প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী শ্রী অমিত শাহগী লমজিং মখাদা মীচেন ওইরবা ক্রিমিনেলশিংগী মায়োক্তা অকনবা ফিরেপ লৌদুনা, ভারতনা ২০২১দগী লৈবাক ৩৬তগী মীচেন ওইরবা ক্রিমিনেল ২৭৪ পুরকপা ঙমখ্রে। মীচেন ওইরবা মীওইশিংগী মায়োক্তা থবক পায়খৎপা হেনগৎহন্নবা, প্রধান মন্ত্রী শ্রী নরেন্দ্র মোদীনা ২০১৮দা পল্লিবা ইকোনোমিক ওফেন্দরস এক্ত চৎনহনখি। গৃহ মন্ত্রী শ্রী অমিত শাহগী লমজিং মখাদা, ভারতনা মীচেন ওইরবা মীওইশিংগী মায়োক্তা ইন্তিগ্রেতেদ, ইন্তেলিজেন্স-বেজ অমসুং তেক্নোলোজী-দ্রিভেন মোদেল অমা শেমখ্রে। মসিনা মখোয়গী মায়োক্তা হেন্না অকনবা খোঙথাংশিং লৌখৎনবা অমসুং মখোয়বু ভারত্তা হল্লকপা য়াহন্নবা লম্বী য়াৎলি।

২০১৪গী মমাংদা, লৈবাক অসিগী এক্সত্রাদিসন ফ্রেমৱার্ক অসি মতমগা চুনবা ওইদ্রে, অমসুং ভারতনা লৈবাক ৩৭ খক্তগা এক্সত্রাদিসন ত্রিতি লৈরম্মি। ইকনোমিক ফ্যুজিতিব পন্দুনা লৈরিবশিংবু য়েংশিন্নবা নৎত্রগা মখোয়গী এসেৎশিং লৌথোক্নবা অখন্নবা আইন অমত্তা লৈখিদে। ২০০৪ অমসুং ২০১৩গী মরক্তা, ভারতনা চহিদা চাংচত্তা মীচেন ওইরবা মীওই মরি খক্তমক এক্সত্রাদিসন তৌখি, অদুগা এক্সত্রাদিসনগী রিক্বেস্ত ১১০দি পন্দুনা লৈখি। মসিগী মথক্তা, মপুং ফাদ্রিবা দোক্যুমেন্তশিং অমসুং খোংজেল তপ্না থবক পাংথোকপা অসিনা এক্সত্রাদিসনগী থৌওংবু য়াম্না লুহল্লি, অমসুং মসি মপান লৈবাক্কী কোর্তশিংনা এক্সত্রাদিসনগী হায়জবশিং য়াখিদে। ইন্দিয়াগী এক্সত্রাদিসনগী থবকশিং অসিসু আইনগী অমসুং জুরিসিএলগী ওইবা খুদোংচাদবশিং মায়োক্নখি। মসিগী মনুংদা দবল জিপরদী অমসুং দবল ক্রিমিনেলিতীগী প্রিন্সিপলশিং য়াওরি। মসিনা এক্সত্রাদিসনগী রিক্বেস্তশিং রিজেক্ত তোইনা তৌহল্লি। মসিগী মথক্তা, গৃহ মন্ত্রালয় অমসুং অতোপ্পা দিপার্তমেন্তশিংগী মরক্তা ইফেক্তিব ওইবা কোওর্দিনেসন অমসুং য়ুনিফাইদ স্ত্রেতেজী লৈতবনা খুমাং চাউশিনবা ঙমহনখিদে। মীচেন ওইরবা মীওইশিংগী ইনফোর্মেসন শিয়র তৌনবা, লোকেসন ত্রেক তৌবা অমসুং রেদ কোর্নর নোতিসশিং ইসু তৌবা অসিসু খোঙজেল তপ্না চংশিল্লি।

