PIB Headquarters
নুমিৎ খুদিংগী ফোংবা পি আই বীগী কোভিদ-১৯ বুল্লেতিন
Posted On:
07 APR 2020 6:39PM by PIB Imphal
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
হৌজিক ফাওবদা কোভিদ-১৯গী কেস ৪৪২১ লৈরে অমসুং মীওই ১১৭ শিরে । অনাবা ফরবা মতুংদা মীওই ৩২৬ ময়ুমদা হনখ্রে । রাজ্য ১৭তা কেস ১০২৩ তাব্লিগি জামাতকী থৌদোক্কা মরি লৈনৈ । কোভিদ-১৯ নারবা অনাবশিংদা খুদোংচাবা ফংহন্নবা মতিক চারবা কোভি-১৯গী কৎথোক্লবা হোস্পিতালশিংশিং মশক খঙদোক্নবা তোঙান-তোঙানবা মখলগী কোভি-১৯গী কেসশিংগী মখল অহুমগী খুদোংচাবশিং লিংখৎলগনি ।
প্রধান মন্ত্রী অমসুং শ্বিদেনগী প্রধান মন্ত্রী তেলিফোনদা ৱারি শানখি
ঙসি প্রধান মন্ত্রী নরেন্দ্র মোদীনা শ্বিদেনগী প্রধান মন্ত্রী স্তেফান লোফভেনগা তেলিফোন্দা ৱারি শানখি । লুচিংবা অনিনা কোভিদ-১৯ লাইচৎকী মতাংদা অমসুং মখোয়গী লৈবাকশিংদা লাইচৎ অসিনা হকশেল অমসুং শেন-থুমদা পীরিবা চৈথেং লাকশিন্নবা লৌখৎলিবা থবকশিংগী মতাংদা ৱা খন্নখি ।
https://pib.gov.in/PressReleseDetail.aspx?PRID=1611979
প্রধান মন্ত্রী অমসুং ওমানগী প্রধান মন্ত্রী তেলিফোনদা ৱারি শানখি
ঙসি পি এম নরেন্দ্র মোদীনা তেলিফোনদা ওমানগী সুলতান হাইথাম বিন তারিককা লোয়ন্না তেলিফোন্দা ৱারি শানখি । লুচিংবা অনিনা কোভিদ-১৯ লাইচৎকী মতাংদা অমসুং মখোয়গী লৈবাকশিংদা লাইচৎ অসিনা হকশেল অমসুং শেন-থুমদা পীরিবা চৈথেং লাকশিন্নবা লৌখৎলিবা থবকশিংগী মতাংদা ৱা খন্নখি ।
https://pib.gov.in/PressReleseDetail.aspx?PRID=1611996
জোরহাত, লেঙপুই, দিমাপুর, ইম্ফাল অমসুং অৱাং-নোংপোক্কী লমদমশিংদা লাইফলাইন উরান ফ্লাইতশিংনা হিদাক-লাংথকশিং য়ৌহনখি
হৌজিক ফাওবদা লৈবাক্কী মনুংহুঞ্জিনবা অমসুং চিংগী মফমশিং য়াওনা ভারতকী মফম কয়াদা মেদিকেল কার্গোশিং পুনবা কার্গো ফ্লাইত ১৫২ থবক তৌরি ।
কোভিদ-১৯ অমসুং তুংদা লাকপা শিংনবশিং থেংননবা ঐচ আর দি মিনিস্ত্রিনা “সামাধান” হৌদোক্লে
ঐচ আর দি মিনিস্ত্রিগী ইন্নোবেসন সেল অমসুং ওল ইন্দিয়া কাউন্সিল ফোর তেক্নিকেল ইজুকেসননা ফোর্জ এন্দ ইন্নোবেসনকুরিসকা খুৎশম্নদুনা মহৈরোইশিংনা অনৌবা পুথোকপা ঙম্বগী হৈশিংবা চাংয়েং তৌনবা অচৌবা ওনলাইনগী শিংনবা “সামাধান” হৌদোক্লে ।
https://pib.gov.in/PressReleseDetail.aspx?PRID=1611994
পি এম বি জে পীগী মখাদা ফারমাসিস্তশিংনা তঙাইফদবা থবকশিং অমসুং হিদাক-লাংথকশিং থোংজিলদা ফংহল্লি
প্রধান মন্ত্রী জন ঔসাদি কেন্দগী “শ্বাস্থ কে সিপাহি” হায়রগা খঙনবা ফারমাসিস্তশিংনা অনাবশিং অমসুং অহলশিংদা তঙাইফদবা থবকশিং অমসুং হিদাক-লাংথকশিং থোংজিলদা ফংহল্লি ।
https://pib.gov.in/PressReleseDetail.aspx?PRID=1611971
পরসোনেল, পব্লিক গ্রিভান্সেস অমসুং পেন্সন্সনা কোভিদ-১৯গী পায়খৎলিবা থবকশিং অমুক হন্না য়েংশিন্নবা মীফম এম ও এস(পি পি)না চেয়র লৌখি
ঙসি ভিদিও কনফরেন্সকী খুৎথাংদা দোনর(ইন-চার্জ), এম ও এস পি এম ও, পরসোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্রনা দি ও পি তি, দি এ আর পি জি অমসুং দি ও পি পি দব্লিউ অমুক হন্না য়েংশিনখি ।
https://pib.gov.in/PressReleseDetail.aspx?PRID=1611960
পি এম অমসুং বাহরেনগী নিংথৌগী মরক্ত তেলিফেোনদা ৱারি শানখি
পি এম নরেন্দ্র মোদী অমসুং বাহরেনগী নিংথৌ হামাদ বিন ইসা অল খালিফা ঙসি তেলিফোনদা ৱারি শানখি । হৌজিক থেংনরিবা কোভিদ-১৯গী হকশেলগী অৱাবা অমসুং মতুং তারকপদা মসিনা পোৎচৈ পুথোক-পুশিন অমসুং ফাইনান্সিয়েল মার্কেতশিংদা শোকহনগদবা অদুগী মতাংদা পি এম মোদী অমসুং বাহরেনগী নিংথৌ ৱা খন্নখি
https://pib.gov.in/PressReleseDetail.aspx?PRID=1611797
মালেমগী হকশেলগী নুমিদৎতা প্রধান মন্ত্রীগী পাউজেল
নেসনেল পার্কশিং/সেঙ্কচুরিশিং/তাইগর রিজার্বশিংদা কোভিদ-১৯ থেংননবা চেকশিনৱা পীখি
নেসনেল পার্কশিং/সেঙ্কচুরিশিং/তাইগর রিজার্বশিংদা কোভিদ-১৯ থেংননবা চেকশিনৱা
লৈবাক অসিদা কোভিদ-১৯ শন্দোরকলিবা অমসুং হন্দক নিউ য়োর্কতা কৈ অমা কোভিদ-১৯ নাখিবা অদু য়েংলগা নেসনেল পার্কশিং/সেঙ্কচুরিশিং/তাইগর রিজার্বশিংদা লৈরিবা শাশিংদা কোভিদ-১৯ শন্দোরকপা থিংনবা ইনভাইরোনমেন্ত , ফোরেস্ত অমসুং ক্লাইমেত চেঞ্জ মিনিস্ত্রিনা চেকশিনৱা পীখ্রে । নেসনেল পার্কশিং/সেঙ্কচুরিশিং/তাইগর রিজার্বশিংদা লৈরিবা শাশিংদা মীওইবদগী ভাইরস শন্দোরকপা অমসুং শাশিংদগী মীওইবদা শন্দোরকপা য়াবগী ওইথোকপা লৈ ।
https://pib.gov.in/PressReleseDetail.aspx?PRID=1611748
নিউ য়োর্কতা কৈ অমা কোভিদ-১৯ পোজিতিব ওইখিবা অসি য়েংলগা চেকশিন্না লৈনবা ভারতকী জুশিংদা সেন্ত্রেল জু ওথোরিতিনা পাউতাক পীরি
লৈবাক অসিদা লৈরিবা জুশিং চেকশিন্না লৈনবা, শাশিং নুমিৎচুপ্পা য়েংশিন্নবা, শাশিং য়েংনবা সি সি তি ভি শীজিন্ননবা , পি পি ই য়াওদনা জু শেন্নবশিং মনাক নক্না চঙহন্দনবা, শাশিং ক্বারেনতাইন তৌনবা অমসুং শাশিং পীজবা মতমতদা মনাক নক্নবা সেন্ত্রেল জু ওথোরিতিনা পাউতাক পীরি ।
https://pib.gov.in/PressReleseDetail.aspx?PRID=1611748
লৈবাক অসিদা কোভিদ-১৯গী ফিবম অমসুং অথিংবা মরক্ত জহাজগী থবকশিং মথৌ ফজনা পাংথোক্নবা সিপ্পিং মিনিস্ত্রিনা মরুওইবা থৌদাং লৌরি
২০২০গী এপ্রিলদগী মার্চ ফাওবদা অচৌবা হিথাংফমশিংদা পোৎ পুথোক পুশিন তৌবা চাদা ০.৮২ হেনগৎলে । হিথাংফমশিংদা মীওই/ক্রিউ ৪৬,০০০ থরমেল স্কেন তৌখি । হিথাংফম শীজিন্নবশিংদগী মখল অমতগী ফিশিং লৌররোই । মরুওইবা হিথাংফমশিংদা লৈরিবা হোস্পিতালশিং কোভিদ-১৯গী থৌরাং তৌরি । দি জি , সিপ্পিংনা সেনিতাইজেসন , সেফতি সরতিফিগেতশিং, সিপ্পিং লাইনশিংগী থবক পায়খৎলি ।
কোভিদ-১৯ : স্মার্দ সিতিশিংদা সহরগী সরকারশিংনা দোক্তরশিংদা থবক তৌমিন্নরি
কোভিদ-১৯ ওইগনি হায়না চিংনবা মীওইশিং থিনবা স্মার্দ সিতিশিংনা দিস্ত্রিক এদমিনিস্ত্রেসন, দিস্ত্রিক পুলিস অমসুং সিতি এদমিনিস্ত্রেসনগা পুন্না থবক পায়খৎলি ।
https://pib.gov.in/PressReleseDetail.aspx?PRID=1611925
পি পি ই পুথোক্নবা ভারত রেলৱেজনা খোঙজেল য়াংনা থবক পায়খৎলি
মিসনগী মওংদা পি পি ই পুথোক্নবা ভারত রেলৱেজনা খোঙজেল য়াংনা থবক পায়খৎলি । হন্দক দি আর দি ওগী লেব অমনা জাগাধারি ৱার্কসোপতা পুথোক্নবা অয়াবা পীরে । অয়াবা পীরবা দিজাইন অমসুং মচাকশিং অসি হৌজিক তোঙান-তোঙানবা জোনশিংদা লৈবা ৱার্কসোপশিংদা পি পি ইশিং পুথোক্লগনি ।
https://pib.gov.in/PressReleseDetail.aspx?PRID=1611894
কোভিদ-১৯গী অথিংবা মরক্ত মার্চ ২৪দগী লৈবাক শীনবা থুংনা এফ সি আইনা চেং লাখ মেত্রিক তন ১৮.৫৪গী রেকস ৬৬২ হোনখি
নেসনেল ফুদ সেকুরিতি এক্ত(নফসা)গী বেনিফিসরিশিংদা মথং থা অহুমদা মীওই অমদা চেং কেজি ৫ লেম্না ফংহন্নবা পি এম গরিব কলয়ান অনন য়োজনা থবক ওইনা পায়খৎনবা এফ সি আইনা লৈবাক শীনবা থুংনা চেং য়ৌহনখি ।
কোভিদ-১৯ থেংননবা মীয়ামদা মতেং পাংবদা এক্স-সর্বিসমেনশিংনা মখোয়গী থৌদাং পাংথোক্লি
লৈবাক অসিদা মখাতানা কোরোনাভাইরস থেংনরিবা অসিদা , লান্মী, নেভি অমসুং এয়র ফোর্সকী এক্স-সর্বিসমেনশিংনা লৈঙাক্ত মতেং পাংলি অমসুং কৎথোকপগা লোয়ন্না মখোয়গী থবক মীয়ামদা ফংহল্লি ।
https://pib.gov.in/PressReleseDetail.aspx?PRID=1611880
ভাইস প্রসিদেন্তনা হায়রি অথিংবা লৌথোক্লবা মতুংদা শেন-থুমদগী হকশেলগী থবকশিংনা হেন্না পায়খৎকনি
কোরোনাভাইরস লাইচৎ লাকপদগী লৈবাক অসিদা নুমিৎ ২১ অথিংবা থমলকখিবা অদু এপ্রিল ১৪দা লৌথোক্লবা মতুংদা মরি লৈনবশিংনা শেন-থুমদগী হকশেলগী থবকশিংনা হেন্না পায়খৎকনি হায়না ভারতকী ভাইস প্রসিদেন্ত এম ভেনকিয়া নাইদুনা হায়রি ।
https://pib.gov.in/PressReleseDetail.aspx?PRID=1611881
য়ুনিয়ন পৱার মিনিস্তরনা হায়রি মৈ মুৎথৎনবা প্রধান মন্ত্রীনা হায়বদা মীয়াম্না ইনখি
কোভিদ-১৯গী মায়োক্ত শোক্নরিবা লাল অসিদা লৈবাক অসিনা শৌগৎপা উৎপা ওইনা নোংমাইজিংদা মৈ মুৎথৎনবা অমসুং থাউমৈ অমা থান্নবা প্রধান মন্ত্রী নরেন্দ্র মোদীনা হায়জবদা মশিং য়াম্না শরুক য়াখি ।
https://pib.gov.in/PressReleseDetail.aspx?PRID=1611712
পি আই বি ফিল্ড ওফিসশিংগী ফংবা ই-পাউশিং
অৱাং-নোংপোক লমদম
- কোভিদ-১৯ থেংননবা অরুনাচল প্রদেসতা এস ঐচ জিশিংনা মাক্স য়াওনা তঙাইফদবা পোৎলমশিং ফংহনখি ।
- অসামদা কোভিদ-১৯গী মতাংদা ৱাকাই ঙাংবগী ধিংদগী এ আই য়ু দি এফকী এম এল এ, অমিমুল ইস্লাম ফারে ।
- অথিংবা মনুংদা রাজ্যগী মপানদা পন্দুনা লৈরিবা মীওই অমমমগী বেঙ্ক একাউন্তশিংদা সি এমগী কোভিদ-১৯ রিলিফ ফন্দগী লুপা ২০০০ হাপখ্রে হায়না মনিপুরগী সি এমনা তুইত তৌখি ।
- মেঘলায়াদা লানাই হোস্পিতালশিংনা কোভিদকী নৎতবা অনাবশিং লায়েংলগনি । সরকারনা লায়েংমল পুথোক্কনি ।
- হকচাং ঙমদবা মীওই খুদিংমক মতম অমদা হেক্ত লায়েংনবা মিজোরম হেল্থ দিপার্তমেন্তনা দোক্তরশিংদা হায়রি ।
- নাগালেন্দ সরকারনা হায়রি নিজামুদ্দিন মার্কাজকী চিংনবশিং মশক খঙদোক্নবা হোৎনরি । থৌরম অদুদা শরুক য়ারুবশিং স্তেৎ কন্ত্রোল রুমদা লাক্নবা হায়রি ।
- সিক্কিমদা মীওই ১০৭ লৈবা ক্বারেনতাইন সেন্তর ১২ লৈরি অমসুং আইসোলেসন সেন্তর ৪ লৈরি ।
- তোঙান-তোঙানবা লুপশিংনা ত্রিপুরাদা লায়রবশিংদা মতেং পাংলি ।
নোংচুপ লমদম
- ঙসি রাজাস্থানদা নৌনা মীওই ২৪ কোভিদ-১৯ পোজিতিপ ওইরে । রাজ্য অসিগী অপুনবা পোজিতিপ কেস ৩২৫ য়ৌরে । খ্বাইদগী য়াম্না জোধপুরদা মীওই ৯ পোজিতিপ ওইখি ।
- গুজরাত্ত কোভিদ-১৯ পোজিতিপ ওইবা মীওই ১৯ হেনগৎতুনা হৌজিক কেস ১৬৫ য়ৌর । অনৌবা কেসশিং অসিগী মনুংদা অহমেদবাত্তগী ১৩ লাকখি ।
- ভোপালদা কোভিদ-১৯ অনৌবা কেস ১২ থেংবদগী মৈধ্য প্রদেসকী অপুনবা কেস ২৬৮ য়ৌরে । অনৌবা কেসশিং অসিগী মরক্ত পুলিসকী মীওই অমসুং মখোয়গী ইমুং-মনুংগী মীওই ৭ অমসুং হেল্থ দিপার্তমেন্তগী মীওই ৫ য়াওরি ।
- নুমিৎ হুম্নিদা য়ুমথোং খুদিং চংদুনা থিজিনবা লোইরে হায়না গৱা সরকারনা লাউথোকলি । রাজ্য অদুদা লাইহৌ হৌবা মীওইশিং অমসুং মপানদা চৎলুবগী ৱারি-ৱাখোংশিং ইনুমেরেতর ৭০০০না থিদোকখি ।
- মহারাস্ত্রা পুলিসনা পালগর জিলাগী ৱাদাদা কেমিকেল ফেক্তরি অমা রেদ চৎথখি অমসুং এফ দি এগী অয়াবা য়াওদনা হেন্দ সিনিতাইজর শানবা মচাকশিং অমসুং শারম্বা হেন্দ সিনিতাইজর ফাগৎখি ।
খা থংবা লমদম
- কেরলা : রাজ্য অসিদা এপ্রিল ১৪গী মতুংদা অথিংবা থমখিবগনি হায়না হকশেল মন্ত্রীনা হায়খি । ধারাবীগী অহানবা কোভিদনা নাবা মীওইগা লৈমিন্নবা কেরলামচা মুম্বাই পুলিসনা মশক খঙদোক্লে , মখোয় খুদিংমক দিল্লি তি জি মীফম শরুক য়াখি । ঙসি য়ু এসতা কেরলা মচা অমা কোভিদনা শিরে ।
- তামিলনাদু : রাজ্য অসিনা লৌমীশিংগীদমক তোল ফ্রি নম্বর, লেম্না কোল্ড স্তোরেজ, মোবাইল সোপশিং, শেন্থং ফারমার প্রদুসর কম্পেনিশিংদা পীরি ।
- অন্ধ্র প্রদেস : ঙসি কোভিদনা মীওই ৪ শিহনখি । ভেন্তিলেতর ৯০০ লৈরে । অরোগ্যাসি হেল্থ কিয়ার প্রোগ্রামগী মখাদা লনাই হোস্পিতালশিংনা কোভিদ কেসশিং লায়েংনবা সরকারনা খঙহল্লে; লায়েংমল লুপা ১৬,০০০দগী লুপা লাখ ২.১৬ ফাওবা ওইগনি ।
- তেলঙ্গানা : হৌজিক ফাওবদা পোজিতপ ওইবা মীওই ৩৭৫ য়ৌরে , একতিপ কেসনা ৩১৭ নি । অথিংবা অসি এপ্রিল ৩০ ফাওবা শাংদোক্নবা ভিদিও কনফরেনসকী খুৎথাংদা তেলঙ্গানা হায় কোর্ত ফমখি । অথিংবা চৎনহন্নবা পুলিসনা এনালিতিক্স সোফৱায়র অমসুং দ্রোন কেমারাশিংগা লোয়ননা ওতোমেতেদ নম্বর প্লেত রিকগনিসন সিস্তেম শীজিন্নখি ।
Fact Check on #Covid19
(Release ID: 1612081)
Visitor Counter : 158
Read this release in:
English
,
Urdu
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam