ગૃહ મંત્રાલય
દુકાનો ખોલવાની મંજૂરી બાબતે ગૃહ મંત્રાલયની સ્પષ્ટતા
Posted On:
25 APR 2020 11:34AM by PIB Ahmedabad
કેન્દ્રીય ગૃહ મંત્રાલયે લૉકડાઉનના પગલાં દરમિયાન દુકાનો ખોલવાની મંજૂરી આપવા બાબતે સંકલિત સુધારેલી માર્ગદર્શિકામાં સુધારા અંગે ગઇકાલે આદેશ બહાર પાડ્યો હતો.
(https://pib.gov.in/PressReleaseIframePage.aspx?PRID=1618049)
આ આદેશમાં જણાવવામાં આવ્યું છે કે:
- ગ્રામીણ વિસ્તારોમાં શોપિંગ મોલ સિવાય તમામ દુકાનો ખુલ્લી રાખવાની મંજૂરી છે.
- શહેરી વિસ્તારોમાં તમામ એકલ દુકાનો, પડોશમાં આવેલી દુકાનો અને રહેણાક પરિસરોમાં આવેલી દુકાનો ખુલ્લી રાખવાની મંજૂરી આપવામાં આવી છે. બજાર/ બજાર પરિસરોમાં આવેલી દુકાનો અને શોપિંગ મોલમાં આવેલી દુકાનોને ખુલ્લી રાખવાની મંજૂરી નથી.
આથી સ્પષ્ટતા કરવામાં આવે છે કે, ઇ-કોમર્સ કંપનીઓ દ્વારા માત્ર મંજૂરી આપવામાં આવેલી આવશ્યક ચીજવસ્તુઓ વેચાણ ચાલુ રાખી શકાશે.
અહીં વધુમાં સ્પષ્ટતા કરવામાં આવે છે કે, દારુ અને અન્ય ચીજવસ્તુઓનું વેચાણ કોવિડ-19 વ્યવસ્થાપન માટે નિર્દિષ્ટ રાષ્ટ્રીય દિશાનિર્દેશોમાં હજુ પણ પ્રતિબંધિત રહેશે.
સંકલિત સુધારેલી માર્ગદર્શિકામાં જણાવ્યા અનુસાર, આ દુકાનો ગ્રામીણ અથવા શહેરી વિસ્તારોમાં જ્યાં પણ સંબંધિત રાજ્ય/ કેન્દ્ર શાસિત પ્રદેશ દ્વારા ચેપગ્રસ્ત ઝોન જાહેર કરવામાં આવ્યા હોય ત્યાં ખુલ્લી રાખવાની મંજૂરી આપવામાં આવી નથી.
GP/DS
(Release ID: 1618160)
Visitor Counter : 390
Read this release in:
English
,
Urdu
,
Marathi
,
Hindi
,
Assamese
,
Manipuri
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam