কমর্স অমসুং ইন্দসত্রীগী মন্ত্রালয়গী মখাদা দিপার্তমেন্ত ফোর প্রমোসন ওফ ইন্দসত্রী এন্দ ইন্তর্নেল ত্রেদ (দি.পি.আই.আই.তি.)না ইন্দসত্রী অমসুং ত্রেদকা মরী লৈনবা ইসুশিং মোনিতর তৌনবা কন্ত্রোল রুম অমা  ২৬.৩.২০২০দগী মথৌ পাংথোকপা হৌনবা থমখ্রে অমসুং অসিগুম্বা থবকশিংগী মতাংদা মরী লৈনবা রাজ্য সরকার, জিলা অমসুং পুলিস ওথোরিতীশিং অমসুং মরী লৈনবা এজেন্সীশিংগা থবক পাইখৎমিন্নবনি কন্ত্রোল রুম্না মোনিতর তৌরিবশিং অদুদি

ক. ইন্তর্নেল ত্রেদ, মেন্যুফেকচরিং, দিলিবরী & ইসেন্সিয়েল কমোদিতীশিংগী লোজিস্তিকশিংগা মরী লৈনবা ইসুশিং অমসুং

খ. অরৈবা সপ্লাই চেন ইসু খুদিংমক কোকহন্নবা লোকদাউন মনুংদা স্তেকহোলদরশিংনা মায়োক্নরিবা অৱাবশিং

এপ্রিল ২৮, ২০২০ ফাওবদা রজিস্তর তৌখিবা অপুনবা ক্বারী ১৯৬২গী মনুংদা ১৭৩৯দি ৱারোইশিন পুরকপা/লোইশিনবা। ২২৩ অমদি হৌজিক হৌজিক ৱারোইশিন পুরক্নবা হোৎনরি। রজিস্তর তৌখিবা ক্বারী ১৯৬২গী মনুংদা ক্বারী ১০০০দি রাজ্য/য়ু.তি. মঙা মিং ওইনা পল্লবদা দিল্লী, মহারাস্ত্রা, উত্তর প্রদেশ, হরিয়ানা অমসুং গুজরাত,  হায়রিবশিং অসিদগী লাকখিবনি।

ক্বারীশিং লোইশিনখিবগী মোনিতর অমসুং ত্রেকিং তৌনবা অমসুং দিপার্তমেন্ততা লৈরিবা সেনিয়র ওফিসরশিংদা খঙহন্নবগীদমক্তা নুংতিগী এম.আই.এস. রিপোর্ৎশিং থাগৎনবা থৱায়-য়াওরবা তীম অমা থমখ্রে। তীম অসিনা শোকহল্লবা মীয়ামদা কোল তৌদুনা মরু ওইবা ক্বারীশিং কুপ্না ত্রক তৌরি অমসুং মরী লৈনবা এজেন্সীদা থবক লৌখৎপা মতমদা মখোয়দগী পীরকপা ইনপুৎশিং লৌখৎলি। ইসুশিংগী ৱারোইশিন পুরকপদা য়াওরিবা এজেন্সীশিংগী থবক নীংথিনা তৌবগী মতাংদা এসেসমেন্ত তৌবদসু মতেং পাংঙি। প্রোফেস্নেলশিংগী তীম অসিনা সেনিয়র ওফিসরশিংদা মখোয়না খুৎ থিংজিনবনা কয়াম কান্নবগে হায়বগী মতাংদা খঙহল্লি অমসুং মসিনা ৱাকৎশিং অদুগী ৱারোইশিন পুরকপগী ফিভমগী মতাংদা মীয়ামদা খঙহল্লি।

ক্বারিশিং অসি তেলিফোন কোল অমসুং ইমেলগী খুথাংদা কন্ত্রোল রুমদা ফংঙি। মান্যুফেকচরিং, ত্রান্স‌পোর্তর, দিস্ত্রিব্যুতর, হোলসেলর নত্ত্রগা ই-কমর্স কমপনীশিংনা ত্রান্সপোর্তেশন অমসুং পোৎলমশিং য়েন্থোকপদা নত্ত্রগা রিসোর্সশিং থাদোকপা মতমদা গ্রাউন্দ লেভেলদা মায়োক্নরিবা অৱাবশিং অদু দিপার্তমেন্ততা মখাদা পীরিবা তেলিফোন নম্বর/ইমেলদা পাউ পীবা য়াগনি:-

