি। নিংথৌকাবা নুমিৎ ফাওবদা স্তেৎ অসিদা অপুনবা তেস্ত ৯২,৫৯৮ তৌখ্রে।
  • গোৱা: স্তেৎ অসিদা হৌজিক ফাওবদা অনৌবা কোবিদ-১৯গী কেস ৩০ রিপোর্ত তৌরক্তুনা স্তেৎ অসিগী কোরোনাভাইরস পোজিতিব ওইবা কেস ৩৩০ শুখ্রে মসিগী মনুংদা ২৬৩না এক্তিব কেস ওইরি অমসুং মীওই ৬৭না ফগৎখ্রে।
  • কেরেলা: থা অনি মখায়রোম লোকদাউন তৌরুরবা মতুংদা ঙসি অয়ুক কেরেলাদা মোলশিং, রেস্তোরেন্তশিং অমসুং লাই খোইরমনবা মফমশিং হাংখ্রে। গুরুভায়ূরগী লোর্দ কৃষ্ণগী লাইশঙ য়াওনা তোঙান তোঙানবা লাইশঙশিং, চর্চ খরা অমসুং মসজিৎশিং ভক্তাশিংগীদমক হাংখি। চীফ মিনিস্তর পিনারয়ি ভিজয়নগী স্তেৎ অসিদা লাইশঙশিং অমুক হন্না হাংহনবগী ৱারেপ অসিগী মতাংদা অসিদা মপাল থৌরমগী এম.ও.এস. ভি. মুরালেধরননা কন্না য়ানিংদবা ফোংদোকখ্রে। সরকার অসিনা লাইশঙশিং হাংনবগী ৱারেপ অসি দেভাস্বম বোর্দতা হন্দোকনবা মহাক্না দাবি তৌখি। অদুম ওইনমক দেভাস্বম মন্ত্রী কাদকম্পালী সুরেনদ্রননা হায়খি লাইশঙশিং হাংবা অসি কেন্দ্র সরকারগী য়াথং ঙাকপগী মথক্তা ধর্মগী লুচিংবশিংগা লোয়ননা খন্নরবা মতুংদা চেকশিন থৌরাংশিং অসি লাইওখোইরমফম সেন্তরশিংদা চেকশিন্না ঙাক্লগা তৌখিবনি। গল্ফতা কেরেলা মচা অহুম কোবিদ-১৯না মরম ওইদুনা শীখিবগা লোয়ননা অপুনবা মশিং ২০০ শুখ্রে। ঙরাং স্তেৎ অসিদা অনৌবা কেস ৯১ অমসুং শীখিবা অমা রেপোর্ত তৌরক্তুনা অপুনবা শীখিবা ১৬ শুখ্রে অমসুং অপুনবা এক্তিব কেস মশিং ১,১৭৪ লৈরি।
  • তমিল নাদু: মদুরাইগী লৈঙাক্কী রাজাজি হোস্পিতালদা কোনবলেসেন্ত প্লাস্মা ত্রাইএল হৌখ্রে। স্তেৎনা কোবিদকী ফীভম য়েংলগা তমিল নাদুদা ক্লাস ১০গী চাংয়েং তোকখ্রে, ওপোজিসন্না খোংথাং অসি তরাম্না ওকখ্রে। স্তেৎ অসিদা ফমুং লৈতগী তোকঙা অদু হকশেল মন্ত্রীনা লোয়শিনখ্রে; মন্ত্রীনা হায় ফগৎলকপগী চাং অসি ৫৬ পর্সেন্তনি অমসুং হৌজিক স্তেৎ অসিদা অনাবা তরুক খক্তং ভেন্তিলেতরদা লৈ। ঙরাং অনৌবা কেস ১৫৬২, ফগৎলকপা ৫২৮ অমসুং শীবা ১৭ রিপোর্ত তৌখ্রে। চেনাইদগী ১১৪৭ কেসনি। অপুনবা কেস: ৩৩২২৯, এক্তিব কেস: ১৫৪১৩, শীবা: ২৮৬, দিসচার্জ তৌখিবা: ১৭৫২৭নি। চেনাইদা এক্তিব কেস ১১৮১৭নি।
  • কর্নাতক: হকশেল অমসুং য়াইফ-য়ুম্বাল মন্ত্রালয়না অনলোক ৱানগী ফেজ নাইনা অমুক হাংদোকপা মনুংদা কর্নাতকতা লাক্নবা ইন্তর-স্তেৎ ত্রাভেলরশিংগী প্রোতোল ফোঙখ্রে। কর্নতকতা চংদ্রিঙৈ মমাংদা সেভাসিন্ধু পোর্তলদা সেল্ফ রেজিস্ত্রেসন তৌবা অমসুং চংলক্লিবা মীওই খুদিংমক্কী এন্ত্রি পোইন্ততা হেলথ স্ক্রিনিং তঙাইফদবা ওইহনখ্রে। মরক অসিদা কোবিদ মনুংদা চৎনগদবা রেসিদেন্সিএল ৱেলফিয়র্স এসোসিএসনশিংগী গাইদলাইনশিং থোকখ্রে। ঙরাং অনৌবা কেস ৩০৮, দিসচার্জ ৩৮৭ অমসুং অশীবা অহুম রিপোর্ত তৌখ্রে। ঙরাং ফাওবদা অপুনবা কেস: ৫৭৬০, এক্তিব কেস: ৩১৭৫, শীবা: ৬৪, ফগৎলকপা: ২৫১৯ রিপোর্ত তৌখ্রে।
  • আন্ধ্র প্রদেশ: সি.এম.না অপীবা মতমগী মনুংদা মীয়ামদা লৈঙাক্কী স্কিমশিং পীনবা থাজবা পীখ্রে। সি.এম.না সপন্দনা প্রোগ্রাম য়েংশিনখ্রে, ওফিসিএলশিংদা লৈঙোইগী মপৈশিং লৌথোক্নবা য়াথং পীখ্রে। ফিল্মশিং নম্বা হৌনবগী খন্ননবা অতেনবা মতমদা তোলিৱুদ দিলিগেসনশিংনা সি.এম. ৱাই.এস. জগন উননবা বিজয়াৱার্দা থুংলগনি। ঙরাং অনৌবা কেস ১২৫ অমসুং দিসচার্জ ৩৪ রিপোর্ত তৌখি। ঙরাং ফাওবদা অপুনবা কেস ৩৮৮১নি। এক্তিব:১৩৮১, ফগৎলকপা: ২৩৮৭, শীবা: ৭৫নি।
  • তেলঙ্গনা: তেলঙ্গনা হাই কোর্তনা অশীবা মীশিংদা কোরোনাভাইরসকী তেস্ত তৌনবা ওর্দর অদুগী মায়োক্তা সুপ্রিম কোর্ততা চৎনবা তেলঙ্গনা লৈঙাক্না ৱারেপ লৌখ্রে। নুমিৎ খরগী মমাংদা হাও কোর্তনা স্তেৎ লৈঙাক্তা অশীবা খুদিংমক্তা তেস্ত তৌনবা খঙহনখিবনি। জুন ৮ ২০২০ ফাওবদা অপুনবা কনফর্ম তৌরবা কোবিদ-১৯ কেস অসি ৩৭৪২নি। হৌজিক ফাওবদা মাইগ্রেন্ত অমসুং মীরৈবাক্তগী হল্লকপা মীওই ৪৪৮ পোজিতিব ওইখ্রে।

ফেক্ত চেক

*******

 



(Release ID: 1630564) Visitor Counter : 17