PIB Headquarters
কোভিদ-১৯ গী মতাংদা পি আই বীগী নুমিৎ খুদিংগী বুল্লেতিন
Posted On:
18 APR 2020 6:48PM by PIB Imphal
(প্রেস রিলিজশিং অসিদা হৌখিবা পুং ২৪দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি)
প্রেস ইনফোরমেসন বিউরো
ইনফোরমেসন অমসুং ব্রোর্দকাস্তিং মিনিস্ত্রি
ভারত সরকার
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
লৈবাক অসিদা অপুনবা কোভিদ-১৯ কেস ১৪,৩৭৮ য়ৌরে । অপুনবা কেসকী চাদা ১৩.৮২ হায়বদি মীওই ১৯৯২ অনাবা ফবদগী দিসচার্জ তৌখ্রে । রাজ্য/য়ুতি ২৩গী জিলা ৪৭দা এক্সন প্লানশিং পায়খৎপা অসিগী মহৈ ফংলে । হৌখিবা নুমিৎ ২৮ অসিদা অনৌবা কেস অমতা থেংনদবা জিলাশিংগী মনুংদা করনাতাকাগী কোদাগু অমসুং পুদুচেরিগী মাহে য়াওরে । হৌখিবা নুমিৎ ১৪দা রাজ্য ১২গী অনৌবা জিলা ২২দা অনৌবা কেস অমতা থেংনদ্রে ।
দিল্লিগী এল জি, দিল্লিগী হেল্থ মিনিস্তর, দিল্লিগী তোঙান-তোঙানবা হোস্পিতালশিংগী মেদিকেল সুপরিনতেন্দেন্তশিং অমসুং দিল্লি সরকারগী হকশেলগী ওফিসিয়েলশিংগা দোক্তর হর্স ভরধনগা ভি দি পাংথোকখি
কোভিদ-১৯ অনাবা নত্তবা অরুবা অনাবা মীওইশিং লায়েংনবা য়ুনিয়ন হেল্থ মিনিস্তরনা হোস্পিতালশিংদা তকশিল্লি । মহাক্না হায়খি লেম্না ঈ দান তৌবা পুক্নিং থৌগৎতুনা ঈ মরাং কাইনা থমগদবনি অমসুং ইন্দিয়ান রেদ ক্রোর সোসাইতিগী মতেংগা লোয়ননা মোবাইল ব্লদ কল্লেক্সন ভেনশিংগী থবকশিং শীজিন্নগদবনি । খুদক্কী দরকার ওইবা অনাবশিং করিগুম্বা লায়েংদনবা হোস্পিতালশিংনা থাদোরক্লবদি হকশেলগী মীওইশিংদা থবক লৌখৎকদবনি ।
ফোরেন্নরশিংদা পীখিবা অমসুং ইমিগ্রেসন চেক পোস্তশিং ফাওদুনা ভারত্ত লাকখিবা পেসেঞ্জরশিংগী হৌজিক চৎনরিবা ভিসাশিং, অকক্নবা কাংলুপ খর নত্তনা, ২০২০গী মে ৩ ফাওবা সস্পেন্দ তৌদুনা থম্লে
লৈবাক অসিদা কোভিদ-১৯গী হৌজিক ওইরিবা ফিবম অসি য়েংলগা, দিপ্লোমেতিক, ওফিসিয়েলশিং, য়ু এন, মালেমগী লুপশিংগা মরি লৈনবশিং নত্তনা ফোরেন্নরশিংদা পীখিবা ভিসা পুম্নমক ২০২০গী মে ৩ ফাওবা সস্পেন্দ তৌদুনা থম্লে । ইমিগ্রেসন চেক পোস্ত ১০৭ ফাওদুনা ভারত্তা লাকখিবা মীওই খুদিংমক্কী ভিসা ২০২০গী মে ৩ ফাওবা সস্পেন্দ তৌদুনা থম্লে হায়না হোম এফেয়ারস মিনিস্ত্রিনা হায়রি । অদুবু হায়রিবা অথিংবা অসি তঙাইফদবা নৎত্রগা চুম্নগী মখল খুদিংমক্কী পোৎচৈশিং পুরিবা গারিশিং, প্লেনশিং , জহাজশিং অমসুং ত্রেনশিং য়াওরোই ।
কোভিদ-১৯ লাইচৎনা মরম ওইদুনা ২০২০গী মে ৩ ফাওবা চৎথোক-চৎশিন অথিংবা থমখিবদগী হৌজিক ভারত্ত লৈরিবা মপান লৈবাক্কী মীওইশিং কন্সুলারগী থবকশিংগী খুদোংচাবা লৌনবগী অয়াবা পীরে
হোম এফেয়ারস মিনিস্ত্রিনা ২০২০গী মার্চ ২৮দা, কোভিদ-১৯ লাইচৎনা মরম ওইদুনা ২০২০গী মে ৩ ফাওবা চৎথোক-চৎশিন অথিংবা থমখিবদগী হৌজিক ভারত্ত লৈরিবা মপান লৈবাক্কী মীওইশিং কন্সুলারগী থবকশিংগী খুদোংচাবা লৌনবগী অয়াবা পীরে । ৱাফম অসি খন্নরবা মতুংদা, ফোরেন্নর রিজনেল রিজিস্ত্রেসন ওফিসার/ফোরেন্নর রেজিস্ত্রেসন ওফিসারশিংনা হৌজিক ভারত্ত পন্দুনা লৈরিবা ফোরেন্নরশিংদা কন্সুলারগী থবকশিংগী খুদোংচাবা লৌনবগী অয়াবা পীখিবনি ।
পোস্তেলগী ইমপ্লোয়িজ খুদিংমক্ত লুপা লাখ ১০গী কম্পেন্সেসন পীগনি
কোভিদ-১৯গী ফিবম অসিদা মথৌ পাংথোকপা মতমদা লৈখদবা মতমদা গ্রামিন গ্রামিন সেবকশিং য়াওনা পোস্তেলগী থবক তৌবা মীওই খুদিংমক লুপা লাখ ১০গী কম্পেন্সেসন পীরগনি । মসিগী চৎন-কাংলোন অসি খুদক্তগী চৎনবা হৌরগনি অমসুং কোভিদ-১৯গী অৱাবা লোইদ্রি ফাওবা চৎনগনি।
কোভিদ-১৯গী ফিবম অসিদা তেক্স থীরবশিং মতেং পাংনবা থাজবা পীরি : সি বি আই সি
২০২০গী মার্চ ৩০দগী , সি বি আই সিনা লুপা ক্রোর ৫,৫৭৫গী রিফন্দ এপ্লিকেসন ১২,৯২৩গী থবক লোইশিনখ্রে, মমাংগী চয়োলদা সি বি আই সিনা লুপা ক্রোর ৩৮৫৪গী ক্লেম ৭,৮৭৩গী থবক লোইশিনখি । ২০২০গী মার্চ ৩১দা সি বি আই সিনা থোকখিবা সর্কুলার অমদা মতম চানা আই তি সি রিফন্দশিং পাংথোকপা য়ানবা জি এস তি রিতর্ন ফাইল তৌরিবশিং মতেং পাংগনি অমসুং মরি লৈনবা ই-পাউ ফংদনা লান্না আই তি সি ক্লেম তৌরকপশিং থবক পায়খৎলোই হায়না খঙহনখি ।
এম এস এম ইশিংগী খুদোংচাবা অমা ওইনা , হৌখিবা নুমিৎ ১০দা লুপা ক্রোর ৫,২০৪গী আই-তি রিফন্দ তৌখি
ঙসি সেন্ত্রেল বোর্দ ওফ দাইরেক্ত তেক্সেস(সি বি দি তি)না হায়খি ২০২০গী এপ্রিল ৮দগী চাওরাক্না ললোন-ইতিক লাখ ৮.২ রোমগী লুপা ক্রোর ৫,২০৪গী আই-তি রিফন্দ তৌখি । হায়রিবা ইনকম তেক্স রিফন্দশিং অসিনা এম এস এম ইশিংনা কোভিদ-১৯ লাইচৎকী ফিবম অসিদসা তোলোব ককথবা অমসুং পীদবা তৌদনা মখোয়গী ললোন-ইতিক্কী থবকশিং পাংথোকপদা মতেং পাংলগনি ।
