ಆಹಾರ ಪದಾರ್ಥಗಳ ತುರ್ತು ಅಗತ್ಯವಿರುವವರ ಬಗ್ಗೆ ಗಮನಹರಿಸುವಂತೆ ಅಂಚೆ ಇಲಾಖೆಗೆ ಸೂಚಿಸಿದ ಶ್ರೀ ರವಿಶಂಕರ್ ಪ್ರಸಾದ್

ದೂರದ ಪ್ರದೇಶಗಳಲ್ಲಿ ಭರವಸೆ ಮತ್ತು ಅಗತ್ಯ ವಸ್ತುಗಳನ್ನು ಒಯ್ಯುತ್ತಿರುವ ಇಂಡಿಯಾ ಪೋಸ್ಟ್ (ಭಾರತೀಯ ಅಂಚೆ)

ಕೋವಿಡ್ -19 ಬಿಕ್ಕಟ್ಟಿನ ಈ ಸಮಯದಲ್ಲಿ ಅಂಚೆ ಇಲಾಖೆ, ದೇಶಾದ್ಯಂತ ತನ್ನ ವಿಶಾಲವಾದ ಅಂಚೆ ಕಚೇರಿಗಳ ಜಾಲದ ಮೂಲಕ ದೇಶದ ಜನರಿಗೆ ಸಂದರ್ಭಕ್ಕೆ ಅನುಗುಣವಾಗಿ ಶ್ಲಾಘನೀಯ ಕಾರ್ಯನಿರ್ವಹಿಸಿದೆ. ಸಂವಹನ, ಕಾನೂನು ಮತ್ತು ನ್ಯಾಯ, ವಿದ್ಯುನ್ಮಾನ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಶ್ರೀ ರವಿಶಂಕರ್ ಪ್ರಸಾದ್ ಅವರು ಪ್ರತಿ ರಾಜ್ಯದೊಂದಿಗೆ ವಿಡಿಯೋ ಕಾನ್ಫರೆನ್ಸಿಂಗ್ ನಡೆಸಿದರು, ಆ ಮೂಲಕ ಚೀಫ್ ಪೋಸ್ಟ್ ಮಾಸ್ಟರ್ ಜನರಲ್ಗಳು ಮತ್ತು ಮುಖ್ಯ ಜನರಲ್ ಮ್ಯಾನೇಜರ್ ಗಳಿಗೆ ತಮ್ಮ ಅಂಚೆ ಜಾಲವನ್ನು ಸಜ್ಜುಗೊಳಿಸಲು ಮತ್ತು ದೇಶಾದ್ಯಂತದ ಅಗತ್ಯವಿರುವವರಿಗೆ ಸಹಾಯ ಮಾಡಲು ಸಕ್ರಿಯವಾಗಿರಲು ಸೂಚನೆ ನೀಡಲಾಯಿತು. . ಭಾರತೀಯ ಅಂಚೆಯು ನಿಜವಾದ ಕೊರೊನಾ ಯೋದ್ಧರಂತೆ ದೂರದ ಪ್ರದೇಶಗಳಲ್ಲಿನ ಲಕ್ಷಾಂತರ ಜನರಿಗೆ ಭರವಸೆ ಮತ್ತು ಅಗತ್ಯ ವಸ್ತುಗಳನ್ನು ತಲುಪಿಸುತ್ತಿದೆ.

ಆಹಾರ ಮತ್ತು ಒಣ ಪಡಿತರ ವಿತರಣೆ

ಈ ವಿಡಿಯೋ ಕಾನ್ಫರೆನ್ಸಿನಲ್ಲಿ, ಶ್ರೀ ರವಿಶಂಕರ್ ಪ್ರಸಾದ್ ಅವರು ಆಹಾರ ಪದಾರ್ಥಗಳ ತುರ್ತು ಅಗತ್ಯವಿರುವ ದೀನ ದಲಿತರಿಗೆ ಮತ್ತು ನಿರ್ಗತಿಕರಿಗೆ ಸಹಾಯ ಮಾಡುವ ಬಗ್ಗೆ ವಿಶೇಷವಾಗಿ ಗಮನಹರಿಸಲು ಸೂಚನೆಗಳನ್ನು ನೀಡಿದರು. ಕೊಳೆಗೇರಿಗಳು, ವಲಸೆ ಕಾರ್ಮಿಕರು ಮತ್ತು ದೈನಂದಿನ ಕೂಲಿ ಮಾಡುವವರಲ್ಲಿ ಅಗತ್ಯವಿರುವವರಿಗೆ ಆಹಾರ, ಒಣ ಪಡಿತರ ಮತ್ತು ಮುಖಗವಸುಗಳನ್ನು ವಿತರಿಸಲು ಅಂಚೆ ಇಲಾಖೆಯ ನೌಕರರು ತಮ್ಮ ಉಳಿತಾಯವನ್ನು ಸಂಗ್ರಹಿಸಿದ್ದಾರೆ. ಕಳೆದ ಕೆಲವು ದಿನಗಳಲ್ಲಿ ಸುಮಾರು 1 ಲಕ್ಷ ಆಹಾರ / ಒಣ ಪಡಿತರ ಪ್ಯಾಕೆಟ್‌ಗಳನ್ನು ವಿತರಿಸಲಾಗಿದೆ. ಕೇವಲ ಉತ್ತರ ಪ್ರದೇಶವೊಂದರಲ್ಲೇ ನೋಯ್ಡಾ, ಗಾಜಿಯಾಬಾದ್, ಲಕ್ನೋ, ಪ್ರಯಾಗ್ ರಾಜ್ ಮತ್ತು ಫೈಜಾಬಾದ್‌ನಲ್ಲಿ ವಲಸೆ ಕಾರ್ಮಿಕರು, ನಿರ್ಗತಿಕ ಜನರು ಮತ್ತು ಕಟ್ಟಡ ನಿರ್ಮಾಣ ಕಾರ್ಮಿಕರಿಗೆ 50,000 ಕ್ಕೂ ಹೆಚ್ಚು ಆಹಾರ / ಒಣ ಪಡಿತರ ಪ್ಯಾಕೆಟ್‌ಗಳನ್ನು ವಿತರಿಸಲಾಗಿದೆ. ಅಂತೆಯೇ, ಬಿಹಾರದಲ್ಲಿ ಸುಮಾರು 16,000 ಆಹಾರ ಪ್ಯಾಕೆಟ್‌ಗಳು ಮತ್ತು 11500 ಪ್ಯಾಕೆಟ್‌ಗಳ ಸಾಬೂನು, ಮುಖಗವಸುಗಳು, ಸ್ಯಾನಿಟೈಜರ್‌ಗಳು ಮತ್ತು ಕೈಗವಸುಗಳನ್ನು ಸ್ವಯಂಪ್ರೇರಣೆಯಿಂದ ವಿತರಿಸಲಾಗಿದೆ. ಉದಾಹರಣೆಗೆ, ತೆಲಂಗಾಣದಲ್ಲಿ, ಲಾಕ್‌ಡೌನ್ ಅವಧಿಯಲ್ಲಿ, ಸುಮಾರು 18000 ಊಟಗಳನ್ನು ಅಂಚೆ ಮೇಲ್ ವ್ಯಾನ್‌ಗಳಿಂದ ಸಾಗಿಸಲಾಗುತ್ತಿತ್ತು ಹಾಗೆಯೇ ಹೈದರಾಬಾದ್ ನಗರದ ಅಂಚೆ ನೌಕರರು ಸುಮಾರು 1750 ಕುಟುಂಬಗಳಿಗೆ ಆಹಾರ ಮತ್ತು ಒಣ ಪಡಿತರವನ್ನು ಸಜ್ಜುಗೊಳಿಸಿದರು ಮತ್ತು ವಿತರಿಸಿದರು. ಅಂತೆಯೇ, ನಾಗ್ ಪುರದಲ್ಲಿಯೂ ಸುಮಾರು 1500 ವಲಸೆ ಕಾರ್ಮಿಕರಿಗೆ ಅಂಚೆ ಸಿಬ್ಬಂದಿಯಿಂದ ಆಹಾರ ಪ್ಯಾಕೆಟ್‌ಗಳು ಮತ್ತು ಒಣ ಪಡಿತರವನ್ನು ನೀಡಲಾಯಿತು. ಕಟ್ಟಡನಿರ್ಮಾಣ ಕಾರ್ಮಿಕರು, ವ್ಯಾಪಾರಿಗಳು, ರಿಕ್ಷಾ ಎಳೆಯುವವರು, ಪಿಜಿಐ ವೈದ್ಯಕೀಯ ಕಾಲೇಜಿನ ರೋಗಿಗಳ ಪರಿಚಾರಕರು ಮತ್ತು ಚಂಡೀಗಢದ ವಿವಿಧ ಭಾಗಗಳಲ್ಲಿ ಸಿಲುಕಿರುವ ವಲಸೆ ಕಾರ್ಮಿಕರಿಗಾಗಿ ಪಂಜಾಬ್ ಅಂಚೆ ವೃತ್ತವು “ಫುಡ್ ಆನ್ ವೀಲ್ಸ್” ಅನ್ನು ಪ್ರಾರಂಭಿಸಿತು.

ಆಹಾರ ಮತ್ತು ಸರಬರಾಜು ಇಲಾಖೆಯ ಸಹಕಾರದೊಂದಿಗೆ, ಚಂಡೀಗಢದ ಅಂಚೆ ಅಧಿಕಾರಿಗಳು ಡಿಪಾರ್ಟ್ಮೆಂಟ್ ಮೇಲ್ ಮೋಟಾರ್ ವ್ಯಾನ್‌ನಲ್ಲಿ ಆಹಾರ ಪಾರ್ಸೆಲ್‌ಗಳನ್ನು ತೆಗೆದುಕೊಂಡು ದಿನಕ್ಕೆ ಎರಡು ಬಾರಿ ವಿವಿಧ ಪ್ರದೇಶಗಳಲ್ಲಿ ವಿತರಿಸುತ್ತಾರೆ. ಸಾಮಾಜಿಕ ಅಂತರವನ್ನು ಗಮನದಲ್ಲಿಟ್ಟುಕೊಂಡು “ಫುಡ್ ಆನ್ ವೀಲ್ಸ್” ಮೂಲಕ ಪ್ರತಿದಿನ ಸುಮಾರು 2,000 ರಿಂದ 3,500 ನಿರ್ಗತಿಕರಿಗೆ ಆಹಾರವನ್ನು ವಿತರಿಸಲಾಗುತ್ತದೆ. ರೆಡ್ ಪೋಸ್ಟಲ್ ಮೇಲ್ ಮೋಟರ್ ಈಗ ಈ ಮನೆಯಿಲ್ಲದ, ಹಸಿವಿನಿಂದ ಬಳಲುತ್ತಿರುವ ಜನರಿಗೆ ಭರವಸೆಯ ದಾರಿದೀಪವಾಗಿದೆ ಮತ್ತು ಅವರು ಅದರ ಆಗಮನಕ್ಕಾಗಿ ಕುತೂಹಲದಿಂದ ಕಾಯುತ್ತಿದ್ದಾರೆ. ಮುಂಬೈಯಲ್ಲಿ, ಅಂಚೆ ಸಿಬ್ಬಂದಿ ವಲಸೆ ಕಾರ್ಮಿಕರಿಗೆ ಮತ್ತು ಕೊಳಗೇರಿಯವರಿಗೆ ಆಹಾರವನ್ನು ನೀಡುವುದಲ್ಲದೆ, ಧಾರವಿ ಇತ್ಯಾದಿ ಭಾದಿತ ಪ್ರದೇಶಗಳಲ್ಲಿ ಮುಖಗವಸುಗಳು ಮತ್ತು ಸ್ಯಾನಿಟೈಜರ್‌ಗಳನ್ನು ಒದಗಿಸುತ್ತಿದ್ದಾರೆ.

ಔಷಧಿ ಲಭ್ಯತೆಯನ್ನು ಸುಗಮಗೊಳಿಸುವುದು

ಲಾಕ್ ಡೌನ್ ಸಮಯದಲ್ಲಿ, ವಾಡಿಕೆಯ ಔಷಧಿಗಳು ಲಭ್ಯವಿದ್ದರೂ, ದೊಡ್ಡ ನಗರಗಳಲ್ಲಿ ವಾಸಿಸುವ ರೋಗಿಗಳ ಸಂಬಂಧಿಕರು ಮತ್ತು ಮಕ್ಕಳ ಮೂಲಕ ಸಾಮಾನ್ಯವಾಗಿ ಸಂಗ್ರಹಿಸಲಾಗುವ ಕ್ಯಾನ್ಸರ್, ಮೂತ್ರಪಿಂಡ ಚಿಕಿತ್ಸೆ ಮತ್ತು ಇತರ ಮಾರಣಾಂತಿಕ ಕಾಯಿಲೆಗಳಿಗೆ ವಿಶೇಷ ಔಷಧಿಗಳು ಲಭ್ಯವಿಲ್ಲ. ಟ್ವಿಟರ್ ಮತ್ತು ಇತರ ಮಾಧ್ಯಮಗಳ ಮೂಲಕ ಸಂವಹನ ಸಚಿವರಿಗೆ ಸಾಕಷ್ಟು ಸಲಹೆಗಳನ್ನು ನೀಡಲಾಯಿತು. ಅದರಂತೆ, ಈ ಜೀವ ಉಳಿಸುವ ಔಷಧಿಗಳನ್ನು ತಲುಪಿಸಲು ಪೋಸ್ಟ್ ಆಫೀಸ್ ಮತ್ತು ಪೋಸ್ಟ್‌ಮೆನ್‌ಗಳ ಮೂಲಕ ವೇಗದ ಪೋಸ್ಟ್ ಅನ್ನು ಪ್ರತಿಯೊಂದು ಸ್ಥಳಯನ್ನು ಸಂಪರ್ಕಿಸಲು ಬಳಸಿಕೊಳ್ಳಲು ಸಚಿವರು ಪೋಸ್ಟ್ ಇಲಾಖೆಗೆ ನಿರ್ದೇಶನ ನೀಡಿದ್ದಾರೆ. ಕೆಲವು ಉದಾಹರಣೆಗಳನ್ನು ಹೇಳುವುದಾದರೆ ಜೀವ ಉಳಿಸುವ ಔಷಧಿಗಳನ್ನು ಶ್ರೀ ಸುಶೀಲ್ ಜೋಶಿಯವರ ತಂದೆ ಉತ್ತರಾಖಂಡದ ದೂರದ ಭಾಗದಲ್ಲಿರುವ ಗೌಚರ್‌ ನಲ್ಲಿರುವ ಶ್ರೀ ಎಂ.ಪಿ.ಜೋಶಿಯವರಿಗೆ, ಅಂತೆಯೇ, ಮೈಲ್ಯಾಬ್‌ನ ಕೋರಿಕೆಯ ಮೇರೆಗೆ, ಕೋವಿಡ್ ಪರೀಕ್ಷಾ ಕಿಟ್‌ಗಳ ರವಾನೆಯನ್ನು 13 ಏಪ್ರಿಲ್ 2020 ರಂದು ರಾತ್ರಿ 11 ಗಂಟೆಗೆ ಪುಣೆಯ ಎಂಎಂಎಸ್ ತೆಗೆದುಕೊಂಡು 14 ಏಪ್ರಿಲ್ 2020ರ ಬೆಳಿಗ್ಗೆ ಗುಜರಾತ್‌ನ ಅಂಕಲೇಶ್ವರಕ್ಕೆ ತಲುಪಿಸಿತು. ಅಂತೆಯೇ, ಸುಮಾರು 40 ಡಿಫಿಬ್ರಿಲೇಟರ್‌ಗಳನ್ನು ಚೆನ್ನೈನಿಂದ 36 ಗಂಟೆಗಳ ಒಳಗೆ ಲಕ್ನೋದ ಉತ್ತರ ಪ್ರದೇಶ ವೈದ್ಯಕೀಯ ಸರಬರಾಜು ನಿಗಮ ಲಿಮಿಟೆಡ್‌ಗೆ ತಲುಪಿಸಲಾಯಿತು. ರಸ್ತೆ ಸಾರಿಗೆ ಜಾಲಗಳಿಂದ ಕೋಲ್ಕತ್ತಾದಿಂದ ರಾಂಚಿ ಮತ್ತು ಸಿಲಿಗುರಿಗೆ ಔಷಧಿಗಳು ಮತ್ತು ಸಲಕರಣೆಗಳ ಹೊರತಾಗಿ ಪುದುಚೇರಿಯಿಂದ ಒಡಿಶಾ ಮತ್ತು ಗುಜರಾತ್‌ಗೆ ವೆಂಟಿಲೇಟರ್‌ಗಳನ್ನು ತಲುಪಿಸಲಾಗಿದೆ.

ಬಾಗಿಲಿಗೇ ಹಣಕಾಸು ಸೇವೆಗಳ ವಿತರಣೆ

ಅಂಚೆ ಜಾಲವು ಬ್ಯಾಂಕ್ ಖಾತೆ ತೆರೆಯುವ ಸೌಲಭ್ಯಗಳನ್ನು ಒದಗಿಸುತ್ತಿದೆ ಮತ್ತು ಮುಖ್ಯವಾಗಿ ಆಧಾರ್ ಆಧರಿತ ಪಾವತಿ ವ್ಯವಸ್ಥೆ (ಎಇಪಿಎಸ್) ಬಳಸುವ ಬಡ ಜನರ ಮನೆ ಬಾಗಿಲಿಗೆ ಹಣ ಹಿಂಪಡೆಯುವ ಸೌಲಭ್ಯವನ್ನು ಒದಗಿಸುವುದು. ಇದು ಜನರಿಗೆ ವಿವಿಧ ಪಿಂಚಣಿ ಯೋಜನೆಗಳಾದ ಎಂಎನ್‌ಆರ್‌ಇಜಿಎ ಅಡಿಯಲ್ಲಿ ಕಳುಹಿಸಲಾದ ನೇರ ಲಾಭ ವರ್ಗಾವಣೆ ಮೊತ್ತವನ್ನು ಹಿಂಪಡೆಯಲು ಸಹಾಯ ಮಾಡಿದೆ ಮತ್ತು ಇತ್ತೀಚೆಗೆ ಘೋಷಿಸಿದ ಪಿಎಂ ಗರಿಬ್ ಕಲ್ಯಾಣ್ ಪ್ಯಾಕೇಜ್ ಅಡಿಯಲ್ಲಿ ಪರಿಹಾರಗಳನ್ನು ಸಹ. ಈ ಸೌಲಭ್ಯವನ್ನು ಸಾಮಾನ್ಯ ಜನರು ಚೆನ್ನಾಗಿ ಒಪ್ಪಿಕೊಂಡಿದ್ದಾರೆ ಎಂದರೆ ಏಪ್ರಿಲ್ 13 ರಂದು ಭಾರತೀಯ ಅಂಚೆ ಪಾವತಿ ಬ್ಯಾಂಕ್ ಸಾರ್ವಕಾಲಿಕ ಹೆಚ್ಚಿನ ವಹಿವಾಟುಗಳನ್ನು ದಾಖಲಿಸಿದ, , ಅಂದರೆ ರೂ.22.82 ಕೋಟಿ ಮೌಲ್ಯದ 1.09 ಲಕ್ಷ ವಹಿವಾಟುಗಳು.

ಕೆಲವು ಉದಾಹರಣೆಗಳನ್ನು ಉಲ್ಲೇಖಿಸಬೇಕೆಂದರೆ, ಶಿಲ್ಲಾಂಗ್‌ನ ಜವಾಹರ್ ಲಾಲ್ ನೆಹರು ಕ್ರೀಡಾಂಗಣದಲ್ಲಿ ಖಾತೆ ತೆರೆಯುವ ಶಿಬಿರವನ್ನು ನಡೆಸಲಾಗಿದ್ದು, ಅಲ್ಲಿ ಹತ್ತಿರದ ಹಳ್ಳಿಗಳು ಮತ್ತು ಬೆಟ್ಟಗಳಿಂದ ಬಂದ ಎಲ್ಲಾ ವಲಸೆ ಕಾರ್ಮಿಕರನ್ನು ಸ್ಥಳೀಯ ಆಡಳಿತವು ಇರಿಸಿತ್ತು. ಮುಖಗವಸುಗಳು, ಸಾಮಾಜಿಕ ಅಂತರ ಮತ್ತು ಕೈ ಸ್ವಚ್ಛ ಗೊಳಿಸುವಿಕೆ ಮುಂತಾದ ಎಲ್ಲಾ ಅಗತ್ಯ ಮುನ್ನೆಚ್ಚರಿಕೆಗಳನ್ನು ಅನುಸರಿಸಿ ಇದನ್ನು ಮಾಡಲಾಗಿದೆ. ಐಪಿಪಿಬಿಗಳ ಖಾತೆಯ ಸಹಾಯದಿಂದ, ಈ ವಲಸೆ ಕಾರ್ಮಿಕರು ಕೇಂದ್ರ ಮತ್ತು ರಾಜ್ಯ ಯೋಜನೆಗಳ ಮೂಲಕ ಪರಿಹಾರವನ್ನು ಪಡೆಯಬಹುದು. ಅಂತೆಯೇ, ದೇಶಾದ್ಯಂತ ವಿಶೇಷವಾಗಿ ಜಮ್ಮು, ಕಾಶ್ಮೀರ, ಲೇಹ್, ಗುಜರಾತ್, ತೆಲಂಗಾಣ, ಕರ್ನಾಟಕ, ಜಾರ್ಖಂಡ್, ಬಿಹಾರ ಮತ್ತು ಮಧ್ಯಪ್ರದೇಶದ ಬುಡಕಟ್ಟು ಪ್ರದೇಶಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ಮನೆ ಬಾಗಿಲಿಗೇ ಪಿಂಚಣಿ ಪಾವತಿಗಳನ್ನು ಮಾಡಲಾಗಿದೆ. ಮನೆ ಬಾಗಿಲಿಗೆ ಮಾಡುವ ಪಾವತಿಗಳಿಂದಾಗಿ ವಿಧವೆ, ಅಂಗವಿಕಲರು ಮತ್ತು ವೃದ್ಧಾಪ್ಯ ಪಿಂಚಣಿದಾರರಿಗೆ ವಿಶೇಷವಾಗಿ ಲಾಭವಾಗಿದೆ

***