মমাংগী সরকারশিংনা মীচেন ওইরবা মীওইশিংবু হল্লক্নবা রাজনিতীগী ওইবা থৌনা লৈখিদে। মোদী সরকারনা মীচেন ওইরবা মীওইশিংবু এক্সত্রাদিসন তৌবা অসি 'নেস্নেল প্রাইওরিতি' অমা ওইহনখ্রে। প্রধান মন্ত্রী শ্রী নরেন্দ্র মোদীগী মঙলানগী মতুং ইন্না, কেন্দ্রগী গৃহ মন্ত্রীনা মীচেন ওইরবা মীওইশিংগী মায়োক্তা মখল অহুমগী স্ত্রেতেজী অমা পায়খৎনবা মরুওইবা পীরি: মালেমগী ওইবা থবক পায়খৎপা, মপাঙ্গল কনবা কোওর্দিনেসন অমসুং স্মার্ত দিপ্লোমসী। শ্রী অমিত শাহনা মীচেন ওইরবা ওফেন্দরশিংগী ইসু অসি লৈবাক অসিগী সোভরেন্তী, ইকোনোমিক স্তেবিলিতী, লো এন্দ ওর্দর অমসুং নেস্নেল সেক্যুরিতীগা মরী লৈনৈ হায়না ফোংদোকখ্রে।

মোদী সরকারনা ২০১৯দা এন.আই.এ. (এমেন্দমেন্ত) এক্ত অমসুং য়ু.এ.পি.এ. (এমেন্দমেন্ত) এক্ত চৎনহনখি অমসুং ২০২০দগী হৌরগা, মীচেন ওইরবা ওফেন্দরশিং ভারত্তা পুরকপগী থৌওং অসি মিসন মোদতা লৌখৎখি। মসিনা মরম ওইদুনা, চৎন-কাঙলোন ঙাক্না চৎনহন্নবা হোৎনবা অসি মখা তানা অথিংবা থম্লবা লুপ খক্তদা য়ুম্ফম ওইখিদে। এক্সনগী স্কোপ অসি ইন্দিভিজুএল তেরোরিস্তশিং, হেন্দলরশিং, ফন্দিং নেৎৱার্কশিং, অমসুং মপাল্লমদা লৈবা সপোর্ত সিস্তেমশিং য়াওহন্নবা পাকথোক চাউথোকহনখি। মসিনা মীচেন ওইরবা মীওইশিং থিদোক্নবা অমসুং মখোয়গী নেৎৱার্কশিং মুত্থৎনবা ভারতকী তৌবা ঙম্বগী মতিক অদু হেন্না মপাঙ্গল কনখৎহনখি।

২০২৪দা, মোদী সরকারনা অনৌবা ক্রিমিনেল লো অহুম চৎনহনখি, মসিদা পল্লিবা ওফেন্দরশিংগা মরী লৈনবা অখন্নবা প্রোভিজনশিং য়াওখি। অহানবা ওইনা, ভারতী নাগরিক সুরক্ষা সনহিতা (বি.এন.এস.এস.) গী সেক্সন ৩৫৫ অমসুং ৩৫৬ না এবসেন্সিয়াদা ত্রাইএল তৌনবা প্রোভিজন য়াৎলি। মসিনা কোর্ত্তগী হৌরগা প্রোসিক্যুসন ফাওবগী জুদিসিএল প্রোসেস মপুং ফানা মীচেন ওইরবা মরাল লৈরবা মীওই অমা লৈত্রবসু লোইশিনবা ঙমহল্লি।