কোভিদ-১৯ লাইচৎ অসিগী খুদোংচাবা লৌদুনা ভারতকী কম্পেনিশিং লৌশিনবা থিংনবা সরকারনা এফ দি আই পোলিসি শেমদোক্লে
কোভিদ-১৯ লাইচৎ অসিগী খুদোংচাবা লৌদুনা ভারতকী কম্পেনিশিং লৌশিনবা থিংনবা সরকারনা এফ দি আই পোলিসি শেমদোক্লে অমসুং কন্সোলিদিদেৎ এফ দি আই পোলিসি, ২০১৭গী মতুংইন্না এফ দি আই পোলিসি শাংদোক্লে । হৌজিক লৈবাক অমগী এন্তাইতি অমা ওইনা, ভারতকা ঙমখৈ পুনবা নৎত্রগা ভারত্ত শেন থাদরকপা অমগী মপু নৎত্রগা লৈবাক অমগী মীওই অমা সরকারগী খুৎথাংদা শেন থাদবা য়াগনি ।
প্রধান মন্ত্রী অমসুং খা অফ্রিকাগী প্রসিদেন্তগী মরক্ত তেলিফোন্দা ৱারি শানখি
প্রধান মন্ত্রী নরেন্দ্র মোদীনা খা অফ্রিকাগী প্রসিদেন্ত সাইরিল রামাফোসাগা তেলিফোন্দা ৱারি শানখি । কোভিদ-১৯ লাইচৎনা লৈবাক মনুং, লমদম অসিগী অমসুং মালেমগী শিংনবশিংগী মতাংদা লুচিংবা অনিনা মখোয়গী ওইবা ৱাফমশিং ফোংদোক্নখি । মসিগী অৱাবা তারবা মতম অসিদা তঙাইফদবা হিদাকশিং পীদুনা ভারতনা খা অফ্রিকাগী পাংবা য়াবা মতেং পাংগনি হায়না প্রধান মন্ত্রীনা থাজবা পীখি ।
প্রধান মন্ত্রী অমসুং ইজিবকী প্রসিদেন্তগী মরক্ত তেলিফোন্দা ৱারি শানখি
প্রধান মন্ত্রী নরেন্দ্র মোদীনা ইজিবকী প্রসিদেন্ত অবদেল ফাতাহ ই-সিসিগা তেলিফোন্দা ৱারি শানখি । কোভিদ-১৯ লাইচৎ শন্দোরকপদগী মালেমগী ওইরিবা ফিবম অমসুং মখোয়গী মীয়াম ঙাকথোক্নবা মখোয়গী সরকারশিংনা পায়খৎলিবা থবকশিংগী মতাংদা ই-পাউ পীথোক-পীশিন তৌননবা লুচিংবা অনিনা ৱারি শানখি । মসিগী অৱাবা তারবা মতম অসিদা তঙাইফদবা হিদাকশিং পীদুনা ভারতনা ইজিবকী পাংবা য়াবা মতেং পাংগনি হায়না প্রধান মন্ত্রীনা থাজবা পীখি ।
অথিংবা মনুংদা লৌউ-শিংউগী থবকশিং কান্নবা পীনবা তোঙান-তোঙানবা ললোন-ইতিক্কী থবকশিং মখা চৎথনবা এগ্রিকলচর মিনিস্তরনা ৱা খন্নখি
সেম্পলশিং তেস্ত তৌবা অমসুং ত্রেক্তরশিং, ত্রিল্লরশিং, হারভেস্তরশিং অমসুং লৌউ-শিংউগী মেছিন ৫১ চহি লোইদ্রি ফাওবা অয়াবা পীবা সরকারনা মতম থেংথরে; সিদ দিল্লরশিংগী লাইসেন্সকী মতম অমসুং ইমপোর্তকী পরমিসন মতম ২০২০গী সেপ্তেম্বর ফাওবা শাংদোক্লে , মসিগী মথক্ত পেক-হাওসশিং, প্রোসেসিং য়ুনিতশিং অমসুং ত্রিদমেন্ত ফেকসিলিতিশিং জুন ৩০দা মতম লোইবা অদু চহি অমা শাংদোক্লে ।
এম এস পিদা লৌমীশিংদগী হকথেংননা হৱাইশিং অমসুং থাউ থোকপা মরুশিং লৈরে
ভারত সরকারগী নাফেদ অমসুং এস সি আইগী খুৎথাংদা লৌমীশিংগী শেন্দোং হেন্না ফংবা থবক পায়খৎলি । রবি ২০২০-২১দা রাজ্যশিংগী লৌমীশিংদগী এম এস পিদা পোৎলমশিং লৈনবা নোতিস থোক্লে । অথিংবা মনুংদা লৌমীশিংনা পোৎথোকশিং য়োনবদা মতেং পাংলি ।
লৈবাক অসিগী শিন্মীশিংগী অৱাবশিং কোকহন্নবা অপুনবা থবকশিং পায়খৎনবা রাজ্যশিং/য়ুতিশিংগী নোদেল ওফিসারশিংদা সন্তোস গঙ্গৱারনা ইখ্রে
কোভিদ-১৯ লাইচৎ লাকপদগী অথিংবা থমখিবদগী অৱাবা নংলবা শিন্মীশিংগী য়াইফনবা থবকশিং পায়খৎনবা কেন্দ্র সরকারনা লিংখৎখিবা কন্ত্রোল রুম ২০গা মতেং পাংনদুনা লৈবাক অসিগী শিন্মীশিংগী অৱাবশিং কোকহন্নবা অপুনবা থবকশিং পায়খৎনবা রাজ্যশিং/য়ুতিশিংগী নোদেল ওফিসারশিংদা লেবর অমসুং ইমপ্লোইমেন্ত মিনিস্তর সন্তোস গঙ্গৱারনা ইখ্রে ।
কোভিদ-১৯ লাকশিন্নবা পি পি ইশিং অমসুং অতৈ পোৎলমশিং শানবা ৱেবিনার
সরকার অমসুং সরকারগী নত্তবা সেক্তরশিংদা কোভিদ-১৯ লাকশিন্নবা পোৎলমশিং দরকার ওইবা হেনগৎলক্লিবা অসি ফংহনবা ঙম্নবা লৈবাক অসিগী ইন্দস্ত্রিশিংনা মখোয়না পোৎ শাবা ঙম্বগী শক্তি অদু হেনগৎহনবা দরকার ওইরে । মসিগী মতাংদা দি আর দি ওনা শীন্দুনা সোসাইতি ওফ ইন্দিয়ান দিফেন্স মেনুফেকচরস(এস আই দি এম)না শীন্দুনা ৱেবিনার অমা পাংথোকখি ।
অকুপ্পা মরোলগীদমক:https://pib.gov.in/PressReleseDetail.aspx?PRID=1615437
চাংদম্না ঙম্নবা মপান্দগী পুশিল্লকপগী মহুৎশীন্নবা অমসুং অনৌবা তেক্নোলোজি শীজিন্ননবা থবক পায়খৎনবা গাদকারিনা ইন্দস্ত্রিদা তকশিল্লি
এপ্রিল ২০দগী হিরম খরদা অথিংবা কোমথোক্লবা মতুংদা শেন-থুমগী ফিবম অমুক ফগৎলক্নবা মিনিস্তরনা ইন্দস্ত্রিগী এসোসিয়েসনশিংগা ৱা তানখি । এম এস এম ই সেক্তর অমুক হিঙ্গৎহনবগী মতাংদা মিনিস্তরনা হায়খি মপান্দা থাদোকপা হেনগৎহন্নবা ইন্দস্ত্রিনা অখন্নবা মীৎয়েং চংগদবনি অমসুং মালেমগী কৈথেলদা চাংদম্না ঙম্নবা মৈ মমল, পুথোক-পুশিনগী মমল অমসুং শাবদা চংবা শেনফম হন্থহন্নবা দরকার ওইবা থবকশিং পায়খৎকদবনি ।
লৈবাক শীনবা থুংনা তঙাইফদবা হিদাকশিং পুথোক-পুশিন তৌনবা লাইফলাইন উরানগী মখাদা ফ্লাইত ২৭৪ শীজিন্নরি
কোভিদ-১৯ থেংননবা শোক্নরিবা লাল অসিদা মতেং পাংনবা লাইফলাইন উরানগী মখাদা ফ্লাইত ২৭৪ মথৌ পাংথোকখি । মসিগী মনুংদা ১৫৪না এয়র ইন্দিয়া অমসুং এল্লাইয়ন্স এয়রগীনি । ঙসি ফাওবদা তন ৪৬৩.১৫ গী কার্গো পুখি । ঙসি ফাওবদা লাইফলাইন উরান ফ্লাইতশিং কিলোমিতর লাখ ২.৭৩ হেন্না পাইখ্রে ।
ভারত রেলৱেজনা অনৌবা থবকশিং হৌদোক্লে অমসুং কোভিদ-১৯ অথিংবা মনুংদা রেকোর্দ ওইনা পোৎ-চৈ পুথোক-পুশিন তৌখি
অৱাংলোমগী অন্নাপুরনা ত্রেনশিং অমসুং খা মাইকৈগী জয় কিষান স্পিসিয়েল অসি লমশাং চেনবা পোৎ য়াম্না পুবা য়াম্না য়াংবা অখন্নবা ফ্রেত ত্রেনশিং থবক হৌবনি । লৈবাক শীনবা থুংনা ত্রেনশিং অসিনা য়াংনা চেন্দুনা মহৈ-মরোং তন ৫০০০ অমসুং রেকস ৮০ হেন্না পুথোক-পুশিন তৌখি । চহি অসিগী এপ্রিল ১৬ ফাওবদা চানবা মহৈ-মরোং মিল্লিয়ন তন ৩.২ হেন্না পুখি ।
পি দি এসকী খুৎথাংদা চানবা চেং ফংহনবা ঙম্নবা রেলৱেজনা মমাং চহিদগী পুখিবা মহৈ-মরোংগী চাংদগী শরুক অনি হেনগৎলে
অথিংবা মনুংদা ২০২০গী মার্চ ২৫দগী এপ্রিল ১৭ ফাওবদা রেলৱেজনা রেকস ১৫০০ হেন্না অমসুং মিল্লিয়ন তন ৪.২গী মহৈ-মরোংশিং পুখি । মহৈ-মরোংশিং মতম চানা লৌখৎপা অমসুং ফংহন্নবদা ভারত রেলৱেজনা মরুওইবা থবকশিং পাংথোক্লি ।
চানবা দরকার ওইরবশিংগী পুক্নিং চংনবা রবি সনকার প্রসাদনা পোস্তেল দিপার্তমেন্তদা তকশিল্লি
কোভিদ-১৯গী অৱাবা তারবা মতম অসিদা পোস্তেল দিপার্তমেন্তনা মসিগী লৈবাক শীনবা থুংনা লৈরিবা নেতৱার্কশিংগী খুৎথাদা লৈবাক অসিগী মীয়াম মতেং পাংলি । চানবা দরকার ওইরবা লায়রবশিং অমসুং তোল্লবশিংগী পুক্নিং চংনবা রবি সনকার প্রসাদনা তকশিল্লি । স্লমশিংদা লৈরিবা লায়রবশিং, মপানগী শিন্মীশিং অমসুং নোংমগী শুরগা হিংলিবা শিন্মীশিংগী চানবা অমসুং মাক্স লৈনবা পোস্তেল দিপার্তমেন্তগী মীওইশিংনা মখোয়না তুংশিঞ্জবা শেনফম পুথোক্লি । হৌখিবা নুমিৎ খর অসিদা , চানবা পেকেত লাখ ১ রোম য়েন্থোকখি ।
অথিংবা মনুংদা য়ুমদগী শাবা অমুক হন্না শীজিন্নবা য়াবা মাক্স ৫০,০০০ আর সি দি, দিল্লিনা ফংহনখি
কোভি-১৯ লাইচৎ থেংননবা দিফেন্স পি এস য়ুশিং, ও এফ বিনা মখোয়গী লৈজবা মচাক-মথুমশিং হেনগৎহল্লে
কোভিদ-১৯ লাইচৎ লান্থেংনবদা দিফেন্স পব্লিক সেক্তর অন্দরতেক্কিংস অমসুং ওর্দিনান্স ফেক্তরি বোর্দনা লৈঙাক্ত মতেং পাংদুনা মখোয়গী থৌদাং লৌরি । হায়রিবা মরুওইবা ইন্সতিতুৎশিং অসিনা মখোয়গী লৈজবশিং, তেক্নিকেলগী লৌশিং অমসুং মীওইশিং লৈবাক অসিনা শাথিরবা ভাইরস অসি থেংন্নবা মতেং পাংলি ।
কোভিদ-১৯ থেংননবা সি এস আই আর-এন এ এলনা পরসোনেল প্রোতেক্তিব কভরৱাল সুইত পুথোক্লে
বেঙ্গালুরুদা লৈবা সি এস আই আরগী লেব সি এস আই আর-নেসনেল এরোস্পেস লেবোরোতোরিনা পরসোনেল প্রোতেক্তিব কভরৱাল সুইত পুথোক্লে । পোলিপ্রোপাইলিন স্পুন থাবা মরো কয়াগী পরসোনেল প্রোতেক্তিব কভরৱাল সুইত অসি দোক্তরশিং, নর্সশিং, পেরামেদিকেল স্তাফশিং অমসুং হকশেলগী মীওইশিংনা কোভিদ-১৯ লাকশিন্নবা শীজিন্ননবদা অশোই-অঙাম থোক্লরোইদবনি ।
কোভিদ-১৯ থেংনবদা সরকারগী মতেং পাংবা ওইনা নেসনেল ফরতিলাইজর লিমিতেৎনা চানবা অমসুং হিদাক য়াওনা তঙাইফদবা পোৎলমশিং য়েন্থোকপদা শরুক য়ারি
মাংজিল থারিবা হারগী কম্পেনি, নেসনেল ফরতিলাইজর লিমিতেৎনা ফরতিলাইজর দিপার্তমেন্তগী মখাদা কোভিদ-১৯ থেংনবদা সরকারগী মতেং পাংবা ওইনা চানবা, মাক্স অমসুং হিদাক য়াওনা তঙাইফদবা পোৎলমশিং য়েন্থোকপদা শরুক য়ারি । এন এফ এল বথিন্দা য়ুনিতনা কোরোনা লাইচৎ থেংননবা বথিন্দা জিলাগী ওফিসিয়েলশিংদা মাক্স ৩,০০০ পীখি ।
ৱেবিনার সেরিজ “দেখো অপনা দেস” গী খুৎথাংদা ঙসি তুরিজম মিনিস্ত্রিনা ৱাল্ড হেরিতেচ দে পাংথোকখি
ৱেবিনার সেরিজ অমগী খুৎথাংদা তুরিজম মিনিস্ত্রিনা ৱাল্ড হেরিতেচ দে ২০২০ পাংথোকখি । থৌরম অদুদা তুরিজম অমসুং কলচর মিনিস্তর (ইন-চার্জ) প্রাহলাদ সিংহ পতেলনা হায়খি ভারতকী চৎনবী অমসুং কলচর অসি য়াম্না লিরবা খক নত্তনা মমল নাইদ্রবা অমনি । হৌজিক মালেম অমসুং ভারতনা থেংনরিবা কোভিদ-১৯গী অৱাবা অসি ঐখোয়গী লৈবাক্না মীওইবগী খুন্নাইগী খন্দুনা অমসুং মী অমবু তরাম্না ওকপগী ঐখোয়গী কলচরগা লোয়ননা থেংনরি অমসুং মসিনা ঐখোয়গী মশক তাক্লি ।
পি আই বী ফিল্ড ওফিসশিংগী ফংবা পাউ
- মহারাস্ত্রা : রাজ্য অসিগী অপুনবা কোভিদ-১৯ কেস ৩,৩২৩ য়ৌরে । মুম্বাইদা ভারত নেভিগী মীওই ২০ পোজিতিব ওইরে ।
- গুজরাত : ঙসি অনৌবা কেস ১৭৬ থেংনদুনা গুজরাতকী পোজিতিব কেস পুন্না ১,২৭২ য়ৌরে । হৌজিক ফাওবদা মীওই ৪৮ লৈখিদ্রে ।
- রাজাস্থান : ঙসি অনৌবা কেস ৯৮ থেংনদুনা রাজাস্থানগী পোজিতিব কেস পুন্না ১,২২৯ য়ৌরে । হৌজিক ফাওবদা মীওই ১১ লৈখিদ্রে অমসুং মীওই ১৮৩ অনাবা ফরে ।
- কেরলা : ঙরাং রাজ্য অসিদা পোজিতিব ওইবা কেস অমখক থেংনখি অমসুং লায়না অসিদগী মীওই ১০ অনাবা ফরে ।
- তামিলনাদু : রাজ্য অসিদা প্লাসমা থেরাপি পাংথোকপা কেন্দ্রনা অয়াবা পীরে । হৌজিক ফাওবদা পোজিতিব কেস ১৩২৩; শিখিবা ১৫; দিসচার্জ তৌখিবা ২৮৩ নি।
- করনাতাকা : ঙসি অনৌবা কেস ১২ থেংনদুনা রাজ্য অসিগী অপুনবা কেস ৩৭১ য়ৌরে । পুন্না মীওই ১৩ লৈখিদ্রে অমসুং মীওই ৯২ দিসচার্জ তৌখ্রে ।
- অন্ধ্র প্রদেস : হৌখিবা পুং ২৪দা অনৌবা কেস ৩১ থেংনখি অমসুং কৃষ্ণ জিলাদা মীওই অমা শিদুনা শিখিবা মশিং ১৫ য়ৌরে । হৌজিক ফাওবদা অপুনবা কেস ৬০৩; দিসচার্জ তৌখিবা ৪২নি ।
- তেলাঙ্গনা : রাজ্য অসিদা ঙরাং ফাওবদা অপুনবা কস ৭৬৬ লৈখি,মীওই ১৮ শিখি। হায়দ্রবাত্ত পুলিস অমা অমসুং নারায়ানপেত্তা অঙাং অমা পোজিতিব ওইখি ।
- অরুনাচল প্রদেস : রাজ্য অসিগী সি এমনা অসাম-অরুনাচল প্রদেস ঙমখৈগী চেক পোস্তকী ফিবম য়েংশিনখি ।
- অসাম : সিলচর মেদিকেল কোলেজ হোস্পিতালদগী কোভিদ-১৯ অনাবা অমা মখা তানা দিসচার্জ তৌরে হায়না হেল্থ মিনিস্তর হিমানতানা তুইত তৌখি । রাজ্য অসিগী মীওই ১২ অনাবা ফরে ।
- মেঘলায়া : রাজ্য অসিগী মীয়ামনা কোভিদ-১৯গী মরমদা হংলকপা ৱাহংশিং ইংলিস, খাসি অমসুং গারো লোনশিংদা পাউখুম পীনবা এন আই সিনা ‘ভানি-কোভিদ-১৯’ চাতবোত অমা শেম্লে ।
- মনিপুর : অঙাংশিং য়ুমদা লাইরিক পানবা ইলেকত্রোনিক ফোরমেতকী কোমিক তেক্সবুকশিং ইজুকেসন দিপার্তমেন্তনা পুথোক্লে, ৱেবসাইত manipureducation.gov.in দগী লৌধবা য়াগনি ।
- মিজোরম : বেঙ্গালুরুদা পন্দুনা লৈরিবা মিজোশিংদা মতেং পাংবগীদমক সি এমনা করনাতাকাগী দিপুতি সি এম গোবিন্দ এম কাজরোল থাগৎখি ।
- চান্দিগর : সহর অসিগী তোঙান-তোঙানবা মফমশিংদা লায়রবশিংদা চানবা পেকেত ৮৬,৫২৫ য়েন্থোকখ্রে । শিন্মী ২০,০০০গী মনুংদা শিন্মী ১৭,০০০ মখোয়গী ২০২০ মার্চগী খুৎশুমল ফংলে ।
- পঞ্জাব : রাজ্য অসিদা প্রধান মন্ত্রী গরিব কলয়ান অন্ন য়োজনা হৌদোক্লে । স্কিম অসিগী মখাদা লায়রবশিংদা লেম্না চেং ফংহনগনি । লৌমীশিংগী মহৈ-মরোং খুদিংমক লোইনা লৈগনি হায়না সরকারনা থাজবা পীখি ।
Fact Check on #Covid19
(Release ID: 1615893)
Visitor Counter : 192
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Telugu
,
Telugu
,
Kannada
,
Malayalam