गोवा, 20 नोव्हेंबर 2026
57व्या भारतीय आंतरराष्ट्रीय चित्रपट महोत्सवाच्या (IFFI) फाटभुयेर पत्र सूचना कार्यालय (PIB) मीडिया सेंटर, पणजी, गोवा हांगा आयज माध्यमांखातीर पत्रकार परिषद आयोजीत केल्ली. ह्या वेळार 57व्या इफ्फीचे महोत्सव संचालक श्री. आशुतोष गोवारीकर आनी राष्ट्रीय चित्रपट विकास महामंडळाचे (NFDC) वेवस्थापकीय संचालक श्री. धीरज सिंग उपस्थित आशिल्ले. पीआयबी पश्चिम विभागाच्यो महासंचालक श्रीमती. स्मिता वत्स शर्मा हांणी ह्या सत्राचें संचालन केलें.
माध्यमांकडेन संवाद साधताना, श्री. आशुतोष गोवारीकर हांणी ‘शिम विरयत कथा’ (Stories Without Borders) ह्या संकल्पनेचेर आधारित 57व्या इफ्फी महोत्सवाचो आपलो दृष्टिकोन मांडलो. ही संकल्पना फकत भौगोलिक आनी प्रादेशिक सीमांपुरती मर्यादित नासून, कुटुंब आनी समाजातल्या विविध प्रकारच्या दरींचोय वेध घेता, अशे तांणी स्पष्ट केले. जात, सामाजिक भिन्नता आणि हेर सामाजिक-सांस्कृतिक वास्तवांक लागून निर्माण जावपी भेदांचोय हातूंत आस्पाव आसा. अश्यो सगळ्यो शिमो ओलांडपी आनी विविध संस्कृतींमदीं सामायिक मानवी अनुभवांचें प्रतिबिंब दाखोवपी कथांक, एकाच व्यासपीठार हाडपाचो ह्या महोत्सवाचो उद्देश आसा.

महोत्सवांतल्या विंगड विंगड चित्रपट विषयक सादरीकरणांचेर उजवाड घालतना, श्री. गोवारीकर हांणी ह्या वर्सा ॲनिमेशन, माहितीपट आनी चित्रपटांविशीं चित्रपट (Films about Films) हे तीन नवे विभाग सुरु करतले, अशी घोषणा केली. माहितीपटांचें वाडटें म्हत्त्व आनी माहितीपट निर्मात्यांक चड प्रसिद्धी आनी संदी दिवपाची गरज तांणी अधोरेखित केली. ह्या उपक्रमाचो एक भाग म्हूण, इफ्फींत हालींच जाल्ल्या मुंबई आंतरराष्ट्रीय चित्रपट महोत्सवाच्या (MIFF) जैतिवंतांचे चित्रपट खासा प्रदर्शनात दाखयतले.
महोत्सवाच्या विविधांगी कार्यक्रमांचें म्हत्त्व स्पश्ट करतना, रेट्रोस्पेक्टिव्हज, निवडक चित्रपट सादरीकरणां आनी खासा स्क्रीनिंग्स हांच्यासयत दर एक विभाग चित्रपटसृष्टीची समृद्धी आनी विविधता दाखोवपाक योगदान दिता, असें तांणी नमूद केलें. माध्यम प्रतिनिधींनी फकत आपल्या आवडी निवडीपुरते मर्यादित राव नासतना, महोत्सवाच्या वेग वेगळ्या विभागांचो आस्वाद घेवचो, तशेंच गाला स्क्रीनिंग्स, रेड कार्पेट कार्यक्रम, आंतरराष्ट्रीय पत्रकार परिषदो आनी पॅनोरमा विभागांतल्या संवाद सत्रांक उपस्थित रावचें, अशें आवाहन तांणी केलें. अशा उपक्रमांच्या माध्यमांतल्यान चित्रपट निर्मात्यांक आनी महोत्सवांत सहभागी जावपी प्रतिनिधींक आपलीं कामां सादर करपाची संद मेळटा, तर प्रेक्षकांक चित्रपटसृष्टीचे विविध दृष्टिकोन जाणून घेवपाक मेळटा, असें तांणी सांगलें.
महोत्सवाची व्याप्ती वाडोवपाक माध्यमांची भूमिका अधोरेखित करतना, श्री. गोवारीकर हांणी माध्यम प्रतिनिधींक वेग वेगळ्या विभागांतले चित्रपट पळोवपाचें आनी तांचेर वार्तांकन करपाचें आवाहन केलें. तशें करतना आपलें स्वतंत्र मत आनी चिकित्सक दृष्टिकोन कायम दवरपाचेंय म्हत्व तांणी स्पश्ट केलें. इफ्फींतल्यो कथा आनी चित्रपटविषयक सादरीकरणां देशभरांतल्या प्रेक्षकां मेरेन पावोवपाक माध्यमांची भूमिका म्हत्त्वाची आसा, असें तांणी अधोरेखित केलें.
_20261120150349_80476f.jpeg)
महोत्सवाच्या पुराय कालावधीन माध्यम प्रतिनिधी आनी महोत्सव आयोजक हांचेमदीं अर्थपूर्ण आनी अनौपचारिक संवाद घडोवन हाडपाची आपली तयारीय तांणी उक्तायली. माध्यम प्रतिनिधींच्या व्यावसायिक जबाबदारीचो विचार करून, संवाद सत्रांच्या वेळापत्रकांत बदल केल्यात, जाका लागून तांकां चड लवचिकता आनी महोत्सवांतल्या वेग वेगळ्या उपक्रमांचें वार्तांकन करपाखातीर गरजेचो तितलो वेळ मेळटलो, अशें तांणी सांगलें.
ह्या पत्रकार परिषदे वेळार, श्री. आशुतोष गोवारीकर हांणी 57व्या भारतीय आंतरराष्ट्रीय चित्रपट महोत्सवाच्या अधिकृत माहिती पुस्तिकेचेंय अनावरण केलें.
ह्या माध्यम संवादात महोत्सवाचो दृष्टिकोन आनी कार्यक्रमांचो मुखेल प्राधान्यक्रम हांची सविस्तर म्हायती दिली. तशेंच, इफ्फीचें आंतरराष्ट्रीय चित्रपट व्यासपीठ म्हणून स्थान बळकट करपाखातीर आनी विविध संस्कृतींमदीं आदान-प्रदान घडोवन हाडपाखातीर माध्यमांचो सहभाग आनी यत्न कितले म्हत्त्वाचे आसात, हें अधोरेखित केलें.
Read IFFILOID here: https://www.pib.gov.in/iffi/57/iffiLoid.aspx?yr=2026&lang=1®=48
* * *
पीआयबी मुंबई | मनाली प्रभूगांवकर/मोनाली प्रभू/दर्शना राणे