২০২২দা, ভারতনা ৯০শুবা ইন্তরপোল জেনরেল এসেমব্লী য়ুম্বু ওইদুনা পাংথোকখি। মদুদা কেন্দ্রগী গৃহ মন্ত্রী শ্রী অমিত শাহনা মালেমগী পুলিসকী য়ুম্বী অহুম - কম্ম্যুনিকেসন, কোলাবোরেসন অমসুং কোওপরেসনগী মরুওইবা অদু ফোংদোকখি। ভারত অমসুং মালেমগী আইন চৎনহনবা এজেন্সীশিংগী মরক্তা কোওর্দিনেসন, কনেক্তিবিতী, অমসুং ইনফোর্মেসন শিয়র তৌবা হেনগৎহন্নবা, কেন্দ্রগী গৃহ মন্ত্রীনা জনুৱারী ২০২৫দা ভারতপোল হৌদোকখি। ভারতপোলনা সি.বি.আই., স্তেৎ পুলিস হেদক্বার্তরশিং (ইন্তরপোল লায়াসন ওফিসরশিং - আই.এল.ও.শিংগী খুত্থাংদা), অমসুং দিস্ত্রিক্ত পুলিস হেদক্বার্তরশিংবু প্লেৎফোর্ম অমখক্তদা পুনশিন্দুনা মপুং ফাবা ইনফোর্মেসন ইনফ্রাস্ত্রকচর অমা শেমখ্রে। মসিগী খোঙথাং অসিগী মখাদা, রাজ্য অমসুং কেন্দ্রগী এজেন্সীশিংগী য়ুনিৎ ১৪০০ হেন্না পোর্তেল অসিগী খুত্থাংদা শম্নহনখ্রে। মসিনা ইনফোর্মেসনগী অপনবা লৈতবা ফ্লো অমা লৈহল্লগনি। মসিনা মরম ওইদুনা, সিবিআই অমসুং অতোপ্পা লো এনফোর্সমেন্ত এজেন্সীশিংগী মরক্তা ইনফোর্মেসন শেয়র তৌনবগী রেস্পোন্স তাইম অসি য়াম্না হন্থরে। ঙসিদি, সিবিআইনা থিজিল্লিবা ইনফোর্মেসন অসি অতোপ্পা লো এনফোর্সমেন্ত এজেন্সীশিংনা নুমিৎ ১০দগী ২০ ফাওবগী মনুংদা, অমসুং করিগুম্বা মতমদা নুমিৎ ৩দগী ১০ ফাওবগী মনুংদা শিয়র তৌবা য়াহল্লি। মসিনা থিজিন-হুমজিনবা অমসুং এক্সত্রাদিসন প্রোসিদিংগী ইফিসিএন্সীদা চাউনা ফগৎহল্লি। কেন্দ্রগী গৃহ মন্ত্রীনা মসিগী মাইকৈ অসিদা মরু ওইবা মীফম মঙা পাংথোকখ্রে।

মোদী সরকারনা প্রিভেন্সন ওফ মানি লোন্দরিং এক্ত (পি.এম.এল.এ.) অসি হেন্না কনবা মওংদা চৎনহনখ্রে। পি.এম.এল.এ.গী অকনবা মওংদা চৎনহন্দুনা, মোদী সরকারনা ২০১৯ অমসুং ২০২৬গী মরক্তা মীচেন ওইরবা ক্রিমিনেলশিংগী লুপা করোর ১৭,৮৭৪গী এসেৎশিং এতেচ তৌখি। মীচেন ওইরবা মীওইশিং থিদোক্নবা অমসুং ফারক্নবা হোৎনরিবা ইন্তর্নেস্নেলগী খোঙথাংশিং মপাঙ্গল কনখৎহন্নবা, সেন্ত্রেল ব্যুরো ওফ ইনভেস্তিগেসন (সি.বি.আই.) না স্পিসিয়েল গ্লোবেল ওপরেসন সেন্তর অমা লিংখৎলে। সেন্তর অসিনা ইন্তরপোলগী খুত্থাংদা মালেমগী পুলিস এজেন্সীশিংগা রিয়েল তাইমদা কোওর্দিনেৎ তৌদুনা মীচেন ওইরবা মীওইশিংবু খোঙজেল য়াংনা ত্রেক তৌবা অমসুং ফারকপা ঙমহল্লি। ইনফোর্মেসন থুনা একচেঞ্জ তৌনবগীদমক, সিবিআইনা রাজ্য খুদিংমক্তা অমসুং সেন্ত্রেল ইনভেস্তিগেসন এজেন্সী পুম্নমক্তা ইন্তরপোল কন্তেক্ত ওফিসরশিংসু খন্নখ্রে। মসিনা মীচেন ওইরবা মীওইশিংগী থিবদা কোওর্দিনেসন অমসুং ইন্তর্নেস্নেল কোওপরেসন হেন্না চেৎশিলহল্লে।

ইন্তরপোলনা থোকপা রেদ কোর্নর নোতিস মশীং অসি হৌখিবা চহিশিংদা য়াম্না হেনগৎলক্লি। ২০২২দা রেদ কোর্নর নোতিস ৪০, ২০২৩দা ১০০, ২০২৪দা ১০৭, ২০২৫দা ১১২ অমসুং ২০২৬দা হৌজিক ফাওবদা ১৮২ থোকখ্রে। মীচেন ওইরবা ওফেন্দরশিং থিদোক্নবা হোৎনরিবা অসি মপাঙ্গল কনখৎহন্নবা, ওপরেসন ত্রিশুল হৌদোকখি। থৌরাং অসিগী মখাদা, ইন্তরপোলনা মতেং পাংদুনা, সেতেলাইত ইনপুতশিং, সর্ভিলেন্স, অমসুং দিজিতেল ফুতপ্রিন্ত এনালাইসিস শীজিন্নদুনা, মীচেনশিংনা লৈরিবা মফমশিং অদু খঙদোকখি। মপান লৈবাক্তা লৈরিঙৈদা মীচেন কয়া অমনা মখোয়গী মমিং নৎত্রগা শক্তাক হোংখি। অদুম ওইনমক, এদভান্স তেক্নোলোজী অমসুং প্রোফাইল মেপ্পিং শীজিন্নদুনা, ভারতকী এজেন্সীশিংনা মখোয়বু মশক খঙদোকপা অমসুং ত্রেক তৌবা ঙমখি। তেক্নোলোজী অসিসু এক্সত্রাদিসন প্রোসিদিংশিং অথুবা মতমদা পাংথোক্নবগীদমক শীজিন্নরি। মসিগী মনুংদা কোর্ত হিয়রিংশিংগীদমক ভিদিও কনফরেন্সিং শীজিন্নবা য়াওরি। মসিনা লিগেল প্রোসেসশিং অথুবা মতমদা পাংথোকপদা মতেং পাংলি। হৌখিবা চহি অহুম অসিদা, রেদ কোর্নর নোতিস অসি মীচেন ওইরবা ক্রিমিনেল ৪০১গী মায়োক্তা থোকখ্রে।

হৌখিবা চহি মঙাদা মীচেন ২৭৪ পুরকপা ঙমখ্রে, চহিগী মতুং ইন্না অকুপ্পা মরোল পীরি

কেন্দ্রগী গৃহ মন্ত্রী শ্রী অমিত শাহগী লমজিং মখাদা, এক্সত্রাদিসনগী রিক্বেস্তশিং অসি হৌজিক্তি হেন্না প্রোফেস্নেল অমসুং স্তেন্দার্দাইজ তৌরবা মওংদা শেমগৎলি। মসিগী মথক্তা, অখন্নবা দোক্যুমেন্তরীগী মথৌ তাবশিং অমসুং অয়াবা পীরবা লৈবাক অদুগী আইনগী ওইবা থাজবশিং অদু কুপ্না য়েংলবা মতুংদা অইবা ওইবা থাজবা পীরকই। ভারত্তা অমুক হন্না পুরকখ্রবা মীচেনশিংদা তেরোরিজম, গেংস্তর, ফাইনান্সিএল ওফেন্দরশিং, নার্কোতিক্সকী মরাল লৈরবা মীওইশিং, অমসুং প্রোতেক্সন ওফ চিলদ্রেন ফ্রোম সেক্সুএল ওফেন্স (পোক্সো) এক্তকী মখাদা মী হাৎপা, রেপ তৌবা অমসুং ওফেন্সকী মতাংদা চৈরাক পীরিবা মীওইশিং য়াওরি।

তেরোরিজম, প্রো-খালিস্তান এক্সত্রিমিজম, গেংস্তর-তেরোরিস্ত নেক্সাস, দ্রগ ত্রাফিকিং, সাইবর ফ্রোদ, অমসুং ফেক করেন্সী য়াওবা কেসশিংদা পন্দুনা লৈরিবা মীওইশিং ভারত্তা হল্লক্নবা কেম্পেন অসি চত্থরি। য়ুনাইতেদ স্তেৎসতগী তাহৌৱুর হুসেন রানাগী এক্সত্রাদিসন অসি ভারতকী ৱারেপ অমসুং অরুবা তেরোরিস্ত কেসশিং থিগৎপদা লেপ্পা লৈতনা চৎথরিবা আইনগী অমসুং দিপ্লোমেতিক্কী থবকশিংগী মশক থোকপা খুদম অমনি। জম্মু অমসুং কাশ্মীরগা মরী লৈনবা হীরমশিংদা, মপান্দগী ওপরেৎ তৌরিবা মীচেনশিং অসি তেরোরিজম, নার্কো-তেরোরিজম অমসুং ক্রোস-বোর্দর সপোর্ত নেৎৱার্কশিং থম্নবা শীজিন্নখি।

মীচেন ওইরবা ওফেন্দরশিং ভারত্তা পুরকপদা মায় পাকপা অসি লাইবক ফরুবগী মহৈ নত্তে, মসি থাজবা থম্বা, মপুং ফানা লিগেল ওইনা শেম-শাবা, তুংকোইনা দিপ্লোমেতিক পর্সিস্তেন্স অমসুং লেপ্পা লৈতনা ফলো-অপ তৌবগী মহৈনি। দোমেস্তিক লেবেলদা, ইন্তেলিজেন্স ব্যুরো (আই.বি.), সেন্ত্রেল ব্যুরো ওফ ইনভেস্তিগেসন (সি.বি.আই.), রিসর্চ এন্দ এনালাইসিস ৱিং (আর.এ.দবল্যু.), নেস্নেল ইনভেস্তিগেসন এজেন্সী (এন.আই.এ.), এনফোর্সমেন্ত দাইরেক্তোরেত (ই.দি.), মিনিস্ত্রী ওফ এক্সতর্নেল এফিয়র্স (এম.ই.এ.), নারকোতিক্স কন্ত্রোল ব্যুরো (এন.সি.বি.), দাইরেক্তোরেত জেনরেল ওফ গুদস এন্দ সর্বিসেস তেক্স ইন্তেলিজেন্স (দি.জি.জি.আই.), অমসুং স্তেত পুলিস ফোর্সশিংগী মরক্তা নকননা থবক পায়খৎলি। মসিনা "হোল-ওফ-গভর্নান্স"কী অচুম্বা থৌওং অমা উৎলি, মসিদা কেন্দ্র অমসুং রাজ্যগী এজেন্সীশিংনা মীচেন ওইরবা মরাল লৈরবা মীওইশিং হল্লকহনবা অমসুং ভিক্তিমশিংদা অথুবা মতমদা অচুম্বা ৱায়েল ফংহন্নবা মতেং পাংদুনা থবক তৌরি।

২০২৬কী জনুৱারীদা ইন্তেলিজেন্স ব্যুরো (আই.বি.) গী মল্তি এজেন্সী সেন্তর (এম.এ.সি.) গী মখাদা স্তেন্দিং ফোকস গ্রুপ অমা শেম্বা অসিনা ভারতকী ফ্যুজিতিব মেনেজমেন্ত ফ্রেমৱার্ক মপাঙ্গল কনখৎহনবদা মরুওইবা ইন্সতিত্যুস্নেল ওইবা খোঙথাং অমা ওইরে। কাংলুপ অসিনা ফ্যুজিতিব কেসশিংবু মরু ওইনা লৌবা, দোসিয়রশিং স্তেন্দর্দাইজ তৌবা, ইনফোর্মেসনগী গেপশিং কোকহনবা, মপান লৈবাক্কী পার্তনরশিংগা লোয়ননা তুং কোইনা চৎমিন্নবা অমসুং স্তেত এজেন্সীশিংনা লৌখৎপা কেসশিংদা নেস্নেল লেবেলদা তেংবাং পীনবগী থৌদাং লৌই। মপান লৈবাক্তগী ওপরেৎ তৌরিবা মীচেনশিং অসি দোর্মেন্ত কেস ফাইলশিং নত্তে - মখোয়না লেপ্পা লৈতনা, কোওর্দিনেতেদ অমসুং প্রোএক্তিব এক্সন মথৌ তাবা তশেংবা ওপরেস্নেল থ্রেতসশিং ওইরি।

নোৎ য়েংনবা মসিদা ক্লিক তৌ

***