তেলিফোন: + ৯১ ১১২৩০৬২৪৮৭

ইমেল : controlroom-dpiit[at]gov[dot]in

তেলিফোন নম্বর অসি অয়ুক্কী পুং ৮দগী নুংদাংগী পুং ৬ ফাওবা মথৌ তোগনি। কন্ত্রোল রুমদা গ্রাউন্দ লেভেলদা থেংনরিবা অৱাবশিংগী মতংদা ক্বারীশিং লাকই অমসুং মসিগা লোইননা মেন্যুফেকচররশিং, ত্রান্সপোর্তরশিং, দিস্ত্রিব্যুতরশিং, হোলসেলরশিং, অমসুং ই-কমর্স কমপনীশিংনা মায়োক্নরিবা প্রোসিজরেল অমসুং পোলিসী ইসুশিং লাকই। ক্বারীশিং অদু রেজিস্তর তৌরবা মতুংদা, দি.পি.আই.আই.তি. কন্ত্রোল রুম স্তাফশিংনা হায়রিবা ক্বারীশিং অদু রাজ্যগী থাক্তা লৈবা কন্ত্রোল রুমশিংদা থাগৎলি অমসুং রাজভ অদুগী চীফ সেক্রেতরীনা মথৌ তাবা থবক থৌওংশিং পাইখৎনবা হাইজবগা লোইননা অমসুং মথৌ তারিবা মতেংশিং অদু ক্বারী তৌরক্লিবশিংদুদা অথুবা মতমদা ফংহল্লি।

কন্ত্রোল রুমদা লাকপা ক্বারীশিং অদু ইসুশিং লেপ্তনা মোনিতর তৌরিবা দি.পি.আই.আই.তি.গী সনিয়র ওফিসরশিংদা থাগৎলি অমসুং অথুবদা খুৎ মিৎয়েং চংবা মথৌ তাবা ইসুশিংগী মতাংদদি মরী লৈনবা জিলাগী মেজিস্ত্রেৎ নত্ত্রগা পুলিসকী ফংস্নরীশিং য়াওনা রাজ্য সরকারগী ওফিসরশিংদা পীখৎলি। দি.ওই.আই.আই.তি.গী সেনিয়র ওফিসরশিংদা মখোয়গা তোইনা পাউ ফাওনবা অখন্নবা রাজ্যশিংগী থবক পাইহল্লি অমসুং রাজ্যগী ফংস্নরীশিংদা পন্থহৌরিবা ইসুশিংদা থবক পাইখৎনবা খঙহনখ্রে। রাজ্য সরকারগী দিপার্তমেন্তশিং মিং ওইনা পল্লবদা ইন্দস্ত্রী, ত্রান্সপোর্ৎ, কঞ্জ্যুমর এফ্যর্স অমসুং ফুদ এন্দ পব্লিক দিস্ত্রিব্যুশনশিংনসু তোঙান তোঙান্না  অসিগুম্বা ক্বারীশিং অসিগী ৱারোইশিন পুরক্নবা মোনিতর তৌরি।

রেলৱেজ, কমর্স অমসুং ইন্দসত্রীগী মন্ত্রী শ্রী পিয়ুশ গোয়লনা তোইনা কন্ত্রোল রুমগী খুথাংদা থাংগৎলকখিবা ইসুশিংগী মতাংদা য়েংশিল্লি অমসুং মসিগা মরী লৈনবশিংদা লৈবাক অসিগী মফম খুদিংমক্তা লৈরিবা মীওই খুদিংমক্তা তঙাইফদনা চংবা পোৎলমশিংগী সপ্লাইশিং য়ৌহন্নবগীদমক্তা মথৌ তাবা থবকশিং পাইখৎনবা খঙহল্লকখ্রে। দি.পি.আই.আই.তি.গী সেক্রতরী, গুরুপ্রসাদ মোহাপাত্রানা মহাক্কী সেনিয়র কলীগশিংগা লোইননা ভিদিও কনফরেন্সকী খুথাংদা পাংথোকখিবা মীফম অদুদা রাজ্যশিংদা পন্থদুনা লৈরিবা ইসুশিংগী ফিভমসু তোইনা য়েংশিল্লি।

মার্চ ২৪,২০২০দা, তঙাইফদনা চংবা পোৎলমশিংগী সপ্লাইশিং অমসুং সর্বিসশিং অসি প্রজা মীয়ামদা শোইদনা ফংহন্নবগীদমক্তা শিনবা-লাংবা পুম্নমক তৌদুনা কোবিদ-১৯গী ভাইরস  অসি শন্দোরকপদগী থিংননবগী পান্দমদা কেন্দ্রগী সরকারনা লৈবাক শিনবথুংনা লোকদাউন লাওথোকখি।

****