PIB Headquarters
নুমিৎ খুদিংগী ফোংবা পি আই বীগী কোভিদ-১৯ বুল্লেতিন
Posted On:
17 APR 2020 6:38PM by PIB Imphal
(প্রেস রিলিজশিং অসিদা হৌখিবা পুং ২৪দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি)
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
লৈবাক অসিদা কোভিদ-১৯গী অনৌবা কেস ১০০৭ থেংনরে অমসুং ঙরাংদগী মীওই ২৩ শিরে লোয়ননা লৈবাক অসিদা অপুনবা কেস ১৩,৩৮৭ য়ৌরে । অনাবা ফরবা মতুংদা মীওই ১৭৪৯ ময়ুমদা হনখ্রে । অথিংবা মমাংদা ভারতকী রেত শরুক অনি হেনগৎপদা নুমিৎ হুমনি চংখি । হৌখিবা নুমিৎ তরেৎনি অসিদা শরুক অনি হেগৎপদা নুমিৎ ৬.২ চংখি । অথিংবা মমাংদা ভারত্তা নুমিৎ ৩নিদা শরুক অনি হেনগৎখিব অদু হৌখিবা নুমিৎ তরেৎতা নুমিৎ ৬.২ ওইরে অথিংবা মমাংদা ভারত্তা নুমিৎ ৩নিদা শরুক অনি হেনগৎখিব অদু হৌখিবা নুমিৎ তরেৎতা নুমিৎ ৬.https://pib.gov.in/PressReleseDetail.aspx?PRID=1615405
কোভিদ-১৯ লাকশিন্নবা পায়খৎলিবা থবকশিং জি ও এমনা অমুক হন্না য়েংশিনখ্রে
গ্রুপ ওফ মিনিস্তরনা কোভিদ-১৯ লাকশিন্নবা পায়খৎলিবা থবকশিং অমুক হন্না য়েংশিনখ্রে । কোভিদ-১৯ শন্দোকপা থিংনবা কেন্দ্র অমসুং রাজ্য সরকারশিংনা পায়খৎলিবা থবকশিং জি ও এমনা খন্নখি । হোস্পিতালশিংদা পি পি ইশিং, ভেন্তিলেতরশিং অমসুং অতৈ খুৎলায়শিং ফংহনবগী মতাংদা কুপ্না খন্নখি ।
শেন-থুমগী ফিবম ফগৎনবা অমসুং লায়রবশিং শেন য়ৌহন্নবা থৌরাংশিং আর বি আইনা লাউথোক্লে ; কোভিদ-১৯ থেংননবা রাজ্যশিংনা অহেনবা শেন পুবা য়ারে
ঙসি আর বি আইগী রাজ্যপাল শক্তিকান্ত দাসনা লৈবাক্কী শেন-থুম ফগৎনবা থৌরাং ৯ লাউথোক্লে । আর বি আইগী রাজ্যপালনা হায়খি লাউথোক্লিবা অসিনা কোভিদ-১৯ থেংননবা বেঙ্কিংনা খুদোংচাবা হেন্না পীবা ঙমহনগনি । লাইচৎ অসিনা শিংনরকপা খুদিংমক থেংননবা সেন্ত্রেল বেঙ্ক অসিনা মসিগী খুৎলায়শিং শীজিন্নগনি ।
ঙসি আর বি আইনা লাউথোকখিবা থৌরাংশিং প্রধান মন্ত্রীনা থাগৎলি; পি এমনা হায়রি লিকুইদিদি অমসুং ক্রেদিৎ ফংহনবা ফগৎলগনি
মপান লমগী শিন্মীশিংদা লৈফম অমসুং চানবা ফংহন্নবা কেবিনেত সেক্রেতরিনা রাজ্যশিং/য়ুতিশিংদা খঙহনখ্রে
মপান লমগী শিন্মীশিংদা লৈফম অমসুং চানবা ফংহন্নবা থবক পায়খৎনবা এম ঐচ এনা পীরিবা কাংলোনশিং ইন্নবা কেবিনেত সেক্রেতরিনা রাজ্যশিং/য়ুতিশিংদা খঙহনখ্রে । ফিবম অসি য়েংলগা থবক পায়খৎনবা খুদক্ত দি সিশিংদা খঙহন্নবা রাজ্যশিংদা তকশিনখি ।
কোভিদ-১৯ লাকশিন্নবা অথিংবা থম্লিবা অসিদগী উমংগী পোৎথোকশিং, উ থাবা, এন বি এফ সিশিং, কো ওপেরেতিব ক্রেদিৎ সোসাইতিশিং অমসুং খুঙ্গংদা শেমগৎ-শাগৎপগী থবকশিং কোমথোক্নবা এম ঐচ এনা ওর্দর থোক্লে
কোভিদ-১৯গী অথিংবা মনুংদা অকক্নবা থবক খর কোমথোক্নবা হোম এফেয়ার্স মিনিস্ত্রিনা ওর্দর অমা থোক্লে ।
ভিদিও কনফরেন্সকী খুৎথাংদা আই এম এফকী ইন্তরনেসনেল মনিতরি এন্দ ফাইনান্সসিয়েল কম্মিতিগী প্লেনারি মীফমদা শ্রীমতি নিরমালা সিতারমন শরুক য়াখি
ফাইনান্স মিনিস্তর শ্রীমতি নিরমালা সিতারমন ভিদিও কনফরেন্সকী খুৎথাংদা আই এম এফকী ইন্তরনেসনেল মনিতরি এন্দ ফাইনান্সসিয়েল কম্মিতিগী প্লেনারি মীফমদা শরুক য়াখি । কোভিদ-১৯ থেংননবা লৈবাকশিংনা পায়খৎলিবা থবকশিং কম্মিতিগী মেম্বর লৈবাকশিংনা খন্নখি ।
প্রধান মন্ত্রী গরিব কলয়ান য়োজনাগী মখাদা পি এম য়ু ৱাইগী বেনিফিসরশিংদা লেম্না এল পি জি সিলিন্দর ক্রোর ১.৫১ হেন্না য়েন্থোকখ্রে
থা অসিদা প্রধান মন্ত্রী গরিব কলয়ান য়োজনাগী মখাদা পি এম য়ু ৱাইগী বেনিফিসরশিংদা লেম্না এল পি জি সিলিন্দর ক্রোর ১.৫১ হেন্না য়েন্থোকখ্রে । ২০২০গী এপ্রিলদগী জুন ফাওবদা য়োজনা অসিগী বেনিফিসরি ক্রোর ৮ হেনবদা এল পি জি সিলিন্দর অহুম লেম্না পীগনি ।
https://pib.gov.in/PressReleseDetail.aspx?PRID=1615103
পি এম অমসুং ভুতানগী পি এমগী মরক্ত তেলিফোনদা ৱারি শানখ্রে
পি এম মোদী অমসুং ভুতানগী পি এম দোক্তর লোতে সেরিং অনিগী মরক্ত তেলিফোনদা ৱারি শানখ্রে । লুচিংবা অনিনা কোভিদ-১৯ লাকপদা মখোয়গী লৈবাকশিংগী পায়খৎলিবা থবকশিংগী মতাংদা ৱা খন্নখি ।
https://pib.gov.in/PressReleseDetail.aspx?PRID=1615126
পি এম অমসুং জোরদানগী নিংথৌ অনিগী মরক্ত তেলিফোনদা ৱারি শানখি
ঙসি প্রধান মন্ত্রী নরেন্দ্র মোদী অমসুং জোরদানগী নিংথৌ অবদুলা সেকেন্দ অনিগী মরক্ত তেলিফোনদা ৱারি শানখি । কোভিদ-১৯ লাইচৎ লাকপদগী মালেমগী লৈবাকশিংনা থেংনরিবা অৱাবশিং লুচিংবা অনিনা খন্নখি । লুচিংবা অনিনা কোভিদ-১৯ লাকপদা মখোয়গী লৈবাকশিংগী পায়খৎলিবা থবকশিং অমসুং লৈবাক অনিগী মরক্ত মতেং পাংনবগী মতাংদা ৱা খন্নখি ।
https://pib.gov.in/PressReleseDetail.aspx?PRID=1615122
অথিংবা মনুংদা মহৈ-মরোং পুথোক-পুশিন তৌনবা মোবাইল এপ্প “কিষান রাথ” এগ্রিকলচর মিনিস্তরনা হৌদোকলে
ঙসি এগ্রিকলচর মিনিস্তর নরেন্দ্র সিংহ তোমারনা এন আই সিনা পুথোকপা অথিংবা মনুংদা মহৈ-মরোং পুথোক-পুশিন তৌনবা মোবাইল এপ্প “কিষান রাথ” হৌদোকলে । মসিনা লৌমীশিংনা মখোয়গী পোৎথোকশিং রাজ্য মনুংদা, রাজ্যশিংগী মরক্ত, রাজ্যশিংগী মন্দিশিংগী মরক্ত , রেলৱে স্তেসনশিংদা পুবা , ৱেয়রহাওসশিংদা পুবা মতেং পাংগনি ।
অথিংবা মনুংদা তন ৪১৮গী মেদিকেলগী পোৎলমশিং পুনবা লাইফলাইন উরান ফ্লাইত ২৪৭ মথৌ পাংথোকখি
লাইফলাইন উরানগী মখাদা ফ্লাইত ২৪৭ মথৌ পাংথোকখি । মসিগী মনুংদা ১৫৪না এয়র ইন্দিয়া অমসুং এল্লাইয়ন্স এয়রগীনি । ঙসি ফাওবদা তন ৪১৮গী কার্গো পুখি । ঙসি ফাওবদা লাইফলাইন উরান ফ্লাইতশিং কিলোমিতর লাখ ২.৪৫ পাইখ্রে ।
https://pib.gov.in/PressReleseDetail.aspx?PRID=1615089
অথিংবা মনুংদা এফ সি আইনা শরুক অনি হেন্না চানবা মহৈ-মরোংশিং পুথোক-পুশিন তৌখি
অথিংবা মনুংদা এফ সি আইনা ত্রেন লোদ ১৩৩৫ শীজিন্নদুনা চানবা মহৈ-মরোং এম এম তি ৩.৭৪ হোনখি । মসি নোংমদা এল এম তি ০.৮ পুরম্বা অদুদগী শরুক অনি হেল্লবনি ।
https://pib.gov.in/PressReleseDetail.aspx?PRID=1615088
পি এম জি কে ৱাইগী মখাদা নুমিৎ ১৫দা ই পি এফ ওনা কোভিদ-১৯গী ক্লেম লাখ ৩.৩১ ফংহনখি
নুমিৎ ১৫দা ই পি এফ ওনা ক্লেম লাখ ৩.৩১গী লুপা ক্রোর ৯৪৬.৪৯ য়েন্থোকখি । মসিগী মথক্ত পি এফ ত্রস্তনা লুপা ক্রোর ২৮৪ য়েন্থোকখি ।
https://pib.gov.in/PressReleseDetail.aspx?PRID=1615037
কোভিদ-১৯ লাকশিন্নবা আর্মদ ফোর্সেস মেদিকেল সর্বিসেসনা পায়খৎলিবা থবকশিং দিফেন্স মিনিস্তর রাজনাথ সিংহনা অমুক হন্না য়েংশিনখ্রে
ঙসি দিফেন্স মিনিস্তর রাজনাথ সিংহনা কোভিদ-১৯ লাকশিন্নবা অমসুং মখোয়না মীয়ামদা মতেং পাংনবা আর্মদ ফোর্সেস মেদিকেল সর্বিসেসনা পায়খৎলিবা থবকশিং অমুক হন্না য়েংশিনখ্রে । ক্বারেনতাইন সেন্তরশিং, হোস্পিতালশিং অমসুং হকশেলগী অতৈ থবকশিংদা লান্মীনা মীয়ামগী পায়খৎলিবা থবকশিংগী মতাংদা দিফেন্স মিনিস্তরদা পাউদমখি ।
https://pib.gov.in/PressReleseDetail.aspx?PRID=1615330
কোভি-১৯ হাৎনবা থবকশিংদা শীজিন্ননবা দি আর দি ওন অনৌবা পোৎথোক অনি পুথোক্লে
কোভিদ-১৯ থেংননবা দি আর দি ওনা মসিগী হৌজিক লৈরিবা তেক্নোলোজিশিং অমসুং থবকশিংদগী অনৌবা পাম্বৈ কয়া পুথোক্লি । ঙসি দি আর দি ওনা লাইচৎ মনুংদা মীয়ামগী মফমশিংদা থবক পাংথোকপদা মতেং ওইনবা অনৌবা পোৎথোক অনি পুথোক্লে ।
সোফৱায়র তেক্নোলোজি পার্কস ওফ ইন্দিয়াগী সেন্তরশিংদা থবক তৌরিবা আই তি কম্পেনশিংদা থা ৪গী ভারা লৌররোই
সোফৱায়র তেক্নোলোজি পার্কস ওফ ইন্দিয়াগী সেন্তরশিংদা থবক তৌরিবা আই তি য়ুনিতশিংনা ভারা পীবদা কোমথোক্না অচৌবা ৱারেপ অমা সরকারনা লৌরে । হায়রিবা য়ুনিতশিং অসি তেক এম এস এম ইশিং নৎত্রগা স্তার্দঅপশিংনি । হায়রিবা য়ুনিতশিংদা থা মরি হায়বদি ২০২০ মার্চ ১দগী ২০২০গী জুন ৩০ ফাওবগী ভারা কোমথোক্কনি ।
https://pib.gov.in/PressReleseDetail.aspx?PRID=1615052
রুরেল দিবলপমেন্ত মিনিস্ত্রিগী স্কিমশিং নরেন্দ্র সিংহ তোমারনা অমুক হন্না য়েংশিনখ্রে
মিনিস্তরনা হায়খি পি এম এ ৱাই(জি)গী বেনিফিসরি লাখ ৪০ রোম অনিশুবা ইন্সতোলমেন্ত ফংখ্রে অমসুং মখোয়গী হাওসিং য়ুনিতশিং লোইশিন্নবা অহুমশুবা ইন্সতোলমেন্তগী ফন্দ পীরগনি । এম জি এন আর ই জি এসকী ওইনা রাজ্যশিংদা লুপা ক্রোর ৭৩০০ থাদোকখ্রে ।
দি দি অমসুং এ আই আরনা লাইরিক-লাইশুগী থৌরমশিং শন্দোকলি
অথিংবা মনুংদা ভারত সরকারগী ব্রোদকাস্তরশিংনা মহৈরোয়শিং মতেং পাংলি । রাজ্য সরকারশিংগা খুৎশম্নদুনা লৈবাক অসিদা তি ভি, রেদিও অমসুং য়ুতুব চেন্নেলশিংদা দি দি অমসুং এ আই আরনা লাইরিক-লাইশুগী থৌরমশিং শন্দোকলি ।
https://pib.gov.in/PressReleseDetail.aspx?PRID=1615204
অথিংব মনুংদা রোদ ত্রান্সপোর্ত সেক্তরনা মীচম মীয়াম মতেং পাংলি
কোভিদ-১৯ লাকশিন্নবা অথিংবা থমলিবা মনুং অসিদা রোদ ত্রান্সপোর্ত অমসুং হায়ৱেজ মিনিস্ত্রিনা লম্বীদা লৈবা মীওইশিং মতেং পাংলি । মমাং থাগী ২৪দা প্রধান মন্ত্রীনা হেক লাউথোকখিবগা শিন্মীশিং অমসুং মীচম মীয়াম মতেং পাংনবা তকশিনখি ।
https://pib.gov.in/PressReleseDetail.aspx?PRID=1615393
পুং ২গী মনুংদা চি্ত্রা জেনেলেম্প-এননা কোভিদ-১৯গী তেস্তকী ফল পীবা ঙম্লে
ভাইরেল নিউক্লিক এসিদ(আর তি-লেম্প)গী রিভর্স ত্রান্সক্রিপতেচ লুপ-—দিয়েতদ এমপ্লিকেসন শীজিন্নদুনা কোভিদ-১৯ তেস্ত তৌবা অসি মালেমগী ওইনা অহানবা নৎত্রবদু মসি মালেমগী অহানবা খরগী মরক্ত য়াওরে ।
https://pib.gov.in/PressReleseDetail.aspx?PRID=1615204
পি আই বী ফিল্ড ওফিসশিংগী ফংবা পাউ
- অরুনাচল প্রদেস : ইতানগরদা লৈরিবা অনাবশিং মখোয়গী ময়ুমদা হনখিনবা থৌরাং পায়খৎলে হায়না সি এমনা হায়খি ।
- অসাম : লৈবাক্কী মফম কয়াদা পন্দুনা লৈরিবা মীওইশিংগী হেল্প লাইন নম্বরদা ইমুং লাখ ৪ হেনবনা কোল তৌরকখি ।
- মেঘলায়া : কোভিদ-১৯না মরম ওইদুনা সিল্লোংগী আর্মি রিক্রুদমেন্ত রেল্লি ২০২০গী ওক্তোবর ৫-৮ ফাওবদা য়ৈথোকলে ।
- মনিপুর : তমেংলোংদা নুংথিল পুং ১:৩০দগী পুং ৪:৩০ ফাওবা দুকানশিং হাংবা দি সিনা অয়াবা পীরে ।
- নাগালেন্দ : সেম্পল ১৪০গী মনুংদা ১০০ নেগেতিব ওইরে অমসুং ৪০গী ফল ঙাইরি।
- ত্রিপুরা : অথিংবা মনুংদা মীওই ২৫,০২৫দা লুপা ক্রোর ২.৮৫গী মতেং পাংলগনি ।
- কেরলা : ঙরাং অনৌবা কেস ৭ থেংনখি অমসুং মীওই ২৭ অনাবা ফখি । হৌজিক অনৌবা কেস ৩৯৪; অনাবা ফবা ২৪৫; একতিব কেস ১৪৭ লৈরি ।
- তামিলনাদু : অথিংবা কোমথোক্নবা রাজ্য অসিগী কম্মিতি অমা লিংখৎলে । অপুনবা কেস ১২৬৭; শিখিবা ১৫; অনাবা ফবা ১৮০ শুরে ।
- করনাতাকা : ঙসি অনৌবা কেস ৩৮ থেংনখি। অপুনবা কেস ৩৫৩; শিখিবা ১৩; দিসচার্জ তৌখিবা ৮২ শুরে ।
- অন্ধ্র প্রদেস : হৌখিবা পুং ২৪দা অনৌবা কেস ৩৮ থেংনদুনা হৌজিক অপুনবা কেস ৫৭২ য়ৌরে । দিসচার্জ তৌখিবা ৩৫ অমসুং শিখিবা ১৪ শুরে ।
- তেলাঙ্গানা : রাজ্য অসিগী মীওই অমা কোভিদনা মরম ওইদুনা সাউদি অরাবিয়াদা শিরে । ঙসি সেম্পল ৬০০গী ফল ফংলবা য়ারি।
- মহারাস্ত্রা : ঙসি অনৌবা কেস ৩৪ থেংনদুনা হৌজিক রাজ্য অসিগী অপুনবা কস ৩,২৩৬ য়ৌরে । মুম্বাইগী মীওই ১৬৬ য়াওনা অপুনবা মীওই ২৯৭ অনাবা ফরে । রাজ্য অসিদা মীওই ১৯৪ শিরে অমসুং মসি লৈবাক অসিগী অপুনবা শিবগী চাদা ৪০ রোম্নি।
- গুজরাত : অনৌবা কেস ৯২ থেংনদুনা রাজ্য অসিগী অপুনবা কেস ১,০২১ য়ৌরে । গুজরাতকী অশিবা মশিং ৩৮ য়ৌরে ।
- রাজাস্থান : ঙসি অনৌবা কেস ৩৪ থেংনদুনা রাজ্য অসিগী অপুনবা কেস ১১৬৯ য়ৌরে । রাজ্য অসিদা হৌজিক ফাওবদা মীওই ১৬ শিরে ।
- মৈধ্য প্রদেস : অনৌবা মীওই ২২৬ পোজিতিব ওইদুনা রাজ্য অসিগী অপুনবা কেস ১১৬৪ য়ৌরে । রাজ্য অসিগী জিলা ৫২গী মনুংদা জিলা ২৬দা ভাইরস অসি শন্দোকলে ।
- চান্দিগর : অরোগ্য সেতু মোবাইল এপ্প লৌথনবা সরকারনা মীয়ামদা খঙহনখি । স্কুলশিংগী মিদ দে মিলগী চাকশিং লায়রবশিংদা পীজনবা থবক পায়খৎলে ।
পঞ্জাব : মীয়াম্না অথিংবা মনুংদা মতেং লৌনবা অখন্নবা হেল্পলাইন নম্বর ১৮০০ ১৮০ ৪১০৪ পঞ্জাব সরকারনা হাংদোকলে ।
Fact Check on #Covid19
(Release ID: 1615552)
Visitor Counter : 188
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam