హోం మంత్రిత్వ శాఖ

దుకాణాలు తెరిచేందుకు దేశీయాంగ శాఖ అనుమతిపై వివరణ

Posted On: 25 APR 2020 11:34AM by PIB Hyderabad

కోవిడ్‌-19 నేపథ్యంలో దుకాణాలు తెరవడానికి అనుమతించే దిగ్బంధం చర్యలపై నవీకరించిన ఏకీకృత మార్గదర్శకాల్లో సవరణలపై దేశీయాంగ వ్యవహారాల మంత్రిత్వశాఖ నిన్న ఉత్తర్వులు (https://pib.gov.in/PressReleaseIframePage.aspx?PRID=1618049) జారీ చేసింది. దీని ప్రకారం...

గ్రామీణ ప్రాంతాల్లో షాపింగ్‌ మాల్స్ ప్రాంగణాల్లోనివి మినహా అన్ని దుకాణాలు తెరవవచ్చు. అలాగే పట్టణ ప్రాంతాల్లో అన్ని స్వతంత్ర, ఇరుగుపొరుగు, నివాస సముదాయాల్లోని దుకాణాలు తెరవడానికి అనుమతి ఉంది. అయితే, మార్కెట్లు/మార్కెట్‌ సముదాయాలు, షాపింగ్‌ మాల్స్‌ తెరిచేందుకు అనుమతి ఇవ్వలేదు. ఇక ఈ-కామర్స్‌ కంపెనీలు నిత్యావసరాలు విక్రయించేందుకు మాత్రమే అనుమతి ఉంది. మద్యం, సంబంధిత ఇతర విక్రయాలపై కోవిడ్‌-19 నిర్వహణపై జాతీయ ఆదేశాల ప్రకారం నిషేధం కొనసాగుతుంది. ఆయా రాష్ట్రాలు/కేంద్రపాలిత ప్రాంతాల ప్రభుత్వాలు నియంత్రణ మండళ్లుగా ప్రకటించిన పట్టణ/గ్రామీణ ప్రాంతాల్లో వీటిని తెరవడంపై నిషేధం ఉంటుంది.

*****



(Release ID: 1618119) Visitor Counter : 183