La pynlong ïa ka jingïalang bad ki lad pathai khubor mynta ka sngi ha PIB Media Centre, Panaji, Goa, ha ka por ba dang pynlong ïa ka Internationa Film Festival kaba 57 jong ka India (IFFI). Ha kane ka jingïalang la wan ïashim bynta lang U Ashutosh Gowariker, u ba dei u Director jong ka ka Tamasa IFFI kaba 57, bad U Dhiraj Singh, Managing Director jong ka National Film Development Corporation (NFDC) bad la pynïaid ïa kane ka jingïalang da ka Smita Vats Sharma, Director General (West), Press Information Bureau (PIB).
Haba kren sha ki lad pathai khubor, u Ashutosh Gowariker u la pynshai ïa ka jingthmu jong u na ka bynta ka IFFI kaba 57, kaba pynleit jingmut ha ka phangpdeng ‘Ki Khana Khlem khlem ka jingbuh Pud’. U la batai ba kane ka phang ka kynthup ym tang ïa ki pud jong ki jaka bad ki ri, hynrei ïa ki jingeh bad ki jingïakhlad kiba mih hapoh ki longïing bad ha ka imlang sahlang, kynthup ïa kito kiba wan na ki kyrdan katkum ka tynrai longiing jong ki, ka jingiapher ha ka rukom im ha ka imlang sahlang bad kiwei pat ki jingshisha kiba ïadei bad ka dustur bad ka kolshor. Kane ka tamasa ka thmu ban wanrah lang ïa ki khana kiba pyni ba ki briew na ki kolshor bapher bapher ki don ïa ki jingshem bad ki rukom im kiba ïasyriem.

Haba u pynpaw ïa ki bynta bapher bapher jong ki kam shna phlim kiba don ha kane ka tamasa, u Gowariker u la pynbna ba mynta u snem yn sa pynrung lai tylli ki bynta ki ba thymmai, kata ka Animation, Documentary bad ka Films about Films. U la pynpaw ïa ka jingkiew jong ka jingdonkam jong ki phlim Documentary, bad ïa ka jingdonkam ban ai ka rynsan kaba kham heh ïa ki nongshna ïa kum kine ki phlim, khnang ba ki kam jong ki kin ioh kham bun ki lad ban pyni bad kin ioh ruh ïa ka jingithuh. Kum shi bynta jong kane ka sienjam, ka IFFI kan pynlong ïa ka jingïalang kaba kyrpang ban pyni ïa ki phlim ba la shna da ki nongjop ha ka tamasa Mumbai International Film Festival (MIFF) kaba dang shu kut shen.
Haba u kren halor ka jingdonkam jong ki bynta bapher bapher jong ka prokram jong kane ka tamasa, u la pynpaw ba man la ka bynta, kynthup ïa ki phlim rim kiba la pyni biang, ki bynta jong ki phlim ba la jied kyrpang bad ki jingïapyni kyrpang ia ki phlim, ka don la ka jong ka bynta ban pyni ïa ka jingriewspah bad ka jingbun rukom jong ka kam shna phlim. U la kyntu ïa ki lad pathai khubor ba kim dei ban peit tang ïa ki phlim katkum ka jingjied bad ka jingsngewtynnad jong ki, hynrei ba ki dei ruh ban leit sha ki jingïapyni phlim kyrpang, ki jingïalang ha red carpet, ki jingïalang bad ki lad pathai khubor na ki ri bapher bapher bad ki jingïakren halor ka Panorama. U la ong ba kum kine ki jingïashim bynta ki ai lad ïa ki nongshna phlim bad ki nongmihkhmat na ki bynta bapher bapher ban pyni bad ïasam ïa ki kam jong ki, ha kajuh ka por ki paidbah ruh ki ïoh lad ban tip bad sngewthuh ïa ki rukom shna ïa ki phlim bapher bapher.
Haba u kren halor ka bynta jong ki lad pathai khubor ban pynsaphriang ïa ka khubor bad ka nam jong kane ka tamasa sha ki paidbah, u Gowariker u la kyntu ïa ki nongmihkhmat jong ki lad pathai khubor ba ki dei ban peit bad pynmih khubor halor ki phlim na ki bynta bapher bapher jong ka tamasa, kynthup ïa ki phlim rim kiba la pyni biang, katba ki dang bat ïa la ka jong ka jingbishar bad ka jingpyrkhat shimet. U la ban jur ba ka jingïashim bynta jong ki lad pathai khubor ka don ka bynta kaba khraw ban pynpoi ïa ki khana bad ki phlim jong ka IFFI sha ki paidbah ha kylleng ka ri
U la pynpaw ruh ba u kloi ban pynlong ïa ki jingïakynduh bad jingïakren kiba laitluid hapdeng ka kynhun pynlong tamasa bad ki nongmihkhmat jong ki lad pathai khubor ha baroh shi lynter jong ka tamasa. Haba sngewthuh ïa ki kamram bad ki jingkitkhlieh jong ki nongtrei ha ki lad pathai khubor, U la ong ruh ba la pynbeit ïa ki por jingïakynduh khnang ban ai ka por kaba biang ïa ki nongpathai khubor ban lum bad pynmih khubor halor ki kam bapher bapher kiba iadei bad kane ka tamasa.
Ha ka por jong ka jingïalang, U Ashutosh Gowariker u la pyllait paidbah ruh ïa ka kot lyngkdop ba pura jong ka Tamasa Phlim International jong ka India kaba 57.
Kane ka jingïakren bad ki lad pathai khubor ka la pynshai shaphang ka jingthmu bad ki prokram jong kane ka tamasa, ha kajuh ka por kaba pynpaw ïa ka jingdonkam jong ka jingïatreilang bad ki lad pathai khubor ban pynkhlaiñ ïa ka IFFI kum ka rynsan phlim kaba pawnam ha ka pyrthei bad ban pynïasoh ïa ki kolshor bapher bapher.
********